ئه‌ڤرۆ:

ئەو ژنا ئەزمان درێژ و دەڤێ وێ یێ بێ بەرسفک: گەلەک ئاخفتن و بڕینا ئاخفتنا خەلکی و ئاخفتن و کەنیا ب دەنگێ بلند، مەزنترین ئەگەرن کو کچێ ب شێوەکێ نەشرین بدەنە دیار کرن، ئەڤە نازکی یا وێ ژ دەست ددەت کو پێدڤیە ئەو نازکی ببیتە ھێمایێ مێیاتی و جوانیا راستەقینە یا ژنێ.
ژنا ھار: ھاراتی و سەپاندنا بۆچوونێ و داکوکیکرن ل سەر بێی گوھدانا بۆچوونێن یێن بەرامبەر، نەریتێن کرێتن و ئاستێ ھزرکرنا وێ ل نک یێن دی کرێت دکەت، ئەڤ نەریتە گەلەک خرابترە ژ ھندەک لڤینێن سەرڤە سەرڤە کو دشیان دایە بھێنە گوھۆرین یان کونترۆل ل سەر بھێتە کرن.
ژنا نە پاقژ: گرنگترین نەریت کو جوانیا ژنێ تێکددەت بەلکو جوانیا وێ دکوژیت ئەوا یا کەربێن دەردۆران ژێ ڤەدبن دەمێ ھندەک رەفتاران دکەن وەکو پاقژکرنا نینۆکان یان د دفنا خوە بخەبتیت کو چو بەھانە بۆ ڤان کاران نینن.
ئەو ژنا ب ھێزا زەپلەکان رەفتارێ بکەت: دەمێ ئەو ژنا تەر و نازک دبیتە دڕندە و رەفتارێن دوژمنکارانە و ب زەپلەکان دکەت، پارچا مەزنا مێیاتیا خوە ژدەست ددەت.
ژنا بێ شەرم: شەرمینی جوانیا ژنێ یە، ئەڤە راستیەکە ناھێتە پشتگوە ھاڤێتن، ھەموو دەمان پەیڤا شەرمینیێ ب ژنێ ڤە دھێتە گرێدان، خو ھندەک جارا ئەم زەلامێ شەرمین ژی ب ژنێ سالوخەت دکەین، بزاڤێ بکە مێیاتیا خوە بپارێزە چونکو ئەو ھێز و دلینی و جوانیا تەیە، کورد ژی دبێژن “ژنا شەرمین ب شارەکی و مێرێ شەرمین ب کارەکی”.

ئەڤرۆ:
د جڤاکێن مەیێن رۆژھەلاتی دا گەلەک رەوشت و بریار ھەنە کو ھندەک کەس بەھانا بۆ دبینن و بزاڤێ دکەن ئەگەرێن سەرڤە سەرڤە بۆ ببینن بەلێ وەکو رۆژا ل ئەسمانی ددیارن و زارۆیەکێ بچووک ژی دزانیت چ د سەرێ وی مرۆڤی دا دزڤریت، ئەو ژی زەلامە، ھندەک بریار ھەنە نیشانا سروشتێ زەلامێ رۆژھەلاتی و عشقا وی بۆ نەخۆشیا زالبوونێ ل سەر ژنێ دیار دکەت و ئەڤ چەندە وی کەیفخۆش دکەت، لەورا ھندەک ئەگەر ھەنە کو زەلامێ رۆژھەلاتی حەز دکەت کچەکا ژ خوە بچووکتر بینیت وەکو ھەڤژین و ئەڤ چەندە نە ب تنێ مەرجە ل نک وی بەلکو ئەڤە سەرێ ھەموو مەرجان و بھاترین مەرجە د چاڤێن زەلامی دا.
ئەگەر ژی ئەڤەنە:
ھەبوونا گەلەک سەربۆران د ژیانا زەلامی دا: ئەو زەلامێ گەلەک سەربۆر ھەین چو پێنەڤێت کو وی گەلەک کەساتیێن جودا یێن ژنان د ژیانا خوە دا دیتینە و ب ھەموو عەمران، چو پێنەڤێت ژی کو ھەر کەسەکا وی دیتی سالوخەت ل نک ھەبوویە ئەو پێ داخبار بووی، لەورا دێ ئێت ل وان سالوخەتان گەریت و حەز دکەت وان ھەموو سالوخەتان د ئێک ژن دا ببینیت، بەلێ یا بێگۆمانە نابیت لەورا دێ ل کچەکا عەمرێ وێ بچووک گەریت دا بشێت وان ھەموو سالوخەتان ل نک ئاڤا بکەت.
خوە قورتالکرن ژ کابووسێ کەساتیا ب ھێزا ژنێ:
ل ڤێرێ ھەڤدژیا ل نک زەلامی دیار دبیت،سەرەرای کو کەساتیا ب ھێز یا ژنێ پتر سەرنجا زەلامی رادکێشیت و راکێشانەکا تایبەت ھەیە، بەلێ دەمێ دبیتە خواستن و مارەکرن گەلەک خوە دگریت و پتر حەز دکەت کچەکا لاواز بینیت کو ژ نوو یا دگەھیت و مێشکێ وێ یێ د غووناغا وەرارێ دا دا بشێت بۆ خوە پرۆگرام بکەت و بخوەڤە گرێدەت، ئەڤە ژی حەزا زالبوونێ ل نک زەلامی دیار دکەت.
حەزا دسەرداگرتنێ:
بەلێ سەرداگرتنە، زەلام حەز دکەت ببیتە میحوەرێ پویتە پێدانا ژنێ و ب نیڤ پویتەدانێ قەبوول ناکەت، بێی ل بەرچااڤوەرگرتنا رەفتارا وی ل گەل ژنێ، وی یا بۆ خوە ئینای ھێشتا یا بچووک دا بۆ خوە ژیانا خوە دابین بکەت و وێ بکەتە ھەموو خێزان و ئەو ببیتە (دایک و باب و خووشک و برا) و ئەو ب تنێ ژیانا وێ نەخشە بکەت.

قەرقەشە ژ ئەڤرۆ پێڤە نینن: ئەو کچا بچووک ئەوا زەلامی پلانەکا ھوور و کوور بۆ دوبارە پەروەردەکرنا وێ دانای، نەوێریت قەرقەشێ و گفتوگۆیان ل گەل بکەت، ئەو دەستھەلاتدارە، فەرمانێ ددەت و رەت دکەت، ئەڤە دیکتاتوریەتا زەلامێ رۆژھەلاتیە.
حەزا وی بۆ ئینانا گەلەک زارۆیان: ئەڤ خالێن مە ل سەری گۆتین ھەکارەکێ ب ھێزترن ژ ڤێ، چونکو زەلام تۆرە نابیت ھەکە ئەو کچا بچووک نەشێت زارۆیان بینیت، چونکو ئەو دێ ژ ژنەکا دی ئینیت و ئەڤەیە دیتنا زەلامی بۆ فرەژنیێ.