ئه‌ڤرۆ نيوز:

ل به‌ر ده‌رگه‌هێ قونسلخانا ئه‌لمانيا و ب بلندكرنا پۆسته‌ر و وێنێن شه‌هيدان و بريندارێن چه‌كێ كيمياوى، ل باژێرێ هه‌له‌بچه‌، داخوازا قه‌ربووكرنا بريندارێن چه‌كێ كيمياوى ژ لايێ ئه‌لمانيا دهێته‌ كرن.

31 رێكخراوێن حزبى سياسى، ل به‌ر ده‌رگه‌هێ قونسلخانا ئه‌لمانيا ل باژێرێ هه‌ولێر كۆمبوونه‌ك ئه‌نجامدا و تێدا داخواز ژ حوكمه‌تا ئه‌لمانيا كر كو ئه‌و كۆمپانيێن چه‌كێ كيمياوى ب عيراقێ داين بهێنه‌ داگه‌هكرن.

داخواز ژى دكه‌ن كو حوكمه‌تا ئه‌لمانيا پشكداريێ د قه‌ره‌بووكرنا قوربانى و كه‌سوكارێن شه‌هيدێن چه‌كێ كيمياوى بكه‌ن، ديسا د رێيا قونسلخانا ئه‌لمانيا ل باژێرێ هه‌ولێر ژى كارئاسانيێ بكه‌ت بۆ كه‌سوكارێن قوربانيان و بريندارێن چه‌كێ كيمياوى، دا كو ل وه‌لاتێ ئه‌لمانيا بهێنه‌ چاره‌كرن.

ئه‌ڤرۆ:

رێڤەبەرێ گەشەپێدانا جڤاکی ل قەزا شێخان بۆ ئەڤرۆ ئاشکرا کر، مافێ 139 کێم ئەندامێن دەڤەرێن باشیک و تلکێف و حەمدانیە و دەڤەرێن کوردنشین ھاتینە بەرزەکرن ژ لایێ رێڤەبەریا گەشەپێدانا جڤاکی ل پارێزگەھا مووسل.

جەمیل عەبدوللا، رێڤەبەرێ گەشەپێدانا جڤاکی ل قەزا شێخان بۆ رۆژناما ئەڤرۆ ئاشکرا کر، پشتی تێکچوونا رەوشا باژێرێن تلکێف و باشیک و دەڤەرێن کوردنشین ئەوێن کەفتینە بن کونترۆلا چەکدارێن تیرورستێن داعش و رۆژا ئەو کەسێن وان دەڤەرا ئاوارەبووینە دەڤەرا شێخان سەرەدانا رێڤەبەریا گەشەپێدانا جڤاکی یا شێخان دکەن، بەلێ ھەتا نھا 139 کێم ئەندامێن ئاوارە ناڤێن وان ھاتینە تومارکرن و رەوانەی لیژنا نوشداری کرینە و راپۆرتێن وان یێن بۆ مە زڤرین کو 100% کێم ئەندامن و فایلێن وان ژ لایێ مەڤە ھاتینە دروست کرن بۆ رێڤەبەریا گشتیا دھۆک دھێنە رەوانەکەین.
ناڤبری داخواز ژ پارێزگەھا دھۆک دکەت دانوستاندنێ ل گەل ئەنجوومەنێ پارێزگەھا مووسل بکەت، دا کو بنگەھێ گەشەپێدانا جڤاکی سەر ب مووسل ڤە ل شێخان بھێتە ڤەکرن، چونکو ئەگەر ئەو ئاوارێن د ناڤ مالێن خوە دا کێم ئەندام ھەین دێ بارگرانیەکا مەزن کەڤیتە سەر رێڤەبەریا مە و ھەر قەزایەکێ بەھرەکا دیاری کری یا ھەی بۆ وەرگرتنا کێم ئەندامان، یان بەھرەکا تایبەت بۆ وان کێم ئەنداما ل حوکمەتا عێراق فیدرال بھێتە وەرگرتن کو ئەو کێم ئەندامێن ناڤێن وان ل دەف مە بھێنە تومارکرن و ئێکسەر بکەڤیتە سەر بودجەیا بەغدا.
رێڤەبەرێ گەشەپێدانا جڤاکی ل قەزا شێخان دیار کر، دەڤەرا شێخان گەلەک ئاوارە لێ دئاکنجینە و پتر ژ سێ کەمپا ھەنە بەردەوام سەرەدانا مە یان پەیوەندیێ ب مە دکەت ژ بۆ تومارکرنا ناڤێن وان کێم ئەندامان. ناڤبری دیار کر، مخابن بۆ پارێزگەھا مووسل ھەتا نھا ئەو کێم ئەندامێن دەڤەرێن باشیک و تلکێف و حەمدانیە و ئەو دەڤەرێن کوردنشین ل رێڤەبەریا گەشەپێدانا جڤاکی ل پارێزگەھا مووسل نەھاتینە وەرگرتن و 100% رێنما ژ وان دگرن و مافێ وان کێم ئەندامان ھاتیە خارن.
جەمیل عەبدوللا ل دور وان کەسێن مووچە خور یێن سەر ب رێڤەبەریا گەشەپێدانا جڤاکی شێخان ئاشکرا کر کو 1969 سەرۆک خێزان یێن رێنمایێن مووچێ گەشەپێدانا جڤاکێ ژێ دگریت ل قەزا شێخان مووچەی وەردگرن و مووچێ گەلەک ژ وان دھێتە برین ئەوێن وەغەرکرین و ئەوێن بۆ دەرڤەی وەلاتی کوچکرین و ئەو قوتابیێن خێزاندار و خواندنا خوە تمام کربیت ل قوتابخانێ و ئەو کچێن بێ سەمیان خێزان پێکئینابیت و ژنێن بیژن شووکر بیت مووچێ وان ب تمامی دھێتە برین.