ئهڤرۆ نیوز:
رهجهب تهیب ئهردوگان سهرۆك كومارێ توركیا راگههاند ئهو د وێ باوهرێ دایه هێرشێن ئهسمانى یێن نێڤدهولهتى ب تنێ بهس نینن بۆ ژناڤبرنا داعش. ئهڤرۆ 22 نیسانێ، رهجهب تهیب ئهردوگان د كونفرانسهكێ رۆژنامهڤانى یێ ههڤپشك دا ل گهل فوئاد مهعسوم سهرۆك كومارێ عیراقێ ل ئهنقهره گۆت: پێدڤیه ل پال هێرشێن ئاسمانى یێن ههڤپهیمانان هێزا هشكانى ژى بهێته بكارئینان، ژبهر كو ب تنێ هێرشێن ئاسمانى بهس نینن بۆ بدهستڤهئینانا ئهنجامێن باش ل عیراقێ و سووریا.
دیدار و بەرھەڤکرن: درباس مستەفا
ھەلبەستڤان ئاشتی سەعدی گەرماڤی، ئێکە ژ ھەلبەستڤانێن دەستھلێن دەڤەرا مە و ھەتا رادەیەکی شیایە جھێ پێیێن خوە د ناڤ قادا شعرا نوویا کوردی و دەڤەرێ دا بکەت. سالا ١٩٦٩ێ ل گوندێ گەرماڤا ژ دایکبوویە. ل ئەنفالێن ١٩٨٨ ل گەل خێزانا خوە ئاوارەی تورکی بوویە و ل کەمپا مێردینێ خوەجە بوویە، ھەر ل وێرێ تیپەکا ھونەری ب ناڤێ (تیپا حەلەبجە) ھاتبوو دامەزراندن و ببوو ئەندامێ وێ تیپێ. شعرێن سترانکێ بۆ دنڤیسین. ل سەرھلدانا ێ١٩٩١ ڤەگەریایە کوردستانێ. ل سالا ٢٠٠٠ بوویە ئەندامێ ئێکەتیا نڤیسەرێن کورد تایێ دھوکێ. نوکە ئەندامێ دەستەکا نڤیسەرێن کۆڤارا (پەیڤ)ە، سێ پرتووکێن شعری یێن ھەین (من ھابیل نەکوشتیە، عەشق د خلوەدگەھا مرنێ دا، ژیلەمۆیا کەڤالەکێ بژیای).
ئاشتی گەرماڤی ژ وان ھەلبەستڤانانە یێن ھەلبەستەکا مژدار و پڕ رامان دنڤیسن کو ھەر کەسەک ب سانەھی نەشێت گریێن شعرا وی ڤەکەت، لێ سەرەڕای ڤێ چەندێ تام و چێژەکا خوەش ژی د ناڤ شعرێن وی یا ھەی.
ل دۆر دەستپێکا خوە ل گەل شعرێ ئاشتی گەرماڤی گۆت: وەک دەسپێک من و شعرێ خوەکری ئێک جەستە و ب ھەڤرا تێکەلی زمانێ رامانێ و ھونەرێ جوانێ ڤەرێژا ھەستێ و گۆمانێ ژی بووین ڤەدگەریێت سالا ١٩٨٧ ل ناڤ شۆرەشێ، ھەر ل دەڤەرێن رێزگارکری من تێکستێن ئەدەبی و شعر نڤیسیە، ل گەلیێ گەلناسکێ لیژنا دھۆکێ یا وی دەمی من تێکست خواندنە، لێ پا ل وی دەمی من ئەو وێرەکی نە دا خوە ناڤێ شاعێر ل خوە بدانم.
ئەگەرێ کو وی ژ ھەمی رەگەزێن ئەدەبی شعر ھلبژارتیە و کا جۆرەکێ دی یێن ئەدەبی دنڤیست، ھەلبەستڤانی گۆت: نەئاسانە دەسپێکێ مرۆڤ بشێت بریار و سەپاندنێ ل سەر وێ ھەلچوون و ڤەرێژا شانێن مێشکی بدەت، ب کریار بینیتە زمان یێ ژانرەکێ ئەدەبیێ دەستنیشانکری دنڤیست، وەک میناک شعرێ ھەکە ئەلەمێنتێن ھاریکار ل گەل جیھان و دیتنا مرۆڤی دانەبن، دەمێ من پتر ژ ژانرێن دی یێن ئەدەبی شعر ل گەل روحا خوە دیتی، ئێدی ئەو ب خوە ھاتە جھێ مەبەسەت و ھەبوونێ.
