ئه‌ڤرۆ نيوز:
داليا رێبوار حه‌سه‌ن، شاهجوانا ئه‌نترنێتێ ل كوردستانێ و پشكدارا به‌ريكانا هه‌لبژارتنا شاهجوانا جيهانێ چه‌ند وێنێن خوه يێن نوو ل ده‌مێ دانانا ميكياژێ و خوه كاركرنێ به‌لاڤ دكه‌ت.
نووترين نووچه
- سەرۆك بارزانی و بالیۆزێ فرەنسا كێشەیێن د ناڤبەرا هەولێرێ و بەغدایێ دا گەنگەشەكرن
- مەسرور بارزانی و پاتریك دۆرێل دوپاتیێ ل گرنگییا رێزگرتنێ ل قەوارەیێ دستووریێ هەرێما كوردستانێ دكەن
- دڤێت دادگەها فیدرال ب گۆرەی دستووری بهێتە دروستكرن
- پەرلەمانتارەك: هەولێر و بەغدا نێزیكی رێككەفتنێ بووینە
- چاڤدێرەكا سیاسی: پێدڤیە ئیراق مافێ وەلاتیان ب دستووری بپارێزیت نەك ب بڕیارا سیاسی
- سەرۆكێ هەرێمێ و قونسلێ هندستانێ دوپاتیێ ل پێشڤەبرنا هەڤبەندییان دكەن
- هنارتیێ سەرۆكێ ئەمریكا دێ ل گەل مەسرور بارزانی كۆمبیت
- پارتی خۆ ب بەرپرس دزانیت و ژ بەرپرسیاریان ژی خوە نادەتە پاش
- هەلبژارتنێن ڤێجارێ پارتی زێدەتر ژ ئێك ملیۆن دەنگان دێ بدەستڤە ئینیت
- 160 هەڤپەیمانی و ئالیێن سیاسی لیستێن ناڤێن بەربژارێن خوە بۆ هەلبژارتنان پێشكێش كرینە
سه‌ره‌كى نووترين نووچه
وێنه: ديزانێن پرچێ ل ئه‌فريقيا
جه‌عفه‌رى: پارێ دربێن ئه‌سمانى ناده‌ين و ناخوازين هێرشێن ئه‌ردى ئه‌نجام بده‌ن
ئه‌ڤرۆ نيوز:
وه‌زيرێ ده‌رڤه يێ عيراقێ راگه‌هاند كو ئه‌و پارێ هه‌ڤپه‌يمانان هه‌مبه‌ر دربێن وان يێن ئه‌سمانى ل دژى داعش ناده‌نێ و دڤێت هه‌پڤه‌يمان هه‌موو وى پاره‌ى بده‌ن.
جه‌عفه‌رى د كۆنگره‌كێ رۆژنامه‌ڤانى دا ل جڤاتا نوونه‌رێن عيراقێ گۆت: “پارێ هێرشێن ئه‌سمانى دێ ل سه‌ر وه‌لاتێن هێزێن ئه‌سمانى بكار دئينن بيت و عيراق نه‌يا ئاماده‌يه چو پاره‌ى بده‌ت”.
هه‌ر وه‌كو تۆرا ميديا عيراقێ به‌لاڤكرى: “نابيت بێى ره‌زامه‌نديا عيراقێ هه‌پڤه‌يمان دربان ب وه‌شينن و چو لايه‌نان داخوازا هێزێن سه‌ر ئه‌ردى ژ عيراقێ نه‌خواستينه”.
ئاشكه‌را ژى كر كو نوكه وه‌لاتێ وى يێ روو ب رووى هێرشێن دژوارێن تيرۆرستى دبيت و يێ د ره‌وشه‌كا نه‌باش دا د بۆريت ل سه‌ر گه‌له‌ك ئاوايان و كارێ رژد بۆ ئاڤاكرنا هێزێن ئه‌منى دێ گرێداى وێ چه‌ندێ بيت كو ئێدێ عيراقێ پێدڤى ب هێزێن بيانى نه‌بيت و گۆت: “رێ دانا هێزێن بيانى دێ ب رێيا جڤاتا نوونه‌ران بيت و وێ ژى رێ نه‌دايه چو هێزان بهێنه ناڤا عيراقێ”.
