فوتۆ: بارزان سلێمان مزوورى
نووترين نووچه
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
سه‌ره‌كى نووترين نووچه
زه‌عیم عه‌لى: پێشمه‌رگه‌ى پێدڤى ب چه‌كى سڤك و گران هه‌یه
دخوزاین حكوومه‌تا عیراقێ هاریكاریا مه بكه‌ت
ئه‌ڤرۆنیۆز، چه‌كدار ئه‌ترووشى:
پشتى كونترولكرنا چه‌نیدن ده‌ڤه‌رێن روژئاڤا و روژهه‌لاتێ دیجله‌یى ژلایێ پێشمه‌رگێ كوردستانێ ڤه، سه‌رپه‌رشتێ هه‌ردو میحوه‌ران دخوازیت حكوومه‌تا عیراقێ هاریكاریا پێشمه‌رگه‌یى بكه‌ت.
زه‌عیم عه‌لی سه‌رپه‌رشتێ میحوه‌رێن روژئاڤا و روژهه‌لاتێ دیجله‌یى دیاركر كو هه‌تا نوكه حكووه‌تا عیراقێ نه بتنى َهاریكارى نه‌كریه به‌لكو سوپاسى نه‌كریه و بو روژناما ئه‌ڤرۆ گوت” پشتى كونترولكرنا چه‌ندین ده‌ڤه‌ران ژلایێ پێشمه‌رگێ كوردستانێ ڤه كو پتریا وان گرێداینه ب پارێزگه‌ها نه‌ینه‌وا ڤه كو پێدڤى بو له‌شكرێ عیراقێ یێ هاریكار با لگه‌ل مه لێ ئه‌و پێنگاڤه نه‌هاته هاڤێتن ژلایێ وان ڤه”.
زه‌عیم عه‌لى ئاماژ ب وێ چه‌ندێ كر كو دخوازین حكوومه‌تا عیراقێ هاریكاریا مه بكه‌ت و گوت” سه‌ره‌رایى وێ چه‌ندێ كو پێشمه‌رگه‌یى ل گه‌لك جهان كو نه گرێدایى پێشمه‌رگه‌یى بون و چو په‌یوه‌ندى پێڤه‌نه‌بویه لێ پێش له‌شگرێ عیراقێ ڤه شه‌ركریه و ئه‌و جهه كونترولكرینه، ژبه‌ر ئه‌وێ چه‌ندى َدخوازین ب زوترین ده‌م حكوومه‌تا عیراقێ ژ هه‌موو ئالیه‌كى ڤه هاریكار بیت لگه‌ل هێزێن پێشمه‌رگه‌یى و حكوومه‌تا هه‌رێما كوردستانێ”.
سه‌رپه‌رشتێ میحورێن روژئاڤا و روژهه‌لاتێن دیجله‌یى ئه‌و چه‌نده دیاركر كو مه پێدڤه ب چه‌كێ گران هه‌یه‌و وگوت” پێدڤیه حكوومه‌تا عیراقى َوێ چه‌ندێ بزانیت كو هێشتا هه‌رێما كوردستانێ پارچه‌كه ژ عیراقێ و نابیت ئه‌ڤێ چه‌ندێ ژبیرا خو ببه‌ت ژبه‌ر وێ چه‌ندێ مافێ مه‌یه ئه‌م داخواز بكه‌ین هاریكاریا هێزێن پێشمه‌رگه‌یى بكه‌ن ب چه‌كێ گران و سڤك و د هه‌موو بواران دا.
500 هه‌زار دۆلار بو پۆسته‌كى و200 هه‌زار له‌شكرێ فه‌زائى عیراقێ هه‌یه
ئه‌ڤرۆ نیۆز:
سه‌رۆكێ لیژنا ئێمناهى و به‌ره‌ڤانیێ یا جڤاتا نوونه‌رێن عیراقێ حاكم زاملى دوپاتكر، كو 200 هه‌زار له‌شكرێ بێ بندیوار عیراقێ هه‌یه، كو هه‌موو ل مالێن خوه روونشتینه و بتنێ پارچه‌كا وى مووچه‌ى وه‌ردگرن به‌رانبه‌رى نه په‌یوه‌ندیكرنا ب رێزێن له‌شكرى ڤه.
ل گۆڕِ پێزانینێن راست و دروست كو گه‌هشتینه سه‌رۆك وه‌زیرێن عیراقێ حه‌یده‌ر عه‌بادى، 200 هه‌زار له‌شكرێ بندیوار د هه‌موو بیاڤێن له‌شكرى دا و ئێمناهیێ دا هه‌نه، هه‌روه‌سا وان پێزانینان دوپاتكرن، ئه‌و پێزانیننێن نهێنى گه‌هشتینه عه‌بادى دبێژن كو، دامه‌زراندن و گوهۆڕینا فه‌رماندێن له‌شكرى د ده‌زگه‌هێن حوكمى دا و له‌شكرى دا ل سه‌ر ده‌مێ حوكمه‌تا نورى مالكى بهایێ هه‌ر پله‌كێ گه‌هشته 500 هه‌زار دۆلاران بۆ وه‌رگرتنا پۆسته‌كى.