پشتی سەرھلدانێ من کورتە چیرۆک و چیرۆکا درێژ ژی نڤیسینە و ل کۆڤار و رۆژنامان ھاتینە بەلاڤکرن، لێ ئەڤە من نەئینایە وێ واتایێ بەرۆکا خوە یا نڤیسینێ بەرفرەھتر بکەم، چونکو پتر ژ ھەر تشتەکێ دی شعرێ دنڤیسم و من دڤێت جارێ ھەر ناسناما شعرێ من ھەبیت.
ژ بۆنا کو پتریا شاعر و ئەدیبێن مە ب شعرێ دەستپێ دکرن، ئاشتی گۆت: چێدبیت ھەنە دبێژن ھندی ھند شعر ژانرەکێ ئەدەبیێ روح سڤکە، خودانا دەست ژی ژ ژانرێن دی یێن ئەدەبی بەرھوشترە، مرۆڤ بکەتە بنەسترەکا دەسپێکێ ژ بۆ ب سەرھەلبوونا نھێنیا ھونەرێ دەربرَینێ، لێ ئەز ب وێ واتایێ نابینم، چونکو شعرێ ژی مینا ھەموو ئەدەبیاتێن دی مەودایێ خوە یێ بەرفرھێ دیتنا ژیانێ یێ ھەی و دەربرَینێ ژجیھانا مرۆڤ و مرۆڤایەتیێ دکت و ل ناڤ خوەدا ھەلدگریت. ھەنە رۆمانێ و چیرۆکێ دنڤیسن، ھندەک جاران مرۆڤ وێرەکیێ نادەت وێ ھزرێ ژی بکەت، خواندەڤان خوەشیێ د گەل دا دبەن ژ خواندنێ بگەھیتە رێزا دووماھیێ، راستە شعر ژی ھەر ژ بەر کێمیا نڤیسینا شاعێری و ھەوجەبوونا رۆژنامێن مە بۆ شعرێ جارنا شعرێن گرتی و پیر دکەڤنە بەردەستێن خواندەڤانی، لێ ئەڤ بەرھەڤکرن نەمیناکەکە ئەو شعرێن گرتی و پیر مەزنی و گرانیا شعرێ ژ ژانرێن دی یێن ئەدەبی کێمتر بکەن.
ل دۆر کا ھەتا چ رادە ژیانا تە یا پێشمەرگاتیێ و دەربەدەریێ د ناڤ بەرھەمێن تەدا رەنگڤەدایە، گەرماڤی گۆت: بێ گومان ھەکە ئەم لێزڤرینەکێ ل خواندن و ناڤەرۆکا شعرێن من بکەین، دێ رەنگڤەدانەکا زیق بینین. ئەز نە ل گەل وێ خواندنێ مە ئەو خواندنا دبێژیت شعر ب ھەمیا خوەڤە ب تنێ ئیلھام و خەیالە، مرۆڤ دشێت بێژیت ژ بێدەرا ھەر پێنج ھەستێن مرۆڤی شعر دانێ خوە ژێ ھەل دگریت. ما کی نابێژیت ھەستا شەشێ ژی شعر پێ تێتە بارکرن، ھەر ئەو بارکرنە دبیتە شیرەت و ئاراستە ژ بۆ جڤاکی و دەستھەلاتێ. ما ھەکە مرۆڤ نەبینیت، گوھلێ نەبیت، تام نەکەت، ھەست پێ نەکەت، بھێن نەکەت، ژ سروشتی و بوریی و ل گەل بوویەر و ژیواری ب سەربۆرڤە، نەبنە ھۆکار دێ ژێدەر و کارڤەدانێن خەیالێ بیتە چی؟ ئەم دشێین بێژین شعر ژ خەیالێ و ژیوای تێتە بارکرن، لێ ب ھۆستاکاری ڤە ب مەرجەکی دوور بیت ژ سەپاندنا لایەنەکێ سیاسی. ھەکە ئەم ب تنێ ناڤێن وان جھێن ئەز چۆیمێ و من دیتین و لێ ژیایم ل ناڤ رێزێن شعرا من دا بەرخەت بکەین، دێ پەسەند بیت ژیانا چیا و دەربەدەریێ کارڤەدانێن خوەکرینە.
