ئه‌ڤرۆ نيوز:

رێڤه‌به‌رێ گشتيێ په‌روه‌ردا پارێزگه‌ها دهۆكێ راگه‌هاند كو پشتى ئه‌نجامدانا كۆمبوونه‌كێ ل دۆر ده‌سپێكرنا ژڤانێ ئه‌زموونێن خولا ئێكێ و ئاگه‌هداركرنا وه‌زاره‌تێ ئه‌وان ژڤانێ ئه‌زموونێن خولا ئێكێ دياركر.

عەبد یوسف رێڤەبەرێ گشتی یێ پەروەردا پارێزگەھا دھۆک گۆت: ” بەری چەندەکێ مه‌ کومبوونەک ل دۆر دیارکرنا ژڤانێ تاقیکرنان و بھێنڤەدان و قەرەبووکرنا رۆژێن ژ دەواما قوتابخانان چوويی ژ ئەگەرێ ئاکنجیبوونا ئاواران د قوتابخانان دا ئەنجامدایە و پشتى نڤيساره‌ك بۆ نڤێسينگه‌ها وه‌زيرێ په‌روه‌ردێ هاتيه‌ ره‌وانه‌كرن ل دور ئه‌نجامدانا ئه‌زموونێن وه‌رزێ ئێكێ ل سنورێ پارێزگه‌ها دهۆك”.

زێده‌تر گۆت: “بڕيار هاته‌ دان ئه‌زموونێن وه‌رزێ ئێكێ يێن سالا خواندنێ (2014-2015) ل سنورێ په‌روه‌ردێن دهۆك (رۆژهه‌لات و رۆژئاڤا) ل (17/1/2015) بهێنه‌ ئه‌نجامدان” .

ھەر سال تاقیکرنێن خۆلا ئێکێ وه‌رزێ ئێكێ 1\3 دھاتنە ئەنجامدان، لێ ژبەر ئاکنجیبوونا ئاوارێن دەڤەرا شنگال ل قوتابخانێن پارێزگەھا دھۆکێ و درەنگ ڤالاکرنا قوتابخانان .

ناجی به‌ده‌ل

ئاری هه‌رسین ئه‌ندامێ په‌رله‌مانێ كوردستانێ ل سه‌ر پرۆژه‌ یاسایا سرۆدا نیشتمانی راگه‌هاند: هنده‌ك لایه‌نێن ئیسلامی دل گرانن ل سه‌ر رسته‌یه‌كا ئه‌وێ سرۆدێ كو دبێژیت (دین مان و ئاینمان هه‌ر نیشتمان) ئه‌ز د وێ باوره‌ییێ دامه‌ چ هێزه‌ك د ناڤ ئه‌ڤێ هولا په‌رله‌مانێ كوردستانێ ل دژی سرۆدا ئه‌ی ره‌قیب بیت به‌لی دژی نیڤ به‌یتا ئه‌وێ سرۆدێ نه‌.

ئاری هه‌رسین دیاركر كو بۆ چاره‌كرنا ئه‌ڤێ ئاریشه‌یێ دو رێك هه‌نه‌ ئێك دڤێت دانوستاندنێ بكه‌ی و لیك تێ بگه‌هین ب گه‌هینه‌ ئه‌نجامه‌كی چاره‌سه‌ریێ بۆ ب بینیت ئان دێ ئیخنه‌ ده‌نگدانێ ئه‌گه‌ر زوریا ده‌نگان بده‌ستڤه‌ ئینا دڤێت ئه‌م هه‌مو گوهداریا یاسایێ بكه‌ین ده‌نگ دان ژی جوره‌كێ راستی دیموكراسیێ هه‌رده‌ما زور ئینا دێ ئه‌و بیت یا دهێته‌ په‌سه‌ندكرن.

ناڤبری دیاركر نه‌ یا دجهێ خودایه‌ تو خودانێ ئالای و په‌رله‌مانی حكومه‌ته‌كێ بی و بێ سرۆدا نیشتمانی .