ئهڤرۆ نيوز:
https://www.youtube.com/watch?v=yC4iSwCEwXs
دهقێ تومهتبارێن دوسهيا گهفكرن ل پهرلهمانتارهكا نهوهى نوێ هاتنه بهلاڤكرن
نووترين نووچه
- د ناڤ جەماوەری دا بن و خزمەتا خەلكی بكەن
- سەرۆك بارزانی و محەمەد حاجی مەحموود رەوشا كوردستانێ و ئیراقێ گەنگەشە دكەن
- سەرۆك بارزانی سەرەخوەشیێ ل سەرۆكێ بەرەیێ توركمانی ل ئیراقێ دكەت
- مەسرور بارزانی: حوكمەتا هەرێمێ دێ بەردەوام پشتەڤانییا مافێن رەوایێن ئێزدییان كەت
- پەیڤدارێ پارتی: مە پێدڤی ب ئێكڕێزییا ناڤخۆیی هەیە بۆ رووبڕووبوونا گوهۆڕینێن دەڤەرێ
- ئەحمەد كانی: پارتی كار ل سەر نەخشەڕێیا سەرۆك بارزانی دكەت
- شاندەكێ هەرێمێ دێ سەرەدانا بەغدا كەت و ئارێشەیا مووچەی ب ئێكجاری دێ هێتە چارەسەركرن
- ب کریاری چو بۆ چارەسەرکرنا پرسا کوردی نەهاتیە کرن
- سەرۆك بارزانی گوهۆڕینێن دەڤەرێ ل گەل زەلمای خەلیلزاد گەنگەشە دكەت
- : هەلوەست و ئەزموونا دیرۆكییا سەرۆك بارزانی، پێگەهێ هەرێما كوردستانێ د ئاستێ ناڤخۆیی و هەرێمی دا بهێز كریە
سهرهكى نووترين نووچه
ترومبیلەک ل سەرێ گری وەرگەریا
ئەڤرۆ نیوز:
ئەڤرۆ رۆژا ئەینی ل دەمێ سپێدی ١٠-٥-٢٠١٩ ل ناف سەنتەرێ قەزا ئاکرێ ل نزیک سەرێ گری ترومبیلەک وەرگەریا و چو زیانێن گیانی نەبوون.
موقەدەم ئازاد تاھا بەرپرسێ راگەھاندنا ھاتن و چوونا پارێزگەھا دھۆکێ دیارکر کو ئەڤ رۆدانە ئەڤرۆ ل رۆژا ئەینی ل دەمژمێر ١١:٢٥ سپێدێ ل سەنتەرێ قەزا ئاکرێ پەیدابوویە دەمێ ترومبیلەک ژبن کونترولا شوفێری وەرگەریای، لێ خوشبەخاتە چو زیانێن گیانی نەبوون تنێ زیانێن مادی بەر ب ترومبیلێ کەفت.
سەرۆک بارزانی ل گەل شاندەکێ ئەمریکا کۆمبوو
ئەڤرۆ نیوز:
ئەڤرۆ سەرۆک مەسعود بارزانی پێشوازی ل شاندەکێ بالا یێ ئەمریکا کر کو پێکهاتبوون ژ دێیڤید ساترفیلد جێگرێ وەزیرێ دەرڤە یێ ئەمریکا بۆ کاروبارێن رۆژهەلاتا ناڤین ب وەکالەت و جەنەرال پاول لاکامێرا بەرپرسێ ئۆپەراسیۆنێن ل دژی داعشێ و بالیۆزێ ئەمریکا ل عیراقێ ژی د ناڤ شاندێ ئەمریکا دا جه گرتبوو.
د هەڤدیتنێ دا بەحسێ گوهۆرینێن دووماهیێ ل عیراقێ و کوردستانێ هاتنە کرن و شاندێ ئەمریکا کەیفخوەشیا خوە بۆ باشبوونا پەیوەندیێن هەرێما کوردستانێ و عیراقێ دیار کرن، شەرێ ل دژی داعشێ و مەترسیا وێ ل سەر عیراقێ و دەڤەرێ ب گشتی ژی تەوەرەکا دی یا هەڤدیتنا سەرۆک بارزانی و شاندێ ئەمریکی بوو.
