ئەڤرۆ:
تیرۆرستێن داعش دیار دکەن کو ئەو پەراشوتا فرۆکێن ئەمریکی ل کۆبانێ بەردایە ناڤ وان دا، ئەو خاپاندن.
تیرۆرستێن داعش بەلاڤکریە کو خوارنا ژەھراوی و دەرمانێن کوژەک د ناڤ بارێ وێ پەراشوتێ دا بوون، ھەروەسا ئەو چەکێن د ناڤ وی باری دا ئامیرێن دیارکرنا جھان پێڤە بوون و جھێ ھەلگرێ چەکی ب ساناھی دیار دکر و ئەمریکا شاشی نەکریە، بەلکو بۆ مەرەمێن خوە یێن سیخۆری ئەو پەراشوتە یا بەردایە ناڤ چەکدارێن داعش.
ئه‌ڤرۆ نيوز:
شيرين عه‌بدولوه‌هاب ره‌تكر كو ئه‌و چو كۆمێنتان ل سه‌ر بڕيارا دادگه‌هێ ل دژى خوه بده‌ت پشتى بڕيار هاتيه دان و بهێته زيندانكرن و سزايێ دارايى ژى بده‌ت ژ ئه‌گه‌رێ ده‌ستدرێژيێ ل سه‌ر شه‌ريف مونير و كچێن وى.
ژ لايه‌كێ دى ڤه پارێزه‌رێ وێ، حه‌سام لوتفى، راگه‌هاند كو ئه‌و چاڤه‌رێ ده‌ركه‌فتنا ئه‌گه‌رێن بڕيارێ نه و دێ تانێ لێ ده‌ن و گۆت: “ئه‌زێ پشت راستم كو دێ ل دووماهيێ دێ بێ تاوان ده‌رچيت ژ ئه‌گه‌رێ نه‌بوونا چو به‌لگان ل دژى وێ”.
دوهى رۆژا دوشه‌مبى رێكه‌فتى 28\10 دادگه‌ها كه‌فتنێ بڕيارا زيندانيكرنێ ل سه‌ر شيرين عه‌بدولوه‌هاب بۆ ماوێ شه‌ش هه‌يڤان ده‌ركربوو ل گه‌ل سزادانا وێ ب كۆژمه‌كێ پاره‌ى.
پارێزەرەکێ دۆسیەیا بەڕەڤانیکرنێ ژ کارەساتا شنگالێ ئیماژە بڤێ چەندێ دکەت، ھەتا نوکە نێزیکی 40 سکالا ژلایێ وەلاتیانڤە لسەر ئەبوبەکر بەغدادی و رێکخراوا داعش ھاتینە تۆمارکرن و ھەمووژی ل سنورێ پارێزگەھا دھۆکێ بووینە، لەوڕ پێنج ژوان سکالایان ھاتینە ھنارتن بۆ دادگەھا تاوانێن نێڤدەولەتی.
ھەولێر، قائید میرۆ:
پارێزەر ئەیاد کاکەیی، ئەندامێ تیما بەڕەڤانیکرنێ ژ کارەستا شنگالێ و دەڤەرێن دی بۆ ئەڤرۆ دیارکر، کو سەندیکایێ سێ پارێزەرێن خۆ بەخش دەستنیشانکرینە و گۆت” رۆژا 4\0\2014ێ، ب بڕیارا جڤاتا سەندیکا پارێزەرێن کوردستانێ سێ پارێزە دێ بێ بەرامبەر کار بۆ بەڕەڤانیکرن ژ قوربانیێن ئەڤان کارەستان بکەن، یێن چەکدارێن داعش بسەر خەلکێ شنگالێ و ھەموو دەڤەرێن دیدا ئینای، ئەوژی پێکھاتینە ژ پارێزەران عەلی گوندەسۆری و ئەیاد کاکەیی ئەحمەد عەبدولا، ئەڤ سێ پارێزەرە دێ بریکارنامێ ژ کەسێن سکالا تۆمارکری وەرگرتی بکەن و دێ ل دادگەھێن نافخۆ دەرڤە کار تێدا بکەن، ئەم دگەل سەرۆکێ دادگەھا تێھەلچوون و لایەنێن پەیوەندار ل پارێزگەھا دھۆکێ کۆمبووینە و مە پارێزەرەک ل دھۆکێ دانایە و دگەل سەرۆکێ دەستەیا لێکۆلینێ مژۆلی رێکخستنا سکالایێن وەلاتیانە و ھەتا نوکە ھژمارەکا زۆرا سکالایان ھاتینە تۆمارکرن، بەلێ ئەڤا ھەتا نوکە بەردەستێ مە نێزیکی ٤٠ کەسان سکالا لسەر ئەبوبەکر بەغدادی سەرۆکێ رێکخراوا تیرۆرستیان داعش و ھەروەسا ئەف کەسێن ھەڤکاریا داعش دکەن”.
