سه‌ره‌كى نووترين نووچه

44 ملیارێ گه‌نمێ جوتیارا گه‌هشته‌ دهۆكێ

10/03/2015 17:15

143

ئه‌ڤرو نیوز ، بارزان مزوورى
بریارده‌رێ جڤاتا پارێزگه‌ها دهوك، ئیدریس هه‌ركى ، بو ئه‌ڤرو نیوز دیار كر كو 44 ملیار دینار پارێ گه‌نمێ جوتیارا ژلایێ حكومه‌تا عێراقا فیدرال ڤه‌ گه‌هشتینه‌ به‌نكێن پارێزگه‌ها دهوك.
ناڤبرى دیار كر كو ئه‌ڤ كوژمێ پاره‌ى دێ ل سه‌ر سایلویێن پارێزگه‌ها دهوك هێته‌ پارڤه‌كرن و ل دووڤ خشته‌یێ وان دارێشتى ل ئه‌ینیا بهێت دێ گه‌هیته‌ سایلویێن سه‌ر ب پارێزگه‌هێ ڤه‌ و ب رێكا به‌نكا دێ هێته‌ دابه‌شكرن ل سه‌ر جوتیارێن گه‌نمێ خو راده‌ستێ سالویا كرى .

50 خێزانێن شه‌هیدان ل شێلادزێ هاتنه‌ خه‌لاتكرن

10/03/2015 15:23

148

ئه‌ڤرو نیوز ، نه‌وزاد زاده‌ هلۆرى :
ده‌زگه‌هێ خێرخوازیێ بارزانى نه‌مر 50 خێزانێن شه‌هیدان ل ناحیا شێلادزێ ئه‌ڤرو خه‌لاتكرن.
شه‌ڤگێر ره‌مه‌زان به‌رپرسێ ده‌زگه‌هێ خێرخوازیێ بارزانى نه‌مر ل شێلادزێ بو ئه‌ڤرۆ نیوز گۆت : ( وه‌كو رێزگرتن بو شه‌هیدان و هه‌لكه‌فتا رۆژا جیهانیا ئافره‌تان مه‌ وه‌كو ده‌زگه‌هێ خێرخوازیا بارزانى نه‌مر 50 ئافره‌ت كو خێزانێن شه‌هیدێن تیرورێ بوون خه‌لاتكرن )
زێده‌تر گۆت : ( د رێورسمێن خه‌لاتكرنێ دا سمیناره‌ك ژى ژ بوو دكتوره‌ ڤیان سلێمان سكرتێرا ئافره‌تێن كوردستانێ هاتیه‌ رێكخستن كو تێدا به‌حس ل ئاریشه‌یێن ئافره‌تان و پێشكه‌فتنا وان و قوربانیدانا ئافره‌تان هاته‌كرن)

په‌رله‌مانتاره‌ك: پێدڤيه‌ له‌ز د چێكرنا هه‌ڤپه‌يمانيا كوردستانى ل به‌غدا دا بهێته‌ كرن

10/03/2015 14:49

ئه‌ڤرۆ نيوز، ناجی به‌ده‌ل:

ئوسمان تاهر ئه‌ندامێ په‌رله‌مانێ عیراقێ بو ئه‌ڤرۆ نیوز دیاركر سه‌رۆك فراكسیونێن كوردی ل جڤاتا نوونه‌رێن عيراقێ ئێك هه‌لویست و ئێك رێزن و په‌یوه‌ندی و ئاگه‌هداری كاروچالاكیێن ئێكن بۆ پتر باشتركرنا كارێن هه‌ڤدو لێ ئه‌گه‌ر جودابوونه‌ك ژی هه‌بیت نه‌بوونا هه‌ڤپه‌یمانیا كوردی ل جڤاتا نوونه‌رێن عيراقێ یه‌.