نوکە د شعرێن تەدا رەخنێن دژوار ل دەستھلات و گەندەلیا نوکە یێن ھەین، لێ ب رەنگەکێ مژدار، بۆچی ئەڤ مژداریە؟ ئاشتی گۆت: ئازادکرنا ئاخێ چەند ب واتە و خوەش بیت، ھند ژی خوەشترە دەربڕینا ئازاد ب راستی ئەڤ پرسیارە ئەخلاقیەتا رۆژنامەکا ئازاد ل دەف من تینیتە واتایێ، چونکو ئەڤە بوویە جارا گەلەکێ پرسیارێن شعرێ ژ من ھاتینەکرن، لێ نە ب ڤێ مەردانیێ و دەستی دانیتە سەربرینێ، خوەشە مرۆڤ یێ ریالستی بیت، رەخنە و رەخنە ل خوە گرتن بنیاتە ژ بۆ پێکھاتێ جڤاک و دەستھەلاتەکا دروست، لێ ب مەرجەکی د شعرێ ژی دا ب ھێمایا خوە ڤە دەست نیشانکرنا برینێ و چەوتیێن جڤاکی و دەستھەلاتێ ب خوە ژی بیت، چونکو شاعێر ژی ئەندامێ جڤاکێ خوەیە و ئەکتەرەکە د ڤێ شانویا دونیایێ دا، بێ گومان مللەتێ کورد گەلەک شۆرەش و سەرھلدان کرن، گەلەک میرگەە و میرنشین ئاڤاکرن، لێ ھەر ژ بەر بێ تفاقیێ و ھەڤ قەبوولنەکرنێ، خوە فێرنەکرن ب ئەقلێ بەرپرسیارەتیا مێژوویی و رێڤەبرنێ راببن، لەو نوکە کارەسات، مالوێرانکرن، دەربەدەری و دەردەسەری د ناڤ مێژوویا مەدا د پرن. جارێ ب کورتی دێ ڤێ پارچا لەشێ کوردستانامەیا ئازاد ئینمە ھولێ، بێ گومان ئەڤ ئازادیە ب خوە وخوینا ڤی مللەتی ھاتیە دەست، ئەرێ دێ یاوەرگر و بەرھۆش بیت کەسێن بکریار دوژمناتیا شۆرەشێ و ڤێ ئاخێ کرین، ئەنفال ب سەرێ شۆرەشگێر و شۆرەشێ ئیناین، ئەڤرۆ ل گەلەک جھێن رێڤەبرنێ بووینە جھێن بریارێ و ھەر ب وی عەقلی تێکەلی بریاردانێن سیاسی ژی بووینە، ژ لایەکێ دی ئەگەر ئەم سالێن مە یێن پشتی سەرھلدانێ و ئێکدو قەبوولنەکرنێ بھژمێرین، دێ ئەو نە ئێک قەبوول کرن و لەنگیا یاسای بیتە سالێن گەندەلیێ و نە عەقلیەتا وەزیفا ھندەک کاربدەستان ل نەدادیا جڤاکی دیاردبیت، بەرێ خوە بدێ مرۆڤێن جیھانێ ل سەر دەولەمەندیا ئاخا مە شەرە، ئەڤ داھاتێ مەزنێ بەردەست دکەڤیت ھێژ گەلەک ژ ئەوێن شۆرەش دکر و شۆرەشگێر ژی بخودان دکرن، د ھەژاریێ دا دنالن، پلە و پایێن بەرزکرنێ ل سەر کەسێن وێرانکەرێن وەلاتی دھێنە بەلاڤکرن، ژ خوە شعر ب تنێ نە یا سنگ و بەران و رەخ و بەر رەخێن سەرێن مەمکان و لێڤێن بۆیاخ کری و وەسفکرنا باقێن رووسە، چەقەک ژ وەزیفا شعرێ وەزیفایا مرۆڤایەتیێ یە، لێ دەمێ ناڤێ مژداریێ ل سەر شعرێ دھێت دانان، چونکو شعر ب تنێ بەیاننامەکا راستەوخوەیا چینێن ژێردەست و سەردەستێن وەلاتەکی نینە، ژ چەند پەیڤێن داخوازکەرێن گرتی ب دووماھی بھێت، ئەو مژداریا دەست کردبیت و ب ئنیەت بھێتە مژدارکرن، بێ گومان خواندەڤان ھندەکێ ژ خوەشیا شعرێ بێ باردبیت، لێ ئەڤا دی ڤەدگەریت بۆ ئاستێ رەوشەنبیریا شاعێری.