ئەیادی گۆتژی” چو دادگەھێن تایبەت بڤان کەیسان نینە، دێ بەلگەنامە ھێنە کۆمکرن ھەتا شاندێ حوکمەتا ھەرێما کوردستانێ ژ دەرڤە ڤەگەڕێن کوردستانێ و دادگەھا تاوانێن نێڤدەولەتی دەست ب ڤەکۆلینێن خوە دکەت، مە پێنج سکالا دگەل شاندێ ھەرێمێ ھنارتینە بۆ دادگەھا نێڤدەولەتی و داخوازکارێ گشتیێ جیھانێ، دادگەھا تاوانێن نێڤدەولەتی دێ دوڤچوونا ڤان پێنج سکالایان بکەت و ئەگەر وەرگرتن، ئەڤە داخوازکارێ گشتیێ جیھانی بخوە دێ سەرەدانا کوردستانێ کەت، راستە گورەی رێکەفتناما رۆما عێراق و ھەرێم تێدا ئەندام نینە، بەلێ ژبەرکو زۆربەیا کەسێن تۆمەتبار دگەل داعشدا رەگەزنامەیێن وان وەلاتان ھەنە یێن ئەندام ل دادگەھا نێڤدەولەتی”.
ئه‌ڤرۆ نیۆز، سالار دۆسكى:
په‌یڤدارێ وه‌زاره‌تا په‌روه‌ردێ یا حوكمه‌تا هه‌رێما كوردستانێ ئه‌ڤرۆ دراگه‌هانه‌كێ دا دیاركر كو ب چوو ره‌نگا نابیت ئێدى مه‌لزه‌مه بهێته بكارئینلن و خواست وه‌زاره‌تێن ره‌وشه‌نبیرى و نافخوه دگه‌ل هه‌فكار وهاریكاربن.
فاتح مه‌وله‌وى په‌یڤدارێ وه‌زاره‌تا په‌روه‌ردێ یا حوكمه‌تا هه‌رێما كوردستانێ بۆ ئه‌ڤرۆ نیۆز گۆت: داخاز ژ هه‌موو قوتابیان دكه‌ین كو بخوه ب مه‌له‌زه‌ما مژوول نه‌كه‌ن و ئێدى خوه نێزیك نه‌كه‌ن و هه‌ر ئه‌و دێ زه‌ره‌ر مه‌ندبن و پتر خوه نێزیكى ناڤه‌رۆكا په‌رتووكێن خوه بكه‌ن.
دیسا وه‌زاره‌تا په‌روه‌ردێ ب نڤێسار ژ وه‌زاره‌تا ره‌وشه‌نبیرى وه‌رزش و لاوان ژى خواست دهاریكاربن و ده‌زگه‌هێن چاپ و وه‌شاندنێ بهێنه هایداركرن كو ئێدى مه‌له‌زه‌مه نه‌هێنه چاپكرن و به‌لاڤه‌كرن.
هه‌مان ده‌م وه‌زاه‌رتا نافخوه ژى خواستیه كو دوڤچوونێ ل سه‌ر ئه‌وان كه‌سا بكه‌ن ئه‌وێن په‌رتووكان دفرۆشن و دیاركریه كو ئه‌و كه‌س دێ به‌رامبه‌ر قانوونێ به‌رپرسیاربن.
ئه‌ڤرۆ نیۆز: زه‌ید زیاد
رێكخراوا ئه‌لمانى (رێج) یا خێر خوازى گرێبه‌سته‌ك ل گه‌ل رێكخراوا دیاكونیا ئیمزاكر، ل گۆڕ وێ كرێبه‌ستا هاتیه ئێمزاكرن د ناڤبه‌را هه‌ردو ئالیان دا، كه‌رستێن خوارنێ رۆژانه دێ ل سه‌ر 250 خێزانێن ئاوه‌ره‌یێن باعه‌درێ و ده‌وروبه‌رێن وێ هێته به‌لاڤكرن.
