ئهڤرۆ نيوز:
رێڤهبهريا چاڤدێريا بازرگانى راگههاند كو ئهڤرۆ رێكهفتى 3\12\2014 بهايێ دراڤى ل بازارێن پارێزگهها دهۆكێ ب ڤى رهنگێ ل خوارێ يه:
| 1 دولارێ ئهمريكى | 1204 |
| 1 يۆرۆيێ ئهورۆپى | 1490 |
| 1 ليرێ توركى | 530 |
نووترين نووچه
- پیرۆزباهییا جەژنا ئەكیتۆ ل كلدان – ئاشووری و سریانان كر
- سەرۆككۆمارێ ئیراقێ و شاندەكێ پارتی دوپاتی ل سەر ب هێزكرنا پەیوەندییێن بەغدا و هەولێرێ كر
- كریارێن گرۆپێن ژ یاسایێ دەركەفتین ئیراقێ بەر ب هەلدێرێ دبن
- فشارێن ئابووری و بڕینا مووچەی شێوازێ نوو یێ شەڕێ بەغدایە دژی هەرێمێ
- ئەم پشتەڤانێن هەرێما كوردستانێ نە دژی تیرۆرێ
- هەرێما كوردستانێ دشێت داخوازا پاراستنا نێڤدەولەتی بكەت
- سەرۆك بارزانی: دڤێت چارەسەرییەكا جدی و ئێكلاكەر بۆ ڤان جۆرە هێرشان بهێتە دانان
- نێچیرڤان بارزانی: هێرشێ پێگەهێ دەستووری یێ سەرۆكێ هەرێما كوردستانێ كریە ئارمانج
- هێرشا درۆنی ل سەر مالا سەرۆكێ هەرێما كوردستانێ كارڤەدانێن بەرفرەهـ ل دووڤ خوە ئینان
- سهرۆكوهزیرێن ئیراقێ لژنەیەك بۆ دووڤچوونا هێرشكرنا سهر مالا سەرۆکێ هەرێمێ ل دهۆكێ پێكئینا
سهرهكى نووترين نووچه
زێر بلند بوو
چا و شیری تێکەل نەکەن
ئهڤرۆ:
ژبەرکو چا ژ بەربەلاڤترین جورێن ڤەخوارنایە ل سەر ئاستێ جیھانێ، و ب گەلەک رەنگ و تامان ھەیە و بۆ بەرھەڤکرنا چایێ ژی گەلەک وەخت پێ نەڤێت، لەورا خەلک ب رەنگەکێ گشتی ھەر ئێکی بووچونەک ھەیە دەربارەی ڤەخوارنا چایێ.
رێکێن چێکرن و ئامادەکرنا چایێ د جودانە و ئەڤ جوداھی یە ژی ل سەر گێولێ وان کەسان دمینیت ئەوێن دڤێن ھەمەرەنگیێ بێخنە د رەنگێن وێدا، ئەڤێ ھەمەرەنگیێ ڤەکولینێن زانستی ژی ڤەگرتینە و ھندەک دبێژن چا یا باشە و گەلەک مفایێن ساخلەمیێ تێدا ھەنە و ھندەک ڤەکولین ژی گەلەک زیانێن وێ بەرچاڤ دکەن، دووماھی ڤەکولین یا وەلاتێ ھولەندا بوویە کو دیاردکەت ڤەخوارنا گەلەک چایێ یا ب مفایە بۆ ساخلەمیا دلی و تووشبونا مرۆڤی ب نەخوشیان کێم دکەت، دڤێ ڤەکولینێ دا ئەوا کو بۆ دەمێ ١٣ سالان ڤەکێشای و ٤٠ھزار کەس بخوڤەگرتین دیارکریە کو ئەو کەسێن رۆژانە ٤-٦ کوپێن چایێ ڤەدخون رێژا تووشبوونا وان ب نەخوشیێن دلی ب سێتکێ کێم بوویە و دیسان ئەو کەسێن رۆژانە دو ھەتا چار کوپێن قەھوێ ڤەدخون مەترسیا کێمبوونا وان ب نەخوشیێن دلی کێم بوو، بەلێ چ کارتێکرنێن پوزەتیف ژی نینن ھەکە مرۆڤ قەھوێ زێدە ڤەخوت، ھەروەسان زێدە ڤەخوارنا وێ نابیتە ئەگەرێ زێدەبوونا نەخوشیێن دلی و پەنجەشێرێ، دھێتە زانین کو ھولەندی پیچەک شیری ل سەر قەھوێ زێدە دکەن بەری ڤەخون، بەلێ چ تشتا ل سەر چایێ زێدە ناکەن.