شەرەک مەزن ل چرە روو دا
بڕيارا سێدارهدانێ بۆ داعشهكى دهركهفت كو دهستدرێژيا سكسى كربوو سهر ژنهكا ئێزدى
ئهڤرۆ نيوز:
دادگهها تاوانان ل نهينهوا بڕيارا سێدارهدان ههتا مرنێ بۆ كهسهكى كو سهر ب رێكخستيا داعش بوو و پشكدارى د كوشتن و دهستدرێژكرنا سهر ژنهكا ئێزدى دا ههبوو.
بنگههێ راگههاندنا جڤاتا بلندا دادوهريێ راگههاند كو ئهوى تيرۆرستى جلكێن ئهڤغانى ل بهر بوون و چهك ژى د دهست دابوو و وهكو كارمهندهكێ ههوالگهريێ د ناڤ رێكخستيا تيرۆرستى دا ههبوو كو پێزانين ل سهر وهلاتيان ددان.
بنگههى ئاماژه ب وێ چهندێ ژى كريه كو ئهڤى تيرۆرستى پشكدارى د شهران دا كريه ل ناحيا زۆمار و پێنج كهس ژ هێزێن ئهمنى كوشتينه و دهستدرێژيا سكسى ژى كريه سهر ئێك ژ ژنێن ئێزدى.
ههر ژ بهر هندێ ژى ب گۆرهى بنگههێ راگههاندنا جڤاتا بلندا دادوهريێ بڕيارا سێدارهدان ههتا مرنێ بۆ وى چهكدارێ داعش دهركريه ب گۆرهى ماددێ 4 يێ قانوونا نههێلانا تيرۆرێ يا ژماره 13 يا سالا 2005ێ كو ب رهنگهكێ روون و ئاشكهرا دانپێدان ب تاوانێن خوه كريه و ديدهڤانان ژى بهحس لێكريه.
کونگرێ مێشەڤانێن جیھانێ دێ ل کوردستانێ ھێتەکرن
ئەڤرۆ نیوز، نەوزاد ھلۆری:
بۆ ئێکەمین جار ل ھەرێما کوردستانێ، کونگرێ 12ێ یێ مێشەڤانێن جیھانی و عەرەبی، ب پشکداریا عیراق و کوردستانێ دێ ل ھەرێما کوردستانێ ھێتە ئەنجامدان، تێدا دێ ھەر تشتەکێ گرێدای مێش و ھنگڤینی ھێتە نیشاندان و دوماھیێ باشترین ھنگڤین و کەس ھێتە دیارکرن.
خورشید ئەحمەد، سەرۆکێ کومەلا مێشەڤانێن دھۆکێ و کارگێرێ لژنا کونگرێ 12ێ یێ مێشەڤانان ل کوردستانێ بۆ ئەڤرۆ نیوز گۆت: (بریارە ھەیڤا چریا ئێکێ یا ئەڤ سالە کونگرێ مێشەڤانێن جیھانی و عەرەبی ل ھەرێما کوردستانێ بھێتە ئەنجام دان کو ئەڤ یەک ژی دبیتە ئێکەمین جار ل کوردستانێ کونگرەکێ بڤی رەنگی گرنگ تایبەت ب مێش و ئەو تشتێن پەیوەندی ب مێش و ھنگڤینی ڤە ھەیی بھێتە ئەنجامدان).
زێدەتر گۆت: (دکونگرەی دا دێ نێزیکێ 50 وەلاتێن جیھانی و عەرەبی پشکداربن، عیراق و ھەرێما کوردستانێ ژی پشکدارە، د کونگرەی دا ھەموو جورێن ھنگڤینی و زانستێ گرێدای مێش و ھنگڤینی ل گەل کەرستە و ھەر تشتەکێ دن ھێتە نیشاندان، تورا مێشەڤانێن کوردستانێ و کومەلا مێشەڤانێن کوردستانێ زور ھەول و بزاڤکرینە ھەتا کو ئەڤ کونگرە بھێتە کوردستانێ).
ناڤبری دیارکر ژی کو کونگرە دێ ل ھەولێرێ ھێتە ئەنجامدان و ھەموو بەرھەڤی بو دھێنەکرن و ل دوماھیا کونگرەی وەکو ھەموو کونگرێن دی، دێ باشترین ھنگڤین و مێشەڤان ھێنە دیارکرن.
دھێتە زانین کو ل سالا 2009 خورشید ئەحمەد پشکداری د کونگرێ مێشەڤانان فەرەنسا کربو، ھنگڤینێ وی بویە باشترین ھنگڤین ل ھەموو جیھانێ، دیسان ل سالا دوڤ دا ژی ل سووریا پشکداری کریە.
