ئه‌ڤرۆ نيوز، ناجی به‌ده‌ل:

د كونگرێ رۆژنامه‌ڤانیێ هه‌ڤسه‌رۆكێن هه‌ده‌پێ ل باژێرێ ئامه‌دا باكوورێ كوردستانێ هاته‌ سازكرن و تێدا سه‌لاحه‌دین ده‌میرتاش دیاركر توركیا تائیفیانه‌ پشته‌ڤانی و سه‌ره‌ده‌ریێ ل گه‌ل شۆپۆزسيۆنا سوریا دكه‌ت.

ناڤبری دازانین چه‌كدارێن داعشێ باژیرێ مووسل گرت و ب مه‌زنترین جه‌به‌خانه‌یێن چه‌كان ب ده‌ست خستن، ئه‌و هه‌موو چه‌كان ل هه‌مبه‌ری ملله‌تێ وان ب كار دئینیت.

ده‌میرتاش گۆت: “سیاسه‌تا توركیا هه‌مبه‌ر سوریا خه‌له‌ته‌ و نه‌ زه‌لاله‌ و دوره‌ ژ كه‌توارێ ژیانێ و ره‌وشا كوبانێ كاریگه‌ری و باندورا خوه‌ دێ ل سه‌ر توریكا ژی هه‌بیت و دڤێت توركیا پشته‌ڤانیا به‌رخودانا ئه‌وی باژێری بكه‌ت و هه‌ده‌په‌ نه‌ تاوانباره‌ و ل سه‌ر حه‌قه‌ و ل هه‌مبه‌ری گه‌لێ خوه‌، له‌ورا ده‌ست ب خونیشاندانانكریه‌” .

گۆتژی: “توركیا رێ ژ هاریكاریكرنا كۆبانێ دگریت و ل پێش چاڤێن هه‌موو دونیایێ و شه‌رێ كوبانێ به‌رده‌وامه‌ و كه‌س وه‌كو پێدڤی ناهیته‌ ده‌نگ و كه‌فتنا وێ دێ باندورا خوه‌هه‌بیت ل سه‌ر ته‌ڤیایا ده‌ڤه‌ری و ئه‌ركێ ئه‌خلاقیێ مرۆڤی بجهـ ناكه‌ن و 10 هه‌زار چه‌ك توریكا داینه‌ ئۆپۆزسيۆنا سوریا، لێ رێ ناده‌ت هاریكاریا مرۆڤی پێشكێشی ئه‌وی باژیری بكه‌ین”.

هه‌ڤسه‌رۆكێ هه‌ده‌پێ دا زانين ژى كو وان داخواز ژ خه‌لك و مللله‌تێ خوه‌ كر ده‌ست ب خۆنیشاندان بكه‌ن و بكه‌ڤنه‌ سه‌ر جاده‌یان و ئێدی نه‌شێن بێ ده‌نگ و بێ هه‌لویست بین و ئه‌ڤه‌ به‌رپرسیاریا ئه‌خلاقی یه‌ و گۆت: “ئه‌م نه‌ ل گه‌ل توندوتێژیی نه‌، لێ توركیا و ره‌فتارێن وێ یێن توند وه‌كرن توندوتیژی بهێنه‌بكار ئینان و چه‌ندین كه‌س هاتنه‌ شه‌هیدكرن”.

ل دووماهیێ سه‌لاحه‌دين ده‌میرتاش سۆپاسیا گه‌ل و خه‌لكێ خوه‌ كر كو ل دووڤ داخوزای و ل سه‌ر لنگان بووینه‌، هه‌تا ئه‌ڤێ داویێ  ل باكورێ كوردستانێ و ئه‌ورۆپا و گۆت: “لێ جهێ دلخوشیی يه‌ ئه‌مریكا نها توپباران ل سه‌ر داعشێ ده‌ست پێكریه‌”.

ئه‌ڤرۆ نيوز:

ژێده‌رێن جڤاكا مه‌ده‌نى و ئۆپۆزسيۆنا سورى ديار دكه‌ن كو هه‌تا نوكه‌ شه‌ر و پێكدانان د ناڤبه‌را داعش و YPG دا يا به‌رده‌وامه‌ و نوكه‌ سێ ئێكا كۆبانێ كه‌فتيه‌ ژێر ده‌ستێ داعش.

ره‌وانگه‌ها مافێن مرۆڤى ل سوريا يا ئۆپۆزسيۆن كو بنگه‌هێ وێ ل له‌نده‌نه‌، دياركريه‌ كو شه‌ر و پێكدادان د ناڤبه‌را داعش و YPG دا يا به‌رده‌وامه‌ و داعش يا به‌ر ب سه‌نته‌رێ باژێرى دچىت ژ لايێ رۆژهه‌لات ڤه‌ و نوكه‌ ده‌ست ب سه‌ر باره‌گايێ هێزێن ئاسايشا باژێرى يا YPG دا گرتيه‌.