پێزانێن ھەڤدژ ھەنە ل دور زێدەکرنا شیری ل سەر ئێک ژ پێکھێنەرێن چایێ کو دبێژنێ ( بولیفینول) و ھندەک زانا و شارەزا رابوون ب ئەنجامدانا ڤەکولینەکێ ل دور مفایێن ساخلەمیێ یێن زێدەکرنا شیری ل سەر چایێ و بۆ وان دیاربوو کو کاریگەریێ دگەل ھندەک دژەژەنگارێن دگەل چایێ دکەت و رێکێ ل چایێ دگریت کو ھەڤرکیا وان ھوکارێن دبنە ئەگەرێ پووچکرنا لەشی دکەن، زانایان تەکەز کر کو زێدەکرنا شیری ل سەر چایێ دبیتە ئەگەر کو مروڤ مفای ل چایێ نەبینیت و چا کاردکەت بو پاراستنا لەشی ژ نەخوشیێن دلی، دیسان چایێ شیان ھەنە بۆ باشکرنا خوینھنێرێن لەشی، و پاشی شیان ھەنە کو پاراستنا ئاستێ فشارا خوینێ دلەشیدا بکەت، ھەروەسان دەربارەی قەھوێ ژی پێک دھێت ژ ھندەک کەرستەیان کو ھندەک جاران رێژا تووشبونێ ب نەخوشیێن دلی زێدەدکەن یان کێم دکەن، ژبەرکو قەھوە رێژا کولیسترولی دناڤ خوینێ دا زێدەدکەت بەلێ رادەیەکی بۆ نەخوشیێن دلی دادنیت، بەلێ ئەنجامێن ڤەکولینێ ھەر وەک ئەنجامێن وێ ڤەکولینێ بوون ئەوا کو بشپورێن کومەلا نەخوشیێن دلی ل نەتەوێن ئێکگرتی گەھشتینێ کو دیارکربوو ڤەخوارنا دو ھەتا چار کوپێن قەھوێ رۆژانە ب رێژا ٢٠% نەخوشیێن دلی کێم دکەت، ژلایێ خوڤە پروفیسور ( یفون شوو) ئەوێ کو سەرپەرشتی ل سەر ڤەکولینێ دکر دیارکر کو ئەو کەسێن حەز ژ چا و قەھوێ دکەن مفای ل دلێ خو دکەن و چ مەترسی ل سەر نینە، ھەروەسان کورتیا ڤەکولینەکا بریتانی دیارکریە کو ڤەخوارنا ھەشت کوپێن چایێ رۆژانە نوبە و دربێن دلی کێم دکەت و د. کاری روکستون تایبەتمەندێ خوراکیێ دیاردکەت کو ئەو پێکھاتێن دناڤ چا و قەھوێ و کێکەوێ دا ھەین کارتێکرنەکا ئەرێنی بۆ مێشکێ مرۆڤی ھەیە و مرۆڤ پتر ھشیار دمینیت و بیردانکا مرۆڤی ب ھێز دئێخن.
سەروکێ یانا دھوک: پارێزگارێ دھۆکێ و لایەنێن پەیوەندیدار بەرپرسیارن ژ ژناڤچونا یانێ
ئەڤرۆ:
سەروکێ یانا دھوک یا وەرزشی تایبەت بو روژناما ئەڤرۆ دیارکر ھەکە تیمێن یانا دھوکێ ژ ناڤچون پارێزگارێ دھوکێ و لایەنێن پەیوەندیدار بەرپرسیارن چونکو نوکە د رەوشەکا گەلەک خراب دایە.
