NO IORG
نووترين نووچه

زەلامەکێ چینی ٤٣ سالە گازوایلێ ڤەدخۆت، وێ ھزرێ دکەت کو ئەڤ گازا ڤەدخوت گەلەک یا ب مفایە، ئەڤ زەلامە ژیێ وی ٧٣ سالە، ھەیڤانە سێ بۆ چار لیترێن گازوایلێ ڤەدخۆت و وەکو دەرمانێ نەخوشیەکێ.

ئەڤ زەلامە یێ ناڤێ وی “چێن جبێجون” ئەو ب تنێ ل دەڤەرەکا ل دووری باژێرێن چینێ دژیت گازوائیلێ دڤەخوت دا کو ژ ئازارێن لەشی دوور بیت.

ل سالا ١٩٦٩ سینگێ وی تووشی نەخوشیەکێ بۆ چەندین جورێن دەرمانا بکارئینان دا کو نەخۆشیا سینگێ وی بەردەت نە بەردا، پەرداغەکا گازوایلێ ڤەخوار، ھێدی ھێدی سینگێ وی بەرەڤ باشیێ چوو ھەتا نەخوشیا وی نەمایی، ماوەیەک بۆری نوشدارەکێ چینی پشکنینەک بۆ سینگێ وی کر گۆتێ ئەگەر ئەڤ زەلامە گازوایلێ نەڤەخۆت دێ مریت، چێن جبێجون نوکە ب ساخلەمیەکا گەلەک باش ل جھەکێ ب تنێ دژیت.

به‌رهه‌ڤكرن، بارزان مزوورى:

ئه‌ڤرۆ نيوز:

ژێده‌رێن جيهانى يێن ده‌نگوباسان ديار دكه‌ن كو نوكه‌ نيڤا كۆبانێ كه‌فته‌ ده‌ست داعش و ره‌وانگه‌ها مافێن مرۆڤى ل سوريا ژى ديار دكه‌ت كو شه‌ر يێ به‌رده‌وامه‌.

كه‌نالێ سى ئێن ئێن يێ ئه‌مريكى راگه‌هاند كو سه‌ره‌راى هێرشێن ئه‌سمانى يێن فرۆكێن هه‌ڤپه‌يمانان بۆ سه‌ر كۆبانێ، به‌لێ داعش نوكه‌ ده‌ستێ خوه‌ يێ دانايه‌ سه‌ر نيڤا كۆبانێ.

ره‌وانگه‌ها مافێن مرۆڤى ژى ل سوريا راگه‌هاند كو ژ بوو پێشڤه‌چوونا وان ل باشوورێ بارێژێ كۆبانێ ژ شڤێدى وه‌ره‌ شه‌ر و پێكدادان د ناڤبه‌را هه‌ر ئێك ژ هێزێن يه‌كينه‌يێن پاراستنا گه‌ل و چه‌كدارێن ده‌وله‌تا ئيسلامى ل عيراق و شامێ دا د به‌رده‌وامن.

ره‌وانگه‌ها مافێن مرۆڤى ئه‌وا ب ره‌نگه‌كێ ئۆپۆسيۆن ل سوريا كار دكه‌ت و باره‌گايێ وێ ژى ل له‌نده‌ن ئاماژه‌ ب وێ چه‌دێ كريه‌ كو فرۆكێن هێزێن هه‌ڤپه‌يمانان ژى ب دژوارى هه‌ر ئێك ژ باشوورێ كۆبانێ و رۆژهه‌لاتا وێ تۆپبارنكريه‌.

ئه‌ڤه‌ و به‌رپرسێن ئه‌مريكى ژى چه‌ندين جاران ئاماژه‌ ب وێ چه‌ندێ كريه‌ كو ئه‌و ب دربێن ئه‌سمانى ب تنێ نه‌شێن چه‌كدارێن داعش ژ ناڤ ببه‌ن، د ده‌مه‌كى دا كو ب رۆژانه‌ ب ره‌نگه‌كێ به‌رده‌وام دربێن ئه‌سمانى ل كۆبانێ د داوه‌شيننه‌ سه‌ر چه‌كدارێن داعش ل كۆبانێ.

