ئه‌ڤرۆ نيوز:
زێده‌ترى چارێكا ڤێ جيهانێ كێشا نه‌ديتنێ يا هه‌يى، ئه‌ڤجا چ ب ته‌مامى بيت يان ژى چاڤه‌ك يان هه‌ردو دكێم بن، ئه‌ڤێ چه‌ندێ رێكخراوا ساخله‌ميا جيهانى پالدايه كو زێده‌تر كار د ڤى كه‌رتى دا بكه‌ت و گرنگيێ پێ بده‌ت. ل سالا 2020 دبيت چاره‌سه‌ريا 32 مليۆن كه‌سان ب رێيا گوهۆرينا تۆڕا چاڤى بهێته كرن، پشتى 12 مليۆنان ئه‌ڤ نشته‌رگه‌ريه ل سالا 2000 ئه‌نجام داين.
ئه‌ڤ نشته‌رگه‌ريه ژ لايێ دكتور جوزێف بيلێ ڤێ دهێته سه‌رپه‌رشتيكرن، داهێنه‌رێ نشته‌رگه‌ريێن لێزه‌را چاڤا و خودانێ گه‌له‌ك داهێنانێن د ڤى وارى و گرۆپه‌كێ كۆمپانيا كو د هايكار بووينه د ئه‌نجامدانا زێده‌ترى 280 مليۆن نشته‌رگه‌ريان ب رێيا لێزه‌رێ ل جيهانێ.
بيلێ دبێژيت: “نابيت د ماوێ 10 سالێن بهێت چو كه‌س بمنينن كو دونايێ نه‌بينن”.
ئێك ژ گرنگترين و به‌رچاڤترين ئاميرين بيلێ يێ ب هيڤى يه ل سه‌ر كار بكه‌ت تيشكا لێزه‌را “فيمتوسكند” ه، ئه‌ڤه تيشكه‌كا ماوه بچووكه و ئارمانجا وێ ره‌شكا چاڤى يه بێى كو چو كارتێكرنێن خراب لێ بكه‌ت يان لاوازيان ل ده‌مێ چاره‌كرنێ ل دووڤ خوه بهێليت.
ديسا بيلێ دبێژيت: “ئه‌ڤ چاره‌سه‌ريه چاڤى 100% چاره دكه‌ت، ئه‌م دبێژينى ديتنا ته‌مام، ئه‌ڤه گه‌له‌ك باشتره ژ ئه‌و ديتنا نۆرمال يا خه‌لك پێ دبينيت، دشێت تشتان گه‌له‌ك باشتر و ب ديقه‌تتر ببينيت د هه‌موو كاودانان دا.
بيلێ ب تنێ يێ گه‌شبين نينه ب ڤێ ته‌كنۆلۆجيايێ، هه‌ر وه‌كو لۆرا ستراوب، سه‌رنڤيسكارا كۆڤارا Cataract & Refractive Surgery Today Europe ديار دكه‌ت كو ئه‌ڤێ نشته‌رگه‌ريێ پێشڤه‌چوونه‌كا گه‌له‌ك باش د ماوێ سالێن بۆرى دا يا ب خوه ڤه ديتى و نشته‌رگه‌ريى ب دقه‌تتر دهێنه ئه‌نجام دان و بێى كو كارتێكرن ژى ل سه‌ر چاڤى هه‌بيت.
ژبلى كو ستراوب گه‌شبينا خوه ژى ديار دكه‌ت، به‌لێ ژ لايه‌كێ دى ژى ڤه دبينيت كو دبيت د ڤى وارى دا كێشا دارايى كارتێكرنا خوه بكه‌ت كو هه‌ر يه‌كه‌كا د به‌ردانا ڤێ تيشكێ دا دهێته بكارئينان بهايێ وێ دگه‌هيته 500 هزار دولاران و نوكه گه‌له‌ك ئه‌و يه‌كه ل به‌ر ده‌ست نينن.
بيلێ گرنگيێ ب وێ چه‌ندێ ژى دده‌ت كو زوو چاڤ بهێنه پشكنين كرن، نه‌كو ل پاشه‌رۆژێ هه‌ست ب كوره‌بوونێ بكه‌ت.
نيشاندان