ئه‌ندامێ جڤاتا نوونه‌رێن عيراقێ ئه‌و چه‌نده‌ ژی دیاركر كو هه‌تا نها هه‌ڤپه‌یمانیا كوردستانێ ل جڤاتا نوونه‌رێن عيراقێ نینه‌ و نه‌هاتیه‌ دروستكرن ئه‌ڤه‌ ب خوه‌ ئه‌گه‌ره‌كه‌ هزرێن ژێك جودا په‌یدا بن و هنده‌ك جاران ژی بوچونێن كه‌سایه‌تی دبن ب شێوه‌یه‌كێ ره‌خنه‌یی دهێته‌كرن و تشته‌كی ئاسایی یه‌ ژی ئه‌گه‌ر هه‌بیت .

ئوسمان تاهر ئه‌و ئیكه‌ ژی دیاركر دڤێت له‌ز بهێته‌كرن بو پیك ئینانا هه‌ڤپه‌یمانیا كوردی ل جڤاتا نوونه‌رێن عيراقێ ئه‌گه‌ر جودابونه‌ك هه‌ بیت ژی ل گه‌ل ئیك به‌ریا رۆنشتنێن جڤاتا نوونه‌رێن عيراقێ دانوستاندنێ ل سه‌ر بكه‌ن و بگه‌هنه‌ ئه‌نجامه‌كی كو مفایه‌كێ گشتگیر بو هه‌مو وه‌لاتیین كوردستانێ هه‌بیت .

فره‌نسا داخوازا كۆمبوونه‌كا ب له‌زا جڤاتا ئاسايشێ دكه‌ت

10/03/2015 14:03

ئه‌ڤرۆ نيوز، ناجی به‌ده‌ل:

ل عیراقێ و سوریا كێمینه‌ ئایین كه‌فتینه‌ بن مه‌ترسیا مرنێ و تێكچونا دیموگرافیا ده‌ڤه‌رێن وان كو به‌ریا نها لێ ئاكنجی بون.

فه‌ره‌نسا داخازا كومبونه‌كا بله‌زا جڤاتا ئاسایشا نێڤ دوله‌تی بو ڤه‌كولینكرن ل سه‌ر ره‌وشا كێمینه‌ ئاین و نه‌ته‌وه‌یێن سوریا و عیراقێ دكه‌ت.

فه‌ره‌نسا د رێكا وه‌زاره‌تا ده‌رڤه‌دا نامه‌یه‌كێ بو جڤاتا ئاسائیشا نێڤ ده‌وله‌تی هنارتی یه‌ و داخازا سازكرنا جڤینه‌كا بله‌ز د پێخه‌مه‌تا پاراستنا گیانێ كێمی نه‌ ئاین و نه‌ته‌وه‌یێن سوریا و عیراقێ و پشكه‌ك ژ وه‌لاتێن رۆژهه‌لاتا ناڤین ل بن مه‌ترسیا گرۆپێن تیرۆریستی یا داعشی دانه‌ كریه‌.

لوران فابیوس وه‌زیرێ ده‌رڤه‌یێ فه‌ره‌نسا راگه‌هاند نها ب ئه‌گه‌رێ وێرانكاریێن گرۆپێ تیرۆریستی یێ داعشێ بو سه‌ر ده‌ڤه‌رێن وان، كێمینه‌ ئاینێن (مه‌سیحی و سائیبی و ئێزی) ل عیراقێ و سوریا ریب ری مه‌زنترین گه‌فا مرنێ‌ و ب هه‌زاران ژی چاره‌نڤیسێ وان به‌رزه‌یه‌ .

ھەولێر و قادسیە بۆ ئێکلاکرنا رێزا ئێکێ دێ ھەڤرکیێ کەن

10/03/2015 13:01

ئەڤرۆ نیوز، زنار:

بریارە سوبەھی دەمژمێر شەش ئیڤاری تیما تەپا پێ یا ھەولێر یاریا خوە یا دویێ ژ کوما سیێ یا قارەمانیا ئێکەتیا ئاسیا یا تەپا پێ بەرامبەر قادسیە یا کوێتی بکەت ژ چارچوڤێ یاریێن گەرا دویێ ل یاریگەھا عەرەبی ل پایتەختێ قەتەر دوحە.

