ئه‌ڤرو نیوز:
جه‌بار یاوه‌ر ئه‌میندارێ گشتى یێ وه‌زاره‌تا پێشمه‌رگه‌ى راگه‌هاند كو هێزێن پێشمه‌رگێ كوردستانێ پرۆسه‌كا مه‌زن بۆ ئازادكرنا مووسل ده‌ستپێكریه و پشكه‌كا دى دكه‌ڤیته ستویێ حكومه‌تا عیراقێ كو كار بۆ ئازادكرنا مووسل ب ئێكجارى بكه‌ت و گۆت: هه‌موو ئه‌و پروسێن پێشمه‌رگه‌ى بۆ ئازادكرنا، ره‌بیعه، به‌نداڤا مووسل، زوومار، وانكێ، تلكێف ئه‌نجامداین، د هاریكاربوون بۆ ئازادكرنا مووسل .
نووترين نووچه
- نڤیسینا رەشنڤیسێ كارێ حوكمەتا نوو د قووناغێن دووماهیێ دایە
- پرسا هنارتنا پەترۆلا هەرێمێ ئێك ژ بابەتێن هەرە گرنگ یێن گوهۆڕینێن دەڤەرێیە
- شاندێن حوكمەتا هەرێمێ و ئیراقێ ل گەل كۆمپانیێن بەرهەمئینانا پەترۆلێ كۆمبوون
- پڕۆژەیێ پارێزگەهبوونا شنگالێ دێ هنێرینە جڤاتا نوونەرێن ئیراقێ
- سەرۆك بارزانی و جێگرێ وەزیرێ دەرڤەیێ توركیایێ پرۆسەیا چارەسەریێ و ئاشتیێ گەنگەشە كر
- سەرۆك بارزانی پێشوازی ل هەژمارەكا نڤیسەر و ئەدیب و رەوشەنبیرێن عەرەب كر
- سەرۆك بارزانی پێشوازی ل سەرۆكێ هەڤپەیمانییا عەزم كر
- نێچیرڤان بارزانی پشتەڤانییا هەرێمێ بۆ پرۆسەیا ئاشتیێ دوپاتكر
- پێدڤییە هەموو كێشەیێن ل پێشبەری هنارتنا پەترۆلا هەرێمێ نەمینن
- د قووناغا بەلاڤكرنا پۆستانداینە
سه‌ره‌كى نووترين نووچه
چاره‌نڤیسێ داعشێن ئه‌ڤرۆ ژ ترسا پێشمه‌رگه‌ى ره‌ڤین
ئه‌ڤرو نیوز، بارزان مزوورى
ژێده‌ره‌كێ ژ رێكخراوا چه‌كدارێن ئازاد ل مووسل بۆ ئه‌ڤرۆ نیوز دیاركر كو چه‌كدارێن تیرورستێن داعش ئه‌ڤرۆ ئێڤارێ ب ده‌هان چه‌كدارێن خوه سه‌رێ وان ژێڤه‌كرینه، ژبه‌ر كو ل میحوه‌رێن ده‌وروبه‌رێن مووسل ره‌ڤینه و گۆت: ڤان چه‌كدارێن داعش ژ ترسێن هێرشا ئه‌ڤرۆ یا پێشمه‌رگه‌ى، ژ شه‌رى ره‌ڤینه وچووینه مووسل و خوه ڤه‌شارتبوون.
مه‌سرور بارزانى: داعش ئه‌ڤرۆ زێده‌تر ژ 200 ته‌رمێن خوه د جهدا هێلاینه
ئه‌ڤرۆ نیوز:
مه‌سرور بارزانى راگه‌هاند كو ئه‌ڤرۆ هێزێن پێشمه‌رگه‌ى یێن شیاین ل میحوه‌رێ دیجله 40 كیلومتران ب درێژاهی و 15 كیلومتران ب پانى كونترۆل بكه‌ن و داعش زێده‌تر ژ 200 ته‌رمێن خوه د جهدا هێلاینه.
مه‌سرور بارزانى راوێژكارێ ئه‌نجومه‌نێ ئاسایشا هه‌رێما كوردستانێ، ئه‌ڤرۆ چوارشه‌مب، د كونگره‌كێ رۆژنامه‌ڤانى دا به‌حسێ ئوپه‌راسیونا به‌رفره‌ه یا میحوه‌رێ دیجله دژى داعش كر و گۆت: پێشمه‌رگه‌ى د ڤێ هێرشێ دا، موشه‌كێن دژى تانكان بكارئیناینه و 3 ئوتومبێلێن وان ژ ئالیێ فرۆكێن شه‌رى ڤه هاتنه ژناڤبرن، هه‌روه‌سا زێده‌تر ژ 200 ته‌رمێن چه‌كدارێن داعش دجهدا ماینه.