گۆتژى: “مه بزاڤ كر ئيرانێ پشكدار كه‌ين ل ناڤ هێزێن هه‌رێمى و نێڤده‌وله‌تى بۆ دژايه‌تيكرنا تيرۆرێ، به‌لێ سه‌رنه‌گرت، سه‌ره‌راى وێ چه‌ندێ كو رۆله‌كێ مه‌زنێ ل سه‌ر ئه‌ردى هه‌يى”.
وه‌زيرێ ژ ده‌رڤه ل هه‌مبه‌ر جڤاتا نوونه‌ران گۆت: “عيراق نه‌يا به‌رپرسه ژ چێكرنا چو هه‌ڤپه‌يمانيێن نێڤده‌وله‌تى بۆ روو ب رووى بوونا مه‌ترسيا داعش، سه‌ره‌راى كو حكومه‌تا عيراقێ ب هه‌موو ره‌نگه‌كى هێزێن سه‌ر ئه‌ردى بۆ ناڤا عيراقێ ره‌تدكه‌ت، ب تنێ وه‌كو رێكخۆشكه‌ره‌ك ل سه‌ر ئه‌سمانێ عيراقێ بۆ هێزێن چه‌كدار”.
جه‌عفه‌رى پێدڤيا عيراقێ ب چه‌كى بۆ روو ب رووى بوونا مه‌ترسيا داعش دا زانين و گۆت: “مه داخواز ژ چ وه‌لاتان نه‌كريه، پێدڤيێن سه‌ربازى بهنێريته سه‌ر عيراقێ و سه‌ره‌ده‌ريا ل گه‌ل وه‌لاتێن بيانى ژ لايێ سه‌ربازى ڤه دێ ب گۆره‌ى مه‌رجان بيت و ژ وان ژى ته‌نسيق ل گه‌ل هێزێن عيراقى و هاريكاريا ئه‌سمانى و نه‌دانانا دربان ب ئارمانجێن ناڤ باژێران و وه‌لاتيان نه‌كه‌نه ئارمانج و پاراستنا سه‌روه‌رى يا نشتيمانى و پشت به‌ستن ل سه‌ر هاريكاريا مرۆڤايه‌تى يا په‌نابه‌ران”.
رێژا باران بارينى د 24 ده‌مژمێرێن بۆرى دا
ئه‌ڤرۆ نيوز:
رێڤه‌به‌ريا گشتيا كه‌شناسيێ و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل هه‌رێما كوردستانێ ژ ئه‌نجامێ كه‌فتنه به‌ر شه‌پۆلێن بلند و نزم يێن باران بارينێ رێژه‌كا زێده يا بارانێ ل هنده‌ك ده‌ڤه‌ران باريه.
رێژێن باران بارينێ ل هه‌رێمێ ب ڤى ره‌نگى نه:
دهۆك 9.5 ملم، رێژا گشتى 63.4 ملم.
زاخۆ 16 ملم، رێژا گشتى 54.4 ملم.
ئاكرێ 10.2 ملم، رێژا گشتى 29.8 ملم.
مانگێشك 11.2 ملم، رێژا گشتى 70.8 ملم.
بامه‌رنێ 19.6 ملم، رێژا گشتى 76.4 ملم.
هه‌ولێر 6 ملم، رێژا گشتى 26.5 ملم.
پيرمام 6.4 ملم، رێژا گشتى 79.8 ملم.
سۆران 2.6 ملم، رێژا گشتى 81.6 ملم.
خه‌بات 4.8
سلێمانيێ 11.5 پله رێژا گشتى 24.7 پله.
هه‌له‌بچه 0.2 پله.
كه‌ركووك نه‌باريه، رێژا گشتى 25 پله.
فرۆكێن جه‌نگى يێن هه‌ڤپه‌يمانا رێ نه‌دا داعش ل زۆمار پێشڤه‌بێت
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كى ژ ناڤا هێزێن پێشمه‌رگێ كوردستانێ راگه‌هاند كو پشتى چه‌كدارێن داعش بزاڤ كرين كو پێشره‌ويێ ل سنورێ ناحيا زۆمار بكه‌ت، فرۆكێن جه‌نگى يێن هێزێن هه‌ڤپه‌يمانا ب دژوارى ئه‌و ده‌ڤه‌ر تۆپبارانكرن و هێزێن داعش تێكشاندن.
