ئه‌ڤرو نیوز،بارزان مزوورى
ژێده‌ره‌ك ژ رێكخراوا چه‌كدارێن ئازاد ل ناڤ باژێرێ مووسل بو مالپه‌رى ئه‌ڤرو نیوز دیار ئه‌ڤرو 29/3/2015 چه‌كدارێن تیرورستێن داعش فه‌رمانه‌ك ده‌ركریه بو خودانێن فروشگه‌هێن مووسل كو حه‌تا 10 روژێن دى كه‌ل و په‌لێن خو هژماربكه‌ن كا چه‌ند كه‌ل و په‌ل دناڤ دانه ژبو دانا زكاتێ وان كه ل و په‌لا و گۆت: ئه‌ڤ ساله داعش سێ جاران زكات ژ خه‌لكێ مووسل وه‌رگرتیه.
ئه‌ڤرو نیوز ،بارزان سلێمان مزوورى
ئه‌ڤرو سپێدێ 29/3/2015 كومه‌لا كوردێن لیموش یا فه‌ره‌نسا كه‌ل و په‌لێن ته‌ندروستى گه‌هاندنه میحوه‌رێ ناوه‌ران بو پێشمه‌رگه‌یێن قه‌هره‌مان .
شڤان ئه‌كره‌م ئێك ژ شاندێ خێرخواز بو مالپه‌رێ ئه‌ڤرو نیوز دیاركر كو ئه‌و ده‌رمانێن وان گه‌هاندینه دناڤ رێزێن پێشمه‌رگه‌یێ ل میحوه‌رێ ناوه‌ران، یێن كوردێن لیموشن، ئه‌ڤ ده‌رمانه كوم كربون ژبو پشته‌ڤانى كرنا هێزێن پێشمه‌رگه‌ى و پتریا وان ده‌رمانا ئه‌ون ئه‌وێن پێدڤى بو پێشمه‌رگه‌ى و گه‌له‌ك ژوانا ده‌رمانا ل كوردستانێ ب ده‌ست ناكه‌ڤن.
ئه‌ڤرۆ نیوز:
سه‌رۆك بارزانى ئه‌ڤرۆ د پێشوازیا وه‌زیرێ ده‌رڤه یێ لوكسومبورگ راگه‌هاند: گه‌لێ كوردستانێ خودان كولتوورێ پێكڤه‌ژیانێ و لێبوورینێ یه و ب چ ره‌نگه‌كێ نابیته پشكه‌ك ژ ململانێیا تائیفى یا ل ده‌ڤه‌رێ په‌یدابووى.
هه‌ڤده‌م ژان ئاسڵ بۆرن وه‌زیرێ ده‌رڤه و كاروبارێن ئێكه‌تیا ئوروپا یا لوگزەمبۆرگ راگه‌هاند كو د ناڤ ولاتێن ئوروپا دا مه‌یله‌كا زور یێ هه‌ى بۆ هاریكاریكرنا هه‌رێما كوردستانێ ژ ئالیێ سه‌ربازى و هاریكاریێن مروڤى و وه‌لاتێ وى ژى د پشته‌ڤانیكرنا هه‌رێما كوردستانێ دا دێ یێ به‌رده‌وام بیت.
ئه‌ڤرۆ نیوز:
تانه‌ر یه‌لدز وه‌زیرێ وزا توركیا راگه‌هاند شه‌رێ ل یه‌مه‌ن روودده‌ت دێ كارتێكرنێ ل بلندبوونا بهایێ نه‌فتێ كه‌ت ژبه‌ر كو یه‌مه‌ن ل سه‌ر رێیا ترانزێتا نه‌فتا سعودیه و ئه‌و نه‌فتا ل به‌سره دهێته هنارتن.
تانه‌ر یه‌لدز وه‌زیرێ وزا توركیا دیاركر كو 5% دێ كارتێكرنێ ل بلندبوونا بهایێ نه‌فتێ كه‌ت، هه‌ر چه‌نده پشكا یه‌مه‌ن ل سه‌ر ئاستێ جیهانێ بۆ به‌رهه‌مئینانا نه‌فتێ دو ل سه‌ر هزارێ یه، به‌لێ یه‌مه‌ن رێیا ترانزێتا نه‌فتا سعودیه و وێ نه‌فتێ یه كو ژ به‌سره دهێته هنارتن.
ئه‌ڤرۆ نیوز:
جڤاتا ئاسایشا هه‌رێما كوردستانێ د راگه‌هاندنه‌كێ دا، كوشتنا (زیاد سلیم محمد علی الكوردی) پشتراستكر كو ل ناڤ داعش ل تاخه‌كێ ناڤ باژێرێ مووسل هاتینه كوشتن.