ژ بۆ رەوشا نوکە یا رەخنا ئەدەبی ل دەڤەرا، ئاشتیێ ھەلبەستڤان گۆت: ل دەڤەرا مە ئەم نەشێین فیەکێ ل سەر بوون و نەبوونا رەخنا ئەدەبی بکەین، لێ رەخنا ئەدەبی ل دەڤەرامە یا ھەی، لێ ب دیتنا من یا بەرسیبەرە ل ئاستێ پێدڤی ناھێتە دیتن، ئەڤە ژی ڤەدگەریت بۆ نەپشتەڤانیکرنا رەخنەگرێ مە ژلایێ مادی و مەعنەوی .
ل دۆر بەرھەمێن خوە کا کەتینە بەر رخنێ ژ ئالیێ رەخنەگران ڤە، ھەلبەستڤانی گۆت: تشتێ ھەرێ ب لەزەت و خوەش بۆ من د وێرێ دایە، دەمێ نڤیسینەکا رەخنەیی ل شعرەکا من تێتەکرن، ژ بە رکو رەخنە روحەکا دیە ژ بۆ ژین و ڤەژەنا شعرێ، بەلێ بۆ جارا گەلەکێ یە ژ لایێ رەخنەگران ڤە… ھەتا ل سەر ئاستێن ماموستایێن زانکۆیێ رەخنە ل سەر شعرا من نڤیسینە. ھەروەسا قوتابیێن زانکۆیێ ڤەکۆلینێن خوە یێن دەرچوونێ ل سەر شعرا من کریە و جارنا قوتابیێن زانکۆیێ ل شعر و ژیانناما من گەریاینە، ئەڤە ژی دبیتە جھێ سوپاسی کرنێ، ژ بۆ رەخنەگر و ماموستایێن زانکۆیێ کو ڤێ دووماھیێ گرنگیێ ددن شاعێرێن دەڤەرا خوە.
ئهڤرۆ نیوز:
بهرپرسێن ئێمناهیێ و سهربازى یێن حوكمهتا عیراقێ و ئیرانێ رێككهفتنا د ناڤبهرا خوهدا ب ناڤێ پرۆتوكولا پاراستنا سنورێن بهغدا و تههران ئیمزاكر.
بهرپرسێن ئێمناهیێ و سهربازى یێن حوكمهتا عیراقێ و ئیرانێ رژدى ل سهر بهرهنگاربوونا تیرورێ ل عیراقێ و دهڤهرێن سنورى كرن.
عەبدولەکەریم مستەفا فهرماندێ پاسهوانێن سنورێ عیراقێ د كونفرانسهكێ رۆژنامهڤانى دا راگههاند كو نوكه كارێ وان یێ ب زهحمهتتر كهفتى بۆ پاراستنا سنورێ ههردو وهلاتان ژبهر كو تیرور ل دهڤهرێ زێدهبوویه.
ئهڤرۆ نيوز:
وهزارهتا دارايا عيراقێ دياركر كو دهستكارى د مووچێ فهرمانبهران و خانهنشينكريان ناكهن و دێ بزاڤا دابينكرنا پارهيى بۆ پێدانا وى مووچهيى دهن.
ماهر حسێن بهياتى، پشكينهرێ گشتێ ل وهزارهتا دارايى يا عيراقێ راگههاند: “وهزارهتا دارايى كار بۆ دابينكرنا مووچێ فهرمانبهران و خانهنشينكريان دكهت و ل ڤێ قووناغێ چو دهستكاريێ و كێمكرنێ د مووچهيى دا ناكهت”.
پشكێنهرێ گشتى ل وهزارهتا دارايى يا عيراقێ گۆتژى: “وهزارهتا دارايى نوكه كار بۆ زێدهكرنا داهاتان دكهت ب رێيا پلان دارێتن و رێ و جهێن باش دگريته بهر و باج ژى خستيه سهر فرۆتن و گۆمركێ ب پشت بهستن ل سهر قانوونا بودجا گشتى بۆ تژيكرنا كێماسێن بۆدجهيى”.
ئهڤرۆ نيوز:
بهرى دهمهكێ كێم كۆمبوونا پارتى ديموكراتى كوردستان و پهرلهمانێ كوردستانێ ل دۆر پرسا راستڤهكرنا دستوورى و ماوێ سهرۆكاتيا ههرێما كوردستانێ ب دووماهى هات.
