ئه‌ڤرۆ نیوز : ڤه‌ده‌ر ره‌شاڤایی:
ئیسمائیل كاهرامان به‌ربژێرێ پارتا داد و گه‌شه‌پێدانێ (ئاكه‌پێ) ب ده‌ستڤه‌ئینانا 316 ده‌نگان وه‌ك سه‌رۆكێ نوو یێ په‌رله‌مانێ توركیا هاته هه‌لبژارتن.
به‌ربژێرێن دی ئایشا بیلگه‌هان ژ (جه‌هه‌پێ) 127 ده‌نگ بده‌ستڤه‌ئینان، ده‌نگیر میر محه‌مه‌د فرات ژ پارتا گه‌لێن دیمۆكرات (هه‌ده‌پێ) 41 ده‌نگ بده‌ستڤه‌ئینان.
ئاكه‌پێ 317 كورسی و جه‌هه‌پێ 134 كورسی و هه‌ده‌پێ 59 كورسی و مه‌هه‌پێ 40 كورسی د په‌رله‌مانێ توركيا دا هه‌نه.
ئه‌ڤرۆ نیوز: ڤه‌ده‌ر ره‌شاڤایی:
جه‌نه‌رال و فه‌رماندێن سۆپایێ بریتانی نامه‌ك ئاراسته‌ی ده‌یڤد كامیرۆن سه‌رۆك وه‌زیرێن بریتانیا كرییه و تێدا نڤیسیه ” بتنێ د 14 رۆژان دا ئه‌م دشێین داعش لسه‌ر نه‌خشه‌ی هه‌میێ نه‌هێلین”.
پشتی سه‌ركه‌فتنا پێشمه‌رگه‌ی لسه‌ر داعش ل شنگالێ، فه‌رماندێن بریتانی داخاز ژ كامیرۆن كرییه هێزێن كوردی ل سوریا و ئیراقێ لسه‌ر ئاسته‌كێ مه‌زنتر و پێشكه‌فتی تر مه‌شق بده‌ت، ب هه‌بوونا هێزه‌كا مۆكۆم یا به‌ژاهی كو لسه‌ر عه‌ردی شه‌ری بكه‌ت و تانك و زریپۆشێن بریتانی ل سوریا لسه‌ر ستایلێ 2003 ێ یێ داگیكرنا ئیراقێ و ته‌كتیكێن بهێز د 14 رۆژان دا دێ داعش هێـه ژناڤبرن.
هه‌رچه‌ند هنده‌ك فه‌رماندان داخازا هنارتنا سه‌ربازێن بریتانی كرییه و لدووڤ داوی راپرسی پتری 80 سه‌دێ ژ بریتانیان لگه‌ل ڤێ هه‌لبژارتنێ نه، لێ فه‌رماندێن مه‌زن یێن بریتانی مه‌شقدانا كوردان پێ باشتره.
ئه‌ڤ پێشنیاره دده‌مه‌كی دا دهێت كو بریتانیا خوه به‌رهه‌ڤ دكه‌ت نه‌خشه‌رێییا خوه یا گشتگیر یا نوو بۆ خلاسكرنا جیهانێ ژ داعش، دروست بكه‌ت.
ئەڤرۆ نیوز:
رۆژناما لاگازیتا دیللو سپورت یا ئیتالی د نوچەیەکێ خوە یێ ئەڤرۆ دا دیارکری یە ستێرا پرتۆگالی کریستیانو رونالدۆی پشتی خوسارەتیا بەرامبەر یانا بەرشەلۆنا ب چار گولان بێ بەرامبەر ل گەل سەروکێ یانا ریال کومبوون کری یە و تێدا دیارکری یە راھێنەر رێژەکا مەزن بەرپرسیارە ژ خوسارەتیێ و پێدڤی یە بھێتە دورخستن ھەکە نە ھێتە دورخستن ئەو دێ یانێ ب جھـ ھێلیت .
ھەمان رۆژنامێ دیارکری یە ژی د روینشتنا خوە دا ل گەل سەروکێ یانا ریال مەدرید ستێرا تیمێ یێ پرتوگالی بۆ دیارکری یە یان ئەز یان بێنیتیز دێ ل یانا مەلکی بیت.
ئەڤرۆ نیوز، سالار دۆسکی:
ئەندامەکا جڤاتا نوونه‌رێن عیراقێ ژ فراکسیۆنا پارتی دیموکراتی کوردستان ئاشکرا دکەت کو وەزیرێ دارایی سوز دایە کو پارەی بۆ وەزارەتا بازرگانی یا عیراقێ بھنێریت ب مەرەما دانا پارێن جۆتیارێن کوردستانێ.
نەجیبا نەجیب ئەنداما جڤاتا نوونه‌رێن عیراقێ بۆ ئەڤرۆ نیوز گۆت: “مە وەزیرێ بازرگانی یێ عیراقێ ب وەکالەت مێھڤانی جڤاتا نوونه‌رێن عیراقێ کر و گەلەک پرس ژێ ھاتنەکرن و ئەندامێن جڤاتا نوونه‌رێن عیراقێ ژ لیستا پارتی گەلەک گڤاشتن ل سەر وەزیرێ بازرگانی کرن کا بۆچی پارێن جوتیاران ناھنێریت؟”.