ئەف داخویانیە ژلایێ سەروکێ یانا دھوک ھاتە پێش پشتی پارێزگارێ دھوکێ بو دەزگایەکێ راگەھاندنا ھەرێمێ دیارکری ئەو ب سیتەمێ نوکە یێ رێڤەبرنا یانا دھوک نەشێت پشتەڤانی و ھاریکاریێ بکەت و چو خوشی و تام د وی ناسناڤی نابیت ھەکە پرانیا یاریکەران یێن بیانی بن.
زێدەتر کاوە فەیسەل بو روژناما ئەڤرۆ گوت: ئەف کارێ ھەتا نوکە ھاتیە کرن مە ب رەزامەندیا پارێزگارێ دھوکێ و لایەنێن پەیوەندیدار کریە و مە کارگێریا یانێ کومبون د گەل پارێزگارێ دھوکێ کربوو و دووڤدا دەست ب کار بووین و ناڤبری ل دەمێ سەرەدانا یانێ کری بو مە دوپاتکربوو دێ پشتەڤانیێ کەت.
زێدەتر ناڤبری خویاکر ئەف داخویانیا پارێزگاری یا بەری دو روژان دێ کارتێکرنا 100% ل سەر دەروونێ یاریکەران ھەبیت و ھەکە تیم داکەفت یان ژ ناڤ چوو پارێزگارێ دھوکێ و لایەنێن پەیوەندیدار بەرپرسیارن.
ل دووماھیێ ئەو چەندە ژی ئاشکەرا کر ل پێنجی ڤێ ھەیڤێ دێ دەرگەھێ ڤەگوھاستنا زڤستانێ یێن یاریکەران ھێتە ڤەگوھاستن و ھەر یاریکەرەکێ بچیت نەشێن رێکێ لێ بگرن و مافێ وایە چونکو ھەتا نوکە چو پشکەک ژ ھەڤبەستێن وان بو نەھاتینە دان.
توركمان و ئاشووريان هۆلا پهرلهمانى بجهـ هێلا
ئهڤرۆ نيوز، نيوار محهمهد سهليم:
ژ ئهگهرێ نهبوونا نوونهر و كانديدان د دهستهيا بلندا ههلبژارتنێن ههرێمێ دا، كوتلێن توركمان و ئاشووريان هۆلا پهرلهمانى بجهـ هێلا.
ئايدن مهعرۆف سهليم سهرۆكێ بهرهيێ توركمان ل پهرلهمانێ كوردستانێ بۆ ئهڤرۆ نيوز گۆت: “ژ بهر كو پارتى و ئێكهتى و گۆڕان گوهـ ل داخوازيێن مه نهگرت و چو حساب بۆ ئاشوورى و توركمانان نهكر، مه ژى بايكوتا روونشتنا ئهڤرۆ يا پهرلهمانى كر”.
ئاماژه ب وێ چهندێ ژى كر كو نوكه ئهو وێ دهستێ ب دهستهيهكا كوردى حزبى دزانن و نوونهريا ههموو پێكهاتێن كوردستانێ ناكهن و گۆت: “دێ ل سهر بزاڤێن خوه د بهردهوام بين ههتا هژمارا كورسيێن دهستهيا كۆمسيۆنا بلندا ههلبژارتنان ل كوردستانێ ژ 9 كورسيان دبيته 11 كورسى دا كو ئێك بۆ توركمان و ئێك ژى بۆ ئاشوريان بيت.
دهستهيا بلندا ههلبژارتنان ژ 9 كورسيان پێك دهێت، ژ وان ژى سێ بۆ پارتى ديموكراتى كوردستان و دو بۆ بزاڤا گۆڕان و دو بۆ ئێكهتى نشتيمانى كوردستان و ههر ئێك ژ كۆمهلا ئيسلامى و يهكگرتوو ئيسلامى كوردستان ژى كورسيهك.
ئاشكهرا ژى كر كو دهستهيا كۆمسيۆنا بلندا سهربهخۆيا كوردستانێ دهستهيهكا گهلهك گرنگ و ههستياره و نهبوونا نوونهرێن ئاشوور و توركمان ئانكو پشت گوهـ هاڤێتنا داخوازيێن وان و گۆت: “راسته پارتى و ئێكهتى گۆتيه ئهم دێ كهسانێن توركمان و ئاشوورى كهينه د ناڤ دا، بهلێ ئهو كهسه پارتى و ئێكهتى نه و دێ پهيرهوێ حزبا خوه بن و ل دووڤ داخوازيێن گهلێ توركمان و ئاشوورى نابن”.