ئهڤ كۆمبوونه د چارچۆڤێ سهرهدانێن سهرۆكاتيا پهرلهمانێ كوردستانێ دا بوو بۆ لايهنێن سياسى كو بهرى نوكه سهرهدانا ههر ئێك ژ كۆمهلا ئيسلامى و يهكگرتوو ئيسلامى كوردستان و بزاڤا گۆڕان و ئێكهتى نشتيمانى كوردستان كربوو.
فازل ميرانى د كۆنگرێ رۆژنامهڤانى يێ ههڤپشك دا ل گهل سهرۆكێ پهرلهمانێ يوسف ئيراهيم دياركر كو ئهوان بوچوونهك ل دۆر ڤى بابهتى بهرههڤ كريه و يا نێزيكى لايهنێن دى يه و دێ ژ دهرڤهيى پهرلهمانى كار ل سهر دكهن.
دهزگههێن راگههاندنێ يێن عيراقى راگههاند كو ئهڤرۆ رۆژا چارشهمبى رێكهفتى 22ى نيسانا 2015ێ سهرۆك كۆمارێ توركيا ب ههڤالينيا شاندهكى گههشته توركيا و ژ لايێ سهرۆك كۆمارێ وى وهلاتى ڤه هاته پێشوازيكرن و بڕياره ل گهل رهجهب تهيب بهحسێ رهوشا ئهمنى يا دهڤهرێ و گهلهك تهوهرێن دى بكهن.
ديسا بڕياره ل ئهحمهد داود ئۆغلۆ يێ سهرۆك وهزيرێن توركيا ژى كۆم ببيت و رهوشا نوكه يا دهڤهرێ و چهندێن بابهتێن دى گهنگهشه بكهن.
ههر د سهرهدانا خوه دا دێ پشكدارى كۆنگرێ ئاستيێ ژى بيت ئهوێ بڕياره ب پشكداريا 21 وهلاتان ل توركيا ب رێڤه بچيت.
ئەڤرۆ نیوز، مللەت جەمال:
بەری دەمەکێ کێم ل جادا بارزان ل نێزیک گوندێ گەڤەرکێ روودانەکا ھاتنوچوونێ د ناڤبەرا دو ترۆمبێلاتن دا روودا و د ئەنجام دا زەرەر و زیانێن مەزن ل دووڤ خوە ھێلان.
رائيدێ مافپهروهر ئازاد تاها، بهرپرسێ راگههاندنێ ل رێڤهبهريا هاتنوچوونا پارێزگهها دهۆكێ بۆ ئەڤرۆ نیوز گۆت: “روودان د ناڤبەرا دو ترۆمبێلان دا روودایە؛ ئێک ژ وان ترومبێلا بارھەلگر پیک ئاپ رەنگێ سپی لێکدان ل گەل ترۆمبێلا تایبەت کەیا ئوپتیما رەنگێ سپی کریە و د ئەنجام دا ھەر دو ترۆمبێل پشتی لێکدانێ وەرگەریاینە”.
زێدەتر گۆت: “د ئەنجامێ ڤێ روودانێ دا دو کەس د ترۆمبێلا بارھەلگر پیک ئاپ دا بریندار بووینە و ھەروەسا چار کەس د ترۆمبێلا تایبەت کەیا ئوپتیما دا بریندار بووینە”.
ئەڤرۆ:
ئەندامەکێ کورد یێ لیژنا دارایی و ئابووریا پەرلەمانێ عێراقێ ئاشکرەکر، پێشبینی دھێتەکرن ل دوماھیا ڤێ ھەیڤێ پتری ٦٠٠ ملیار دینار وەکو پارێ فرۆتنا پتڕۆلێ بگەھیتە ھەرێما کوردستانێ ئەگەر ھەرێم رۆژانە ٥٠٠ ھزار بەرمیلێن پتڕۆلێ ب رێیا سۆمۆ ب فرۆشیت، ئەڤە دێ پارێ فرۆتنا پترۆلێ بەھرا مووچێ فەرمانبەران کەت و چو ئاریشە نامینن، ھەروەسا دیارکر، ھەتا نوکە ھەرێم نەشیایە ل گورەی رێکەفتنا دگەل بەغدا پتڕۆلێ ب فرۆشیت.