سه‌ره‌راى وێ چه‌ندێ ژى كو ل چه‌ندين وه‌لاتێن جيهانێ و باشوورێ كوردستانێ ژى خۆنيشادان بۆ پشته‌ڤانيكرنا خه‌لكێ كۆبانێ دهێنه‌ كرن، به‌لێ هه‌تا نوكه‌ ژى چو لايه‌نان هه‌ڤكاريا شه‌رڤانێن يه‌په‌كێ نه‌كريه‌ كو بۆ چه‌ككرنێ ب تايبه‌ت وه‌لاتێ توركيا كو زێده‌ترى 33 كه‌سان د خۆنيشادانێن وێرێ دا گيانێ خوه‌ ژ ده‌ست دايه‌.

ئه‌ڤرۆ نيوز، ئه‌كره‌م ئيبراهيم:

پارێزگارێ دهۆكێ ئه‌ڤرۆ 10\11 ل گه‌ل ته‌ڤایا رێڤه‌به‌ریێن گشتی یێن ده‌زگه‌هێن خزمه‌تگوزاری ییێن توخیبێ پارێزگه‌ها دهۆكێ كوم بوو و ل سه‌ر چاوانیا گوهورینێن به‌رده‌وامێن ده‌ڤه‌رێ و سه‌رۆبه‌رێ ئاواران و قوناغێن كارێ چێكرنا كه‌مپان بو ئاواره‌یان و ره‌وشا خاندنێ و گیرۆبونا وێ ل پارێزگه‌هێ گه‌نگه‌شه‌ ل سه‌ر هاته‌كرن و ته‌كست ل سه‌ر بله‌زكرنا كارین درۆستكرنا كه‌مپان د پێخه‌مه‌ت ڤالاكرنا خواندنگه‌هان و ده‌ست پێكرنا پرۆسیسا خاندنێ .

هه‌روه‌سا د پارێزگارێ دهۆكێ به‌حس ل سه‌ر كارۆ چالاكیێن ره‌وشه‌نبیری و هونه‌ری و جڤاكی بو خزمه‌تكرنا هشیاریا نه‌ته‌وه‌یی و جڤاكی كرن دڤێت ئه‌و هه‌مو خزمه‌ته‌ بو ئاراسته‌كرنا تاكه‌ كه‌سی ل بن كریارا به‌ر هه‌م ئینانێ و ئاڤاكرنێ و پیكڤه‌ ژیانێ بهێنه‌ پالدان.

فه‌رهاد ئه‌ترۆشیی پارێزگارێ دهۆكێ د وێ كوموبنا خو دا ل گه‌ل رێڤه‌به‌رێن گشتیی یێن خزمه‌تگوزاری ل سه‌ر هاتنا وه‌رزێ زڤستانێ و پرۆژێن خزمه‌تگوزاری ل دور رێك و پران و هاتنوچونێ چه‌وانیا رێكخستنا هاتنوچونێ و به‌لاڤكرنا كاره‌بێ و و سوته‌مه‌نیێ و ره‌وشا ساخله‌میێ شرۆڤه‌ ل سه‌ر هاته‌ كرن رێ و ئاوایێن پێدڤی بو داهتنه‌ دانان.

ئه‌ڤرۆ نيوز، نيوار محه‌مه‌د سه‌ليم:

ئه‌ندامه‌كێ ئێكه‌تا ناڤه‌ندى يا ته‌پا پێ ل هه‌رێما كوردستانێ راگه‌هاند كو ژڤانێ ده‌سپێكرنا خولا ناياب يا كوردستانێ هاته‌ دياكرن.

سوبحى كامل نوونه‌رێ پارێزگه‌ها دهۆك و ئه‌ندامێ ئێكه‌تا ناڤه‌ندى يا ته‌پا پێ ل هه‌رێما كوردستانێ دياركر كو دێ ل رۆژانێن پێنج شه‌مبى و ئه‌ينى يێن 30 و 31\10 خولا ناياب كوردستانێ دێ ده‌ستپێكه‌ت.

