ئه‌ڤرۆ:

رۆژنامەکا تورکیا دیار دکەت کو سەرۆکێ ھەرێما کوردستانێ مەسعود بارزانی ژ ئالیێ بەرپرسێن ئەمریکا ڤە گەلەک ب گەرمی ھاتە پێشوازی کرن و سەرەدەریا وەک سەرۆکێ دەولەتەکی ل گەل دا ھاتە کرن، ھەر چەندە ئەمریکا دبێژیت ئەو ل گەل ئیکەتیا عیراقا فیدرال و یەکگرتیە لێ وەسا خویا دکەت پەیاما دەولەتبوونێ دانە مەسعود بارزانی سەرۆکێ ھەرێما کوردستانا عیراقێ، ژ بەر کو بارزانی پشتی ھەڤدیتنان جارەکا دی داخوازا ریفراندومێ و مافێ دەولەتبوونا کوردان کر و گەلەک ئاشکرا ژی خویا دکەت کو ژ ئالیێ ئەمریکا ڤە ھەرێما کوردان وەک ھەڤپەیمانێ ستراتیژی دھێتە دیتن و ئەوە ژی دێ کاریگەریا خوە ل پاشەرۆژا عیراقێ و رۆژھەلاتا ناڤین کەت.

رۆژناما حوریەت یا تورکیا د راپۆرتەکێ دا ب گرنگی بەحسێ سەرەدانا سەرۆکێ ھەرێما کوردستانێ بۆ ئەمریکا دکەت و دیار دکەت کو سەرۆکێ ھەرێما کوردستانێ مەسعود بارزانی ژ ئالیێ بەرپرسێن ئەمریکا ڤە گەلەک ب گەرمی ھاتە پێشوازی کرن و سەرەدەریا وەک سەرۆکێ دەولەتەکی ل گەل دا ھاتە کرن، ھەر چەندە ئەمریکا دبێژیت ئەو ل گەل ئیکەتیا عیراقا فیدرال و یەکگرتیە لێ وەسا خویا دکەت پەیاما دەولەتبوونێ دانە مەسعود بارزانی سەرۆکێ ھەرێما کوردستانا عیراقێ، ژ بەر کو بارزانی پشتی ھەڤدیتنان جارەکا دی داخوازا ریفراندومێ و مافێ دەولەتبوونا کوردان کر و گەلەک ئاشکرا ژی خویا دکەت کو ژ ئالیێ ئەمریکا ڤە ھەرێما کوردان وەک ھەڤپەیمانێ ستراتیژی دھێتە دیتن و ئەوە ژی دێ کاریگەریا خوە ل پاشەرۆژا عیراقێ و رۆژھەلاتا ناڤین کەت.

د بەردەوامیا راپۆرتێ دا ھاتیە دیار کرن کو رەنگە نھا دەما راگەھاندنا دەولەتا کوردی ژ ئالیێ ئەمریکا و کوردان ڤە نەھاتیە دیار کرن لێ وەسا خویا دکەت کو ئەمریکا ژی ئێدی رازیە کو د دەمەکی گونجای دا دەولەتا کوردان ل عیراقێ بھێتە راگەھاندن، ژ خوە ھەم ئۆباما و ھەم ژی جێگرێ سەرۆکێ ئەمریکا ب گرنگی ڤە بەحسێ سیاسەتا بارزانی و رۆلێ پێشمەرگە د راوەستاندنا داعشێ دا کرن و سۆپاسیا پێشمەرگە و حوکمەتا کوردان کرن کو ئەوە ژی ئاشکرا دکەت ئەمریکا ئێدی کوردان وەک ھەڤالێ خوە یێ سەرەکی دبینیت ل رۆژھەلاتا ناڤین دا و ئاخاڤتنێن بارزانی ل گەل ئۆباما و بەرپرسێن ئەمریکا گەلەک ب شارەزایی و ئاقلانە بوون و جارەکا دی دوپات کر ئەو نھا مژولن ب شەرێ ل دژی داعشێ و پشتی نەمانا داعشێ دێ خەباتا ریفراندومێ و پێنگاڤێن بۆ دەولەتبوونێ ب لەزتر ھێنە ئاڤێتن و ئەو یەک ژ ئالیێ ئەمریکا ژی ب گەرمی ھاتە پێشوازیکرن.