مەسعود حەیدەر، ئەندامێ لیژنا دارایی و ئابووریا پەرلەمانێ عێراقێ بۆ رۆژناما ئەڤرۆ دیارکر، ھێشتا چو زانیاریێن دروست ل بەر دەست نینە حوکمەتا ھەرێما کوردستانێ د ھەیڤا نیسانێ دا چەند پتڕۆل ھنارتیە دەرڤە ب رێیا کۆمپانیا سۆمۆ، ل گورەی زانیاریێن حوکمەتا ھەرێمێ دڤێت رۆژانە ٥٠٠ ھزار بەرمیلێن پتڕۆلێ ب ھنێریت بۆ دەرڤە و ئەگەر ئەف خشتەیە بھێتە بجە ئینان، ئەڤە ھەر بەرمیلەک ئەگەر ب بھایێ ٥٠ دۆلاران بھێتە فرۆتن، دێ ھەرێم د ڤێ ھەیڤێ دا ب بھایێ ٧٥٠ ملیۆن دۆلاران پترۆلێ فرۆشیت، بەلێ ھەتا ھەیڤا ئادارێ ھەرێم نەشیایە خشتا بۆ عێراقێ ھنارتی بجە بینیت، حوکمەتا ھەرێمێ پێدڤی بۆ ل ھەیڤا ئادارێ رۆژێ ٤٢٠ ھزار بەرمیلا ب ھنێریت، بەلێ د ھەیڤا سێ دا ھەرێمێ رۆژانە ٢٨٥ ھزار بەرمیلێن پتڕۆلێ ھنارتینە دەرڤە ب ڕێیا سۆمۆ”.
ئەڤی ئەندامێ کورد ل پەرلەمانێ عێراقێ گۆتژی” بۆ ھەیڤا نیسانێ ھێشتا ھەیڤ ب دوماھی نەھاتیە ھەتا بزانین ھەرێم دێ چەند پتڕۆلێ ھنێریت، بەلێ ئەگەر وەکو پێشبینی ھەرێم د ڤێ ھەیڤێ دا رۆژانە ب تنێ ٣٥٠ ھزار بەرمیلێن پتڕۆلێ ب ھنێریت بۆ دەرڤە، ئەڤە دێ پتری ٦٥٠ ملیار دینار وەکە بودجێ ھەرێمێ ل بەغدا ھێن، ھەموو دوماھیێن ھەیڤا وەزارەتا پترۆلا عێراقێ ب نڤیسارا فەرمی مە ئاگەھدار دکەن ھەموو عێراقێ چەند پترۆل ھنارتیە و ھەرێما کوردستانێ ژی چەند ھنارتیە، ل ھەیڤا ئێک ھەتا ھەیڤا سێ ھەرێمێ بەردەوام ھنارتنا پترۆلێ زێدەکریە و بێگومان بۆ ھەیڤا چوار ژی دێ زێدەتر بیت، ئەز باوەردکەم ل دوماھیا ڤێ ھەیڤێ پارێ فرۆتنا پتڕۆلا ھەرێمێ ل بەغدا بگەھیتە پتری ٦٠٠ ملیار دیناران، ئەگەر ھەرێم بەردەوام رۆژانە ٥٠٠ ھزار بەرمیلێن پتڕۆلێ ب رێیا بەغدا بفرۆشیت، ئەڤە دێ مووچێ فەرمانبەران شێت مەزێخیت و پارە دێ بەھرا مووچەی کەت”.
مەسعود ی دیارکر، ئەگەر بەغدا و ھەولێر پێگیریێ ب رێکەفتنا د نێڤبەرا خوە دا بکەن و ھەرێما کوردستانێ رۆژانە ٥٥٠ ھزار بەرمیلێن پتڕۆلێ ل ھەرێمێ و کەرکووکێ ب فرۆشیت، د بەرژەوەندیا ھەرێما کوردستانێ دایە و ل گورەی قانوونا بودجا گشتی یا عێراقێ بۆ ئەڤ سالە، پێدڤیە بەغدا ھەیڤانە ئێک ترلیۆن و ٢٠٠ ملیار دیناران بدەتە ھەرێما کوردستانێ، ئەڤەژی دێ د بەرژەوەندیا ھەرێمێ دا بیت، چونکو ھێشتا ل بەغدا بودجەیێ وەبەرھینانێ نەھاتیە مەزاختن و ب تنێ بودجا بەکارخستنێ بۆ مووچە و میزانیێن فەرمانگەھان دھێتە مەزاختن، ئەم دشێین ئەڤی پارێ مای یێ ھەرێمێ د بودجەیدا ل سەر بەغدا حیساب بکەین و نوکە عێراقێ پلانەکا نو دارشتیە بۆ بابەتێن خزمەتگوزاری و پارە بۆ چو پڕۆژەیەکێ نو ناھێتە مەزاختن، بۆ تمامکرنا پڕۆژەیێن سالێن بۆری ژی دێ پارەی قەڕکەت”.