ل دۆر ڤێ یاریێ یاریکەرێ یانا ھەولێر ھەلگورد مەلا محەمەد د داخویانیەکێ دا بۆ مالپەرێ ئەڤرۆ نیوز دیارکر ئەڤ یاریە دێ گەلەک بۆ تیما وان یا ب زەحمەت بیت ژ بەرکو یانا قادسیە ژ یانێن بھێزە و چەندین یاریکەرێن خودان شیان یێن ھەلبژارتیێ کوێتێ و یاریکەرێن پیشەکار یاریێ بۆ دکەن لەورا ئەو چاڤەرێ یاریەکا بزەحمەت دکەن لێ ھەمی بزاڤێن وان دێ ئەوبن بشێن خالێن یاریێ دەستخوە ڤە بینن و سەرکەفتنێ توماربکەن داکو ھەلویستێ خوە باشتر بکەن ل سەرێ لیستا کوما سیێ بۆ دەربازبونێ بۆ یاریێن قوناغا دویێ، ناڤبری ئەو چەندە ژی دیارکر کو راھێنەرێ تیمێ ئەیوب ئودیشو پلانەکا باش ل دووڤ ئاستێ ڤێ یاریێ دارشتیە کو بھیڤی نە سەرکەفتنێ تومار بکەین.

بڕيارا حوكمه‌تا هه‌رێمێ ل سه‌ر رۆژا پێنجشه‌مبى

10/03/2015 12:34

1209

ئه‌ڤرۆ نيوز:

حوكمه‌تا هه‌رێما كوردستانێ راگه‌هاند كو رۆژا چارشه‌مبى و پێنجشه‌مبى دێ بنه‌ بهێنڤه‌دانێن فه‌رمى ل هه‌رێما كوردستانێ.

ئاخفتنكه‌رێ ب ناڤێ حوكمه‌تا هه‌رێما كوردستانێ، سه‌فين دزه‌يى، راگه‌هاند: ب هه‌لكه‌فتا رۆژا 11ى ئادارێ كو سالرۆژا دامه‌زارندنا رێكه‌فتناما مێژوويى يا 11ى ئادارێ يه‌ د ناڤبه‌را سه‌ركرداتيا سياسى يا كورد و حوكمه‌تا عيراقێ ل سالا 1970 و سالرۆژا سه‌رهلدانا مه‌زنا باژێرێ هه‌ولێرێ يه‌ يا سالا 1991ێ، پيرۆزباهيێن گه‌رم ل وه‌لاتيێن خۆراگرێن كوردستانێ دكه‌م و هيڤى دكه‌م هه‌رده‌م د خۆشى و ئاراميێ دا بژين و هه‌موو كێشه‌ و قه‌يران ب دووماهى بهێن.

گۆتژى: “ب ڤێ هه‌لكه‌فتێ رادگه‌هينين كو سوبه‌هى رۆژا چارشه‌مبى 11ى ئادارا 2015 ل هه‌موو ده‌زگه‌هێن حكومى يێن هه‌رێما كوردستانێ بهێنڤه‌دانا فه‌رمى يه‌، ديسا رۆژا پێنجشه‌مبى 12ى هه‌يڤێ ژى دێ بيته‌ بهێنڤه‌دانا فه‌رمى.

گه‌را چارێ يا پارێ جۆتيارێن هه‌رێمێ گه‌هشت

10/03/2015 12:20

112

ئه‌ڤرۆ نيوز:

حوكمه‌تا عيراقێ گه‌را چارێ يا پارێ گه‌نمێ جۆتيارێن هه‌رێما كوردستانێ هنارت و د چه‌ند رۆژێن بهێت دا، دێ ل سه‌ر جۆتياران هێته‌ به‌لاڤكرن.