ل دووڤ راگه‌هاندنا جڤاتا ئاسایشا هه‌رێما كوردستانێ شڤێدى ل ده‌مژمێر 12 و نیڤ ل (ساحل الایمن) ل تاخێ (ثوره) یا باژێرێ مووسل و ل نێزیك مزگه‌فتا (حـافـظ) د پرۆسه‌كا هه‌والگیری دا زیاد سلیم یێ به‌رنیاس ب (زیاد الكردی) و (منصور) ب فرۆكێن هه‌ڤپه‌یمانان هاتیه كوشتن.
پشتى داگیركرنا مووسل ژ ئالیێ داعش ڤه ب (زیاد الكردی) چه‌ندین پۆست ل ناڤ داعش وه‌رگرتینه و ب ده‌هان وه‌لاتیێن كورد و وه‌لاتیێن دى ل سه‌ر ده‌ستى وى هاتینه كوشتن.
ئه‌ڤرۆ نيوز:
رێڤه‌به‌ريا په‌يوه‌ندى و راگه‌هاندێ ل وه‌زاره‌تا دارايى و ئابوورى يا حوكمه‌تا هه‌رێماێ كوردستانێ وان وه‌زاره‌تان راگه‌هاند ئه‌وا بڕيار سوبه‌هى مووچه‌يى وه‌رگريت.
ب گۆره‌يى به‌لاڤكريه‌كێ كو ل مالپه‌رێ فه‌رمى يێ وه‌زاره‌تا دارايى و ئابووريا حوكمه‌تا هه‌رێما كوردستانێ به‌لاڤ بوويه، پشكا په‌يوندى و راگه‌هاندنێ رادگه‌هينيت كو سوبه‌هى 30\3\2015 وه‌زاره‌ته‌كا دى دێ مووچێ هه‌يڤا ئێك وه‌رگريت.
دێ ڤێ راگه‌هاندنێ ئاشكه‌را كريه كو سوبه‌هى وه‌زاره‌تا بازرگانى و پێشه‌سازى و ئه‌و فه‌رمانبه‌رێن ناڤخۆ يێن مووچه وه‌رنه‌گرتين دێ مووچێ هه‌يڤا ئێك وه‌رگرن.
هه‌تا نوكه ب تنێ مووچێ خانه‌نشينكريان و هه‌رسێ سه‌رۆكاتيێن هه‌رێما كوردستانێ مووچێ هه‌يڤا ئێك وه‌رنه‌گرتيه و ب وه‌رگرتنا مووچێ هه‌يڤا ئێك يێ وان، دێ پرۆسا دابه‌شكرنا مووچێ هه‌يڤا ئێك ب دووماهى هێت.
ئه‌ڤرۆ نيوز:
ب هه‌لكه‌فتا جه‌ژنا سه‌رێ سالا ئێزديان حوكمه‌تا هه‌رێما كوردستانێ راگه‌هاند كو 15ى نيسانا هه‌يڤا داهاتى ل هه‌رێما كوردستانێ بهێنڤه‌دانا فه‌رمى يه.
خه‌يرى بۆزانى، رێڤه‌به‌رێ گشتيێ كاروبارێن ئێزديان ل وه‌زاره‌تا ئه‌وقاف و كاروبارێن ئاينى ل هه‌رێما كوردستانێ ل سه‌ر په‌يجێ تايبه‌ت خوه، ئاگه‌هداريا هه‌موو فه‌رمانبه‌ران كريه كو حوكمه‌تا هه‌رێما كوردستانێ ب هه‌لكه‌فتا چارشه‌مبۆيا سۆر بڕيار دايه رۆژا 15\4\2015 ل هه‌موو داموده‌زگه‌هێن حوكمه‌تا هه‌رێما كوردستانێ بهێنڤه‌دانا فه‌رمى بيت.
سه‌رێ سالا ئێزديان ب چارشه‌مبوويا سۆر يا به‌رنياسه و سالانه ل هه‌رێما كوردستانێ ب وێ هه‌لكه‌فتێ دكه‌نه بهێنڤه‌دانا فه‌رمى.
سالانه حوكمه‌تا هه‌رێما كوردستانێ 9\4 ژى ب هه‌لكه‌فتا رۆژا ئازادكرنا عيراقێ ل گه‌ل حوكمه‌تا عيراقێ دكه‌ته بهێنڤه‌دانا فه‌رمى.