سوبحى كامل ئه‌و چه‌نده‌ ژى ئاشكه‌را كر كو نوكه‌ ب تنێ خولا نايابا كورستانێ دێ ب رێڤه‌ چيت و قاره‌مانيێن دى هێشتا بڕيار ل سه‌ر نه‌دايه‌ و گۆت: “حارێ چاره‌نڤيسێ وان يێ ديار نينه‌”.

ديسا ئێكه‌تيا ناڤبرى ل مالپه‌رێ خوه‌ ژى راگه‌هاند كو هه‌موو ياريێن خولا نايابا كوردستانێ دێ ب تنێ ل رۆژێن پێنجشه‌مبى و ئه‌ينى هێنه‌ ئه‌نجامدان و ئێكه‌تيا ناڤبرى ب چو ره‌نگان ژڤانێ ياريان ناگوهۆڕيت.

ئه‌ڤرۆ نيوز:

رۆژناما واشنتۆن پۆست يا ئه‌ريكى ديار كر كو د رێيا كۆنترۆلكرنا پارێزگه‌ها ئه‌نبار يا رۆژئاڤايێ به‌غدا دا، چه‌كدارێن داعش يێ بزاڤێ دكه‌ن ده‌رگه‌هێ به‌غدا ب قوتن.

ڤێ رۆژنامێ د راپۆرته‌كا خوه‌ دا دياركر كو ئه‌نبار دێ سه‌ركه‌فتنه‌كا مه‌زن بيت بۆ داعش ئه‌وا دێ ب وێ رێ چيته‌ به‌ر ده‌رگه‌هێ به‌غدا و دێ رێ ل به‌ر وێ بۆ چوونا سوريا ژى خۆش بيت و دێ شێت ب ساناهى پێدڤيێن خوه‌ ژ سوريا به‌ر ب عيراقێ ئينيت بۆ هێرشكرنا سه‌ر به‌غدا ئه‌وا وه‌كو داعش دبێژيت ئارمانجا وان يا سه‌ره‌كى.

ئاماژه‌ ب وێ چه‌ندێ ژى كريه‌ كو گرتنا ئه‌نبار دێ ده‌ليڤێ خوشت كه‌ت كو ده‌ست ب سه‌ر ئێك ژ گرنگترين به‌نداڤێن ئاڤێ ل عيراقێ بگريت و ديسا ده‌ست ل سه‌ر گه‌له‌ك جهێن چه‌كى ژى بگريت كو دێ د هاريكار بن بۆ هێرشكرنا سه‌ر به‌غدا.

ئه‌ڤێ رۆژناما ئه‌مريكى ئه‌و ژى دايه‌ ئاشكه‌را كرن كو نوكه‌ داعش ل وێ پارێزگه‌هێ ده‌ست ب سه‌ر گه‌له‌ك گوندان دا گرتيه‌ و ده‌ستێ خوه‌ دانايه‌ سه‌ر بگه‌هێن له‌شكرى و پۆليسان و هێرش كريه‌ سه‌ر له‌شكرێ عيراقى ژى ل رومادى.

واشنتۆن پۆست رۆنى خستيه‌ سه‌ر وێ چه‌ندێ ژى كو نوكه‌ داعش ده‌ستێ خوه‌ دانايه‌ سه‌ر روويه‌كێ به‌رفره‌هـ يێ وێ پارێزگه‌ها پتريا وێ سونى وه‌كو فه‌لۆجه‌ و رومادى كو پايته‌خێ پارێزگه‌هێ يه‌.

دھۆک، لەزگین جۆقی:

ئاخفتنکەرێ ب ناڤێ وەزارەتا پەروەردێ ل حوكمه‌تا ھەرێما کوردستانێ بۆ ئەڤرۆ نيوز دیارکر کو شانسێ دامەزراندنا مامۆستایان ب ره‌نگێ گرێبەست ھەتا نوکە پتر بۆ بسپۆریێن زانستی يه‌.

فاتح مەولەوی زادە، ئاخفتنکەرێ ب ناڤێ وەزارەتا پەروەردێ ل حوكمه‌تا ھەرێما کوردستانێ، گۆت: ” ئەڤ سالە کار یێ دھێتە کرن ھەر دەرچوویەک ل دەڤەرا خوە بھێتە دامەزراندن دا کو پەروەردەیێن ھەرێما کوردستانی ژ ئاریشا ڤەگوھاستنا ماموستایان ب دووماھی بھێن و سالا د دووڤ دا ئاریشا میلاکێ نەمینيت”.