سه‌ربازێن وه‌لاته‌كێ ئوروپى یێ د ناڤ داعش دا
ئه‌ڤرۆ نیوز، ڤه‌ده‌ر سوبحى
هه‌یا نها بده‌هان هزار شه‌ركه‌رێن بیانی چووینه دناڤ رێزێن گرۆپا تیرۆرستیا داعشی دا لێ بو ئێكه‌م جار وه‌لاته‌ك هه‌بوونا سه‌ربازێن خوه دناڤ داعش دا ئاشكرا دكه‌ت.
ژان یه‌ڤێس لادریان راگه‌هاند كو ژماره‌كا كێم ژ وان هزار وه‌لاتیێن فره‌نسی یێن كو گه‌هشتیه رێزین گرۆپا داعش ل ئیراق و سوریا سه‌ربازێن فره‌نسی یێن به‌ری نه.
وه‌زیرێ به‌رگریا فره‌نسا دانپێدانكر كو هنده‌ك ژ وه‌لاتیێن فره‌نسی یێن گه‌هشتینه داعش ل سوریا و ئیراقێ سه‌ربازێن به‌رێ یێن فره‌نسی نه.
ناڤبری گۆت : ئێك ژ وان سه‌ربازێن فره‌نسی یێن به‌رێ، ئه‌میره‌كێ كاریگه‌رێ داعشه و یێن دی پرانیا وان د ژیێ 20 سالیێ دانه و د ناڤدا بسپورێن ئاماده‌كرنا بومبه و تێنتییا و سه‌ربازێن نوخبه هه‌نه كو دزانان نه ژ شێوازێ هێرشێن فره‌نسی.
هه‌رێما كوردستانێ گه‌شتكرنێ بۆ شه‌ش وه‌لاتان قه‌ده‌غه دكه‌ت
ئه‌ڤرۆ نیوز:
ژ ئه‌گه‌رێ به‌لاڤبوونا نه‌خوشیا ئیبولا، وه‌زاره‌تا ناڤخو یا حكومه‌تا هه‌رێما كوردستانێ گه‌شت كرنا وه‌لاتیێن هه‌رێما كوردستانێ بۆ 6 ولاتان قه‌ده‌غه دكه‌ت.
مالپه‌رێ فه‌رمى یێ پارتى دیموكراتى كوردستان ئاماژه ب پێزانینێن رێڤه‌به‌ریا ڤیزان ل وه‌زاره‌تا ناڤخو دایه كو بڕیار هاتیه دان نابیت وه‌لاتیێن هه‌رێمێ بچنه 6 وه‌لاتێن ئه‌فریقى ژ وان وه‌لاتان ژى (غینیا، سیرالیۆن، لایبیریا، سەنیگال، كۆنگۆ و نایجیریا) ژبه‌ر كو نه‌خوشیا ئیبولا تێدا به‌لاڤ بوویه.
ئه‌گه‌رێن كوشتنا عه‌بادى ئاشكرا دبن
ئه‌ڤرۆ نیوز:
ئه‌ندامه‌كێ لیستا سه‌در بزاڤێن كوشتنا سه‌رۆك وه‌زیرێن عیراقێ حه‌یده‌ر عه‌بادى ئاشكرا دكه‌ت، د دیداره‌كێ دا ل گه‌ل رۆژناما ( حه‌یات) حه‌یده‌ر عه‌بادى سه‌رۆك وه‌زیرێن عیراقێ ئاشكراكربوو كو بزاڤێن تیروركرنا وى هاتینه دان.