ئه‌ڤرۆ نيوز:
سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند كو ژ ئه‌گه‌رێ رووتينياتێن ره‌وانه‌كرنا پاره‌يى، كو په‌يوه‌ندى ب ناڤخۆيا توركيا ڤه هه‌يه، هێشتا ئه‌و پارێ دێ ژ توركيا هێت نه‌گه‌هشتيه هه‌رێما كوردستانێ.
بۆ تۆڕا ده‌نكوباسێن سلێمانيێ ئاماژه ب وێ چه‌ندێ ژى كر كو ئه‌و پارێ ژ توركيا دهێت يێ جودايه ژ ئه‌وێ ژ عيراقێ دهێت و گۆت: “پارێ عيراقێ ب هندێ هه‌ماهه‌نگيا د ناڤبه‌را به‌نكا ناڤه‌ندى و وه‌زاره‌تا دارايى يا هه‌رێمێ دايه و رێكارێن قانوونى د كێمن، به‌لێ يێن وه‌لاتێ توركيا يا جودايه”.
بڕياره حوكمه‌تا هه‌رێما كوردستانێ 500 مليۆن دۆلاران ژ حوكمه‌تا توركيا قه‌ر بكه‌ت دا كو مووچێ فه‌رمانبه‌ران پێ بده‌ت.
ئه‌ڤرۆ نيوز:
ئه‌ليسا سمێز، ئاخفتنكه‌را ب ناڤێ وه‌زاره‌تا به‌ره‌ڤانيا ئه‌مريكا بۆ ئاژانسا ئه‌نادۆل راگه‌هاند كو ئه‌مريكا دێ ب وى مه‌رجى پشكدارى د ئۆپه‌راسيۆنێن ل دژى داعش دا ل تكريت و ده‌ڤه‌رێن ده‌وروبه‌رى وێ كه‌ت و هه‌ڤكاريا هێزێن عيراقى كه‌ت، مافێ وه‌لاتيان و ژيانا وان يێ پاراستى بيت و كاودان ل ژێر كۆنترۆلا ئه‌مريكا بن و هه‌ڤكارى هه‌بيت ل گه‌ل سه‌ركردێن ناڤخۆيا عيراقێ.
ئه‌ڤرۆ نيوز، نيوار محه‌مه‌د سه‌ليم:
فه‌رمانده‌كێ پێشمه‌رگه‌يێ كوردستانێ بۆ ئه‌ڤرۆ نيوز ئه‌گه‌رێ سه‌ركه‌فتنا پێشمه‌رگه‌يى ب به‌رده‌وامى و به‌رسڤدانا هه‌موو وان هێرشن داعش ئاشكه‌را دكه‌ت.
عه‌قيد عيسا زێوه‌يى فه‌رماندێ ليوا چار يێ پێشمه‌رگێ كوردستانێ گۆت: “پێشمه‌رگه‌يى رێيه‌كا گه‌له‌ك سه‌ركه‌فتى يا شه‌ركرنێ ل گه‌ل چه‌كدارێن داعش يا هه‌يى و ئه‌ڤه دبيته ئه‌گه‌رێ سه‌ركه‌فتنا وان د هه‌موو شه‌ران دا”.
ئه‌ڤى فه‌رماندێ پێشمه‌رگێ كوردستانێ زێده‌تر گۆت: “ل ده‌مێ هه‌ر هێرشه‌كا پێشمه‌رگه بكه‌ت يان ژى چه‌كدارێن تيرۆرستێن داعش بكه‌نه سه‌ر پێشمه‌رگه‌يى، ب مايكرۆفۆن و ئاميرێن ده‌نگى يێن مه‌زن سترانێن شۆره‌شگێرى يێن شڤان په‌روه‌ر ب ده‌نگه‌كێ بلند لێ دده‌ن”.
دا زانين ژى كو ئه‌وان سترانان كارتێكرنه‌كا گه‌له‌ك مه‌زن يا ل سه‌ر پێشمه‌رگه‌يى هه‌يى و روحيه‌ته‌كا دى دده‌نه شه‌رى كو ب گه‌رم و گۆره‌كا گه‌له‌ك مه‌زن شه‌رى دكه‌ن.
پێشتر ل شه‌رێن دژى حوكمه‌تا عيراقێ سترانێن شڤان په‌ره‌وه‌ر و ئه‌ياز و ئه‌رده‌وان و ته‌حسين تاهايى كارتێكرنه‌كا مه‌زن ل سه‌ر پێشمه‌رگه‌يى هه‌بوو و هێزه‌كا دى ددا پێشمه‌رگه‌يى و هه‌ر ئه‌و بوو ئه‌گه‌ر سه‌رۆكێ هه‌رێما كوردستانێ مه‌داليا بارزانى ب شڤان په‌روه‌ر به‌خشى.
نيشاندان