ژێده‌رێ فه‌رمانده‌یا له‌شكریا عیراقێ هه‌روه‌سا دیاركر، عه‌بادى ب هه‌موو شیانێن خوه دژایه‌تیا دیاردا (له‌شكه‌ر و ئه‌فسه‌رێن فه‌زائى) دكه‌ت، ئه‌و هه‌موو هاتینه تۆماركرن به‌لێ چو هه‌بوونا وان نینه كو كوژمێ (270) ملیۆن دینار هه‌یڤانه وه‌ك مووچه بۆ دهاتنه مه‌زاختن، ئه‌و هه‌موو مووچه ب رێیا مافیایێن هنه‌دك ده‌زگه‌هێن له‌شكرى و ئێمناهیا عیراقێ دهاتنه خارن.
ده‌نگۆباسێ دزینا 148 ملیار دیناران هاته ره‌تكرن
ئه‌ڤرۆ نیۆز:
به‌نكا رافیده‌ین یا عیراقێ ده‌نگۆباسێ هنده‌ك ده‌زگه‌هێن راگه‌هاندنێ یێ هاتبوو به‌لاڤكرن كو فه‌رمانبه‌ره‌كێ به‌رنكا ناڤبرى ژ ئێك لقێن بانكێ 148 ملیار دینارێن عیراقێ دزینه ره‌تكر، هه‌ڤده‌م دیاركر ئه‌و كار بتنێ شاشیه‌كا ته‌كنیكى بۆ هاتیه چاره‌كرن.
به‌نكا رافیده‌ین هه‌روه‌سا گۆت: به‌نكا رافیده‌ین تووشى دزینێ نه‌بوویه و بابه‌تێ دزینا 148 ملیار دیناران ژ بانكێ و راده‌ستكرنا كوژمێ پاره‌ى بۆ ئالیه‌كێ دى چو راستى بوو نینه بتنێ شاشیه‌كا ته‌كنینكى بۆ هایته كرن دكاره‌كێ ئه‌لكترونى دا و بزوترین ده‌م هاتیه چاه‌ره‌كرن.
كریارا جوتبونێ پرچێ ژنێ دبرسقینیت
ئه‌ڤرو نیوز، هه‌یفا دوسكى:
د تاقیكرنێن زانستى دا دیاركریه كو دكریارا جوتبونێ دا پرچێ ژنێ دبرسقینیت، رێژه‌یه‌كا هورمونان دهێته مه‌زاختن.
زانكویێن جیهانى دتاقیكرنێن خودا ل سه‌ر جوت بونا زه‌لام و ژنێ وه‌سا دیاركریه كو ل ده‌مێ كریارا سكسى ژن هژماره‌یه‌كا مه‌زنا هورمونان دمه‌زیخیت هه‌تا ب دوماهى دهێت، له‌ورا ئه‌ڤ چه‌نده دبیته ئه‌گه‌رێ هندێ كو پرچێ ژنێ دبرسقینیت هه‌تا وه‌كو ئارمیشى نه‌رم دبیت، دیسا ڤه‌ژینه‌كا دى دكه‌ڤیته‌گیانێ ژنێ و زه‌لامى تایبه‌ت زه‌لام ژ ئه‌گه‌ر چه‌ندێ توره و بێزار بیت ئه‌و پترێ ژێ قورتال دبیت. ئه‌ڤه ئه‌و مفایێ جوت بونێ یه یێن دكریارا سكسى دا دناڤبه‌را هه‌ردو هه‌ڤژینان دا.
هه‌ڤڕكیا نورى مالكى و حه‌یده‌ر عه‌بادی دژوار بوویه
ئه‌ڤرۆ نیۆز:
ژێده‌ره‌كێ له‌شكرێ ئاشكراكر، سه‌رۆك وه‌زیرێن عیراقا فیدرال حه‌یده‌ر عه‌بادى پشتى چه‌ندین گه‌نگه‌شێن درێژ ل گه‌ل وه‌زیرێ به‌ره‌ڤانیا عیراقێ خالد عوبه‌یدی گه‌هشته بڕیاره‌كێ كو ده‌سته‌یا بلندا سه‌ركردایه‌تیا له‌شكرى ل دووڤ رێنما و پلانێن له‌شكرى بشێوه‌كى كاریگه‌ر ناچن هه‌روه‌سا هه‌تا نها هنده‌ك ژوان سه‌ركردێن له‌شكرى خوه ب به‌ندێن سه‌رۆك وه‌زیرێن به‌رێ نورى مالكى دزانن.