نەجیبایێ گۆتژى: “وەزیرێ بازرگانی ب وەکالەت ئاشکرا کر کو پارە نینە، پارێ جۆتیارێن ھەرێمێ ب ھنێریت و سوز دا ب تنێ پارەک بھێت ئەو پارێ جوتیارێن ھەرێمێ ب ھنێریت”.
دا زانين ژى كو د کۆمبوونا وان دا ل گەل ھوشیار زێباری وەزیرێ دارایی و ئابووریێ ھەرێمێ داخواز کر کو پارەی بۆ وەزارەتا بازرگانی بھنێریت، دا پارێ جۆتیارێن ھەرێمێ بھێتەدان و وەزیری ژی ھەمبەر بابەتی سوز داینە.
ئه‌ڤرۆ نيوز:
ده‌مژمێر 11ى به‌رى نيڤرۆ يا ئه‌ڤرۆ رۆژا ئێكشه‌مبى رێكه‌فتى 22ى چريا دويێ 2015، هه‌ردو مه‌كته‌بێن سياسى يێن پارتى ديموكراتى كوردستان و مه‌كته‌با سياسى يا ئێكه‌تى نشتيمانى كوردستان يێ د كۆمبوونێ دا ژ بوو چاره‌كرنا كێشێن سياسى و هێشتا ژى يێ دانوستاندنێ دكه‌ن.
وه‌كو هاتيه زانين شاندێ ئێكه‌تيێ ژ مه‌لا به‌ختيار و قوباد ته‌له‌بانى و سه‌عدى پيره و حاكم قادر و شاندێ پارتى ژى نێچيرڤان بارزانى و فازل ميرانى و د. رۆژ و ئازاد به‌روارى و مه‌حمود محه‌مه‌د و دلشاد شه‌هاب پێكهاتيه.
به‌رى نوكه ئێكه‌تى نشتيمانى كوردستان ل گه‌ل گۆڕان و ئێكگرتوو ئيسلامى كوردستان و كۆمه‌لا ئيسلامى كۆم بوويه و پێشنيازه‌كا گۆڕان ژى ل گه‌ل شاندێ ئێكه‌تيێ يه دێ ده‌نه ده‌ست پارتى ديموكراتى كوردستان.
ئەڤرۆ نیوز، نەوزاد زادە ھلوری:
لوتکەیا ئابووری و وزێ یا ئەنجومەنا ئەتلانتیک د کارناما لوتکەیا ئەڤ سالە دا ب دووڤ ژێدەرێن وزەێن دن دگەریێن کو شوونا پەترولێ بگریت ل جیھانێ ب گشتی و وەلاتێن ئورۆپی ب تایبەتی.
پەترول و گازا سروشتی یا باشوورا کوردستانێ ژی ئێکە ژ وان وزەیێن کو شوونا وان دگریت ل بازارێن وزەیێن جیھانێ و پێشوازی لێ دھێتەکرن.
شارەزایێن دڤی واریدا وەسا ھزردکەن کو ئێدی ھێزا وزەیا باشوورا کوردستانێ ھاتیە دناڤ بازارێ وزەیا جیھانێ دا، بەلێ ئاسایشا وزەیا دەڤەرێ ئاستەنگان بەرامبەر وزەیا باشوورا کوردستانێ درۆستدکەن.
پانێلەکا وێ لوتکێ تایبەت ل بارا ئایندەیێ وزەیا کوردستانێ “فرێدبێرت فلوگەر” بەرپرسێ ناوەندا ئورۆپی بوو پرسێن وەز و ئاسایشا وزەیێ دیارکر کو پەترولا کوردستانێ نھا ھاتیە ناڤ بازارێ جیھانێ و دێ یا بەردەوام ژی بیت دڤی بازارێ جیھانی دا، بێگومان شەرێ پێشمەرگە بو بەرنگاربوونا داعشێ و تێکچونا ئاسایشا دەڤەرێ و نزمبوونا بھایێ نەچاڤەرێکریێ پەترولێ ئاستەنگ درۆستکرینە بەلێ پەترول و گازا سروشتی یا باشوورێ کوردستانێ دێ رولەکێ تەکتیف ھەبیت ل ئایندە.
فلوگەر ھەروەسا گوت ژی: (سیاسەتا وەزیا باشوورێ کوردستانێ د کێشانا بەرھەم ھێنەرێن بیانی بوو دەڤەرێ یا سەرکەفتی بوویە و کارتێکرن سەر سیاسەتا وەزەیا وەلاتێن دەڤەرێ کریە، بو نموونە ئێران، ژ بەرڤێ سیاسەتا کوردان ژ روویێ وزەیێ ب سەرکەفتی دبینم و دڤێت یا بەردەوام بیت بو دەربازبوون ژ وان ئاستەنگان).