ئايدن مهعرۆف زێدهتر گۆت: “ئهڤه كۆمسيۆنهكا حزبى مهترسيداره و دێ كارتێكرنهكا مهزن ل سهر پاشهرۆژا پێكڤهژيانێ ل كوردستانێ كهت”.
سهرۆكێ بهرهيێ توركمان ل پهرلهمانێ كوردستانێ دوور ديت كو سهرۆكێ ههرێما كوردستانێ ل سهر ڤێ بڕيارێ رازى بيت و خواست كو داخوازا راستڤهكرنێ بكهت و دو نوونهرێن ئاشوورى و توركمانى لێ زێده بكهن و گۆت: “بۆ جارا ئێكێ يه د مێژوويا پهرلهمانێ كوردستانێ دا، ئهڤ دو نهتهوه كۆمبوونا پهرلهمانى بجهـ دهێلن و ئهڤه ژى ب بنپێكرنا مافێ نهتهوان ل كوردستانێ دهێته ل قهلهم دان”.
تهكست ل سهر وێ چهندێ كر كو سهرۆكێ ههرێما كوردستانێ ل سهر وى مهبدهئى نينه يێن ئهڤرۆ ل پهرلهمانێ كوردستانێ هاتينه پێش و گۆت: “ههكه ب ڤى رهنگى دهنگێ خوه نادهينه سهربهخۆيا كوردستانێ، چونكو ههكه نوكه باوهريێ نهدهته من، ئهز دێ چاوان باوهريێ دهمێ”.
ل گەل رێککەفتنا ھەولێر و بەغدا بھایێ پشکێن کۆمپانیێن پترۆلێ بلند بوون
ئهڤرۆ:
پشتی ھەر دوو حکومەتێن بەغدا و ھەولێرێ رێککەفتین، ئێکسەر بھایێ پشکێن کۆمپانیێن پترۆلێ ئەوێن ل ھەرێما کوردستانێ کاردکەن ب رێژا ٧-١٥% ل بازارێن جیھانی بلندبوون، بۆ نموونە بھایێ پشکێن کۆمپانیا گەنەل ئێنرجی ب رێژا ٧% بلنبوو و یێن گولف کیستون ٨% و پشکێن دی ئێن ئۆ ١٠% و پشکێن ئەفرین ١٥%، ل دووف رێککەفتنێ ھەرێما کوردستانێ دێ رۆژانە ٢٥٠ ھزار بەرمیلێن پترۆلێ ب رێیا سۆمۆ فرۆشیت و ٣٠٠ ھزار بەرمیلێن پترۆلا کەرکووکێ ژی ل بن سەرپەرشتیا بەغدا، ل بەرامبەری وێ حوکمەتا بەغدا دێ ١٧% ژ بودجا گشتی یا عیراقێ بۆ ھەرێما کوردستانێ فرێکەت، ھەروەسا کۆژمێ ترلیۆنەک و ٢٠٠ ملیار دیناران ژی ژ بودجا وەزارەتا بەرگریێ بۆ ھێزێن پێشمەرگەی ھنێریت.
مۆلا ھنگاری دێ کارگەھەکا پلاستیکی دانیت و توتالا فرەنسی بیرەکا پترۆل و غازێ ل ھەریرێ دیت
گرۆپێ “مۆل” یێ لێگەریان و دەرخستنا پترۆلێ ل سەرێ سالا نوو دێ ل کوردستانێ پترۆلێ بەرھەمئینیت و ئەڤ سالە ژی پترۆلا کوردستانێ کریە، دیارکر ل سالا نوو ب بھایێ ١٠٠ ملیۆن دۆلاران و ب تەکنولوجیا ژاپۆنی یا نوو دێ کارگەھەکا پلاستیکێ گشتی ل ھەرێمێ دانیت.
