ئه‌ڤرو نیوز،بارزان سلێمان مزوورى
ئه‌فسه‌ره‌ك ژ هێزێن پێشمه‌رگه‌ى ل میحوه‌رێ باشیك دناڤ گوندێ قوپانكێ سه‌ر ب ناحیا باشیكڤه‌ بو ئه‌ڤرو نیوز ئاشكرا كر كو ل شه‌ڤا بورى نێزیك ده‌مژمژمێر 2:30 خوله‌ك چه‌كدارێن تیرورستێن داعش هێرشه‌كا مه‌زن كره‌ سه‌ر هێزێن پێشمه‌رگه‌ى ل ناڤ گوندێ قوپانێ، به‌لێ د هێرشا خودا شكه‌ستنێن مه‌زن ئینان و خوه‌ ل ناڤ تولكى ڤه‌شارتبوون.
ناڤبرى ئاشكرا كر كو ته‌رمێ ئێك ژ ئه‌میرێن داعش بناڤێ ئه‌بو ته‌باره‌ك كه‌فته‌ ده‌ستێن پێشمه‌رگه‌ى دا و پتر ژ 20 داعش هاتینه‌ كوشتن و ژماره‌كا مه‌زن یا برینداران داینه‌ و دوو چه‌كێن بیكه‌یسى و دگه‌ل ئارپیچیه‌ك و قازیفه‌ك و جورێ تێنتیه‌كا غه‌ریب لدوڤ خو هێلابون و كه‌فتنه‌ ده‌ستێن پێشمه‌رگه‌ى ،
ناڤبرى دیار كر كو شه‌رى ڤه‌كێشا حه‌تا به‌رى سپێدێ، داعش ل ده‌ست پێكێ ته‌قه‌ ل پێشمه‌رگه‌ى كر لدوڤ دا سه‌ر زك ل ناڤ تولكێ دا هاتن حه‌تا گه‌هشتینه‌ به‌رسینگێ پێشمه‌رگه‌ى و شه‌ر ب نارنجوكا دگه‌ل پێشمه‌رگه‌ى دكر و فروكه‌ نه‌شیان داعش بوردومان كه‌ت ژبه‌ر كوداعش گه‌هشت بو ناڤ گوندى ده‌مێ شكه‌ستن ژى ئینایی ل گوندى ده‌ركه‌فتین و فروه‌كه‌یا بوردومان نه‌كرن .
ناڤبرى ئاشكرا كر كوداعش ب رێكا گیانێ تولكێ هێرش كره‌ سه‌ر پێشمه‌رگه‌ى تولك نیڤ متر یا بلند بوى دناڤ تولكێ دا خو ڤه‌شارت بوون حه‌تا گه‌هشتینه‌ دناڤ پێشمه‌رگه‌ى ،
ناڤبرى دیار كر كو ده‌مێ هێرشا وان شكه‌ستن ئینایى ب ده‌نگه‌كێ بلند گازى ئێك دوو دكر دگوت ئه‌بو تبارك سه‌ر په‌رشتێ هێرشێ هاته‌ كوشتن.
گوندێ قوپانكێ مه‌زنترین گونده‌ سه‌ر ب ناحیا باشیك.

ئه‌ڤرۆ نیوز، ڤه‌ده‌ر ره‌شاڤایی:
دادگه‌هه‌كا وه‌لاتێ ئه‌لمانیا كورده‌كێ باكورێ كوردستانێ ب شه‌ش سالێن زیندانكرنێ حومككر لسه‌ر تومه‌تا تیرۆرێ.
دادگه‌ها دوزلدورف یا ئه‌لمانی پشتی تومه‌تێن ئه‌ندامبوونا وی د پارتا كرێكارێن كوردستانێ په‌كه‌كێ دا راستبووی، لسه‌ر مادێ تیرۆرێ ئه‌ڤ كه‌سێ 49 سالی یێ بناڤێ عه‌بدوللا س. دادگه‌هكر .
دادگه‌هێ دیاركر كو ناڤهاتی ل سالا 2007 ێ هه‌تا 2010 ێ رێڤه‌به‌رییا كارێن دارایی یێن په‌كه‌كێ ل ئه‌ورۆپا دكر.
تێ زانین پارتا كرێكارێن كوردستانێ (په‌كه‌كێ) هێشتا پارته‌كا قه‌ده‌غه‌یه‌ ل ئه‌ورۆپا و ب پارته‌كا تیرۆرستی دهێته‌ ل قه‌له‌م دان.

