ئەڤرۆ نیوز ،سالار دۆسکی:
ئەندامەکێ پەرلەمانێ کوردستانێ ژ لیستا بەرەیی تورکمانی ئاشکراکر کو پرسا سەرۆکاتیا ھەرێما کوردستانێ پرسەکا نشتیمانی یە و پێدڤی ب رازیبوونا ھەموو پێکھات و ئالیێن کوردستانێ یە.
ئایدن مەعرۆف، ئەندامێ پەرلەمانێ کوردستانێ ژ لیستا بەرەیی تورکمانی دپەیجێ خوەیێ تایبەتێ جڤاکیێ فەیسبووکی دا ئاشکراکریە، کو پرسا سەرۆکاتیا ھەرێماک وردستانێ پرسەکا نشتیمانی یە و راستەوخۆ پێدڤی ب ھەموو ئالیێن سیاسی ل کوردستانێ یە و ئەم ل گەل رێکەفتنا سیاسی نە، بتنێ ب رێکەفتنا سیاسی ئەڤ کێشە دێ ھێتە چارەسەرکرن.
ئایدنی ھێشتا ژی گۆت: نوکە ھێزێن سیاسی ھەر ئێک ب عەقل و ھزر و بەرژوەندیێن خوە بەحسێ ڤێ پرۆسێێ دکەت، ھەر ئێک ب ئالاڤەکی ڤێ رەوشێ ڤەدگەریت، دبینم دڤێت خوە دور بکەین ژ ھەڤرکیا سیاسی .
ئه‌ڤرۆ نيوز:
لايه‌نێن سياسى ل پارێزگه‌ها هه‌له‌بچه ل سه‌ر كورسيێن جڤاتا پارێزگه‌هێ رێكه‌فتن و ب گۆره‌يى رێكه‌فتنێ 10ى هه‌يڤا داهاتى ژڤانێ دووماهيێ يه بۆ پێشكێشكرنا ناڤێن كانديدێن لايه‌نان، به‌لاڤكرنا كورسيێن جڤاتا پارێزگه‌ها هه‌له‌بچه ل سه‌ر پيڤه‌رێ دووماهى ئه‌نجامێن هه‌لبژارتنان.
كورسى ب ڤى ره‌نگێ ل خوارێ نه:
ليستا خزمه‌ت (ئێكگرتوو و كۆمه‌ل) 7 كورسى.
ئێكه‌تى نشتيمانى كوردستان 6 كورسى.
بزاڤا گۆڕان 5 كورسى.
پارتى ديموكراتى كوردستان 3 كورسى.
بزاڤا ئيسلامى 2 كورسى.
هه‌ڤپه‌يمانيا نشتيمانى 1 كورسى.
كورسيا كوتا 1 كورسى.
ئەڤرۆنیۆز، سالار دۆسکی:
دەستەیا گەشت و گوزارێ حوکمەتا ھەرێما کوردستانێ ئاشکراکر کو بەرھەڤیێن تەمام کرینە بۆ پێشوازیکرنا گەشتیاران تایبەت ل ناڤەراست و باشورێ عیراقێ.
نادر ورستی پەیڤدارێ دەستەیا گەشت و گوزارێ ھەرێمێ بۆ ئەڤرۆنیۆز گۆت: سەرەرایی قەیرانێن دارایی و ئابووری ل کوردستانێ، رێڤەبەریێن گەشتیاری ھاتینە ئاگەھدارکرن کو وەک جەژنَن بوری کارێ خوە بکەن و لژنێن ھەفکاری و ھاریکاریا گەشتیاران بھێنە پێکئینان.
روستی ھێشتا ژی گۆت: ڤێ جەژنێ جوداھی ھەیە لگەل جەژنێن بوری چونکە کوردستانێ چەندین جھێن گەشتیاری ڤێ جەژنێ ھاتینە ڤەکرن و ئەڤە دبیتە دەرگەھەک بۆ راکێشانا گەشتیاران بۆ کوردستانێ.
ئەڤرۆ نیوز، سالار دۆسکی:
سەرۆکێ لژنا پیشەسازی و سوتەمەنیێ ل جڤاتا پارێزگەھا دھۆکێ ئاشکرا کر کو قەیرانا غازێ ل پارێزگەھێ نینە و ب تنێ ھەکە د رێکا ئاکرێ دا بۆ پارێزگەھێن دی وەک بازرگانی خەلک بفرۆشیت.
عەبدولسەمەد تێلی سەرۆکێ لژنا پیشەسازی و سوتەمەنیێ ل جڤاتا پارێزگەھا دھۆکێ بۆ ئەڤرۆ نیۆز گۆت: “قەیرانا غازێ یا نوکە ل پارێزگەھێ کارتێکرنا پارێزگەھێن ھەولێر و سلێمانیێ ل پارێزگەھا دھۆکێ بوویە، دوھی نەهـ ترۆمبێل گەھشتینە و ھەر رۆژ ھەشت دگەھشتن بەلکو دوھی ترۆمبێلەک زێدە ژی گەھشتیە”.