شارەزایێن ڤی بواری گەشبینن ب ھنارتنا پەترولێ ل باشوورێ کوردستانێ بوو بازارێن جیھانێ، و ئەڤ یەک ژی ژچاڤەرێکریێن ھنارتنا گازا سروشتی یا باشوورێ کوردستانێ نە، کو دێ بیتە ژێدەرەکێ جھگر بوو تورکیا و وەلاتێن ئورۆپی.
ئەڤرۆ نیۆز، قائید میرۆ:
پشتی ئالۆزیێن قەزا خورماتوو دناڤبەرا کورد و میلیشیاتێن شیعە دەواما فەرمانگەھێن حوکمەتێ ھاتبوو راگرتن، بەرپرسەکێ قەزایێ ژی رادگەھینە، ئەڤرۆ فەرمانگەھێن حوکمەتێ دەست بکارێ خوە کر.
مەحەمەد فائیق، پەیڤدارێ قایمقامیەتا قەزا خورماتوو دداخویانیەکێ ب ئەڤرۆ نیۆز راگەھاند” چەند رۆژەکە رەوشا ئەمنیا قەزا خورماتوو بەرەف ئاسایی بوونێ دچیت و ددەمێ نوکەدا چو شەڕۆ ئالۆزی دناڤبەرا کورد و شیعەیان نینە.
فائیق مەحەمەد گۆتژی” ژبەرکو رەوشا خورماتوو ئاساییە و خەلک ڤەگەڕیایە سەر کارێ خوە و بازاڕ ھەیە، قایمقامێ قەزایێ بڕیاردایە ئەڤرۆ فەرمانگەھێن حوکمەتێ دێ دەست ب دەواما خوە یا فەرمی بکەن.
ئه‌ڤرۆ نيوز:
به‌رى ده‌مه‌كێ كێم كۆمبوونا پارتى ديموكراتى كوردستان و ئێكه‌تى نشتيمانى كوردستان ل هه‌ولێر ده‌سپێكر.
پێشتر مه‌لا به‌ختيار، به‌رپرسێ ده‌سته‌يا كارگێرى يا مه‌كته‌با سياسى يا ئێكه‌تى نشتيمانى كوردستان د داخۆيانيه‌كێ دا راگه‌هاندبوو كو ئه‌ڤرۆ رۆژا ئێكشه‌مبى رێكه‌فتى 22ى چريا دويێ 2015 دێ ئێكه‌تى ل گه‌ل پارتى ديموكراتى كوردستان كۆم بيت مه‌ره‌م ژ ڤێ كۆمبوونێ ژى نيشان دانا بۆچوونا گۆڕانه بۆ پارتى ديموكراتى كوردستان.
پێشر ئێكه‌تى نشتيمانى كوردستان ل گه‌ل هه‌ر ئێك ژ بزاڤا گۆڕان و يه‌كگرتوو ئيسلامى كوردستان و كۆمه‌لا ئيسلامى كۆم بوويه.
ئەڤرۆ نيوز:
پرۆژێ چێکرنا تونێلا ئامێدیێ کو ئێکە ژ مەزنترین پرۆژێن ستراتیژی ل پارێزگەھا دھوکێ ھەتا نوکە 70% ھاتیە ب جھئینان و کار تێدا یێ بەردەوامە.
حسێن خالد، قەیمقامێ قەزا ئامێدیێ دیار کر کو پرۆژێ تونێلا ئامێدیێ و بەرفرەھکرنا جاددێ ئێکە ژ پرۆژێن ستراتیژیێن پارێزگەھا دھوکێ کو قەیرانا دارایی کارتێکرن لێ نەکریە و بۆ ئەڤرۆ گۆت: “کار د چێکرنا وی پرۆژەی دا یێ بەردەوامە و ب تمامبوونا وی دێ خزمەتەکا مەزن گەھینیتە وەلاتیان، ئەڤە دێ بیتە جاددا سەرەکی یا چەند گوندان و پەیمانگەھا تەکنیکی یا ئامێدیێ و رێڤەبەریا پەروەردا ئامێدیێ و چەند فەرمانگەھەکێن دی”.
ناڤھاتی ئاماژە ب وێ چەندێ ژی کر، پرۆژە وەکو تونێل ب دووماھی ھاتیە، بەلێ ئەو جاددا کو ژ لقێ 18یێ پارتی دەستپێ دکەت و د تونێلێرا دبۆریت ھەتا کو دگەھیتە خالا دووماھیێ نوکە کار یێ ل سەر دھێتە کرن و گۆت: “ھەتا نوکە 70% پرۆژە ب دووماھی ھاتیە، درێژاھیا وێ 155 میترن و 25 ملیار دینار بۆ پرۆژێ تونێلێ و بەرفرەھکرنا جاددا ئامێدیێ ژ لایێ حوکمەتا ھەرێما کوردستانێ ڤە ھاتینە تەرخانکرن و چاڤەرێ دھێتە کرن د دەمێ خوە دا ب دووماھی بھێت و بکەڤیتە د خزمەتا وەلاتیان دا”.
نيشاندان