ئەڤرۆ:
وەزیرەکی بەرێ یێ حوکمەتا تورکیا راگەھاند کو HDP پیلان و پرۆژەیا دۆژشمنایە و بۆ ژناڤبرنا ئێمناھی و سەقامگیریا تورکیا ھاتیە دامەزراندن و د ھەمان دەمی دا لقێ سیاسی یێ تیرۆرستایە و دڤێت دەزگەھا بلندا ھەلبژارتنان ڤێ پارتێ ژ لیستا ھەلبژارتنێ دەربێخیت و ل دژی ڤێ پارتێ و ئەندامێن وێ پێرابوونێن پێدڤی بھێتە وەرگرتن.
بەکر بۆزداگ وەزیرێ بەرێ یێ دادێ ل کابینا ئەردۆگانی د داخۆیانیەکی دا ل باژێرێ یۆزگات یێ تورکیا راگەھاند کو وەلاتێن رۆژئاڤا ل دژی ئارامی و پێشڤەچوونا تورکیا د ناڤ پیلانێن گەلەک مەترسیدار دانە و پێنگاڤ ب پێنگاڤ بۆ دروستکرنا ئالۆزیان پیلانێن خوە بجە دکەن و گۆت: (ھەم وەلاتێن رۆژئاڤا و ھەم ژی تیرۆرستێن دۆژمنێ تورکیا پیلانەکا گەلەک کوور و ڤەشارتی ئامادە کرینە و ئەڤ پیلان و پرۆژە بۆ کێمکرنا دەنگێ پارتا مە (ئاکپارتی) و پارچەکرنا تورکیایە، ژ بەر ڤێ چەندێ ژی دڤێت گەلێ مە ھشیار بیت و د ھەمان دەمی دا سازیێن دەولەتێ ژی پێرابوونان وەربگرن).
وەزیرێ بەرێ یێ دادێ ناڤەرۆکا پیلانێ ژی ئاشکرا کر و راگەھاند کو یاریا د دەستێ دۆژمن و نەحەزێن تورکیا دا پارتا دیمۆکراسیا گەلان (HDP) یە و گۆت: (ئەڤ پارتا ناڤھاتی ژ دەستپێکێ ڤە ژ ئالیێ وەلاتێن رۆژئاڤا و دۆژمنێن تورکیا ڤە ھاتیە دامەزراندن و دخوازن ئەڤ پارتا کو ل ژێر سیبەرا رێکخستنا تیرۆرست دا سیاسەتێ دکەت بەندێ ١٠% یێ ھەلبژارتنان دەرباز بکەت و ھژمارەک زێدە کورسیان ل پەرلەمانێ ب دەست بێخیت، ژ بەر کو مەرەما وان ئەوە ھەکە ئەڤ پارتە دەنگێن خوە زێدە بکەت دێ ھژمارا کورسیێن پارتا مە (ئاکپارتی) ل پەرلەمانێ کێم ببن و ئارامی و ئێمناھیا وەلات ب تەمامی ژ ناڤ بچیت، بۆ ڤالا دەرخستنا ڤێ پیلانا کرێت داخوازا من ژ دەزگەھێ بلندێ ھەلبژارتنان ئەڤە کو نەھێلیت HDP بکەڤیتە ھەلبژارتنێن پەرلەمانی و ناڤێ وێ ژ لیستا پارتێن کو دکەڤنە ھەلبژارتنان دەربێخیت ھەکە نا دێ پیلان و پرۆژەیا دۆژمنان و نەحەزێن وەلات سەرکەڤیت).
بەکر بۆزداگ د دووماھیا ئاخڤتنا خوە دا ژی راگەھاند کو HDP نە نوونەرێ گەلێ کوردە و ھەڤکارێ رێکخستنا تیرۆرستە و نەشێت ببیتە دەنگێ کوردان ژ بەر کو گەلێ کورد ل گەل دەولەتێ و حوکمەتێ نە و گۆت: (ئەز باوەر دکەم دێ ھەم سازیێن داد و کۆمسیۆنا بلندا ھەلبژارتنان ھەم ژی خەمخۆرێن ئارامیا وەلات دێ بەرسڤا پیلان و پرۆژەیێن ھێزێن دەرڤە بدەن).