ناڤبری ئاشکرا کر کو قەیرانا غازێ ل کوردستانێ ژ بەر کارگەھا قادر کەرم بوویە کو نوکە کەفتیە بن نووژەنکرنێ، دیسان وەلاتی ژی بازرگانیێ ب غازا پارێزگەھێ دکەن و ب رێکا ئاکرێ بۆ ھەر دو پارێزگەھێن دی دھێتە رەوانەکرن.
تێلی نەڤەشارت كو راگەھاندنێ ژی کارتێکرن ل خەلکى کر و گۆت: “دەمێ کاودانێن خەلکێ ھەولێرێ ئاشکرا کرین خەلکێ مه یێ چاڤ ترسیایە و ئەگەر پێنچ بتلێن غازێ ھەبن کرنە شەش”.
ئەڤرۆ نیوز،زنار تۆڤی:
باراک ئۆباما سه‌رۆكێ ئەمریکا داخواز ژ وه‌لاتێن ئه‌ندام یێن ئێكه‌تییا ئورۆپا کر کو هه‌ر ئێك بارا خۆ یا كۆچبه‌ران وه‌ربگریت.
سه‌رۆكێ ئه‌مریكا باراك ئۆباما د په‌یوه‌ندییه‌كا تێله‌فونی دا دگه‌ل شیره‌تكارا ئه‌لمانی ئه‌نگێلا مێركل بەحسێ بارودۆخێ كۆچبه‌ران کر و دیارکر،پێدڤیە وەلاتێن ئوڕۆپی کۆچبەران وەربگرن و ل سەر خۆ دابش بکەن و هاریکاریا وان بکەن.
ئۆبامای ب رێیا ئه‌نگێلا مێركل شیرەتکارا ئەلمانیا داخواز ژ وه‌لاتێن ئه‌ندام كر،کو هه‌ر ئێك بارا خۆ ژ كۆچبه‌ران وه‌ربگریت و ل گۆری وێ پلانا دابه‌شكرنێ ئه‌وا ئێكه‌تییا ئۆرۆپا دانای ژبۆ حەواندنا وان.
ئەڤرۆ نیوز، زنار ۆڤی:
سکرتێرێ گشتی یێ قۆلپا ئەتلەسی (ناتۆ)ژەنس ستۆلتەنبەرگ هۆشداریێ ددەتە دەولەتا تورکیا سەبارەت هێریشێن ل سەر پەکەکێ و دیارکریە:”مافێ تورکیایە کو ل ھەمبەری هێریشا خوە بپارێزیت و بەرەڤانیێ ژخۆ بکەت،لەورا پێدڤیە ئەڤ چەندە د چارچۆڤێ پاراستنێ دا بمینیت و ئاریشە نەهێنە زێدەکرن.
ژێنس ستۆلتەنبەرگ سکرتێرێ گشتی یێ ناتۆیێ سەبارەت هێرشێن فڕۆکێن سۆپایێ تورکیا بۆ سەر پەکەکێ هۆشداری دا وەلاتێ تورکیا،خویاکر،
هێڕشێن سۆپایێ تورکیا ب فڕۆکان دێ پێڤاژۆیا ئاشتیێ دگەل پەکەکێ ئێخیتە د مەترسیێ دا و هەردو لایەن دێ ژێک دوور کەڤن و گوت ژی،مافێ ھەر وەلاتەکێ یە کو بەرەڤانیێ ژ خۆ بکەت،دەمێ هێرش دهێنە سەر،لەورا دڤێت پارێزی د سەر پێڤاژۆیا ئاشتیێ بهێتە کرن و ئێدی ئاریشە ل تورکیا زێدە نەبن.
ئەڤرۆ نيوز:
سەرۆکێ ئێکەتیا زانایێن ئایینێ ئیسلامێ ل ھەرێما کوردستانێ ئاشکرا کر کو ژبەر وێ قەیرانا دارایی یا ل ھەرێما کوردستانێ پەیدابووی ئەو دخوازیت حەجیێن ئەڤ سالە قوربانیێن خوە ل ھەرێما کوردستانێ.
د. عەبدوللا مەلا سەعید، سەرۆکێ ئێکەتیا زانایێن ئایینێ ئیسلامێ ل ھەرێما کوردستانێ د مالپەرێ ئێکەتیا زانایێن ئایینێ ئیسلمێ دا دیار کر کو د ڤێ قووناغا نوکە دا ھەر خێر و باشیەکا ل ھەرێما کوردستانێ بھێتە ئەنجامدان ژ ھەر جھەکێ دی باشترە، ژبەر ڤێ چەندێ دخوازیت حەجی ئەڤ سالە قوربانیێن خوە ل کوردستانێ بدەن و گۆت” ئەز داخوازێ ژ کەس و کارێن ھەموو حەجیان دکەم کو حەجیێن خوە ئاگەھدار بکەن ل شوونا مەککەھێ قوربانیێن خوە ل کوردستانێ سەرژێ بکەن”.