ژ لایێ خوە ڤە کۆمپانیا توتال یا فرەنسی بیرا دوویێ یا پترۆلێ ل بلوکێ ھەریرێ ب ناڤێ جسک ئێک راگەھاند، بیرا جسک ئێک ب کووراتیا ١٥ ھزار پێیان ھاتیە کولان و گەھشتیە دەڤەرەکا مەزن یا پترۆلێ، دیارکر ژی وەکو تێست رۆژانە ٦١٠٠ بەرمیلێن پترۆلێ ژ بیرا ناڤبری دەردکەڤن، ھەروەسا ١٠ ھەتا ١٥ ملیۆن پێیێن سێجا ژ غازا سروشتی دەرکەفتینە، کۆمپانیا توتال ل بلوکێ ھەریر خوەدانا ٣٥% ژ پشکایە و حوکمەتا کوردستانێ ژی ٢٠% پشکێن وی بلوکی ھەنە.
مادونا: لهشفرۆشى باشترين كاره
ئهڤرۆ نيوز:
مادونايێ وێنهيێ خوه يێ نيڤ رووت ل كۆڤارا ئنترڤيۆ بهلاڤكريه و د ديدراهكێ دا ل گهل كۆڤارێ بهحسێن گهرم و لهشفرۆشيێ و ماددێن بێهوشبهر دكهت.
ئهڤ سترانبێژا جيهانى، سهرهراى وێ چهندێ كو ژيێ وێ گههشتيه 56 ساليێ، بهلێ هێشتا داخۆيانيێن گهرم و ساربوون ل دۆر گرنگترين كارى ل لايێ خوه ئاشكهرا دكهت و بێ پهرده دبێژيت: “لهشفرۆشى گرنگترين كاره”.
مادونا ناڤهشێريت كو چهندين جاران مادێن بێهوشكهر يێن ب كار ئيناين وهكو نێزيكبوون ژ خودێ و گههشتن ب دووماهى پلا هوشيار بوونێ.
دهربارهيى مرنێ ژى ددهته زانين كو نهزانينا دهمێ هاتنا وێ وهل مادونايێ دكهت خۆشيێ ژ ههموو دهمێن ژيانا خوه وهربگريت.
ژێدهر: رووداو
چو راستی بۆ لێبۆرینا غراما ھاتن و چوونێ نینن
ئەڤرۆ:
رێڤەبەرێ گشتیێ ھاتن و چوونا ھەرێما کوردستانێ لیوا رزگار عەلی بۆ رۆژناما ئەڤرۆ گۆت ئەو نوچێن بەحسێ لێبۆرینا غراما کامیرێن ھاتن و چوونێ دکەن چو راستی ژ بۆ نینن و چو بڕیارەکا وەسا نەگەھشتیە دەستێ مە، ئەڤە ب تنێ ھندەک رێکخراون ڤێ پڕۆپاگندێ دکەن، دیار ژی کر کو ھاتن و چوونا ھەرێما کوردستانێ نە ل گەل وێ چەندێ یە قانوونا لێبۆرینێ غرامێن ھاتن و چوونێ ڤەگریت.
لیوا رزگار گۆت ژی مە نڤیسارەکا فەرمی دایە وەزارەتا ناڤخۆ ھەتا بھێتە بلند کرن بۆ سەرۆکاتیا جڤاتا وەزیرێن ھەرێما کوردستانێ، تێدا مە داخوازکریە چو قانوون ئازاکرنا شوفێر و وەلاتیان ڤەنەگرن، ددەمێ نوکە چو گوھۆڕین د سزایێن ھاتن و چوونێ و کامیرێن چاڤدێریێ دا ناھێنە کرن و ب تنێ بڕیارە پەرلەمان ددەمێ راستڤەکرنا قانوونا ھاتن و چوونێ غرامە و سزایێن ھاتن و چوونێ بشێوەیەکی دیار بکەت ل گەل رەوشا ئابوورا ھەرێمێ و سیستەمێ ھاتن و چوونێ بھێتە گونجاندن.
