دێربيێ مێرسيسايد د ناڤبه‌را يانا ليڤه‌رپۆل و ئيڤێرتون دا ب وه‌كهه‌ڤيا هه‌ردو تيما ب دووماهى هات ب گۆله‌كێ ژ ئه‌نجامێ ياريێن گه‌را شه‌شێ ژ خولا نايابا ئنگليزى.
گۆلا يانا ليڤه‌رپۆل ل ده‌قا 65 ژ لايێ كاپتنێ وێ ستيڤان جيرارد ڤه هاته تۆمار كرن ب ته‌په‌كا ئێكسه‌ر ژ ده‌رڤه‌ى ده‌ڤه‌را په‌نه‌لتيێ كو ئه‌ڤه گۆلا وى يه:
گۆلا ئێڤرتون ژى ژ لايێ ياريكه‌رێ وێ جاجيلكا پشتى ده‌ركه‌فتنا ماريۆ پالۆتێلى ژ ياريێ هاته تۆماركرن كو ئه‌ڤا ل خوارێ گۆلا وى يه ب شۆته‌كا ب هێز ژ ده‌رڤه‌ى ده‌ڤه‌را په‌نه‌لتيێ تۆمار كر:
وه‌لاتێن ئێكگرتى يێن ئه‌مريكى رازيبوونا خوه ل سه‌ر ب كارئينانا فرۆكێن بێ فرۆكه‌ڤان ده‌ربڕى دا كو فلمێن سينه‌مايێ ل وه‌لاتێ وان وێنه بكه‌ت.
ماوه‌كێ درێژه رێ نه‌ددا ئه‌ڤ فرۆكێن ژ دوور ڤه كار پێ دهێته كرن بۆ ڤى كارى بهێته ب كار ئينان، د سه‌ر ڤێ چه‌ندێ ژى هوشدارى داينه كو ب شه‌ڤ نابيت و پێدڤيه به‌رى هه‌ر بلندبوونه‌كێ ژى پشكنين بۆ بهێته كرن.
سه‌رۆكێ ئيدارى يێن فرۆكێن فيدرالى، مايكل هوريتا، د به‌ياننامه‌كێ دا گۆت: “ڤان شه‌ش كۆمپانيێن داخازى پێشكێش كرى، ب ره‌نگه‌كێ گه‌له‌ك به‌رفره‌هـ داخازيا خوه پێشكێش كربوو و تێدا چاوانيا بكارئينان و پاراستنا سلامه‌تيێ به‌حس كربوو، هه‌ر ژ به‌ر هندێ ژى ره‌زامه‌ندى ل سه‌ر داخازا وان هاته كرن”.
دا زانين ژى كو ئه‌و نوكه يێن پشت راست بووين كو ئه‌ڤه مه‌ترسيێ ل سه‌ر كه‌رتێن دى په‌يدا ناكه‌ن و دا زانين كو دبيت كۆمپانيه‌كا دژى ڤى مافى وه‌رگريت كو دێ بيته كۆمپانيا حه‌فتێ.
ژێده‌ر: BBC
پشتى 10 رۆژان ژ دوورخستنێ، سه‌رۆك ئه‌ركانێ هه‌ڤپه‌يمانيا هه‌ڤپشك جه‌نێرال مارتن ديمبسى داخاز دكه‌ت كو هێزا له‌شكرى يا سه‌ر ئه‌ردى ب كار بينن هه‌كه بۆ سه‌ركه‌فتنێ پێدڤى كر.
ئه‌ڤرۆ نیوز:
سپێده‌هیا ئه‌ڤرۆ بۆ جارا ئێكێ باله‌فرێن ئه‌مریكا و هه‌ڤپه‌یمانان ب گرانی بنگه‌هێن داعشێ ل كوبانێ و ل رۆژائاڤایێ كوردستانێ بومبارانكرن.
باله‌فرێن شه‌ری یێن ئه‌مریكا و هه‌ڤپه‌یمانان بنگه‌هێن چه‌كدارێن ده‌وله‌تا ئیسلامی ل عیراقێ و شامێ ناڤدار ب داعش ل گوندێ جم حه‌ران ل رۆژئاڤایێ كوبانێ و باشوورێ گوندێ شێران و گوندێ عه‌لی شار و گوندێ مرده سمێل ل رۆژئاڤایێ كوبانێ ب گرانی توبارانكرن.
