ئەڤرۆ نيوز:
جێگرێ سەرۆک وەزیرێن ھەرێما کوردستانێ د کۆنفرانسێ چاکسازیێن دارایی دا ئاشکرا کر، ئارێشا دارایی و ئابووری مەترسیدارترین ئارێشەیە روو ب رووی ھەرێما کوردستانێ بووی، حوکمەتا ھەرێما کوردستانێ ژی ب ھەموو شیانان یا بزاڤێن چارەکرنا وێ دکەت و گۆت: “ھەکەر چاکسازیان د وەزارەتا دارایی دا نەکەین، ئەم نەشێین ھەرێمێ ژ ڤێ قەیرانا دارایی دەرباز بکەین، لەو دڤێت ژ وێ دەستپێ بکەین”.
ب بەرھەڤبوونا نێچیرڤان بارزانی، سەرۆک وەزیرێن ھەرێما کوردستانێ و قوباد تالەبانی، جێگرێ سەرۆک وەزیران و وەزیرێن حوکمەتێ و ھژمارەکا زۆر یا شارەزا و بسپۆرێن ئابووری، دوھی 27/1/2016 کۆنفرانسێ چاکسازیا ئابووری ل باژێرێ ھەولێرێ دەست ب کارێن خوە کر.
قوباد تالەبانی، جێگرێ سەرۆک وەزیرێن ھەرێما کوردستانێ دیار کر، بۆ دەربازبوون ژ ڤێ قەیرانا دارایی و ڤەگەراندنا ھەڤسەنگیێ د ناڤبەرا داھات و مەزاختنێن حوکمەتا ھەرێما کوردستانێ دا و دانانا ئابووریەکێ باش و سەقامگیر مە پێدڤی ب چاکسازیان د کەرتێ دارایی و ئابووریێ ھەرێمێ دا ھەیە
ل دۆر وەزارەتا دارایی و ئابووری جێگرێ سەرۆک وەزیران گۆت: “ھەتا ئەم ڤێ وەزارەتا گرنگ، ب ھەیکەل و شێوە و کارکرنەکا نوو کارا نەکەین، ھەموو بزاڤێن مە بۆ چاکسازیێ د کەرتێ دارایی و ئابووری دا دێ دسنووردار بن”.
خویا ژی کر، ئەرکێ ل سەر ملێن وانە وەکو حوکمەت رەوشا ژیانا پێشمەرگەی ژ ھەموو لایەکی ڤە باش و خوش بکەن و ب رژدی بزاڤان بکەن بۆ دابینکرنا مووچێ وان، دەربارەی خزمەتگۆزاریان ژی گۆت: “ئەم د زانین خزمەتگۆزاری د ئاستێ چاڤەرێبوونا گەلێ مە دا نینن”.
قوباد تالەبانی دا زانین کو دڤێت گەشەکرن ب کەرتێ تایبەت و بەرھەمێ کەرتێ گشتی بھێتە دان، بۆ پەترۆلێ و چەوانیا فرۆتنا وێ گۆت: “مە بڕیار دایە، پێداچوونەکا سەرانسەری، د شێوێ سەرەدەریکرن و فرۆتنا پەترۆلێ دا بھێتە کرن د ناڤ بازارێن ناڤخۆ دا، ژ بلی وێ پەترۆلا ب بۆریا دھێتە ھنارتن”.
دەربارەی سەقامگیرکرنا رەوشا ئابووری یا ھەرێما کوردستانێ، جێگرێ سەرۆک وەزیران گۆت: “ب ھێزکرنا دام و دەزگەھێن دارایی و ئابووری یێن ھەرێما کوردستانێ پێنگاڤا مە یا ئێکێ یە ژ بزاڤێن مە بۆ سەقامگیرکرنا رەوشا ئابووری یا ھەرێمێ، بێ باشترکرنا شیانێن وەزارەتا دارایی، چوجار ئەم نەشێین وەکو پێدڤی ھەرێما کوردستانێ ژ ڤێ قەیرانا دارایی دەرباز بکەین و ببینە خودان ئابوورەکێ سەقامگیر”.