100 زارۆ ھاتینە رەڤاندن و د بەرزە نە
ئەڤرۆ:
پەیڤدارێ دەستەیا گشتیا سەربخۆیا مافێ مرۆڤی دیارکر کو ل ل دەمێ ھێرشا تیرۆرستێن داعش بۆ سەر دەڤەرێن کوردستانی 100 زارۆ ھاتینە رەڤاندن و چارەنڤیسێ وان نەیێ دیارە و مەترسی یا ھەی ئەڤ زارۆیە بۆ کریارێن تیرۆرستی بھێنە پەروەردە کرن و بکار ئینان.
مەحەمەد گۆمەشینی پەیڤدارێ دەستەیا گشتیا سەربخۆیا مافێ مرۆڤی بۆ رۆژناما ئەڤرۆ ئەو ژی گۆت کو سالانە چەندین حالەتێن ئەشکەنجەدانا زارۆیان ل ھەرێما کوردستانێ دھێنە تۆمار کرن، نوکە کار یێ دھێتە کرن بۆ کێم کرنا توندوتیژیا ھەمبەر زارۆیان و بۆ ڤێ مەرەمێ چەندین پلان و بەرنامە ھاتینە بەرھەڤ کرن،
دیار ژی کر کو گورەی زانیاری و ئامارێن ل بەردەست ئەڤ سالە کێمترە ژ سالێن بۆری و ھێدی ھێدی کێمتر دبیت.
پارێ قەرەبووکرنا ئاواران ئەڤرۆ دێ ھێتە بەلاڤ کرن
ئهڤرۆ:
رێڤەبەرێ رێکخستنا پلێتێن ئاھێن خوارنێ ل پارێزگەھا دھۆکێ بۆ ئەڤرۆ دیارکر کو ئەڤرۆ 3\12 دێ دەست ب بەلاڤکرنا پارێ ئاھێن خوارنێ یێن چەند ھەیڤێن نەھاتی ل سەر ئاوارێن شنگالێ ھێتە کرن و ھەر سەرۆک خێزانەک دێ سەرەدانا بریکارێن خوە یێن ئاھێن خوارنی کەت و پلانەک دێ ھێتە دانان بۆ بەلاڤکرنا پارەی ل سەر وان خێزانێن ماینە ل چیایێ شنگالێ.
حسێن سەبری رێڤەبەرێ رێکخستنا پلێتێن ئاھێن خوارنێ ل پارێزگەھا دھۆکێ گۆت ژێ 50 ھزار خیزانێن ئاوارێن شنگال دێ مفادار بن ژ ڤێ قەرەبوو کرنێ، ئەو ژی دیارکر کو ھەر کەسەک دێ 17 ھزار دیناران وەرگریت، کو ئەڤ پاری یێ وان ھەیڤان یێن ئەرزاق ب ب دروستی نەھاتیە بەلاڤ کرن، کۆژمێ شەش ملیار دیناران بۆ ڤێ مەرەمێ گەھشتینە پارێزگەھا دھۆکێ.
حسێن سەبری ھەروەسا دیارکر کو پلان ھاتیە دان ھەموو ئاوارە پارێ خوە وەربگرن ب تنی ئەوێن چووینە ژ دەرڤەی ھەرێمێ نەشین وەربگرن، گۆت بۆ بەلاڤکرنا پارەی ل سەر ئاوارێن مانیە ل چیایێ شنگالێ ژێ پلانەک دێ ھێتە دانان بۆ گەھاندنێ.
رێڤەبەرێ رێکخستنا پلێتێن ئاھێن خوارنێ ئاشکرا ژی کر کو ھەتا نوکە ل پارێزگەھا دھۆکێ 76 ھزار خێزانێن ئاوارە ھاتینە تۆمار کرن و بەردەوام خێزانێن ئاوارە بووی دھێنە تۆمار کرن، ژ ڤان خێزانێن تۆمار کری 50 ھزار خێزان یێن شنگالێ نە یێن دیتر یێن دەڤەرێن دی نە ئاوارەی دھۆکێ بووین، گۆت ژی ئەم ناڤێن وان تۆمار دکەین بۆ ھندێ بەھرا خوە یا ئاری ل دھۆکێ وەربگرن و دێ ھەول دەین ئاھێن خوارنێ ژی ل دھۆکێ سەر وان بھێتە بەلاڤ کرن.
نيشاندان
WP Facebook Auto Publish Powered By : XYZScripts.com