ڤى ئه‌ندامێ لیستا سه‌در كو نه‌ڤیایه ناڤێ خوه ئاشكرا بكه‌ت، به‌حسێ ئه‌گه‌رێن ل پشت كوشتنا عه‌بادى دكه‌ت و دبێژیت” بزاڤێن كوشتنا عه‌بادى ل ده‌ڤه‌را كه‌سك ل به‌غدا بوویه، بووچونه‌ك هه‌یه كو كه‌سه‌ك بیت ل ناڤ ده‌وله‌تا قانوونێ بزاڤا كوشتنا عه‌بادى بكه‌ت و دیسا بزاڤه‌كا دى بۆ كوشتنا عه‌بادى ئه‌وه كو عه‌بادى سیاسه‌ته‌كا بهێز یێ هه‌ى بۆ روى ب روى بوونا گه‌نده‌لیێ ل دام و ده‌زگه‌هێن سه‌ربازى ب تایبه‌ت دوورخستنا مافیان و دیسا بووچه‌نه‌كا دى هه‌یه كو ره‌نگه ئه‌گه‌رێ كوشتنا عه‌بادى بۆ وێ چه‌ندێ بیت كو عه‌بادى سوزا پرچه‌ككرنێ یێ دایه سوونیه‌یان و یێ نێزیك بووى ل هه‌ڤپه‌یمانیه‌كا نێڤده‌وله‌تى”
ب ڤیدیو هێرشا ئه‌ڤرۆ یا پێشمه‌رگه‌ى ل به‌نداڤا مووسل
ئه‌ڤرۆ نیوز:
هێزێن پێشمه‌رگێ كوردستانێ ئه‌ڤرۆ ل رۆژهه‌لات و رۆژئاڤایێ به‌نداڤا موسل هێرشه‌كا به‌رفره‌ه كریه سه‌ر چه‌كدارێن داعش و شیان چه‌ندین جهێن ستراتیژى دده‌ست داعش دا ده‌ربینن و زێده‌تر ژ 10 گوندێن دده‌ستێن وان دا هاتنه ستاندن و نوكه پێشمه‌رگه‌ى چوار رییانا ته‌له‌عفه‌ر كو رێكه‌كا ستراتیژیه ل موسل بۆ قه‌زا ته‌له‌عفه‌ر كونترول كریه.
پێشمه‌رگه‌ی گونده‌كێ داعش تێدا دۆرپێچكر
ئه‌ڤرۆ نیۆز، قائید میرۆ
هێزێن پێشمه‌رگه‌ی پشتی ئازادكرنا ده‌ڤه‌ره‌كا به‌رفره‌ه، د ده‌مێ نوكه‌دا گونده‌كێ نێزیك سكرێ مووسڵ دۆرپێچكریه و شه‌ڕێ پێشمه‌رگه و تیرۆرستان یێ به‌رده‌وامه.
موقه‌ده‌م شه‌وكه‌ت مزیری، فه‌رماندێ پێشمه‌رگه‌ی ل میحوه‌رێ به‌نداڤا مووسل بۆ ئه‌ڤرۆ نیۆز گۆت” هێزێن پێشمه‌رگه‌ی سه‌ركه‌فتنێن مه‌زن د هێرشا ئه‌ڤرۆ دا بۆسه‌ر تیرۆرستێن داعش تۆماركریه و ده‌ڤه‌ره‌كا به‌رفره‌ه ژ تیرۆرستێن داعش هاتیه پاقژكرن.
شه‌وكه‌تی گۆت ژی” پتریا پلانا هاتیه دارشتن هاتیه بجهئینان و تنێ گونده‌ك نێزیك سكرێ مووسڵ مایه دبێژنێ گوندێ( شه‌هیه) و هژماره‌ك تیرۆرستێن داعش خوه تێدا ئاسێ كریه، به‌لێ پێشمه‌رگه ئه‌ڤ گوند دۆر پێچكریه و شه‌ڕ یێ به‌رده‌وامه دناڤبه‌را پێشمه‌رگه و تیرۆرستان.
ده‌وله‌تا قانوونێ ب 13 خالان دژایه‌تییا خوه بۆ كوردان راگه‌هاند
ئه‌ڤرۆ نیوز:
سه‌رۆكێ كوتلا هه‌ڤپه‌یمانیا ده‌وله‌تا قانوونێ، عه‌لى ئه‌دیب د به‌یاننامه‌كێ دا كو بۆ سه‌رۆكاتیا په‌رله‌مانێ عیراقێ هنارتیه ب ئاشكرا دژایه‌تیا خوه بۆ وان برگێن قانوونى دیار دكه‌ت كو به‌حسێ كوردان دكه‌ن و ناما وى ژ 13 خالان پێكدهێت و ب ئاشكرا دژایه‌تیا به‌رژه‌وه‌ندیێن كوردان د پرۆژه قانوونا بودجێ عیراقێ دا دكه‌ت.
عه‌لى ئه‌دیب ئێكه ژ سه‌ركردێن به‌رنیاسێن حزبا ده‌عوه و ب ئێك ژ به‌ره‌ڤانیكه‌رێن نورى مالكى دهێته هژمارتن.
ب وێنه: دژى سيسته‌مێ كانتۆنان خوه‌نيشاندان كر
نيشاندان
WP Facebook Auto Publish Powered By : XYZScripts.com