نووترين نووچه
- پێدڤییە د پرۆسەیا سیاسی یا سووریێ دا هەلوەستێ كوردی ئێك بیت
- سەرۆكێ حوكمەتا هەرێمێ هەموو وەزارەت راسپاردن ب لەز لیستا مووچەیێ مەها ئادارێ بەرهەڤ بكەن
- هنارتنا پەترۆلێ دێ كاریگەری ل سەر داهاتێ ئیراقێ و كوردستانێ هەبیت
- حزبا كۆمۆنیستا چینی: ب گرنگیڤە دنێڕینە پەیوەندیێن خوە ل گەل پارتی دیموكراتی كوردستان
- رێككەفتنا 11 ئادارێ بەرهەمێ خەباتا پێشمەرگەی و هەموو تەخ و چینێن كوردستانێ یە
- رێككەفتنا 11 ئادارێ نموونەیا چارەسەرییەكا دادپەروەرانە بوو ل سەر بنەمایێ تێكگەهشتنێ
- سەرۆكێ هەرێما كوردستانێ: پێشوازیێ ل رێككەفتنا د ناڤبەرا سەرۆكێ سووریێ و فەرماندەیێ هەسەدێ دا دكەین
- مەسرور بارزانی: پێدڤییە كێشەیێن هەولێرێ و بەغدایێ ب شێوەیەكێ بنەڕەتی بهێنە چارەسەكرن
- رێككەفتنا 11 ئادارێ دەستكەفتا خەبات و قوربانیدانا كوردستانییان و شۆڕەشا مەزن یا ئیلۆنێ بوو
- مەسرور بارزانی و مستەفا كازمی رەوشا گشتی یا ئیراقێ و دەڤەرێ گەنگەشە كر
سه‌ره‌كى نووترين نووچه
رەنگە کونفرانسێ جنێڤێ ئالۆزیێن سووریێ مەزنتر بکەن
ئەڤرۆ نیوز:
مەولود چاڤۆش ئوگلۆ وەزیرێ دەرڤە یێ تورکیا د داخویانیەکا رۆژنامەڤانی دا ل جنێڤێ راگەھاند کو ئەو ب چ رەنگەکی قەبوول ناکەن نوونەرێن PYD رۆژئاڤا پشکداریێ د کۆنفرانسێ جنێڤێ دا بکەن و گۆت: (وەک بەرێز سەرۆک وەزیرێن مە ژی دیار کری ئەم چارەسەریێ بۆ شەر و ئالۆزیێن ل سووریێ دخوازین و پشتەڤانیێ ل سازکرنا کۆنفراسی جنێڤێ دکەین لێ نابیت پارت و ھێزێن کو بۆ مە جھێ مەترسیێ نە د کۆنفرانسێ دا پشکدار بن و پارتا یەکیتیا دیمۆکراتیک (PYD) بۆ مە رێکخراوەکا تیرۆرستی یە و ل سووریێ ھەڤکار و ھاریکارێ رژیمێ یە بۆ ڤێ چەندێ ژی نابیت بۆ کۆنفرانسێ جنێڤێ بھێنە ڤەخواندن).
وەزیرێ دەرڤە یێ تورکیا ھەروەسا راگەھاند ژی کو وی ل گەل ستیفان دی میستورا نوونەرێ تایبەت یێ نەتەوێن ھەڤگرتی بۆ پرسا سووریێ ئاخڤیە و د ھەڤدیتنێ دا گرنگیا تورکیا بۆ نەتەوێن ھەڤگرتی ھاتە زمان و سۆز دا کو ئەو دێ حەساسیەتێن تورکیا بەرچاڤ وەربگرن و گۆت: (نھا ھەری زێدە ئەم ل دژی داعشێ شەری دکەین و باجا ھەری زێدە یا شەرێ ناڤخوە یێ سووریێ ئەم ددەین و نابیت بێ ھزر و رامانا مە کۆنفرانس بھێتە سازکرن و ھەکە حەساسیەتێن مە بەرچاڤ نەگرن و PYD یان کەسێن سەر ب وان ڤەخوینن ئەم دێ ب تەمامی کۆنفرانسێ جنێڤێ رەت کەین و خوە ژێ ڤەکێشینین).