کلارا عودیشو: وەزارەتەک بۆ کریستیانان ھاتیە دیارکرن
ئەڤرۆ:
ژبلی ھێز و لایەنێن سیاسی یێن کوردی، پێکھاتە ژی دێ د کابینا نوو یا حوکمەتا ھەرێما کوردستانێ دا پشکداربن، نوونەرەکا کریستیانان ژی دیار کر کو ئەو دگەل پارتی گەھشتینە رێککەفتنەکێ و وەزارەتەکا خزمەتگۆزاری دێ بۆ کریستیانان بیت.
کلارا عودیشو، نوونەرا کرستیانان ل پەرلەمانێ کوردستانێ دیار کر کو بەری شاندێ پارتی دیموکراتی کوردستان دگەل ئێکەتی و گۆرانێ بگەھیتە رێککەفتنێ، سەرەدانا ھێز و لایەنێن کریستیان کربوو و پێنگاڤێن باش ھاتینە ھاڤێتن، ھەر وەکو بەری نوکە سۆز ب پێکھاتا کرستیانان ھاتبوو دان ھژمارەکا پۆستان د کابینا نوو یا حوکمەتا ھەرێما کوردستانێ دا دێ بۆ کرستیانان بن.
ناڤھاتیێ ئاشکرا کر کو ل دووڤ پێزانینێن وێ ئەوا کو ھەتا نوکە بۆ کریستیانان ھاتیە ئێکلاکرن، وەزارەتەکا خزمەتگۆزاری بۆ کریستیانانە و بێ گۆمان ھندەک پۆستێن دی ژی د ناڤ حوکمەتێ دا ھەنە وەکو شیرەتکار و رێڤەبەرێ گشتی و بۆ مالپەرێ فەرمیێ پارتی دیموکراتی کوردستان گۆت: “پێدڤیە ئەڤ پۆستە ژی ب مە بھێنە دان، چونکی مافێ مەیە وەکو پێکھاتا دویێ ل ھەرێما کوردستانێ”.
ل دۆر ب رێڤەچوونا دانوستاندنان دناڤبەرا پارتی و کریستیانان دا کلارایێ خویا کر کو ئەو گەھشتینە دووماھیا دانوستاندنان و گۆت: “ل دەف مە یاگرنگ نینە چەند وەزیر و پلە و پۆست دێ بۆ کرستیانان کەڤن، چونکو بۆ مە ئەوا گرنگە کابینا حوکمەتێ د چار سالێن داھاتی دا ئێمناھیا مە بکەت و پێکڤەژیان گەشە بکەت ژ بەر کو ئەم خوە ب پشکەکا گرنگا ھەرێما کوردستانێ دزانین و دابینکرنا مافێن مە ژی پێدڤی ب پرسا پێکڤەژیانێ ڤە ھەیە”.
کەمپینا خوین بەخشینێ دەستپێکر
ئەڤرۆ نيوز:
رێڤەبەرێ بەنکا خوینێ ل دھۆکێ دیار کر کو د شەڤا ئێکێ دا ژ دانانا کەمپینا خوین بەخشینێ 61 بوتلێن خوینێ ھاتنە کۆمکرن.
عادل علی، رێڤەبەری بەنکا خوینێ ل دھۆکێ دیار کر کو کەمپینا ھەوا کۆمکرنا خوینێ ل ھەیڤا رەمەزانا پیرۆز د ناڤ بازارێ دھۆکێ دا ب تایبەتی ژی ل پارکا نەورۆز بەرامبەر ئاڤاھیێ پارێزگەھا دھۆکێ دەستپێکریە و ھەموو شەڤا ژ دەمژمێر 8:00 ھەتا 12:00 ب شەڤێ دھێتە دانان و گۆت: “ل شەڤا بۆری ڤێ ھەوێ دەستپێکریە و 61 بۆتلێن خوینێ ھاتینە کۆمکرن ئەو ھەوا خوین بەخشینێ دێ ل ھەمان دەم و جە یا بەردەوام بیت و تیمەکێ بەنکا خوینێ ھاتیە پێک ئینان بۆ وەرگرتنا خوینێ ژ وەلاتیان”.
ناڤھاتی ئاماژە دا وێ چەندێ کو رۆژانە ئەو پێدڤی خوینێ دبن، لەورا داخوازن ھەر ئێکێ شیان ھەبن قەستا کەمپینا خوین بەخشینێ د ناڤ بازارێ دھۆکێ دا بکەت بۆ خوین بەخشینێ، چونکو ھندەک نەخۆش ھەنە بەردەوام و ھەیڤانە پێدڤی ب خوینێ ھەنە، ژبلی نەخۆشێن نشتەگەری بۆ دھێنە ئەنجامدان پێدڤی ب خوینێ دبن، لەوڕا پێدڤیە وان بەردەوام خوین ھەبیت.