د بەردەوامیا راپۆرتا رۆژناما حوریەت یا تورکیا ھاتیە کو ب راستی ژی نھا ھێزا کو گوھۆرینان دروست دکەت یا کوردایە و ئەو یەک ھەم ل گەل ئەمریکا و ھەم ژی ل گەل ئێکەتیا ئوروپا رێزەکا مەزن بۆ کوردان دروست کریە و بێگومان دێ ئەنجامێن ڤێ یەکێ ژی ھەبن و وەسا دیارە کو د دەمەکێ نە زێدە دوور دا کورد دێ سوپرزەکا مەزن کەن.
رۆژناما حوریەت یا تورکیا د دووماھیا راپۆرتا خوە دا ئەو یەک ژی دیار کریە کو سیاسەتا ھێزێن ھەڤپەیمان و بەرژەوەندیێن ئەمریکا ل رۆژھەلاتا ناڤین وەک جاران نەماینە و ھاتینە گوھۆرین ئەو گوھۆرین ژی ھەری زێدە د بەرژەوەندا کوردان دایە و د قۆناغا نھا و پاشەرۆژێ دا یێن کو دێ تووشی زیانەکا مەزن بن تورکیا، ئیران و وەلاتێن عەرەبی نە و یێ سەرکەڤتی و قەزەنجکری ژی کورد و ھەڤپەیمانێن ئەمریکا نە، چونکو ئەمریکا و ئوروپا وێ راستیێ ژبیر ناکەن کا کوردان د شەرێ ل دژی رێکخراوا تیرۆرستی دا چەند قوربانی داینە و ئەو باش دزانن کو ھەکە پشتەڤانیێ ل کوردان بکەن دێ کورد ببنە ھەڤپەیمانێن وان یێ ستراتیژی ل دەڤەرێ و د رەوشا نھا دا وان پێدڤی ب ھەڤپەیمانەک ستراتیژی وەک کوردان ھەیە و کورد ژی وێ راستیێ باش دبینن و ل گۆر وێ یەکێ سیاسەتەکا راست برێڤە دبەن.