ئه‌ڤرۆ نیۆز، قائید میرۆ
به‌پرسه‌كێ پله‌ بلند یێ پارتی دیموكراتی كوردستان ئاشكراكر، ل باژێڕێ به‌غدا گه‌ف ل كادرێن پارتی دهێنه‌كرن.
محه‌مه‌د ئه‌مین ده‌لۆیی، به‌پرسێ لقێ پێنجێ پارتی ل به‌غدا ب ماڵپه‌ڕێ ئه‌ڤرۆ نیۆز راگه‌هاند” پشتی به‌ری نوكه‌ هژماره‌ك چه‌كدارێن نه‌نیاس هێرشكریه‌ سه‌ر باره‌گایێن پارتی ب تایبه‌تی رۆژناما ئه‌لته‌ئه‌خی زمانحالێ پارتی ل به‌غدا كو هژماره‌كا كه‌ل و په‌ل و ترۆمبێل دگه‌ل خوه‌ بربوون.
ده‌لۆیی گۆتژی” دو حه‌فتیا به‌ری نوكه‌ جاره‌كادی چه‌كدارێن نه‌نیاس گه‌ف ل باره‌گایێن پارتی دیموكراتی كوردستان كرینه‌ و به‌رده‌وام كادر و باره‌گایێن مه‌ لبن گه‌فان ،كارێ خوه‌ دكه‌ن.

ئه‌ڤرۆ نیوز ، بارزان مزوورى
به‌رپرسێ لقا 14 ل مووسل ، عصمت ره‌جه‌ب، بو ئه‌ڤرۆ نیوز دیار كر كو ئه‌ڤرو چه‌كدارێن تیرورستێن داعش ژماره‌كا ترومبێلێن پاس یێن ڤه‌گوهاستنا وه‌لاتیان ب شێوه‌یه‌كێ به‌رزه‌ ل گوره‌پانا نه‌بى یونس راوه‌ستاند بوون پشتى چه‌ند خوله‌كا ئه‌و ترومبێل پر ژ خێزان و زاروك كرن، پشتى دیفچوون لدوڤ وان خێزانا هاتیه‌ كرن دیار بو ئه‌و خێزان یێن وان كه‌سێن دناڤ رێكخراوا تیرورستێن داعش بون بو سوریا ڤه‌گوهاستن ب تایبه‌ت بو باژێرێ ره‌ڤه‌ ڤه‌گوهاستن ژ ترسێن ده‌ست دانا باژێرێ مووسل و ترس بو داعش په‌یدابویه‌ كو ل ڤان نێزیكان دێ مووسل ل ده‌ستێن وان ده‌ركه‌ڤیت .

ئه‌ڤرۆ نیۆز، قائید میرۆ
سپێده‌هیا ئه‌ڤرۆ ل میحوه‌رێ باشیك هێزێن پێشمه‌رگه‌ی هێرشه‌كا تیرۆرستێن داعش شكاند و زیانێن مه‌زن گه‌هاندن تیرۆرستان.

عه‌ مید به‌هرام دۆسكی، فه‌رماندێ پێشمه‌رگه‌ی ل میحوه‌رێ باشیك ب ئه‌ڤرۆ نیۆز راگه‌هاند” ده‌مژمێر چاری سپێده‌هیا ئه‌ڤرۆ تیرۆرستێن داعش ل دو لایانڤه‌ هێرش كره‌ سه‌ر میحوه‌رێ باشیك و پشتی شه‌ڕه‌كێ دژوار، پێشمه‌رگه‌ شیا هێرشێ بشكێنیت و داعش پاشڤه‌ ببه‌ن.
به‌هرا دۆسكی گۆتژی” د هێرشا ئه‌ڤرۆدا پتری 10 چه‌كدارێن داعش هاتینه‌ كوشتن و ته‌رمێ چه‌كدارێن خوه‌ لبن ده‌ستێن پێشمه‌رگه‌ی بجهـ هێلاینه‌ و ره‌ڤینه‌ بۆ ناڤا سه‌نته‌رێ باژێڕێ باشیك.

ئه‌ڤرۆ نيوز:

سه‌رۆك بارزانى د په‌يامه‌كێ دا، كو ئه‌ڤرۆ رۆژا ئه‌ينى ل دور ئاڤه‌دانكرنا كوبانێ به‌لاڤكريه‌، داخوازا هاريكاريكرن و پێشكێشكرنا هاريكاريان دكه‌ت بۆ ئاڤه‌دانكرنا كوبانێ كو دووباره‌ ژيان ل كوبانێ ده‌ستپێبكه‌ت، سه‌رۆك بارزانى ديار دكه‌ت : هاريكاريكرنا كوبانێ ئه‌ركه‌كێ نه‌ته‌وه‌يى و نيشتمانى و مه‌ هه‌ميانه‌، و داخوازێ ژ گشت كوردستانيان دكه‌م ل ناڤخو و ده‌رڤه‌ى وه‌لاتى و رێكخراوێن جڤاكێ مه‌ده‌نى و ده‌زگه‌هێن راگه‌هاندنێ و سازيێن خێرخواز و دام و ده‌زگه‌هێن هه‌رێمێ، كو ل دووڤ شيانێن خوه‌ پشكداريێ د هه‌وا هاريكاريكرنا كوبانێ دا بكه‌ن ب مه‌ره‌ما ئاڤه‌دانكرنا وێ و دڤێت وێ په‌يامێ بگه‌هينينه‌ جيهانێ كو گه‌لێ كورد خودان ئێك دوزا هه‌ڤپشكه‌ و ل خوه‌شى و نه‌خوشيێ دا، ئێك ده‌نگ و ئێكگرتينه‌.