د روودانهكێ دا ژنهكێ گيانێ خوه ژ دهست دا
ئەڤرۆ نیوز،بارزان مزووری:
پێشەنگێ هاتنوچونێ سەكڤان ئەنوەر،ل پشكا هاتنوچوونا قەزا شێخان بۆ ئەڤرۆ نیوز گوت:ئەڤرۆ دەمژمێر 11 شەڤ رێكەفتی 8ی ئایارێ 2019ی ل سەر رێكا سەرەكیا شێخان بۆ باعەدرێ ل نێزیك نەهدارێ ترومبێلەك ژ جورێ (كيا سپورتاج) رەنگێ رەش لبن كونترولا شوفێری دەردكەڤیت وەرگەریا د ئەنجام دا ئافرەتەكێ گیانێ خوه ژ دەست دا وهەڤژینێ وێ ژی بریندار دبیت وبوه نەخوهشخانا شێخان دهێن ڤەگوهاستن و تەرمێ ههڤژينا وى بۆ نوژداریا داد ل دهۆكێ هاته ڤەگوهاستن.
خویاژی كر كۆ:ئەو كەسێن تووشی روودانێ بوین خەلكێ باژێرێ دهوكێ بوون د سەرەدانەكێ دا دهێنە شێخان دەمێ ڤەگەرياين توهوشی روودانێ دبن.
ب وێنه.. بلندبوونا ئاستێ ئاڤێ پشكهكا پرهكا دیرۆكى خرابكر
ئهڤرۆ نیوز، نهوزاد هلۆرى:
پرا كهلیا كو دكهڤیته گهلێ رهشاڤه ل ناحیا دێرهلوكێ، ئێكه ژ وان پرێن گرنگ یێن شینوارى ل پارێزگهها دهۆكێ، ژئهگهرێ بلندبونا ئاستێ ئاڤا رووبارێ زیێ مهزن كارتێكرنهكا زۆر لسهر ههرفینا وێ كریه.
سهردار هێتوتى، ئهندامێ سهنتهرێ قوبههان بۆ بهلگهنامه و دهستنڤیسێن شینوارى بۆ ئهڤرۆ نیوز گۆت: (پرا كهلیا ئێكه ژ پرێن ههرى گرنگ یێن شینوارى ل كوردستان و پارێزگهها دهۆكێ، دبیته ناسناما پترى چار دهڤهرێن سنوورێ قهزا ئامێدیێ و گهلهك ژى یا گرنگه كو بهێته پاراستن). زێدهتر گۆت: (پێشتر ژى چهند كهسهكان بزاڤكر كو ب رێیا “تى ئێن تى” ب تهقینن، بهلێ پلانا وان سهرنهگرت، نوكه ژى ژ ئهگهرێ بلندبوونا ئاستێ ئاڤا رووبارێ زێ مهزن كارتێكرنهكا زور لسهر هاتیهكرن و پتریا وێ پرێ بن ئاڤ ببو و ژ ئهگهرێ ئاڤێ گهلهك ژ بهر و دیوارێن وێ كهفتینه و ههرفینه كو ئهڤ یهك ژى جهێ داخێ یه، بڤى رهنگى بیت چهند سالێن بهێت چ تشت نامینن بناڤێ پرا كهلیا).
ناڤبرى دیاركر ژى كو پێدڤى یه جهێن شولهژێ ب جدى كار بكهن بو نووژهنكرن و پاراستنا پرا كهلیا و زێدهتر گۆت: (ههر چهنده ژ بهلگهنامهیێن رۆهن و ئاشكرا ل بهر دهست نینن كو دیروكا پرا كهلیا دیار بكهن، بهلێ ب گورهى ئهوان پێزانینێن مه دهستخوڤه ئینایى پرا كهلیا دزڤریت بو سهدان سالان بهرى نوكه كو ئهڤ یهك ژى رامانه ژیان ل وى دهمى ل ڤێره ههبویه و پر وهكو رێیهكا گرنگ و ستراتیجى و بازرگانى بۆ هاتن و چونێ هاتیه بكارئینان).
نيشاندان
WP Facebook Auto Publish Powered By : XYZScripts.com