ل گۆڕ ژێده‌رێ له‌شكرى حه‌یده‌ر عه‌بادى ژ خالد ئه‌لعوبه‌یدى خواست ب زووترین ده‌م هه‌لسه‌نگاندنه‌كێ بكه‌ت بۆ ئه‌نجامدانا گوهۆڕینێن ب له‌ز دناڤا سه‌ركرده‌یێن له‌شكرى دا.
ژئالیه‌كێ دیڤه وه‌زاره‌تا ناڤخوه‌یا عیراقێ پێدڤى ب هه‌مان گوهۆرینان هه‌یه، و ژێده‌رێ له‌شكرى حه‌یده‌ر عه‌بادى بڕیارا خوه ل دۆر پاقژكرنا وه‌زاره‌تا ناڤخوه‌یا عیراقێ ژى دایه، كو هه‌موو ئه‌ندامێن جهێ گومانێ و گه‌نده‌لان و هه‌موو به‌ندێن نورى مالكى هه‌تا دگه‌هیته بریكارێن وه‌زاره‌تان ژى بهێنه گوهۆڕین.
ژێده‌رێ له‌شكرى هه‌روه‌سا خوه‌یاكر، پرۆسا پاقژكرنا وه‌زاره‌تا ناڤخوه‌ى ل سه‌ر چه‌ندین قووناغان دێ هێته كرن، به‌لێ دێیا ب زحمه‌ت بیت، چونكى وه‌كى توڕێن مافیا یا تێك هه‌لكێشایه، هه‌روه‌سا نابیت هه‌موو پله بلندێن وه‌زاره‌تى دژى حه‌یده‌رى ب پشته‌ڤانیا مالكى بهێنه ئازراندن، ئه‌و هه‌وا پاقژكرنێ دێ ده‌زگه‌هێ هه‌والگیریا نیشتیمانى و ده‌زگه‌هێ هه‌والكیریا فیدرال ژى گریت.
ڤیدیو: بێریڤانا ته‌حسێن تاهاى ب ده‌نگێ پێشمه‌رگه‌ى
ئه‌ڤرۆ نیۆز، سالار دۆسكى:
سترانا بێریڤانێ یا هونه‌رمه‌ندێ مه‌زن ته‌حسین تاها كو ژ په‌یڤێن هه‌لبه‌ستڤان دكتور به‌درخان سندى یا تژى رامان و داستان و چیرۆك، كو چه‌ندین هیڤى تێدا هه‌بوون وه‌ك نامه ب شێ,ه‌كێ نهێنى گه‌هاندیه خه‌لكێ كوردستانێ، ژبه‌ر گه‌رماتیا خه‌بات ملله‌تێ كورد سترانا بێریڤانێ هه‌رده‌م یا روهن و گه‌شه وه‌ك په‌له‌كى له‌وما نوكه ژى پێشمه‌رگێ كوردستانێ ل چه‌په‌رێن به‌رگێریێ یێ ب سترانێن هونه‌رمه‌ند ته‌حیسن تاهاى هیڤێن خوه بۆ پاشه‌رۆژه‌كا گه‌شتر دیار دكه‌ن.
ئۆغلۆ: په‌سنا حوكمه‌تا عه‌بادى كر دڤیتَ به‌شار ئه‌سه‌د نه‌مینیت
ئه‌ڤرۆ نیۆز:
د پێشوازیكرنا جێگرێ سه‌رۆكێ ئه‌مریكى دا و به‌رى بهێته فرۆكخانا ئیسته‌نبۆلێ سه‌رۆك وه‌زیرێن وه‌لاتێ توركیا داود ئۆعلۆى بۆ رۆژنامه‌ڤان گۆت: چونكى حوكمه‌تا عیراقێ ژ ئالیێ ملله‌تێ وێ ڤه هاتیه هه‌لبژارتن دێ حوكمه‌ته‌كا عه‌بادى دكارێن خوه‌دا یا سه‌ركه‌فتى بیت.
هه‌روه‌سا ئۆغلۆى گۆت: ببینن چه‌وا ره‌وشا خه‌لكێ عیراقێ هاتیه گوهوڕین ده‌مێ حوكمه‌ت ژئالیێ ملله‌تى ڤه دهێته هه‌لبژارتن.
سه‌رۆك وه‌زیرێن توركیا ئاماژه‌دا هندێ، به‌لێ ل وه‌لاتێ سوریا بتنێ ژناڤبرنا رێكخراوه‌كا تیرۆرى ئاشتى ل ئلیه‌كێ وه‌لاتى به‌رقرار نابیت هه‌كه رژێما دیمه‌شقێ هه‌موو چه‌كى دژى قڕكرنا ملله‌تێ خوه ژئالیه‌كێ دیڤه ب كارنه‌ئینیت.