زێده‌تر گۆت: “ره‌زامەندی بۆ دامەزراندنا شەش ھزار دەرچوویان یا ھاتیە وەرگرتن نە مەرجە ب چ شیوە ل سەر پەروەردەیێن ھەرێما کوردستانی بھێنە بەلاڤکرن ب تنێ دێ ل دووڤ پیدڤیاتیێن قوتابخانەیان و بسپوریا دەرچوويان ھێنە دامەزراندن و سالێن بۆری فۆرم ھاتبوونە بەلاڤکرن بۆ دامەزراندنێ، ئەڤ سالە کار ب وان فۆرمان ناھێتە کرن، شێوێ دامەزراندنێ دێ ل گۆر پیدڤیاتیێن قوتابخانەیان بیت”.

رۆژنامه‌یا ده‌یلی میلی یا بریتانی وێنه‌یێن قوناغێن به‌رهه‌ڤكرن و بجهكرنا ئه‌و دو بومبه‌یێن ئه‌تومی به‌لاڤكرن كو ژلایێ ئه‌مریكا ئاراسته‌ی باژێرێ ناكازاكی و هێرۆشیما یا ژاپونێ هاتیه‌ كرن كو ب مه‌زنترین تاوان ل دیرۆكێ دا دهێته‌ دانان.

ئه‌مریكا رۆژا 6 ئابا 1945 بومبه‌كا یورانیومی كو گرانیا وێ 4.5 ته‌ن بو كو ب زارۆكێ بچوك دهێته‌ ناساندن.

ب سه‌ر باژێرێ هێرۆشیما به‌ردایه‌ خوارێ و بو ئه‌گه‌رێ زێده‌تر ژ 90 بو 166 هزار كه‌س هاتینه‌ كوشتن.

پشتی سێ رۆژان ئه‌مریكا بومبا دووێ كو ب زه‌لامێ قه‌له‌و دهێته‌ نیاسین ب سه‌ر باژێرێ نازاكی دا به‌ردا خوارێ و بو ئه‌گه‌رێ زێده‌تر ژ 605 بو 80 هه‌زار كه‌س هاتینه‌ كوشتن.

 

به‌رهه‌ڤكرن، ناجى به‌ده‌ل:

ئه‌ڤرۆ نيوز:

ئه‌ڤرۆ ئێڤارى دێ ياريه‌ك ژ هه‌ڤركيێن گه‌را سيێ يا كۆما ئێكێ ژ خولا عيراقێ يا ته‌پا پێ بۆ يانێن پلا ناياب د ناڤبه‌را يانا زاخۆ و كه‌ربه‌لا دا هێته‌ كرن.

زاخۆ ژ دو ياريان سێ خال يێن هه‌ين ب سه‌ركه‌فته‌كێ ل سه‌ر كه‌رخ و خوساره‌تيه‌كێ ل گه‌ل نه‌فت وه‌سه‌ت، كه‌ربه‌لا ژى دێ ياريا خوه‌ يا ئێكێ كه‌ت پشتى ياريێن وێ ل گه‌ل هه‌ولێر و قوه‌ جه‌ويه‌ هاتينه‌ پاشخستن.

دوهى ژى ياريكه‌ك د ناڤبه‌را يانا كه‌رخ و مه‌سافى وه‌سه‌ت دا هاتبوو كرن تێدا كه‌رخ ب چار گۆلان به‌رامبه‌ر دو گۆلان سه‌ركه‌فتن ل سه‌ر مه‌سافى وه‌سه‌ت تۆماركر بوو.

ئه‌ڤرۆ نيوز:

ئانا ئيڤانۆڤێج ستێرا ناڤدارا ياريگه‌هێن تينسێ و خودانا ناسناڤێ رۆلاندگرۆس پشتى تووشى هنگافتنێ بووى، ده‌ست ب نمايشا جلكان كر، دا كو ل ڤى ماوێ بهێنڤه‌دانا وێ داهاته‌كى بۆ خوه‌ ده‌سته‌به‌ر كه‌ت.

