ئەڤرۆ نیۆز، قائید میرۆ

ل رۆژئاڤایێ قەزا مەخموور سوپایێ عێراقێ ھێرشەکا تیرۆرستێن داعش تێکشکاند و سەرکردەیەکێ گروپا داعش ژی ھاتیە کوشتن.
رەشاد گەلالی، بەرپرسێ کۆمیتەیا مەخموور یا ئێکەتیێ ب ئەڤرۆ نیۆز راگەھاند” ئەڤرۆ ل گوندەکێ نێزیک ناحیا گەیارە یا رۆژئاڤایێ قەزا مەخموور بەرپرسەکێ بلندێ گروپا تیرۆرستیا داعش بناڤێ فازل بەدر بەرپرسێ ئاسایشا داعش ل دەڤەرێ یە و د شەڕەکی دا ھاتیە کوشتن.
ژلایەکێ دیڤە ژێدەرەکێ ئاگەھدار ل قەزا مەخموور ب ئەڤرۆ نیۆز راگەھاند” شەڤا بۆری تیرۆرستێن داعش ل گوندێ خڕە بەردان یێ نێزیک مەخموور چەکدارێن داعش ھێرشی سەر سوپایێ عێراقێ کر و ھێرشا وان ھاتیە شکاندن .

ئه‌ڤرۆ نيوز:

فه‌رمانده‌كێ پێشمه‌رگه‌ى دبێژيت كو عيراقى رێ ناده‌ن پشكداريێ د ئازادكرنا گوندێ به‌شير دا بكه‌ن و رێڤه‌به‌رێ ئاسايشا كه‌ركووك ژى دده‌ته‌ زانين كو رۆژانه‌ ب به‌هانه‌يا ئازادكرنا وى گوندى هێزه‌كا مه‌زن يا حه‌شه‌د شه‌عبى ب چه‌كێ گران دبه‌نه‌ ناڤ باژێرێ كه‌ركووك.

هه‌لو نه‌جان، رێڤه‌به‌رێ ئاسايشا كه‌ركووك بۆ كوردستان 24 گۆت: “حوكمه‌تا عيراقێ گوندێ به‌شير وه‌كو كارته‌كا سياسى بۆ باژێرێ كه‌ركووك هێلايه و ب وێ به‌هانێ رۆژانه‌ هێزه‌كا زوور يا حه‌شه‌د شه‌عبى ب چه‌كێ گران دئيننه‌ ناڤ باژێرێ كه‌ركووك، هه‌كه‌ نه‌ هنده‌ گرتنا گونده‌كى كو ب گۆره‌ى پێزانينێن مه‌ كێمتر ژ 50 كه‌سان تێدانه‌ بۆچى هنده‌ك ب زه‌حمه‌ت كه‌فتيه‌؟”.

ژ لايێ خوه‌ ڤه‌ جه‌عفه‌ر شێخ مسته‌فا فه‌رماندێ هێزێن يه‌كا 70 يا پێشمه‌رگێ كوردستانێ گۆت: “پتريا ئوپه‌رسيون و وه‌زاره‌تا پێشمه‌رگه‌ى و فه‌رماندا گشتى يا هێزێن پێشمه‌رگه‌يێ كوردستانێ هه‌موو ره‌زامه‌ندى داينه‌ ل سه‌ر پشكداريكرنا مه‌ د گرتنا گۆندێ به‌شر دا، به‌لێ نوكه‌ عيراقى كێشان بۆ مه‌ دروست دكه‌ن و رێ ناده‌ن پشكداريێ بكه‌ين”.