ئه‌ڤى ژێده‌رێ پێشمه‌رگه‌ى يێ ئه‌ڤرۆ نيوز پاراستن ل سه‌ر به‌لاڤكرنا ناڤێ وى كرى دياركر كو ل شڤێدى هه‌تا ئه‌ڤرۆ سپێدێ فرۆكێن هێزێن هه‌ڤپه‌يمانان ب دژوارى ناڤا ناحيا زۆمار تۆپبارنكر، پشتى كو بزاڤ كرين پێشڤه بهێن.
ئاشكه‌را ژى كر كو نوكه هه‌موو پێدڤياتيێن سه‌ربازى ل به‌ر ده‌ستێ وان هه‌نه، به‌لێ ئه‌و ل هيڤيا ده‌مژمێرا هێرشكرنێ نه.
ئه‌ڤه ژ به‌رى جه‌ژنا قوربان وه‌ره و هه‌تا نوكه ئه‌و به‌ره‌يێ شه‌رى ل ژێر سه‌رپه‌رشتيا سه‌رۆكێ هه‌رێما كوردستانێ، مه‌سعود بارزانى، دهێته سه‌رپه‌رشتيكرن.
ڤێ حه‌فتيێ په‌رله‌مانێ ئسپانيا تايبه‌ت دێ ل سه‌ر هه‌ڤكاريكرنا هه‌ڤپه‌يمانان كۆم بيت
ئه‌ڤرۆ نيوز، نيوار محه‌مه‌د سه‌ليم:
فه‌رمانگه‌ها ده‌رڤه يا په‌يوه‌نديێن هه‌رێما كوردستانێ راگه‌هاند كو د سه‌ره‌دانا خوه يا ئێكێ دا بۆ كوردستانێ پشتى ده‌ست بكاربوونێ، بالوێزێ نوو يێ ئسپانيا سه‌ره‌دانا فه‌رمانگه‌ها په‌يوه‌نديێن ده‌رڤه يێن هه‌رێما كوردستانێ كر و راگه‌هاند كو د ڤێ حه‌فتيێ دا، په‌رله‌مانێ ئسپانيا دێ روونشتنه‌كا تايبه‌ت ل دۆر چاوانيا هه‌ڤكاريكرنا هه‌ڤپه‌يمانان كۆم بيت.
عه‌بدولخالق محه‌مه‌د ژ فه‌رمانگه‌ها په‌يوه‌نديێن ده‌رڤه يا حوكمه‌تا هه‌رێما كوردستانێ بۆ ئه‌ڤرۆ نيوز گۆت: ” د سه‌ره‌دانا خوه يا ئێكێ دا بۆ كوردستانێ پشتى ده‌ست بكاربوونێ، بالوێزێ نوو يێ ئسپانيا ل عيراقێ، خوسێ مارييا فێررێ، سه‌ره‌دانا باره‌گايێ په‌يوه‌نديێ ژ ده‌رڤه يێن هه‌رێمێ ل هه‌ولێر كر و ژ لايێ فه‌لاح مسته‌فا ڤه هاته پێشوازيكرن”.
ئاشكه‌را كر كو پشتى پيرۆزباهيێ، فه‌لاح مسته‌فا، ته‌كست ل سه‌ر وێ چه‌ندێ كر كو هه‌رێم گرنگيێ دده‌ته په‌يوه‌نديێن خوه ل گه‌ل وه‌لاتێ ئسپانيا د وارێ سياسى و ئابوورى و كه‌لتۆرى و وه‌رزشى دا و هيڤى خواست كو ئسپانيا پرۆژێن خوه ل هه‌رێمێ زێده‌تر لێ بكه‌ت.