ل ئالیێ دی ئدریس بالوکەن ئەندامێ پەرلەمانێ تورکیا رەخنە ل سیاسەتا دەرڤە یا حوکمەتێ گرت و راگەھاند کو حوکمەتا داوود ئوگلۆ ل سەر بنگەھێ دژاتیا گەلێ کورد سیاسەتێ دمەشینیت و بۆ کۆ گەلێ کورد ل چو جھەکێ نەبنە خوەدان مافێن خوە خەباتا دبلۆماسیێ برێڤە دبەن و گۆت: (ئەز باوەر دکەم دێ ئەمریکا، روسیا و نەتەوێن ھەڤگرتی گەف و سیاسەتا نە رەوا یا حوکمەتێ کو ل دژی کوردان برێڤە دبەن رەت کەن و رێ خوەش بکەن نوونەرێن گەلێ کورد ل سووریێ و رۆژئاڤایێ کوردستانێ پشکداریێ د کۆمبوونێن جنێڤێ دا بکەن، ھەکە نا کۆنفرانس دێ بێ ئەنجام ب داوی ھێت و چو مفایێ کۆنفرانسی نابیت).
د ڤێ دەربارێ دا سەزگین تانری کولو جێگرێ سەرۆکێ پارتیا کۆماریا گەل ژی راگەھاند کو مافێ کوردێن رۆژاڤایە کو د کۆنفرانسێ جنێڤێ دا پشکداریێ بکەن و نە مافێ حوکمەتا تورکیایە دەستێوەردانێ د کۆنفراسێ ل دۆر سووریێ دا بکەت و گۆت: (مخابن ئێدی ل ھەر جھەکی خەلک ترانێن خوە ب تورکیا دکەن و دێ ئەڤ بزاڤا وێ یا ل دژی کوردێن رۆژئاڤا ژی ڤالا دەرکەڤیت).
چاڤدێرێن سیاسی ژی دیار دکەن کو ب سەروبەرێ نھا کونفرانسێ جنێڤێ دێ وەک یێن بەری نھا بیت و ناگەھیتە چو ئەنجامەکێ، چونکو ھەرچەندە بزاڤەکا مەزن بۆ چارەکرنا قەیرانا سووریێ ھەیە لێ د ھەمان دەمی دا بزاڤێن تێکدەرانە ژی د بەردەوامن.
دهۆك بۆ سڤككرنا قه‌یرانا ئابوورى ل سه‌ر وه‌لاتیان دێ كوم بیت
ئه‌ڤرۆ نیوز: ره‌وان نهێلى:
سه‌باح بابيرى سه‌رۆكێ فراكسیۆنا یه‌كگرتوو ئیسلامى كوردستان ل جڤاتا پارێزگه‌ها دهۆكێ بو ئه‌ڤرۆ نيوز راگه‌هاند كو رۆژا دوشه‌مبى دێ جڤاتا پارێزگه‌ها دهۆك كومبوونه‌كا تایبه‌ت ل دۆر چاوانیا سڤككرنا قه‌یرانا ئابوورى ل سه‌ر وه‌لاتیان ساز كه‌ت كو تێدا دێ به‌حسێ كێمكرنا بهایێ كلینیكا و نشته‌رگه‌رى و ده‌رمانان و بهایێ غاز و موه‌لیدا و كه‌ل و په‌لێن ناڤ بازارى و كریا خانى و دوكانا هێته كرن و هیڤى خواست بگه‌هنه هنده‌ك رێێن سڤككرنا ڤێ قه‌یرانێ.