ئه‌مریكا ب رێككه‌فتنا هه‌ولێر و به‌غدا خوه‌شحاله
ئه‌ڤرۆ نیۆز:
جێگرێ سه‌رۆكێ ئه‌مریكى جو بایدن خوه‌حالیا خوه هه‌مبه‌رى رێككه‌فتنا په‌ترۆلێ یا دناڤبه‌را حوكمه‌تا به‌غدا و حوكمه‌تا هه‌رێما كوردستانێ سه‌باره‌ت هنارتنا په‌رتۆلێ وه‌ك پێنڤاڤه‌ك بۆ پێشڤه‌چوونا چاره‌كرنا ناكوكیان كو گه‌فه‌كا مه‌زن بوو به‌رانبه‌رى ئێكگرتنا عیراقێ ده‌ربڕى.
پشتى ناكوكیێن چه‌ندین سالان هه‌ردو ئالى گه‌هشتن رێككه‌فتنه‌كێ كو 500 ملیون دۆلار به‌غدا بۆ حوكمه‌تا هه‌رێما كوردستانێ هنارتن وه‌ك نیاز پاكیه‌ك، ل هه‌مبه‌رى وێ حوكمه‌تا هه‌رێمێ بهایێ 150 هه‌زار به‌رمیلان دێ ره‌وانه ده‌ستێن حوكمه‌تا به‌غدا كه‌ت كو موچێ فه‌رمانبه‌رێن هه‌رێمێ بهێته مه‌زاختن.
جو بایدن د گوپیتكا جڤاتا ئه‌تله‌سى یا وزه و ئابورى ل ئیسته‌نبولێ نها دهێته كرن، گۆت: خوه‌شحالین ب رێككه‌فتنا به‌روه‌ختا د ناڤبه‌را هه‌ردو ئالیان دا سه‌باه‌رت هنارتنا و داهاتێ په‌ترۆلێ یا هه‌رێما كوردستانێ.
جێگرێ سه‌رۆكێ ئه‌مریكى هه‌روه‌سا دیاركر، واشنتۆن دێ پشته‌ڤانیا هێلا بوریا په‌ترۆلێ ژ باژێرێ به‌سرا بۆ وه‌لاتێ توركیا كه‌ت.
6 یاریكه‌رێن به‌غدا تیم ب جه هێلا و ل جهێ وان كورد هاتنه‌دانان
ئه‌ڤرۆ نیوز، هه‌ژار مه‌عروف:
راهێنه‌رێ یانا دهۆك یێ تیما ته‌پا پێ یا خولا عیراقێ باسم قاسم د داخویانیه‌كێ دا بۆ مالپه‌رێ ئه‌ڤرۆ نیوز دیاركر ژبه‌ر ئه‌و قه‌یرانا دارایى یا یانا دهۆك نوكه تێدا بوریت ده‌سته‌یا كارگێریا یانێ ده‌ست ژ شه‌ش یاریكه‌رێن تیمێ به‌رده پشتى ئه‌وان یاریكه‌ران داخوازیا هه‌ڤبه‌ستێن خوه كرى و ئه‌وژێ هه‌ر ئێك ژ یاریكه‌ران عه‌لى موته‌شه‌ر،عه‌لى محه‌مه‌د عه‌له‌للا،ئه‌یاد سدیر، حه‌یده‌ر عه‌بدوللا،عه‌باس رحێمه و قاسم زێدان ده‌ست به‌ردانا ئه‌وان بێ به‌رامبه‌ر دایێ كو یاریكه‌ران هه‌تانوكه هه‌ڤبه‌ستێن خوه وه‌رنه‌گرت بوون.
ناڤبرى ئه‌و چه‌نده ژێ دیاركر ل جهێ ئه‌ڤان یاریكه‌ران پێنج یاریكه‌رێن پارێزگه‌هێ هاتنه سه‌رئێخستن ژ تیما خولا كوردستانێ ئه‌وژێ فه‌رهاد سه‌دیق ، دلوڤان سالح، محه‌مه‌د حه‌مه‌د، ئوسامه محه‌مه‌د سه‌لیم و ئازاد محیه‌دین.
قاسم ل دووماهى ئاماژه ب وێ چه‌ندێ ژێ كر ره‌وشا نوكه تیم تێدا بوریت گه‌له‌ك یا لاوازه ژ لایێ دارایى ڤه ئه‌ڤ چه‌نده ژێ دێ كارتێكرنا خوه ل سه‌ر ئه‌نجامێن تیمێ ژێ هه‌بیت ل پاشه‌رۆژێ.
نيشاندان
WP Facebook Auto Publish Powered By : XYZScripts.com