خويا ژى كر به‌رپرسێ فه‌رمانگه‌ها په‌يوه‌نديێن ژ ده‌رڤه يا حوكمه‌تا هه‌رێما كوردستانێ جه‌خت ل سه‌ر وێ چه‌ندێ كر كو نوكه هه‌رێما كوردستانێ يا ب درێژاهيا 1000 كيلۆمه‌تران شه‌رى ل گه‌ل داعش دكه‌ت و ئه‌ركێ هه‌رێمێ گه‌له‌ك يێ گرانه.
عه‌بلدواخالق گۆتژى: “دبه‌رامبه‌ر دا بالوێزێ ئسپانيا نه‌ره‌حه‌تيا خوه ل سه‌ر ئه‌و كاودانێ، نوكه يێن عيراقێ دياركر و ستايشا رۆلێ سياسه‌تا حوكمه‌تا هه‌رێما كوردستانى د راگرتنا ئارامى و سه‌قامگێريا ده‌ڤه‌رێ دا كر”.
زێده‌تر گۆت: “بالوێزێ ئسپانيا ته‌كست ل سه‌ر په‌يوه‌نديێن بازرگانى و سياسى ل گه‌ل هه‌رێما كوردستانێ كرن و گۆت كو ئه‌و سه‌رمايه‌دارێن ئسپانيا پالدده‌ن كو ل هه‌رێما كوردستانێ كار بكه‌ن”.
ئاماژه ب وێ چه‌ندێ ژى كر كو بالوێزێ ئسپانيا ئاشكه‌را كر كو د ڤێ حه‌فتيێ په‌رله‌مانێ ئسپانيا دێ تايبه‌ت ل سه‌ر پرسيا هه‌ڤكاريكرنا هێزێن هه‌پڤه‌يمانا كۆم بيت و دووماهى هه‌لويسێ خوه ل سه‌ر هه‌ڤكاريا وان ده‌ت و گۆت كو ئه‌و به‌رده‌وام هه‌ڤكاريا هه‌رێمێ ل شه‌رێ دژى تيرۆرێ كه‌ين.
ل دووماهيێ ژى گۆت: “د ته‌وه‌ره‌كێ دژى دا به‌حس ل پشكداريكرنا هه‌رێمێ د حوكمه‌تا نوو يا به‌غدا دا كر و فه‌رمانگه‌ها په‌يوه‌نديێن ژ ده‌رڤه ژى به‌حس ل داخوازيێن گه‌لێ كورد كر پابه‌ندنه‌بوونا حوكمه‌تا فيدرال ب دستوورى و نه‌هنارتنا بودجا هه‌رێمێ”.
وێنه: كۆمپانيێن جيهانى ژ به‌ر داعش ناڤێ خوه د گوهۆڕن
ئه‌ڤرۆ نيوز:
ژ به‌ر كورتكرنا ناڤێ وان ب ISIS كۆمپانيێن ئه‌مريكى ده‌ست ب گۆهاڕتنا ناڤێ خوه كرن ژ به‌ر كو ب ئنگليزى دبيته كورتكريێ ناڤێ ده‌وله‌تا ئيسلامى ل عيراق و شامێ ، داعش.
هه‌ر وه‌كو پارێزه‌ره‌كى ب ناڤێ دين عه‌بدولا بۆچوونه‌ك ل CNN به‌لاڤكرى؛ يان دڤێت ئه‌ڤ كۆمپانيه پشته‌ڤانيا داعش بكه‌ن يان ژى ناڤێ خوه ب گوهۆڕن يان ژى بميننه وه‌سان ب هيڤيا وێ چه‌ندێ ژ به‌ر ناڤێ وان خه‌لك خوه ژ تشتێ وان نه‌ده‌ته پاش.
نڤيسينگه‌ها ئه‌مريكى يا شێواز و نيشانێن بازرگانى دياركر كو زێده‌ترى 270 كۆمپانيان كورتكريا ISIS يا بۆ خوه ب كار ئينايى ژ كۆمپانيێن ساخله‌ميێ هه‌تا يێن دگه‌هيته پرچا ده‌ستكرد.