ب وێنە: كه‌سه‌ك ژ 1991ێ وه‌ره هاريكاريا كوردان دكه‌ت
ئەڤرۆ نیوز، بارزان مزووری:
جەبار کەریم، نوونەری کومەکا خێرخوازێن ھاریکاری بۆ کوردستانێ کومکرین ل ئەلمانیا بۆ ئەڤرۆ نیوز ئاشکرا کر کو یازدەمین کاروانێ ھاریکاریێ گەھشتە ھەرێما کوردستانێ پێک دھات ژ چل تەنێن جلوبەرگا و پێلاڤ و دوشەک و ھەموو پێتڤیێن زڤستانێ ھەموو ژ وان نەھاتینە بکارئینان ژ لایێ کومپانیا ب ناڤ و دەنگ “ئالدی” پێشکێشی مالباتێن شەھیدا و خێزانێن پێشمەرگەھێن کوردستانێ و مالێن ھەژار و کێم دەرامەت ژ بەر بارودوخێ نھا یێ ھەرێما کوردستانێ گەلەک کارتێکرن ئێخستیە ل سەر ژیانا وان.
ناڤبری دیار کر کو کاروانێ دووازدێ ب ئانەھیا خودێ کومەکا ھاریکارییێن دارایی وەک پارە ل ئەلمانیا ھاتیە کومکرن بۆ ھەرێما کوردستانێ دھێنە رەوانەکرن بو ھەژارو کێم دەرامەت و ئاوارەیان.
ناڤبری گۆت: “د کوچا ملیۆنی دا ل سالا 1991 من د گەل کەسەکێ 72 سالی یێ ئەلمانی ھاریکاری ل ئەلمانیا ب رێیا فرۆکێ گەھاندنە باژێرێ باتمانێ ل باکورێ تورکیا نھا ئەو کەس یێ ساخە د گەل مالباتا خوە ل باژێرێن ئەلمانیا دگەرێن ھاریکاریا کۆم دکەن و بۆ ھەرێما کوردستانێ فرێ دکەن د گەلەک کاروانێن ھاریکاریان دا ئەو ب مالباتا خوە ڤە ھاتیە کوردستانێ ھەتا ھاریکاری گەھاندینە ھێزێن پێشمەرگەی ھەردەم ئەو کەسێ ئەلمانی دبێژیت حەتا بمرم مالباتا من ژی دێ بەردەوام خزمەتا کوردا کەت”.
ناڤبری زێدەتر گۆت: “ل دەست پێکا پێلا ئاوارەیان روو ل ھەرێما کوردستانێ کری پەیوەندی ب من کر و گۆت دا دەست ب کۆمکرنا ھاریکاریا بکەین بۆ ھەرێما کوردستانێ چونکو نھا کوردستان کەفتیە د رەوشەکا خراب دا ژ بەر ئاوارەیان ل دەست پێکا ھاتنا ئاوارەیان 2014 ھەتا نھا ئەڤە کاروانێ یازدێ یە دگەھیتە ھەرێما کوردستانێ”.
رۆژناما هاولاتى دێ هێته راوه‌ستاندن
ئه‌ڤرۆ نيوز، نيوار محه‌مه‌د سه‌ليم:
رۆژنامه و مالپه‌رێ هاولاتى، هه‌تا هه‌يڤه‌كا دى دێ به‌رده‌وام بن و ل 25ى شوباتا بهێت دێ بۆ ده‌مه‌كێ نه‌ديار هێنه راوه‌ستاندن.
ئه‌ڤرۆ رۆژا چارشه‌مبى د كۆنگره‌كێ رۆژنامه‌ڤانى دا ل باژێرێ سلێمانيێ خودان ئمتياز و سه‌رنڤيسه‌رێ رۆژنامێ ئاماده‌بوون و د به‌ياننامه‌كێ دا ئاشكه‌را كر كو هه‌تا 25ى شوباتێ دێ كار كه‌ن و پاشان ژى بۆ ده‌مه‌كێ دى كارێن وان دێ هێنه راگرتن.
ب گۆره‌ى به‌ياننامێ، ئه‌گه‌رێ ڤێ بڕيارێ ژى بۆ قه‌يرانا دارايى ڤه‌دگه‌ريت ئه‌وا دو ساله ل هه‌رێما كوردستانێ سه‌رهلداى و ميديايێ ژى پشكا خوه ب به‌ر كه‌فتى ب تايبه‌ت ژى ميديا ئه‌هلى.
