ئه‌ڤرۆ نیۆز:
ژێده‌رێن فه‌رمیێن راگه‌هاندنا هێزا یه‌كینه‌یا پاراستنا گه‌ل ل كوبانێ راگه‌هاند، پێشمه‌رگه‌ى ئێكه‌مین به‌رسڤا هێرشا چه‌كدارێن داعشێ دا، هه‌ڤده‌م دیاركر، هێزێن پێشمه‌رگه‌ى و یه‌كینه‌یێن پاراستنا گه‌ل بنگه‌هێن داعشێ ب تۆپ و هاونان و مووشه‌كان گۆندێ كوبانێ یێن رۆژهه‌لات تۆپبارانكرن.
ژێده‌رێن ئاگه‌هدارێن كوبانێ خوه‌یاكرن، هێزێن كوردان كو پێكهاتیه‌ ژ پێشمه‌رگه‌ و یه‌كینه‌یا پاراستنا گه‌ل و هێزا ئافره‌تێن كورد ده‌ست ب توپبارانكرنا بنگه‌هێن داعشێ ل گوندێ كیكان كو 3 كیلومه‌تران رۆژهه‌لاتا كوبانێ یه‌ كرن، كو بوویه‌ سه‌ده‌ما ئاگرو دووكێله‌كا مه‌زن به‌لێ هه‌تا نها زه‌ره‌ر و زیانێن داعشێ نه‌هاتینه‌ زانین.
ژئالیه‌كێ دیڤه‌ شۆره‌ش حه‌سه‌ن په‌یڤدارێ ب ناڤێ هێزا یه‌كه‌ینه‌یا پاراستنا گه‌ل ل گوبانێ هاتنا پێشمه‌رگه‌ى بۆ كوبانێ ل گه‌ل چه‌كێ وان یێ گران ب پێنگاڤه‌كا پیرۆز و گرنگ سالوخه‌تدا، هه‌ڤده‌م گۆت: ئه‌ڤه‌ رێیه‌ ژ بۆ ئێكگرتنا كوردان ژ هه‌موو ئالیان ڤه‌ چو سیاسى یان له‌شكرى بیت، و خواست ئه‌و پێنگاڤه‌ د به‌رده‌وامبن بۆ گه‌هشتنا راستیا ئێكگرتنا كوردان.

ئه‌ڤرۆ نيوز، ناجی به‌ده‌ل:

پتشی ده‌ست ب سه‌رداگرتنا شنگال ژ لایێ داعش ڤه‌، تاوانێن دژی مرۆڤایه‌تی و جینوساید ژ لايێ وان ڤه‌ هاتنه‌ ئه‌نجامدان و ژ ئه‌نجامێ ئه‌وان كارێن دره‌نده‌يێن وان ب سه‌رێ كوردێن ئێزدی ئینا و دپێخه‌مه‌تا دانه‌ نیاسینا ئه‌وێ تاوانێ، چه‌ند لژنه‌ك هاتينه‌ دانان هه‌ر ئێك جودا ژ یادی كارێن خوه‌ دكه‌ت.

پارێزه‌ر و شيره‌تكارێ قانوونى محه‌مه‌د سالح ئامێدی بۆ ئه‌ڤرۆ نیوز گۆت: “نها جڤاتا وه‌زیران و وه‌زاره‌تا شه‌هید و ئه‌نفالكريان و داد و په‌رله‌مانێ كوردستانێ هه‌ر ئێكێ لژنه‌ك دانایه‌ و ئاگه‌هـ ژ ئیك نینن، ئه‌رێ دێ شیێن پێناسه‌یه‌كا نێڤده‌وله‌تی و بنكارێن قانوونى بۆ جینوسادیێ بۆ دیار بكه‌ین و ب ده‌ستڤه‌‌ بینن ئه‌ز دوێ باوه‌ریێ دامه‌ ب ڤی ره‌نگێ دێ يا ب زه‌حمه‌ت بيت”.

محه‌مه‌د سالح دیاركر ژی ئه‌و لژنێن هاتینه‌ پێك هاتن نه‌ بسپورن و كه‌سێن به‌شدار ژی نه‌ پسپورن و پسپورێن كارگیرێ و دارایی و زمانێ ئینگلیزیێ نه‌ و ئه‌ڤه‌ ژی موسیبه‌ته‌كا مه‌زنه‌ و هه‌روه‌سا ئه‌ڤا ژ خرێ حێبه‌تی تر ئه‌وه‌ كو ئێك ژ ئه‌وان لیژنه‌یان چوو بوو په‌رله‌مانێ هوله‌ندا داخواز ژی كر ببۆكو بێژن ئه‌وا شه‌نگالێ جینوسایده‌.

پارێزه‌رێ راوێژكار گۆتژی: “هنده‌ك په‌رله‌مانتاران داخواز ژ په‌رله‌مانی كریه‌ ئه‌ڤا روودای ب جینوساید بزانیت، ئه‌و ئێكه‌ پسپوریا په‌رله‌مانی نیه‌،  به‌لكو به‌س دێ په‌سند كه‌ت، دڤێت دادگه‌هه‌كا تایبه‌ت و ده‌سه‌لاتا دادوه‌ریێ بریارێ بده‌ت نه‌ك په‌رله‌مان”.

پارێزه‌رێ راوێژكارێ یاسایی داخوازێ دكه‌ت ده‌سته‌یه‌كا گشتی و پسپوری بهێته‌ دروست كرن و ل هه‌ر جهه‌كێ پێدڤیه‌ تایێن خوه‌ هه‌بن دا كو ئه‌و ئاریشه‌ و كێشه‌یا نها یا شه‌نگالێ ب بیته‌ نێڤده‌وله‌تی ئه‌گه‌ر نه‌ دێ ده‌ست ڤالا زڤرن، چونكو د جینوسادیێ دا دڤێت جوداكرنه‌كێ د ناڤبه‌را قركرنا ب كۆم و مرۆڤایه‌تێ خه‌ته‌كا زراڤ هه‌یه‌ و هه‌ر تاو‌انه‌كێ قانوونه‌ك هه‌یه‌ چ د قانوونێن نێڤده‌وله‌تی و ناڤخۆی بيت كو دو ركنێن مادی و به‌رجه‌سته‌ی بهێته‌ دیتن و دیاركرن.