ئيڤانۆڤێج ياريكه‌را سربى ژ ئه‌گه‌رێ هنگافتنێ ل رانێ وێ د ئێك ژ قاره‌مانيێن تێنسێ دا، ده‌مه‌كه‌ ژ ياريگه‌هان دووركه‌فتى، ل ڤى ماوه‌ى ژى دياره‌ خوه‌ ب نمايشكرنا جلكان ڤه‌ مژوول دكه‌ت.

چ ژ ئه‌گه‌رێ بێ كارى و چ ژى بۆ پڕكرنا ده‌مێ خوه‌، چه‌ند وێنه‌كێن خوه‌ ل گۆڤارا بێلا به‌لاڤكرينه‌ كو ئێك ژ وان ژى كريه‌ وێنێ لاپه‌رێ ئێكێ يێ گۆڤارێ و تێدا ب كارێ نمايشكرنا جلكان رابوويه‌.

ئيڤانۆڤێج يا 27 سالى پله‌دارا هه‌شتێ يه‌ د رێزبه‌ندا تێنسێ يا تايبه‌ت ب خانمان ڤه‌ و ل سالا 2008ێ شيابوو ناسناڤێ رۆلاندگرۆس ئێك ژ ناسناڤێن هه‌ره‌ ناڤدارێن جيهانێ يێن تێنسێ ب ده‌ست خوه‌ ڤه‌ بينيت.





كومیته‌یا نه‌رویژ یا نوبێل دیار دكه‌ت كو دوو كه‌س ل به‌ر تێكوشانا وان ل دژی چه‌وساندنا زارۆك و سنێلان ل به‌ر خه‌باتا وان د پێخه‌مه‌تا مافێ هه‌مو ان بو ده‌ست پێرا گه‌هشتن بو خاندنێ و په‌روه‌رده‌یێ ئه‌ڤی خه‌لاتی وه‌رگرن.

مه‌لاله‌ یوسف زای كچه‌كا پاكستانی و كایلاش ساتیارتی هندوستانێ پێكڤه‌ خه‌لاتێ نوبێل بو ئاشتیێ بو سالا 2014 پێ هاته‌ به‌خشین ژبه‌ر كار و چالاكیێن وان ل بیاڤێ مافێن زارۆكان.

كومیته‌یا نه‌روێژ یا نوبێل د كونگره‌یه‌كێ رۆژنامه‌ڤانی دا دانه‌خویاكرن ئه‌و دوو كه‌سه‌ ژبه‌ر تێكوشانا وان ل دژێ بن ده‌ستی یا زارۆكان و سنێلان ل به‌ر خه‌باتا وان د پێخه‌مه‌تا مافین هه‌مو زارۆكان بۆ ده‌ست كرنا خواندنێ ب خاندن و به‌روه‌رده‌یی ئه‌ڤ خه‌لاته‌ وه‌رگرتینه‌.

مه‌لاله‌ ژیێ وێ 17 ساله‌ گه‌نجترین كه‌سه‌ تا نها خه‌لاتێ نوبێلێ وه‌رگرتبیت.

ئه‌و بخو خوێندكاره‌ و به‌ره‌ڤانیێ ژ مافێ خاندنێ ل پاكستانێ دكه‌ت و دو سالا به‌ریا نها ژلایێ ئه‌ندامه‌كێ تالیبانڤه‌ ته‌قه‌ لی هاتبو كرن مه‌لاله‌ رزگار ببو .

ساتیارتی ژیێ وێ 60 ساله‌ نه‌ریتێ مه‌هتما گاندی پاراستی یه‌ و سه‌رۆكاتیا چه‌ندین جورێ خونیشاندانێن ئاشتی كریی لگوری لێژنه‌یێ ئه‌و سه‌رنج ئێخسته‌ سه‌ر پرسگریكێن بكار ئینانا زوریا خراب زارۆكان بو مفایێ دراڤی.

به‌رهه‌ڤكرن، ناجى به‌ده‌ل:

website security
WP Facebook Auto Publish Powered By : XYZScripts.com