رێكخراوا خێرخوازى ب هه‌ڤكارى ل گه‌ل بنگه‌هێ لالش تایێ باعه‌درێ و رێڤه‌به‌ریا ناحیا باعه‌درێ دێ رۆژانه دێ سه‌رپه‌رشتیا به‌لاڤكرنا وان هاریكاریان ل سه‌ر ئاواره‌یان كه‌ن.
هه‌روه‌سا هاتیه خوه‌یاكرن، ئه‌ڤه ده‌مێ دو رۆژانه رێكخراوا ناڤبرى یا ئه‌لمانى ده‌ست بكارێ به‌الڤكرنا وا هاریكاریان ل سه‌ر ئاوه‌ره‌یان كریه.
ئه‌ڤرۆ نیۆز، سالار دۆسكى:
هونه‌رمه‌ند كوردى مه‌زن جوان حاجۆ كو نوكه ب سه‌ردانه‌كێ ل كوردستانێ یه، د دیداره‌كا تایبه‌ت دا دگه‌ل ئه‌ڤرۆ نیۆز دیاركر كو سترانه‌ك ل سه‌ر پێشمه‌رگێ كوردستانێ چێكریه و ژ په‌یڤێن هه‌لبه‌ستڤان(بورهان زێبارى) ئاواز و مۆزیك یا (جوان حاجۆ) یه وه‌لاتێ سويد هاتیه تۆماركرن و ژڤانه رۆژێت بهێت بهێته كلیپكرن.
دلایه‌كێ دى دا رولێ سه‌رۆكێ هه‌رێما كوردستانێ (مه‌سعود بارزانى) بلندنرخان بۆ نێزیكرتنا پارتێن كوردى ل رۆژئاڤا كوردستانێ و هه‌موو هیڤى و خواستنێن كو پارتێن كوردستانێ ئێكبگرن.
ته‌مامه‌تیا دیدارێ به‌رپه‌رێ هونه‌رى رۆژناما ئه‌ڤرۆ رۆژا پێنچ شه‌مبى بخوینه.
ئه‌ڤرۆ نیۆز:
سه‌رۆكێ دیوانا سه‌رۆكاتیا هه‌رێما كوردستانێ فۆئاد حسێن بۆ ئاژانسا رۆیته‌رز گۆت: هێزێن پێشمه‌رگه‌ێ هه‌رێما كوردستانێ د به‌رهه‌ڤن كو به‌ر ب باژێرێ كوبانێ ڤه ب رێیا ئاخا توركیا بچن، بتنێ پشتى خشته‌كێ ده‌مى ل گه‌ل حوكمه‌تا ئه‌نقره و كوردێن رۆژئاڤایا كوردستانێ ب دووماهى دهێت.
ئاژانسا رۆیته‌رز هه‌روه‌سا ل سه‌ر زارێ فۆئاد حسێن گۆت: پێشبینى دهێته كرن 155 پێشمه‌رگه د ڤان رۆژان دا بۆ كوبانێ بچن.
سه‌باره‌ت جورێ یێ ل گه‌ل هێزێن پێشمه‌رگه‌ى سه‌رۆكێ دیوانا سه‌رۆكاتیا هه‌رێمێ گۆت: چه‌كه‌كێ نیمچه گرانه، دێ بیته هێزه‌ك بۆ شه‌رڤانێن كورد ل كوبانێ به‌رهنگاریا چه‌كدارێن داعشێ پێ بكه‌ن و هێرشێن وانا بهێنه راگرتن، بتایبه‌تى چه‌كێ دژى تانك و زریپۆشان.
ئه‌ڤرۆ نیۆز:
هێزێن پێشمه‌رگه‌ى یێن ل سه‌ر سنورێ سوریێ ب هه‌ڤكارى ل گه‌ل هێزێن شه‌ره‌ڤانێن یه‌كینه‌یا پاراستنا گه‌ل شیان هێرشه‌كا چه‌كدارێن داعشێ ل سه‌ر ده‌ڤه‌را تل كوچه‌ر ل رۆژئاڤایا كوردستانێ تێكبشكینن.