كۆمپانى دێ پتر بزاڤێ كه‌ن ناڤێ خوه ب گوهۆڕن هه‌ر وه‌كو عه‌بدولا دبێژيت: “هه‌ر وه‌كو زنجيرا تله‌ڤزيونى يا “Archer” كو زنجيره‌كا كارتونى يا كۆمێدى يه و ل دۆر جاسوسه‌كێ ئه‌مريكى يه كو گرێداى رێكخراوان “ISIS” يا نهێنى يه، راگه‌هاند كو ئه‌و ئێدى په‌يڤا “ISIS” ب كار نائينن و كه‌نالێ “FX” ژى ئه‌وێ وێ زنجيرێ به‌لاڤ دكه‌ت بڕيار دا ئێدى كۆلاڤ و چانتێن ماركا “ISIS” نه‌فرۆشن”.
ديسا خزمه‌تا “Isis Wallet” يا به‌لاڤكرنا مۆبايلێن ژير كو پرۆژه‌كێ هه‌ڤپشكه د ناڤبه‌را كۆمپانيێن په‌يوه‌نديان دا ل ئه‌مريكا ژ وان ژى “AT&T” و “T-Mobile” و “Verizon” كو ناڤێ خوه بۆ “Softcard” گوهۆڕى.
ديسا “ISIS Hookah Café” ژى دخوازيت ناڤێ خوه ب گوهۆڕيت، به‌لێ ژ به‌ر باجا گوهۆڕينا لافيتا جهى شيانێن دارايى رێ ناده‌نێ وى كار بكه‌ت.
عه‌بدولا دبێژيت: “ده‌ما خه‌لك دبينيت دێ بێژيته يێ ل گه‌ل خوه ته‌ماشه كه، ئه‌ڤ رێكخستيا تيرۆرى ئه‌وا ل رۆژهه‌لاتا ناڤين يا شيايى ل ئه‌مريكا كافيه‌كێ ڤه‌كه‌ت”.
حوسێنیەکا شیعا ل بەرتلا دھێتە پەقاندن
ئەڤرۆ، نیوز سالار دۆسکی:
کارگێرێ لقێ ١٤ یێ پارتی دیموکراتی کوردستان ل پارێزگەھا نەینەوا بۆ ئەڤرۆ نیوز دیارکر کو ئەڤرۆ ١٧/١٠/٢٠١٤ مامۆستایەکا زانکۆیا مووسل ب دەستێن تیرورستێن داعش ھاتە شەھیدکرن و دیسان حسێنیەکا شیعان ژی ل دەڤەرا بەرتلە ھاتیە پەقاندن.
سەعید مەم و زینی کارگێرێ لقێ ١٤ یێ پارتی دیموکراتی کوردستان ل پارێزگەھا نەینەوا گۆت: “حسێنیەکا شیعان ل گۆندێ تێس خراب سەر ب ناحیا بەرتلە ڤە ژ لایێ داعش ھاتیە پەقاندن”.
ناڤبری ئاشکرا کر ژی کو مامۆستایەکا زانکۆیا مووسل ژی ب ناڤێ ھناْ محەمەد خەیری ئەڤە پشتی ھەولیستێ دژی کریارێن داعش دیارکری ژ لایێ رێکخراوا تیرورستی ڤە ھاتیە گولەبارانکرن”.
کارگێرێ لقێ ئاشکرا کر ژی کو ئەڤە پتر ژ ٥٠ حسێنیێن شیعان ژ لایێ تیرورستێن داعش ڤە ل مووسل دھێنە پەقاندن.
كچه‌كا 16 سالى ل دهۆكێ خوه كوشت
ئه‌ڤرۆ نيوز، نيوار محه‌مه‌د سه‌ليم:
راگه‌هاندنا رێڤه‌به‌ريا پۆليسێن دهۆكێ راگه‌هاند كو شڤێدى ل تاخه‌كێ دهۆكێ كچه‌كێ ب گۆله‌يه‌كا ده‌بانجێ خوه كوشت.
هێمن سلێمان، به‌رپرسێ راگه‌هاندنا رێڤه‌به‌ريا پۆليسێن دهۆكێ، د داخۆيانيه‌كێ دا بۆ ئه‌ڤرۆ نيوز گۆت: “شڤێدى ل تاخێ شاخكێ ل دهۆكێ كچه‌كا 16 سالى ب ناڤێ (ل.ع.ف) ب گۆله‌يه‌كا ده‌بانجێ دووماهى ب ژيانا خوه ئينا”.