فه‌رهه‌نگ خالد رێڤه‌به‌رێ گشتيێ ديوانا وه‌زاره‌تا بازرگانيا هه‌رێما كوردستانێ بۆ KNN گۆت: “حوكمه‌تا عيراقێ گه‌را چارێ يا پارێ گه‌نمێ جۆتيارێن هه‌رێما كوردستانێ هنارت و شه‌ڤا بۆرى گه‌هشته‌ هه‌رێما كوردستانێ”.

ئاشكه‌را ژى كريه‌ كو كۆژمێ 140 مليار دينارايه‌ و د چه‌ند رۆژێن داهاتى دا و پشتى هووربينيێ و چه‌ند ريێن پێدڤى دێ ب سه‌ر جۆتياران دا هێته‌ به‌لاڤكرن.

جۆتيارێن هه‌رێما كوردستانێ ل سالا بۆرى ب بهايێ 577 مليار ديناران گه‌نم دايه‌ وه‌زاره‌تا بازرگانيا هه‌رێما كوردستانێ، د وێ ده‌ربارێ ژى دا ب سێ گه‌ران 233 مليار دينار وه‌رگرتيه‌ و شه‌ڤا بۆرى ژى 140 مليار دينار گه‌هشتن و نوكه‌ پێدڤيه‌ حوكمه‌تا عيراقێ 204 مليار دينارێن دى بۆ هه‌رێما كوردستانێ ب هنێريت دا كو پارێ هه‌موو جۆتيارێن گه‌نم دايى پێ بهێته‌ دان.

وه‌لاتى چیك رازيبوو فرۆكان بده‌ته‌ عيراقێ

10/03/2015 12:11

ئه‌ڤرۆ نيوز، ناجی به‌ده‌ل:

حوكمه‌تا چيكێ ره‌زامه‌ندى ده‌ربڕى ل سه‌ر دانا 15 فرۆكێن ژ جۆرێ ئێل 159 ب حوكمه‌تا عيراقێ.

حوكمه‌تا چیكێ ئه‌ڤرۆ بریار دا، د چارچوڤێ رێكه‌فتنا له‌شكرى ل گه‌ل حكومه‌تا به‌غدا 15 فرۆكێن شه‌ری ژ جورێ ئێل 159 ب سوپایێ عیراقێ ب كوژمێ 27.5 ملیون یورۆیا بفرشیت.

ئاماژه‌ ب ئه‌وێ چه‌ندێ ژی هاته‌ دان كو ژبلی ئه‌وان فرۆكان بڕیار دایه‌ پێدڤیێن له‌شكرى ژی راده‌ستی هێزێن ئه‌منی یێن عیراقی بكه‌ت.

هه‌یڤا بۆری كومپانیا ئێكسكالیبری یا چیكی راگه‌هاند كو ل گوری گرێبه‌سته‌كێ ل گه‌ل حوكمه‌تا به‌غدا 100 تانكێن ژ جورێ تی 72 ل گه‌ل پێدڤیێن له‌شكرێ دێ ل ده‌مێن بهێت راده‌ستی سوپایێ عیراقێ هێنه‌ كرن.

په‌روه‌ردێ بڕيارا دووماهيێ ل سه‌ر بهێنڤه‌دانا دا

10/03/2015 11:21

1942

ئه‌ڤرۆ نيوز، شه‌وكه‌ت محه‌مه‌د سالح:

رێڤه‌به‌رێ گشتيێ په‌روه‌ردا پارێزگه‌ها دهۆكێ بۆ ئه‌ڤرۆ نيوز دووماهى پێشنيازا خوه‌ ئه‌وا بۆ په‌روه‌ردان و قوتابخانان هاتيه‌ دان راگه‌هاند.

عه‌بد يوسف رێڤه‌به‌رێ گشتيێ په‌روه‌ردا پارێزگه‌ها دهۆكێ گۆت: “پێشتر هنده‌ك په‌روه‌رده‌ هاتبوونه‌ ئاگه‌هداركرن كو دێ ده‌وامێ كه‌ن ژ به‌ر كو دره‌نگ ده‌ست ب خواندنێ هاتيه‌ كرن”.