عه‌قید زه‌كى كوكه‌رى به‌رپرسێ پرۆسا هێزا سه‌فین دداخوه‌یانیكێ دا بۆ مالپه‌رێ پارتى دیموكراتى كوردستان ئاشكراكر، تیرۆرستێن داعشێ هێرشه‌ك كریه سه‌ر ده‌ڤه‌را تل كوچه‌ر یا سنۆرى كو لبن كونترۆلا هێزێن یه‌كینه‌یا پاراستنا گه‌ل دایه، ب هه‌ڤكارى ل گه‌ل هێزێن پێشمه‌رگێ هه‌رێما كوردستانێ ئه‌م شیان وێ هێرشێ ژناڤ ب به‌ین.
هه‌روه‌سا عه‌قید زه‌كى گۆت: پشتى داخوازا هاریكاریێ ژ برایێن مه‌یێن كورد ل تل كوچه‌رێ و دده‌مێ خوه‌دا هێزێن پێشمه‌رگه‌ى ده‌ست ب داوه‌شاندنا چه‌كێ گران و توبارانكرنا جهێن داعشیان كرن، چه‌كدارێن داعشێ ل هه‌موو وان ده‌ڤه‌ران یێن دهێرشێ دا كونترۆل كرین هاتنه رامالین و زیانێن مه‌زن ژى گه‌هشتنێ، پێشمه‌رگه‌هێ هه‌رێمێ چو زیان نه‌گه‌هشتنێ و ب سه‌لامه‌تى ڤه‌گه‌ریان جهێن خوه.
ئەڤرۆ:
مەکتەبا سیاسی یا ئێکەتی نیشتمانی کوردستان ئەڤرۆ ٢٧/١٠/٢٠١٤ د کۆمبوونەکێ دا گەنگەشە ل سەر پەیوەندیێن خوە پارتی دیمۆکراتی کوردستان و ئالیێن سیاسی یێن دی یێن کوردستانێ کر و دوپاتی ل پێشڤەبرنا پەیوەندیێن خوە کر و د ڤێ دەربارێ دا بڕیارێن پێدڤی دان و لژنە ژی بۆ برێڤەبرنێ پێکئینا.
د تەوەرەکێ دی دا گەنگەشە ل دۆر پرۆسا سیاسی یا عیراقێ و ھەرێما کوردستانێ و بەروکێن شەرێ پێشمەرگەی دژی تیرۆرستێن داعش کر.
ئه‌ڤرۆ نیۆز:
هنده‌ك ژێده‌رێن ئاگه‌هدار ل ناڤه‌ندا باژێرێ مووسل راگه‌هاندن، رێكخستنا تیرۆرى یا داعشێ 7 رۆنامه‌ڤانێن ل باژێرێ مووسل ده‌سته‌سه‌ركرن و جهه‌كێ نه‌دیار هاتنه ڤه‌گۆهاستن.
ژێده‌رێ نه‌ڤیایى ناڤێ خوه ئاشكرا بكه‌ت بۆ مالپه‌رێ (KDP) گۆت: گرۆپه‌كێ چه‌كدارێن داعشێ ب سه‌ر مالێن حه‌فت رۆژنامه‌ڤانێن مووسلى دا گرت برنه جهه‌كێ نه‌دیار، ناڤێن وان ژى گۆتن، ئه‌حمه‌د رافع و ئیسار رافع و محه‌مه‌د یونس و یاسر ئه‌لقیسى و یاسر ئه‌لحاج و مه‌حمود شاكر و رۆژنامه‌ڤانه‌كێ دى ب ناڤێ ئه‌بو شه‌هه‌د دهێته نیاسین.
به‌رى سێ رۆژان چه‌كدارێن داعشێ 3 رۆژنامه‌ڤانێن دى ژى ل باژێرێ مووسل ده‌سته‌سه‌ركر بوون. ئه‌ڤه ژى بوویه جهێ ترسا رۆژنامه‌ڤانان و بزاڤێن ره‌ڤین و ده‌ركه‌فتنا ژ ناڤه‌ندا باژێرێ مووسلێ دكه‌ن و هنده‌ك ژى بانگه‌وازیێن د هه‌وار هاتنێ دده‌نه حوكمه‌تا ناڤه‌ندیا عیراقێ و رێكخراوێن نێڤده‌ولى كو ده‌ستێ هاریكاریێ بۆ قورتالكرنا وان درێژ بكه‌ن.
نيشاندان