ره‌وانگه‌هێ ئه‌و چه‌نده‌ ژى ئاشكه‌را كريه‌ كو ل نيڤشه‌ڤا چارشه‌مبى و ئه‌ڤرۆ رۆژا پێنجشه‌مبى ب ره‌نگه‌كێ به‌ردام هێزێن هه‌ڤپه‌يمانێن عه‌ره‌بى- نێڤده‌وله‌تى هێرش كرينه‌ سه‌ر باره‌گايێ ئاسايشێ و ده‌ڤه‌رێن دى ل ناڤا كۆبانێ و ب ڤێ چه‌ندێ ژى ئێك ژ سه‌ركردێن ئاسايشا YPG شه‌هيد بوويه‌.

ره‌وانگه‌ها مافێن مرۆڤى ل سوريا ئاشكه‌را كريه‌ كو نوكه‌ يه‌كينه‌يێن پاراستنا گه‌ل ل لايێ رۆژئاڤايێ كۆبانێ ده‌ستێ وان ل سه‌ر تل شوعه‌يره‌.

ئه‌ڤرۆ نيوز:

توركيا ب دژوارى به‌رسڤا وان خۆنيشادانێن كوردان دكه‌ت يێن كو نوكه‌ ل پتريا ده‌ڤه‌رێن كوردان ل باكوورێ كوردستانێ ژ بوو وێ چه‌ندێ دا كو حوكمه‌تا توركيا كۆبانێ ب پارێزيت دده‌ت و هه‌تا نوكه‌ 21 خۆنيشانده‌ر هاتينه‌ كوشتن.

نوكه‌ كۆبانێ يا ل ژێر هێرشه‌كا توند يا ده‌وله‌تا ئيسلامى (داعش) ئه‌وا نوكه‌ كۆنترۆلا دو لايێن وێ كرين.

پتريا ئه‌و باژێرێن كورد نشين نوكه‌ خۆنيشاندانێن ب توندوتيژى ب خوه‌ ڤه‌گرتينه‌ و توركيا ژى ژ بوو نه‌هێلانا وان خۆنيشادانان گازا رۆندكرێژ و ئاڤا دژوار بۆ ته‌راوبه‌راكرنا خۆنيشانده‌ران بكارئينايه‌ ب تايبه‌ت ژى ل سته‌مبۆل و ئه‌نقه‌ره‌.

ئه‌ڤه‌ ژى بوويه‌ ئه‌گه‌رێ وێ چه‌ندێ كو هژماره‌كا مه‌زن يا وه‌لاتيان ژ كوردان ببنه‌ قوربانى و ل هنده‌ك جهان ژى رێگرتن ل هاتنوچوونێ كريه‌ و قوتابخانه‌ ژى بۆ ماوێ سێ رۆژان هاتينه‌ گرتن.

ئه‌ڤرۆ نيوز:

ل گه‌ل راگه‌هاندنا ده‌وله‌تا ئه‌مريكا كو هێرشێن ئه‌سمانى ب تنێ چاره‌ نينن بۆ رێگرتن ل پێشڤه‌چوونا وان، ده‌وله‌تا ئيسلامى يا ب ناڤێ داعش به‌رده‌وامى دا سه‌ر هێرشێن خوه‌ بۆ چوونا ناڤ كۆبانێ.

هه‌ڤسه‌رۆكا PYD د داخۆيانيه‌كێ دا بۆ رۆيترس ديار كر كو سه‌ره‌راى هێرشێن توندێن ئه‌سمانى يێن هه‌ڤپه‌يمانان، چه‌كدارێن داعش شيانه‌ ژ لايه‌كى بچنه‌ ناڤ باژێرى.

ئاسيا عه‌بدولا هه‌ڤسه‌رۆكا PYD گۆت: “چه‌كدارێن ده‌وله‌تا ئيسلامى ژ دو لايان ڤه‌ يێن هاتينه‌ ناڤ كۆبانێ و ب چه‌كێ گران ژى ژ وان ژى ده‌بابه‌”.

د ڤان سێ حه‌فتيێن بۆرى يێن شه‌رى دا زێده‌ترى 400 كوشتيان هه‌بووينه‌ و 16 هزار كه‌س ژى ئاواره‌ بووينه‌ و نوكه‌ وه‌كو پشته‌ڤانى بۆ كۆبانێ ل پتريا ده‌ڤه‌رێن كوردستانى و ل هنده‌ك وه‌لاتێن ژ ده‌ڤه‌ر ژى خۆنيشادانێن نه‌رازيبوونێ نه‌.

ل باكوورێ كوردستانێ ژى كورد رابووينه‌ سه‌ر خوه‌ و د خۆنيشادانان دا، توندوتيژى په‌يدا بوويه‌ و هژماره‌كا وه‌لاتيێن سڤيل گيانێ خوه‌ ژ ده‌ست دايه‌.