ل گوری زانیاریان ل ئه‌وان هێرشێن ئاسمانی یێن هێزێن ئه‌مریكا و هه‌ڤپه‌یمان زه‌ره‌ر و زیانه‌كا مه‌زن ل داعشێ داینه .
ئه‌ڤرۆ نيوز:
كۆمبوونا جڤاتا نوونه‌رێن عيراقێ كو يا تايبه‌ت بوو ب هنارتنا مۆچێ هه‌رێما كوردستانێ هاته پاشخستن بۆ ده‌مه‌كێ نه‌ديار.
بڕيار بوو ئه‌ڤرۆ 27\9 كۆمبوونه‌كا نه‌ئاسايى يا جڤاتا وه‌زيرێن حوكمه‌تا عيراقا فيدرال يا نه‌ئاسايى ل دۆر هنارتنا مۆچێ هه‌رێما كوردستانێ بهێته سازكرن، به‌لێ ژ به‌ر چه‌ند ئه‌گه‌رێن نه‌ديار بۆ ده‌مه‌كێ دى هاته پاشخستن كو دهێته پێشبينيكرن ژ ئه‌گه‌رێ ئاماده‌نه‌بوونا هه‌ر ئێك ژ حه‌يده‌ر عه‌بادى و د. رۆژ نورى شاويش بيت ژ به‌ر كو ل دۆر ئه‌و پێزانينێن ب ده‌ست ئه‌ڤرۆ نيوز كه‌فتين حه‌يده‌ر عه‌بادى هێشتا ژ ئه‌مريكا نه‌ڤه‌گه‌ريايه و د. رۆژ نوكه يێ ل به‌روكێن شه‌رى ل ده‌ڤه‌را خازرى.
ئه‌ندامێ جڤاتا نوونه‌رێن عيراقێ ل سه‌ر ليستا ئێكه‌تى نشتيمانى كوردستان د. به‌ختيار جه‌بار بۆ راديۆ ناوخۆ دا زانين كو ئه‌ڤ كێشه يا گرێداى راگرتنا مۆچێ هه‌رێما كوردستانێ به‌رى جه‌ژنێ دێ ئێكلا بيت.
بڕيار بوو ئه‌ڤرۆ كۆمبوونا نه‌ئاسايى يا جڤاتا وه‌زيرێن عيراقێ يا تايبه‌ت ب بڕينا مۆچێ هه‌رێما كوردستانێ ب ئاماده‌بوونا د. رۆژ نورى شاويش بهێته گێران.
هه‌رێما كوردستانێ ژى راگه‌هاند بوو كو هه‌ر ده‌مێ د وێ كۆمبوونێ دا ره‌زامه‌ندى ل سه‌ر هنارتنا بۆدجێ هه‌رێما كوردستانێ هاته كرن به‌رى جه‌ژنێ دێ مۆچێن هه‌يڤا هه‌شت يێن فه‌رمانبه‌ران هێنه هنارتن.
ئه‌ڤرۆنيوز:
دادگه‌ها تاوانان ل باكورێ قاهيره دادگه‌هكرنا حوسنى موباره‌ك و كوڕێن وى ژ لايه‌كى ڤه و هه‌ڤال و شه‌ش هه‌ڤكارێن وى ژ لايه‌كێ دى ڤه پاشخستن بۆ 29\11 ل گه‌ل ده‌سته‌سه‌ركرنا وان هه‌تا وى ماوه‌ى.
تاوانا وان حوسنى مباره‌ك و كوڕێن وى عه‌لاء و جه‌مال ل سه‌ر كوشتنا خۆنيشانده‌رێن مسريه ل ده‌مێ شوره‌شا 25ى كانينا دويێ و ب هه‌ده‌ردانا داهاتى گشتى ل ده‌مێ ده‌رخستنا غازێ بۆ ئسرائيل كو ل ده‌ف مسريان ب “دادگه‌ها سه‌ده”ى دهێته ب ناڤكرن.