ئەڤرۆ:
د فەرھەنگا ئەمریکا دا ب ئاوایەکێ فەرمی تشتەک نینە ب ناڤێ دابەشبوونا عیراقێ ،بەلکو ھەردەم پشتەڤانیا ئێک رێزی و ئێک پارچەییا عیراقێ دکەت، لێ د کەتوارێ سیاسی و ئیداری دا تشتەک نەمایە بناڤێ ئێک پارچەیی .
ئدریس موسی مامۆستایێ پەیوەندیێن نێڤدەولەتی ل زانکۆیا دھۆکێ بۆ ئەڤرۆ دیارکر ئێک ژ ستوونێن ستراتیژیەتا ئەمریکی ل رۆژھەلاتا ناڤەراست پاراستنا توخیبێن ھەی یێن وەلاتانە، دگەلدا ئێک رێزیا ئاخا عیراقێ یە، واشنتون ئاماژێ ب وێ چەندێ ددەت، ئەنجامێ دابەشبوونا عیراقێ نەسەقامگێرییە ل ھەرێمێ و لڤی دەمی نابینیت یا باش، بەروڤاژی ڤێ چەندێ بێ بەھرکرنا مللەتان ژ ئاڤاکرنا وەلاتان دبنیاتدا ئێکە ژ ئەگەرێن نەسەقامگیریێ وروودانا شەری، بەرژەوەندیێن ئەمریکی، ھەلویستێن وەلاتێن جیران و ھەرێمی وھەلویستێن ھێزێن ناڤخوەیی یێن عیراقێ کارتێکرنێ ل ھەلویستێ ئەمریکا دکەن و ئەنقەرە دژی پارچەبوونا عیراقێیە ژبەر فاکتەرێ کوردی ل عیراقێ و ئەڤ چەندە راستەوخوە گرێدای ئارێشەییا کوردییە ل ناڤخوەیا تورکیا، ئیران مفادارە ژ ھەبوونا عیراقەکا شیعە تێدا کونترۆللا دەستەھەلاتێ بکەن و وەلاتێن عەرەبان دڤێن عیراقەکا ئێکگرتی بکەڤیتە دناڤ زونا وان یا کارتێکرنێدا و نەشێن تەحەموللا پارچەبوونا ئاخا عیراقێ بکەن.
ھەر دڤی بیاڤی دا چاڤدێرێ سیاسی ھەلکەوت عەبدولا بو رۆژنامەیا ئەڤرۆ دیارکر ئەمریکا و ھزر و باوەرێن وێ دەربارێ ھەر ئاریشەکێ دجیھانێ دا ڤەدگەریت بۆ شیان و بەرژەوەندیێن ئەمریکا، ئانکو ل بەرچاڤکێن بەرژەوەندیێن خودا دنێریتە پرسێن سیاسی و نەتەوی یێن ھەموو جیھانێ، ھەکە ل سەر پرسا کوردستانێ ب راوەستین، ئەمریکا نھا ل دەڤەرێ تەنگەزارێ چەند گرفتێن مەزن بوویە و ئەو گرفتێن مەزن ژروویێ سیاسیڤە ب ھەبوونا داعشێ و سوریایێ و تێکەلبوونا بەرژەوەندیێن ھەرێمایەتی و ئیرانێ و تورکیایێ و سعودیێ و ژلایەکێ دیڤە ئاریشا ئیرانێ ئەڤە ھەموو پێکڤە د نھادا د چاڤێ ئەمریکا دا گونجای نینە ل گەل دابەشکرنا عیراقێ بیت و ھەکە ھندەک بەرپرسێن ئەمریکی بەحسێ ئەوێ پرسێ دکەن مینا (جۆ بایدن)ی، ب نێرینا ھەلکەوت عەبدولایی پرسا کورد و دەولەتێ ل دەڤ مە ب خوەیە و نابیت ھەردەم چاڤەرێ بین؛ راستە ل سەر ئاستێ نێڤدەولەتی گرنگە، بەلێ ل دووماھیێ مللەتێ کورد ب خوە بریارێ ددەت و نە مەرجە ئەمریکا و ئەوروپا رازی بن ھەتا بشیێن دەولەتا کوردی رابگەھینین، بەلکو چارەنڤیسێ مە ددەستێ مەدایە و چەوا دشێین ئەوێ پێنگاڤێ ب ھاڤێژین، دڤێت ھزرێ تێدا بکەین و بەرنامە و کارکرنا مە ب وی ئاراستەی بیت .
ئیدریس موسی دبێژیت”لایەنێن سەرەکی یێن عیراقی ھەلویستێن وەکھەڤ نینن ل سەر پارچەکرنا وەلاتی.، سونان بۆ دەمەکێ درێژ دەستھەلاتداریا عیراقێ کرییە و ھەڤکێشا نوو قەبوولناکەن، شیعە دبینن مافێ وانە دەستھەلاتیێ بکەن ژبەرکو پێکھاتێ سەرەکیە، کورد دبینن ھەکە مودێلەکا رەوا یا حوکمداریێ چێنەبیت ل بەغدا، مافێ وانە سەربەخوەییێ رابگەھینن، عیراق بوویە مەیدانا ھەڤرکیەکا دژوار د ناڤبەرا چەند وەلاتاندا، وەکی سعودیێ وئیرانێ، بەرژەوەندیێن وان دجودانە و نە ب تنێ ل دەمێ دبنە ئەگەرێ نەسەقامگێریێ ل عیراقی،َ بەلێ کارتێکرنێ ل سەر پرۆسا بریاردانێ دکەن”.
ھەلکەوت عەبدولا ژی دبێژیت” سونان گرفتەکا مەزن ھەبوویە، ھندەک جاران بەشەک بووینە ژ قاعیدێ و پشتەڤانیکرنا داعشێ و گرفتێن ل گەل مالکی ، شیعە ژی درێژاھی ب پانتایا ئیرانێ لێ دھێتە نێرین کو ئەڤێ چەندێ مەترسی بۆ سعودیێ و کوێتێ و ئوردنێ دروستکریە و رەوشا سیاسی و ئەمنی ل دەڤەرێ دئێخیتە بەر مەترسیێ ، لێ کوردان د ناڤخوەییا خوەدا نە شیاینە مودێلەکا حکومداریێ نیشا بدەن کو باوەریا ئەمریکایێ بۆ لایێ خوەڤە رابکێشن و پشتەڤانی و ھاریکاریا پێنگاڤ ھاڤێتنا دەولەتێ بکەت و ژلایەکێ دیڤە ئاریشا کوردان دناڤا عیراقێ ب تنێ دانینە، بەلکو ئاریشا کوردان پرسگەریکەکا جیوپولیتیکی یە و ل باکور و رۆژھەلات و رۆژئاڤا کورد یێن ھەین و ئازراندنا پرسا دەولەتا کوردی ل باشورێ کوردستانێ کاریگەری ل سەر ھەر سێ پارچێن دی یێن کوردستانێ یا ھەی و رەوش نە یا ھاریکارە بۆ ئەمریکا پشتەڤانیا دەولەتا کوردی بکەت.