ل ھەمبەر داخۆیانیا وەزیرێ بەرێ یێ دادێ، سەلاحەدین دەمیرتاش ھەڤسەرۆکێ HDP ژی راگەھاند ئاخڤتنا بەکر بۆزداگ وەزیرێ دادێ و داخۆیانیا چەند رۆژ بەرێ یا ئەفکان ئالا وەزیرێ ناڤخوە کو ھەردو ژی بۆ ھەلبژارتنان دەست ژ کارێن وە کێشاینە، نیشانا بنکەڤتنا (ئاکپارتی) و دژبەرێن دیمۆکراسیێیە و گۆت: (ھەموو جیھان و گەلێن تورکیا ژی باش دزانن کو (ئاکپارتی) پرۆژە و پیلانا ھێزێن دەرڤەیە و پارتا مە پارتا گەلانە و ئارمانجا مە بلندکرنا ئالا دیمۆکراسی، مافێ مرۆڤی و چارەکرنا پرسا کوردی و پرسگرێکێن دی یێن تورکیایە و ژ ھەر نەتەوە و ئۆلێن جودا کەسایەتی ھاتینە بەربژێر کرن و ھەرکەس دزانیت کو ئەم دێ پێکڤە ژیانەکا دیمۆکراتیک ئاڤا بکەین و د ھەلبژاتنان دا سەرکەڤتنەکا مەزن تۆمار بکەین).
دەمیرتاشی راگەھاند ژی داخۆیانیێن بەکر بۆزداگ و ئەفکان ئالا ژ نھا ڤە بنکەڤتنا وان یا د ھەلبژارتنان دا نیشا ددەت و گۆت: (پارتا داد و گەشەپێدان ل سەر رێتنا خوینێ و دروستکرنا ئالۆزیان دخوازیت دەنگێ نەتەوەپەرستان کۆم بکەت و پارتا مە ل ژێر بەندێ ١٠% یێ ھەلبژارتنان بھێلیت و ب ڤێ یەکێ ٤٠٠ کورسیان ل پەرلەمانێ ب دەست بێخیت دا کو ل دووڤ ھزرێن خوە و مەرەمێ خوە دستوورەکی نوو دروست بکەت و سیستەمێ سەرۆکاتیێ بجە بکەت، لێ ئەز جارەکا دی دبێژم پیلانا وان سەر ناگریت و شکەستنا وان گەلەک نێزیک بوویە).
ل ئالیێ دی ل دووڤ ئەنجامێن چار کۆمپانیێن راپرسیان د ھەیڤا نیسانێ دا دەنگێ پارتا داد و گەشەپێدان (ئاکپارتی) نێزیکی ٤٥%، دەنگێ پارتا کۆماریا گەل ٢٧%، دەنگێ پارتا بزاڤا نەتەوەپەرست ١٧% و دەنگێ پارتا دیمۆکراسیا گەلان ژی ١٣% و ل دووڤ ڤان ئەنجامان (ئاکپارتی) نەشێت ب تنێ حوکمەتا نوو ئاڤا بکەت.
ئهڤرۆ نيوز:
دوهى رۆژا سێشهمبى رێكهفتى 21ى نيسانا 2015ێ وهلاتێ سعودى و ههڤپهيمانێن وێ باهۆزا راپێچانێ ل دژى حوسيێن يهمهن و پشتهڤانێن وان ب دووماهى ئينا و ل سهر بڕيارا جڤاتا ئاسايشا نێڤدهولهتى دهست ب پرۆسا “ڤهگهريانا هيڤيان” كرن.
ئهحمهد عهسيرى، ئاخفتنكهرێ ب ناڤێ باهۆزا راپێچانێ د كۆنگرهكێ رۆژنامهڤانى دا راگههاند: باهۆزا راپێچانێ شيا مهترسيا حوسيان ل سهر سنورێن سعوديێ دووربێخيت و نوكه سنورێن وێ ب ئارامن”.
زێدهتر گۆت: “ل سهر داخوازيا عهبد رهبه مهنسور هادى، سهرۆكێ يهمهن ئهڤ كاره هاتيه كرن و پشتى ب دهستڤههاتنا ئامانجان ل رێكهفتى 21 ل سهر 22ى نيسانا 2015ێ دێ دهست ب پرۆسا “ڤهگهراندنا هيڤيان” هێته كرن”
نيشاندان