مبارك و عادلى و هه‌ر شه‌ش هه‌ڤكارێن وى دێ ب تومه‌تا هه‌ڤكارى و هاريكاريكرن د كوشتنا خۆنيشانده‌رێن 25ى يه‌نايه‌ر بيت و به‌لاڤكرنا گۆتگۆكێن نه‌ته‌وه‌ى بۆ دروستكرنا به‌ره‌لايێ و دروستكرنا ڤالاتيه‌كا ئه‌منى.
ديسا مباره‌ك و كوڕێن وى عه‌لاء و جه‌مال و سه‌رمايه‌دار حسێن سالم ب تۆمه‌تێن گرێداى گه‌نده‌ليێن دارايى و ب ده‌رفه‌ت ديتنا پۆستێ سه‌رۆكاتيێ و ب رێيا وێ زيان گه‌هاندن ب داهاتێ گشتى و ده‌رخستنا غازا مسرێ بۆ ئسرائيل ب بهايێن كێم ژ فرۆتنا وێ ب جيهانێ.
ژێده‌ر: اليوم السابع
ئه‌ڤرۆنيوز:
وه‌زاره‌تا دارايى ل حوكمه‌تا هه‌رێما كوردستانێ راگه‌هاند كو بڕياره پشتى به‌لاڤكرنا مۆچان ل رۆژا ئێكشه‌مبى و دوشه‌مبى دێ مۆچێن هه‌موو وه‌زاره‌ت و ده‌سته‌يێن سه‌ر ب حوكمه‌تا هه‌رێما كوردستانێ ڤه مۆچێن خوه وه‌رگرن.
ب گۆره‌ى نۆچه‌كێ وه‌زاره‌تا دارايى يا حوكمه‌تا هه‌رێما كوردستانێ بڕياره سوبه‌هى 28\9 مۆچێ هه‌يڤا ته‌مۆزێ يێ وه‌زاره‌تا چاندنێ و ژێده‌رێن هه‌رێمێ بهێته به‌لاڤكرن.
وه‌زاره‌تا دارايى يا حوكمه‌تا هه‌رێما كوردستانێدايه زانين ژى كو رۆژا دوشه‌مبى 29\9 ژى دێ ده‌ست ب به‌لاڤكرنا مۆچێن هه‌رسێ سه‌رۆكاتيێن هه‌رێمێ هێته كرن.
ئه‌ڤرۆ نیوز
په‌رله‌مانێ بریتانیا ب ده‌نگێ 524 هه‌مبه‌ر 43 ره‌زامه‌ندی دا ل سه‌ر پشكداریكرنا هێرشێن ئاسمانیێن وه‌لاتێ وێ ل بوردومانكرنا دژی داعشێ ل عیراقێ .
به‌ری ده‌نگدانێ دێڤێد كامیرۆن سه‌رۆكێ وه‌زیرێن بریتانیا ئاماژه ب دره‌نده‌یا داعشێ كر و گۆت: “شه‌رێ ئه‌ڤێ گرۆپێ ره‌نگه بۆ چه‌ند سالان ڤه‌كێشیت، به‌حس ل وێ چه‌ندێ ژی كر چ رێگریێن قانوونى نینن بۆ ئه‌نجامدانا كارێ ژڤی جوری ل سوریا ژی”.
پارتێن سه‌ره‌كیێن بریتانیا كو پێك هاتینه ژ پارتا پارێزه‌ران و پارتا لیبرال دیموكرات و پارتا كرێكاران پشته‌ڤانیا خوه بۆ پرۆژێ بڕیارا حوكمه‌تێ ده‌ربڕی.
هه‌ڤبه‌ندی یا حوكمه‌تا بریتانیا كو پێك هاتیه ژ هه‌ردو پارتێن پارێزه‌ران و لیبراد دیموكرات، دبێژن بڕیارا قانوونى یه چونكو حوكمه‌تا عیراقێ داخاز ژ بریتانیا و وه‌لاتێن دی كریه بو ئه‌ڤی كاری.
حوكمه‌تا بریتانیا هه‌تا نها دبێژیت هێزا ئه‌ردى ره‌وانه ناكه‌ت و ب تنێ دێ هێزا ئاسمانی بكار ئينيت و مه‌شق و راهێنانێ ب هێزێن عیراقێ و پێشمه‌رگه‌ی كه‌ت.