هاولاتى داخوازێ ژ خه‌مخورێن ئازاديا راده‌ربڕينێ ب دووڤدا نه‌چن، ره‌نگه ب ئێكدارى رۆژنامه مالئاڤاهيێ ژ خوانده‌ڤانێن خوه بكه‌ن، چونكو نه‌شێت ئێدى ب ره‌نگێ خوه يێ دو سالێن بۆرى به‌رده‌وام بيت.
رۆژناما هاولاتى به‌رى 15 سالان ل هه‌رێما كوردستانێ و ل باژێرێ سلێمانێ ده‌ركه‌فت بوو و ل ده‌سپێكێ حه‌فتيانه بوو و پاشان ژى بوويه رۆژانه.
پێشتر ژى ژ ئه‌گه‌رێ قه‌يرانا دارايى هه‌ر ئێك ژ كه‌نالێ وار سپۆرت و رۆژناما وار ل دهۆكێ هاتينه گرتن.
داعش چ بۆ ئورۆپا ئامادەکریە؟
ئەڤرۆ نیوز، بارزان مزووری:
سەرۆکێ پۆلیسێن ئێکەتیا ئورۆپا راگەھاند کو چەکدارێن تیرۆرستێن داعش نەخشە رێیەکا مەزن ئامادە کریە کو ھێرشێ بکەنە سەر ئورۆپا.
روب واینرایت سەروکێ پۆلیسێن ئێکەتیا ئورۆپا ل رۆژا دوشەمبی 26 کانونا دویێ 2016 راگەھاند کو چەکدارێن تیرۆرستێن داعش ب ھەموو ھێزا خوەڤە بەرھەڤیێن خوە بۆ زنجیرەیەکا “پەلامارێن تیرورستی” دکەن کو ھێرشێ بکەنە سەر جیھانێ و وەلاتێن ئورۆپا، وەلاتێ فەرەنسا کریە ئێک ژ ئارمانجێن ھێرشا خوە یا سەرەکی.
گۆتیژی: “ل دووڤ نووترین راپۆرت چەکدارێن تیرۆرستێن داعش دڤێت ھێرشەکا بەرفرەھـ بکەتە سەر وەلاتێن ئورۆپا”.
به‌غدا ل به‌ره ده‌رمانان ژى ژ هه‌رێمێ ببريت
ئەڤرۆ نیوز، قائید میرۆ:
ئەندامەکێ لیژنا ساخلەمی ئیماژە بڤێ چەندێ دکەت، مەترسی ھەیە بەغدا بەھرا ھەرێما کوردستانێ ژ دەرمان و کەل و پەلێن ساخلەمی ببڕیت.
سرۆد سەلیم، ئەندامێ لیژنا ساخلەمی یا پەرلەمانێ کوردستانێ ب ئەڤرۆ نیۆز راگەھاند” ھەر ژ دەستپێکێ بەغدا بەھرا ھەرێما کوردستانێ ژدەرمان و کەل و پەلێن ساخلەمی بۆ ھەرێما کوردستانێ فڕێناکەت، مەترسی ھەیە رۆژەک بھێت حوکمەتا عێراقێ دەرمانا بۆ ھەرێما کوردستانێ ھەر نەھنێریت و ب ئێکجاری ببڕیت، ئەڤەژی جھێ مەترسیێ یە.
سەلیم دیارکر” ھیڤیدارین بەغدا پێنگاڤێن بڤی شێوەی نەھاڤێژیت، ژبەرکو دەرمان بابەتەکێ مرۆڤیە و ھەردەمێ بڕیارەکا وەسا ھاتەدان، ئەڤە حوکمەتا ھەرێما کوردستانێ دێ دەرمانا بۆ نەخۆشخانە و بنگەھێن ساخلەمی دابین کەت.
