ئەڤرۆ نیوز، رەڤین سالح لاوەند:
پێنج نشتەرگەریێن قەرەنیا چاڤان ل نەخۆشخانا چاڤان یا دھۆکێ ھاتە ئەنجام دان، تایبەتمەندێ نشتەرگەریێن چاڤان خویاکر ژی کو ئەڤ نشتەرگەریە ھەکە قەرەنیا وان ھەودان و کول نەبیت 98% ب سەرکەفتیانە دھێنە ئەنجامدان.
د. موستەفا ئوجێ، تایبەتمەندێ نشتەرگەیا چاڤان ل وەلاتێ ئەلمانیا، دیارکر کو بۆ پێنج نەخۆشان نشتەرگەری دێ بۆ ھێتەکرن و گۆت: “ئەڤە ئەو نەخۆشن یێن ژیانێ نەبینن یان ژی ب زەحمەت دبینن ب چاڤێن خوە، چونکو رەشکا چاڤێن وان سپی بووینە”.
زێدەتر گۆت: “ئەم ڤان قەرەنیا ژ ئەمریکا پەیدا دکەین ل وێرێ بانک ھەنە و ب رێیا مالپەران پەیوەندیێ ب وان دکەین و بۆ مە پەدا دکەن”.
ئاماژە ب وێ چەندێ ژی کر کو کەرەستێن ئەنجامدانا ڤان جورە نشتەرگەریا دکێمن، بەلێ ئەو نەچار دبن ھندەک جاران ڤان کەرەستان دوبارە بکاربینن و گۆت: “نەخۆش ڤان قەرەنیا دکریت کو ب بھایێ پتر ژ 1800 دولارانە، ئەڤ قەرەنیە ھەکە ھەودان و کولبوون نەبن 98% د سەرکەفتی نە”.
ئەو چەندە ژی خویا کر کو نوشدارەکێ کورد ل ئەلمانیا ھاتیە دھۆک و بۆ ڤێ مەرەمێ ژی نشتەرگەری بۆ پێنج قەرەنیێن چاڤان کرینە.
نيشاندان