كوچكا سپێ ژى ده‌ستخوشی ل په‌رله‌مانێ بریتانیا كر ب په‌سه‌ندكرنا بڕیارا به‌شداریكرنا شه‌ری ل دژی داعشێ.
ئه‌ڤرۆ نیوز
مه‌ریوان نه‌قشه‌به‌ندی په‌یڤدارێ وه‌زاره‌تا ئه‌وقاف و كاروبارێن ئایینی و سه‌رپه‌رشتیارێ تیما راگه‌هاندنا حه‌جیێن هه‌رێما كوردستانێ ل سعودیێ راگه‌هاند: جهێ داخێ یه دوهی حه‌جیا دويێ يا هه‌رێما كوردستانێ ئه‌ڤ ساله ل سعودیێ ب ناڤێ خه‌دیجه شه‌عبان وه‌غه‌ركر.
خه‌ديجه ژ دایكبوویا 1959 بوو، خه‌لكا باژێرێ دهۆكێ یه و ل گه‌ل هه‌ڤژینێ خویێ نه‌خوشدا چووبوو حه‌جێ.
پشتی سه‌ره‌دانا حه‌جیان بۆ مالا خودێ، ئه‌ڤه حه‌جیا دویێ یه یا كورد ئه‌ڤ ساله ل وه‌لاتێ سعودیێ وه‌غه‌ر بكه‌ت و دبيته كه‌سا سيێ ل هه‌رێما كوردستانێ پشتى زه‌لامه‌كێ خه‌لكێ سلێمانێ و ژنه‌كا دى يا دهۆكێ ب ناڤێ فاتما مه‌جيد ئلياس د ماوێ بۆرى دا گيانێ خوه ژ ده‌ست داين.
ئه‌ڤرۆنیوز:
جاك هه‌یگل وه‌زیرێ به‌ره‌ڤانیا ئه‌مریكا دیار دكه‌ت هێرشێن ئاسمانی یێن هێزێن هه‌ڤپه‌یمانا كرینه سه‌ر لڤینێن چه‌كدارێن داعشێ و هه‌تا نها زێده‌تر ژ 243 هێرشێن ئاسمانی ل عێراقێ و سوریا ئه‌نجامداینه.
ل رۆژا ئه‌ينى د كونگره‌یه‌كێ رۆژنامه‌ڤانیێ هه‌ڤپشك دا ل گه‌ل جه‌نه‌رال مارتن دێمیسی سه‌رۆكێ ستوونا هه‌ڤپه‌یمانێن له‌شكه‌رێ ئه‌مریكا، جاك هه‌یگل گۆت: “هێرشێن ئه‌سمانی ده‌ستپێكه‌ك بوو بۆ رێگریه‌كا دورودرێژ بو نه‌هێلانا ده‌لیڤه‌یا ئه‌ڤێ رێكخراوا تیرۆریستی”.
هه‌روه‌سا جه‌نه‌رال دێمیس راگه‌هاند كو ئه‌و هێرشێن ئاسمانی یێن ئه‌مریكا و وه‌لاتێن هه‌ڤپه‌یمان دكه‌نه سه‌ر داعشێ ل سوریا ئه‌نجامێن باش هه‌بووینه و زیانه‌كا زۆر ب ناڤه‌ندێن فه‌رمانده‌ی و ژێده‌ر و رێيێن گه‌هاندنا پێدڤیێن له‌شكه‌ری گه‌هاندینه.
سه‌باره‌ت ب دامه‌زراندنا ناڤچه‌یه‌كا دابڕ ل سه‌ر توخیبێ ناڤبه‌را سوریا و گوت: “ئه‌گه‌ر هه‌یه بهێته دانان، لێ د نها دا پشكه‌كا ستراتیژى یا ئه‌وان بۆ شه‌رێ داعشێ یه”.
جه‌نه‌رال دێمیسی گۆتژى: “مه پێدڤیه ب 12 هه‌تا 15 هه‌زار چه‌كدارێن ئۆپۆزسیونا میانره‌و هه‌یه دا كۆنترولا ئه‌وان ده‌ڤه‌ران بكه‌ن كو داعش ل روژهه‌لاتا سوریا ژ ده‌ست دده‌ت”.
نيشاندان