به‌رپرسێ راگه‌هاندنا رێڤه‌به‌ريا پۆليسێن دهۆكێ گۆتژى: “به‌رى ئه‌ڤ كچه خوه ب كوژيت ل ژوورا خوه، چه‌ند نامه‌يه‌كێن كورت ل دووڤ خوه هێلاينه”.
هه‌ر ل ڤێ حه‌فتيێ زه‌لامه‌ك ل سه‌ر كێشه‌كا خێزانى ل ژيێ 55 ساليێ ل گۆندێ گرشينيێ ژ لايێ كه‌سه‌كى ڤه هاتبوو كوشتن و كوڕكه‌كى ژى خويشكا خوه يا ئاواره دژيێ 18 ساليێ دا ل نێزيك زۆزان ستى ل دهۆكێ ب گۆلێ ده‌بانجێ كوشت بوو.
ڤيديۆ: هه‌ر تشت ده‌رباره‌ى هه‌ولێر و قادسيه يا كوێتى
ئه‌ڤرۆ نيوز، نيوار محه‌مه‌د سه‌ليم:
بڕياره سوبه‌هى ده‌مژمێر حه‌فت ب ده‌مێ هه‌ولێر، دادڤانێ كوريا باشوور كيم دونگ جين، فيركا ده‌سپێكێ يا ياريا دووماهيێ د ناڤبه‌را هه‌ردو يانێن هه‌ولێر و قادسيه يا كوێتى ل ياريگه‌ها راشد بن مه‌كتوم ل ئيمارات ژ قاره‌مانيا كاسا ئێكه‌تيا لێ بده‌ت.
سه‌عد عه‌بدولئه‌مير ژ ئه‌نجامێ هه‌بوونا دو كارتێن زه‌ر ژ تيما هه‌ولێر پشكدار نابيت و ژ يانا قادسيه ژى گۆمان يا ل سه‌ر پشكداريا هه‌ر ئێك ژيێ نايژيرى عه‌بدولا شه‌هيۆ و يێ كوێتى حه‌مه‌د ئه‌مان د گۆمانێ دانه كا دێ پشكداريێ كه‌ن يان نه.
هه‌ولێر گه‌هشتبوو ياريا دووماهيێ پشتى ل ياريگه‌ها خوه وه‌كهه‌ڤبووى ل گه‌ل يانا كيتجى يا هۆنگ كۆنگى و ل ياريگه‌ها وێ سه‌ركه‌فتن تۆمار كرى ب ئه‌نجامێ 2-1 و گه‌هشته ياريا دووماهيێ و قادسيه ژى ژ لايێ خوه ڤه گه‌هشتبوو ڤێ قووناغێ پشتى ل به‌رى دووماهيێ سه‌ركه‌فتن ل سه‌ر حنێرا قاره‌مانيێ بيرسيبورا جايابورا ل ياريگه‌ها وێ تۆمار كرى ب ئه‌نجامێ 4-2 و ل ياريگه‌ها خوه ژى ب شه‌ش گۆلان بێ به‌رامبه‌ر.
يانا هه‌ولێر پشكا شێرى يا جهێ پشته‌ڤانا ب به‌ردكه‌ڤيت ب به‌هانه‌يا وێ چه‌ندێ كو ل ياريگه‌ها وێ يه كو رێژا (90%) يه، ژ سه‌ر جه‌مێ 7800 كورسيان، حه‌فت هزار بۆ هه‌ولێرن و 800 بۆ قادسيه يا كوێتى. به‌لێ ب گۆره‌ى داخۆيانا رێبين ره‌مزى به‌رپرسێ راگه‌هاندنێ ل يانا هه‌ولێر رێژا پێدڤى يا جه‌ماوه‌رێ يانێ ئاماده نابيت ژ به‌ر كێشا ئابوورى يا هه‌رێمێ، د هه‌مان ده‌م دا دێ شاشه‌كا مه‌زن داننه نيڤا ياريگه‌ها شه‌هيد فره‌نسۆ هه‌ريرى دا كو جه‌ماوه‌ر ل وێرێ ته‌ماشه‌ى ياريێ بكه‌ت.