نووترين داخۆيانيا نێچيرڤان بارزانى ل دۆر مووچێ فه‌رمانبه‌ران
ئه‌ڤرۆ نيوز:
نێچيرڤان بارزانى سه‌رۆكێ حوكمه‌تا هه‌رێما كوردستانێ ل ده‌مێ پێشكێشكرنا گۆتاره‌كێ د كۆنفرانسێ چاكسازيێن داراى، به‌حس ل مووچێ فه‌رمانبه‌ران كر و راگه‌هاند: ئه‌و پارێ ئه‌م وه‌ردگرين كێمتره ژ مووچێ وان، به‌لێ مووچێ چو فه‌رمانبه‌ران ناسوژيت و ئه‌وێ دمينيت دێ بيته قه‌ر.
سه‌رۆكێ حوكمه‌تێ راگه‌هاند ژى كو كێمكرنا مووچێ فه‌رمانبه‌ران چاكسازيا دارايى نينه، به‌لكو سياسه‌تا ده‌ستگرن ب پاره‌يه، داخواز ژى ژ وه‌لاتێن ژ ده‌رڤه كر كو هاريكاريا دارايى يا هه‌رێما كوردستانێ بكه‌ن، چونكو ئه‌و ژ شه‌رێ داعش دژوارتره.
ئه‌ڤرۆ ژى رادارێن ھاتنوچوونێ دێ ل ڤان جهان هێنه دانان
ئەڤرۆ نیوز: مللەت جەمال:
خشتێ نوبەداریا رادارێن رێڤەبەریا ھاتن و چوونا پارێزگەھا دھۆکێ بو رۆژا چار شەمبی رێککەفتی 27ى كانوونا دويێ 2016 ل سەرانسەری پارێزگەھا دھۆکێ دێ ب ڤی رەنگێ خوارێ بن:
ل ناڤ سەنتەرێ باژێرێ دھۆک دێ بڤی شێوەی بن:
دانێ سپێدێ : 1- جاددا زرکا نێزیک گولخانا مالتا
2 دانێ سپێدێ : – جاددا بارزان نێزیک گەڤەرکێ
ب شەڤ : 3- جاددا بارزان نێزیک گەڤەرکێ
ب شەڤ : 4- جاددا بارزان نێزیک شندوخا
رادارێن قەزا شێخان دێ لڤان جھان ھێنە دانان
1- جاددا سەرەکی یا شێخان گوندێ دووشیڤان
2- جاددا سەرەکی یا شێخان نێزیک کومەلگەھا مەھەت
رادارێن قەزا بەردەرەش دێ لڤان جھان ھێنە دانان:
1- جاددا بەردەرەش بو ناحیا کەلەک نێزیک گوندێ گەورەسور
2- جاددا بەردەرەش بو ناحیا رۆڤیا نێزیک گوندێ ئامیان
رادارێن قەزا ئاکرێ دێ لڤان جھان ھێنە دانان
1- ل سەر جاددا سەرەکی یا راپەرین دناڤبەرا ترافیکما قەلعێ بو ترافیکا بەلدێ
2- ل سەر جاددا سەرەکی یا پیشەسازی دناڤبەرا ترافیکا ئازادی بو ترافیکا گەرەکا پیشەسازی
رادارێن قەزا سێمێل دێ لڤان جھان ھێنە دانان
1- جاددا سەرەکی دناڤبەرا سێمێل بو کومەلگەھا دوومیز
2- جاددا سەرەکی یا تەناھی بو سێمێل نێزیک فاملی موول
راداراێن قەزا زاخو دێ لڤان جھان ھێنە دانان
1- جاددا سەرکی یا زاخو نێزیک حەسەن ئاڤا
رادارێن قەزا ئامێدیێ دێ لڤانا جھان ھێنە دانان
1- جاددا سەرەکی سەرسنک بو قەدش نێزیک ئێنیشکێ
2- جاددا سەرەکیا قەدش بو ئامێدیێ نێزیک جاددا سکەی
رادارێن ناحیا زاویتە دێ لڤان جھان ھێنە دانان
1- جاددا زاویتە بو سارکێ
جاددا ئێتیت بو دھوک
بایکۆتا ماموستایان بھێتە کرن سالا خواندنێ ناھێتە ھژمارتن
ئه‌ڤرۆ نيوز:
سەرۆکێ لیژنا پەروەردە و خواندنا بلند یا پەرلەمانێ کوردستانێ ئاشکراکر، ئەگەر مامۆستا بایکۆتا سەرانسەری بکەن، ئەڤە دێ رێکخراوا نەتەوێن ئێکگرتی بڕیارێ ل دۆر ھژمارتنا سالا خواندنێ بۆ ھەرێما کوردستانێ دەرکەن، کا ئایا دێ ھێتە ھژمارتن یان نە و ھەکە ھژمارا رۆژێن خواندنێ ل گۆرەی پیڤەرێن نەتەوێن ئێکگرتی نەبیت، دوور نینە سالا خواندنێ نەھێتە ھژمارتن و گۆت: ھەموو بزاڤ یێ دھێنە دان چو بایکۆتێن سەرانسەری نەھێنە کرن و خواندنا قوتابخانان ب شێوەکێ ئاسایی برێڤە بچیت.
