ئەڤرۆ نیوز: کاروان باعەدری:
ئەو قوتابیێن ڤێ دووماھیێ خواندنا خۆ ھێلاین و کۆچبەری ئەلمانیا بووین دێ شین بەردەوامیێ دەنە خواندنا خۆ ل ئەلمانیا.
ھەژار مودیر بەرپرسێ راگەھاندنا بنگەھێ لالش ل ئەلمانیا بۆ ئەڤرۆ نیوز گۆت: بنگەھێ لالش ل ئەلمانیایێ بەرھەڤی دیار کریە کو ھەر قوتابیەکی کۆچبەری ئەلمانیا بووی دشێت بەردەوامیێ بدەتە خواندنا خۆ ل زانکۆیێن ئەلمانی ئەڤە ژی ئێک ژ کارێن بنگەھێ لالش بوو بۆ وان قوتابیان، چونکو گەلەک ژ وان خواندنا خۆ ب ھەدەر دا بوون.
مدیر ئاماژە دا وێ چەندێ: بۆ وان قوتابیان ئەوێن دڤین ل زانکۆیا بخوینن و دڤێت ماڤێ پەنابەریتیێ ھەبیت و کۆرسێ زمانێ ئەلمانی تەمام کربیت.

ئەڤرۆ نیوز: کاروان باعەدری:
فرۆکەیێن ھەڤپەیمانا بنگەھێن داعش د ناڤا سەنتەرێ باژێرێ شنگالێ دا تۆپبارانکرن و ھەتا نوکە ژی د بەردەوامن.
فەرماندەیێ لیوا چار یا پیشمەرگەھی ل شنگالێ،نادر خه‌مۆ، بۆ ئەڤرۆ نیوز گۆت: “دەمژمێر ١٠ی سپێدەھیا ئەڤرۆ رۆژا دوشەمبی رێکەفتی ٢١ی ئیلۆنا ٢٠١٥ێ فرۆکێن ھەڤپەیمانان بنگەھێن داعش د ناڤا سەنتەرێ قەزا شنگال و سایلوا شنگال دا تۆتپارانکرن و دیکێلاکا مەزن یا ژ ناڤ سەنتەرێ شنگال رادبیت، ھەتا نھا ژی ڤرۆکە یێ ب سەر ئاسمانێ شنگالێ دا ھاتنوچوونێ دکەن.

ئه‌ڤرۆ نیوز: ڤه‌ده‌ر ره‌شاڤایی:
سه‌رله‌شكه‌رێ هێزا پێشمه‌رگه‌ جه‌مال ئێمینكی دبێژیت ” پێشمه‌رگه‌ شیایه‌ بسه‌دان كیلۆمه‌تران ل زومار هه‌تا شنگالێ ئازاد بكه‌ت له‌ورا كه‌س نه‌شێت ژ رۆلێ پێشمه‌رگه‌ كێم بكه‌ت.
ئه‌ڤ گۆتنا ئێمینكی هات پشتی كارگێرێ مه‌كته‌با سیاسی د گۆتاره‌كێ دا ل كۆنگره‌یێ په‌یه‌دێ دا ل رۆژئاڤا كوردستانێ گۆتی، ئه‌گه‌ر هيَزيَن په‌یه‌ده‌ نه‌با دا شنگال عه‌یبدارتر لێ هێت.
ئێمینكی ئه‌ڤ گۆتنه‌ ب موزایه‌دا سیاسی وه‌سفكر.