به‌رى نوكه يانا هه‌ولێر ئه‌وا ل 1968 هاتيه دامه‌زراندن جاره‌كێ يا گه‌هشتيه دووماهيا ڤێ قاره‌مانيێ د مێژوويا عيراقێ دا، به‌لێ تووشى خوساره‌تيه‌كا مه‌زن ببوو ل ياريگه‌ها خوه هه‌ر ل ده‌ستێ تيما كوێت يا كوێتى، ژ لايێ خوه ڤه قادسيه ئه‌وا ل سالا 1960 هاتيه دامه‌زراندن دو جاران گه‌هشتيه ياريا دووماهيێ و هه‌ردو جاران خوساره‌ت بوويه، يا ئێكێ ل سه‌ر ده‌ستێ ئتيحاد يا سورى 4-2 ب په‌نه‌لتيانێ پشتى ده‌مێ ياريێ ب وه‌كهه‌ڤى ب گۆله‌كێ ب دووماهى هاتى و جارا دويێ ل گه‌ل هه‌ڤوه‌لاتيا خوه كوێت يا كوێتى ل 2013 ب دو گۆلان بێ به‌رامبه‌ر.
هه‌تا نوكه هه‌ولێر 11 جاران كه‌فتيه به‌ر تيمێن كوێتى و ژ وان ژى كوێت، قادسيه، عه‌ره‌بيه و كازمه و تێدا دو سه‌كه‌فتن و چار خوساره‌تى و پێنج وه‌كهه‌ڤى تۆماركرينه.
ل سالا بۆرى هه‌ر چه‌نده خو‌لا عيراقێ ب ته‌مامى نه‌هاته كرن، به‌لێ تيما هه‌ولێر و شورته ژ سه‌ركه‌فتيێن ئێكێ هاتنه هه‌ژمارتن و ئه‌ڤ ساله ژى هێشتا چو يارى نه‌كرينه ژ به‌ر ڤێ قاره‌مانيێ هاتينه پاشخستن و تيما قادسيه سالا بۆرى كاسا سۆپه‌ر يا كوێتى و خول و كاسا وه‌لى عه‌هد بربوون و ل كاسێ ژى ل گه‌ل كوێت ب په‌نه‌لتيانێ خوساره‌ت ببوو، ئه‌ڤ ساله ژى شه‌ش يارى كرينه و چاران سه‌ركه‌فتيه و وه‌كهه‌ڤيه‌ك و خوساره‌تيه‌ك هه‌نه.
ل سالا 2004 ئه‌ڤ قاره‌مانيه يا ب رێڤه‌چووى كو تێدا جه‌يش يا سورى ناسناڤێ ئێكێ ب ده‌ست خوه ڤه ئينابوو، به‌رى فه‌يصه‌لى يا ئوردونى ل سالێن 2005 و 2006 ڤى ناسناڤى ب ده‌ست خوه ڤه بينيت و پاشان ژى هه‌ڤالا وێ شه‌باب يا ئوردونى ل سالا 2007 ب ده‌ست خوه ڤه‌ئينا و پاشان مه‌حره‌ق يا به‌حرێنى ل 2008 و كوێت يا كوێتى 2009 و پاشان ئتيحاد يا سورى ل 2010، ناساف كارشى يا ئۆزپاكستانى ژ ل سالا 2011 ناسناڤى ب ده‌ست خوه ڤه بينيت و پاشان ژى كوێت يا كوێتى ل 2012 و 2013 هژمارا پيڤاى شكاند كو دبيته تيما ئێكانه سێ جاران ڤى ناسناڤى دبه‌ت.
بۆ زانين ئه‌ڤ ياريه دێ ل كه‌نالێ bein sports 8 هێته په‌خشكرن و ئه‌م وه‌كو ئه‌ڤرۆ نيوز دێ بزاڤێ كه‌ين ب ره‌نگه‌كێ ئێكسه‌ر په‌خش كه‌ين و هه‌كه به‌رهه‌ڤ ژى نه‌بووين دێ لينكێن ياريێ دانين ل سه‌ر ئه‌نترنێتى ته‌ماشه بكه‌ن.
نيشاندان
WP Facebook Auto Publish Powered By : XYZScripts.com