زێده‌تر گۆت: “پشتى مه‌ زانى كو هنده‌ك قوتابخانا ئه‌و كێشه‌ يا چاره‌ كرى و نوكه‌ سيسته‌مێ وان يێ خواندنێ ب ره‌نگه‌كێ نورمال يێ ب رێڤه‌ دچيت و ئه‌و دخوازن بكه‌نه‌ بهێن ڤه‌دان مه‌ وه‌كو په‌روه‌رده‌ بڕياره‌كا نوو دا”.

ل دۆر بڕيار وان يا نوو ژى، رێڤه‌به‌رێ گشتيێ په‌روه‌ردێ ل پارێزگه‌ها دهۆك گۆت: “نوكه‌ رێڤه‌به‌رێن قوتابخانا دشێن بڕيارا ده‌وام كرن و نه‌كرنێ ب راگه‌هينن ب گۆره‌يى سيسته‌مى، هه‌كه‌ د پاشكه‌فتى نه‌بن، دشێن بكه‌نه‌ بهێن ڤه‌دان وه‌كو هه‌موو قوتابخانێن كريه‌ بهێن ڤه‌دان، به‌لێ يێن گيرۆ دێ ده‌وام لێ هێته‌ كرن”.

به‌رى نوكه‌ وه‌زاره‌تا په‌روه‌ردێ بڕيار دابوو ژ 11/3 هه‌تا 2015/3/24 دێ ده‌واما فه‌رمى بيت ل هه‌موو قوتابخانان و ده‌وام دێ ل 24/3 ده‌سپێكه‌ت.

قارەمانیا فوتسالا پارێزگەھێ ئەڤرۆ دێ دەستپێکەت

10/03/2015 11:12

ئەڤرۆ:
ب چاڤدێریا پارێزگەھێ دھۆکێ فەرھاد ئەمین ئەڤرۆ دێ قارەمانیا فوتسالا پارێزگەھا دھۆکێ لسەر ئاستێ ئافرەتان ب پشکداریا چار تیمان دەستپێکەت ئەوژی یانێن زێرەڤانی و سەنحاریب و بەردەرەش و بنگەھێ دومیس و د یاریا ڤەکرنا قارەمانیێ دا بریارە ئەڤرۆ ل دەمژمێر ٣:٣٠ ل ھولا گرتیا چالاکیێن وەرزشی ل دھۆکێ دناڤبەرا تیما زێرەڤانی ھەلگرا ھەردو ناسناڤێن خولا کوردستانێ یا پلا نایاب و کچێن یانا سەنحاریب بھێتە ئەنجامدان.
ل دۆر ڤەکرنا ڤێ قارەمانیێ فەرزاد محەمەد جێگرێ سەروکێ ئێکەتیا تەپا پێی ل پارێزگەھا دھۆکێ بۆ رۆژناما ئەڤرۆ دیارکر ئەڤ قارەمانیە ب سەرپەرشتیا لژنەیا ئولومپی نوونەراتیا دھۆکێ یا بەشێ ئافرەتان ھاتیە ڤەکرن ب ھەڤکاری ل گەل ئێکەتیا تەپا پێی یا پارێزگەھی و ھەڤرکیێن ڤێ قارەمانیێ دێ بەردەوام بیت ھەتا ١٨ ڤێ ھەیڤی یاریێن قارەمانیێ دێ ب شێوازی کەڤتنا جوت بیت.
ناڤبری زێدەتر گۆت: مەرەم ژ ڤەکرنا ڤێ قارەمانیێ ئەوە پتر بشێن خزمەتا وەرزشا ئافرەتان بکەن ل پارێزگەھا دھۆکێ تایبەت ل ڤی دەمی دا کو نەبوونا خولێن کوردستانێ مە ب دەرفەت دیت ئەڤێ قارەمانیێ بۆ تیمێن پارێزگەھی ئەنجامداین.

نيشاندان 1...1,000 2,000 2,7102,7112,712...3,026 زێده‌تر

لاپه‌ر 2,711 ژ 3,026