ناڤھاتی ئاشکرا کر بۆ ڤێ مەرەمێ وی د گەل لژنا بلندا فەتوایێ ل ھەرێما کوردستانێ دانوستاندن کریە و وان ژی پشتەڤانیا خوە بۆ ڤێ بووچوونێ دیارکریە و گۆت” حەجی دشێن ب رێیا تەلەفونێ کەسەکی بکەنە وەکیلێ خوە ل ھەرێما کوردستانێ دا کو قوربانی پێش ڤە بدەن”.
ل دووماھیێ سەرۆکێ ئێکەتیا زانایێن ئایینێ ئیسلامێ ئاماژە دا وێ چەندێ کو د ڤێ قووناغێ دا خێرا دانا قوربانی ل کوردستانێ پترە ژ مەککەھا پیرۆز و گۆت” د نوکە دا ھەر کەسەکێ مالەکێ ژ ھەژاری و دەستکورتیێ رزگاربکەت، خێرا وی ژ یا دانا قوربانی کێمتر نینە”.
ئه‌ڤرۆ نيوز:
رێڤەبەرێ راگەھاندنا رێڤەبەریا گشتی یا پەروەردێ ل پارێزگەھا دھۆکێ بۆ ئەڤرۆ دیار کر کو ب بڕیارەکا جڤاتا وەزیرێن حوکمەتا ھەرێما کوردستانێ قوتابخانێن سەر ب وەزارەتا ئەوقافا حوکمەتا ھەرێما کوردستانێ ڤە یێن چار دەڤەرێن سەر ب پارێزگەھا دھۆکێ ڤە ھاتنە سەر ب میلاکێ رێڤەبەریا گشتی یا پەروەردا پارێزگەھا دھۆکێ ڤە.
ئەحمەد عەبدوللا زۆبێر، رێڤەبەرێ راگەھاندنا رێڤەبەریا گشتی یا پەروەردێ ل پارێزگەھا دھۆکێ ئاشکرا کر کو پشتی بڕیارەکا جڤاتا وەزیرێن حوکمەتا ھەرێما کوردستانێ دواناوەندیێن ئەوقافا ئیسلامی یێن (دھۆک، زاخۆ، ئاکرێ، نھێلێ) ھاتنە سەر ب میلاکێ رێڤەبەریا گشتی یا پەروەردا پارێزگەھا دھۆکێ ڤە و گۆت” نوکە ھەموو کارێن پێدڤی ژ لایێ وەزارەتا پەروەردێ ڤە بۆ ڤان دواناوەندیان ھاتینە ئەنجامدان و رێڤەبەریا مە ژی یا بەرھەڤە ب ھەموو رەنگان ھاریکاریان پێشکێشی ڤان دواناوەندیان بکەت”.
ئه‌ڤرۆ نيوز:
شیرەتکارێ ئاسایشا ئابووری ل ھەرێما کوردستانێ بۆ روژناما ئەڤرۆ دیار کر کو وان داخواز ژ وەزارەتا سامانێن سروشی کریە ئەو پارزینگەھا ل دھۆکێ دھێتە دانان ل دەڤەرا شێخان بھێتە دانان.
د. بێوار خنسی شیرەتکارێ ئاسایشا ئابووری ل ھەرێما کوردستانێ دیار کر پشتی کو وەزارەتا سامانێن سروشتی بریار دای کو سێ پارزینگەھێن پەترۆلێ ل پارێزگەھێن دھۆک و ھەولێر و سلێمانیێ دروست بدانن، وان داخواز کریە کوپارزینگەھا دھۆکێ ل دەڤەرا شێخان بدانن.
ھەروەسا خنسی گۆت “مە داخاز کریە کو ئەو پالرزینگەە ل شێخان بھێتە دروستکرن، چونکو شێخان مەزنترین دەڤەرە کو حەفت حەقلێن پەترۆلێ لێ ھەنە و ژبلی دەڤەرا ئاکرێ و بەردەرەش ئەو ژی دێ مفای ژێ وەرگرن، چونکو ھندەک حەقلێن پەترۆلێ ل وان دەڤەران ژی ھەنە”.
شیرەتکارێ ئاسایشا ئابووری ل ھەرێما کوردستانێ گۆت ژی “نھا کۆمپانیا گولف کیستون یا بەرھەمئینانا پەترۆلێ رۆژانە ٤١ ھزار بەرمیلێن نەفتا خام ل شێخان بەرھەم دئینیت و دھێتە پێشبینیکرن کو د رۆژێن بھێت دا رێژا نەفتێ ل شێخان زێدەتر لێ بێت”.
نيشاندان