قەیرانا دارایی و نەبوونا مۆچان کارتێکرنەکا مەزن ل سەر گشت چینێن جڤاکی کریە، ب تایبەت پشتی دو ھەیڤان ژ وەرنەگرتنا مۆچان، چینا مامۆستایان ب تنێ نیڤ مۆچە وەرگرتی و ڤێ ژی کارڤەدانێن مەزن پەیداکرن، جار جار ژی دەنگو بەلاڤ دبن کو مامۆستایێن فلان قوتابخانێ بایکۆتا ھۆلێن خواندنێ کریە.
د. ئیبراھیم سمو، سەرۆکێ لیژنا پەروەردە و خواندنا بلند ل پەرلەمانێ کوردستانێ بۆ رۆژناما ئەڤرۆ گۆت “ئەم وەک لیژنا پەروەردێ، رۆژانە ل سەر خەتین ل دۆر پرسا بایکۆتا مامۆستایان و بزاڤێن چارەسەرکرنێ ددەین، بێگومان ئەگەر مامۆستایێن ھەرێما کوردستانێ بایکۆتا ھولێن خواندنێ بکەن، ئەڤە رێکخراوا یونیسێف دێ چاڤدێریا رەوشا خواندنێ کەت و دێ رۆژێن خوە یێن زانستی ھژمارکەت، ھەر دەمێ بایکۆتا سەرانسەری ل ھەرێما کوردستانێ ھاتەکرن و گەھشتێ، ئەڤێ پیڤەرێن زانستیێ رێکخراوا نەتەوێن ئێکگرتی دیاریکری، مخابن وی دەمی دێ بڕیار ھێتەدان سالا خواندنێ نەھێتە ھژمارتن.
ناڤبری زێدەتر دبێژیت: ھەموو بزاڤێن مە ئەون قوتابی بچنە دەوامێ و بایکۆتا سەرانسەری نەھێتەکرن، ھەر دەڤەرەکا مامۆستا بایکۆتا خواندنێ بکەت، ئەڤە دێ پێڕابوونێن کارگێڕی ھەمبەر ھێنە وەرگرتن، بەلێ ئەگەر ھەرێمێ ھەموویێ بایکۆت ھاتەکرن، وی دەمی دێ یونسێف بڕیارێ ل سەر چارەنڤیسێ قوتابیان بدەت و ھیڤیدارین نەگەھیتە ڤی رادەی.
ل دۆر چارەنڤیسێ خودان باوەرنامێن ماستەرێ، سمو دیار کر “ئەم ژی رازی نینن ب ڤی سیستەمێ وەزارەتا خواندنا بلند و ڤەکۆلینێن زانستی دانای بۆ بدەستڤە ئینانا ناڤ و نیشانێن زانستی بۆ خودان باوەرنامێن ماستەرێ و پەرلەمانی ب نڤیسارەکێ وەزارەت ئاگەھدارکریە، چونکە کارەکێ گرانە و ب چو رەنگان ئەم وەکی لیژنا پەروەردە و خواندنا بلند ل گەل ڤان مەرجێن گران نینین بۆ خوەدی باوەرنامێن ماستەرێ”.
نيشاندان
WP Facebook Auto Publish Powered By : XYZScripts.com