دھۆک: مەجید حسێن:

نەخۆشیا ھەودانا رووڤیکا کورە  زور یا بەربەلا ڤە ل تەخا گەنجان ژھەردوو  رەگەزا، ئەگەرێن ھەودانا رووڤیکا کورە ڤێ تەخێ گەلەک بیردۆز ھەنە ژ وانا ئاسێبوونا دەڤێ رووڤیکا کورە ژبەر ھەر ئەگەرەکێ ھەبیت یانژی ھەودانا ژبەر ئەگەرێن  نەدیار، بەلێ ھەودانا رووڤیکا کورە ل دەڤ زاروکا و دان عەمران گەلەک کێمتر ە ژ تەخا گەنجان سەدەما گەلەک ئەگەرا یا خۆیایە چارەسەریا ھەودانا رووڤیکا کورە بارا پتر ب رێکا نشتەرگەریێ یە و ھندەک جاران ژی ب رێیا نازوورێ دھێتە راکرن.

  د ێەباح ئەحمەد دوسکی، تایبەتمەندێ نشتەرگەریا گشتی بۆ رۆژناما ئەڤرۆ دیارکر کو رووڤیکا کورە پرتەکا گوشتی یازێدەیە دناڤبەرا رووڤیکا مروڤی یا بچووک و یا مەزن قولون یا ل رەخێ راستێ یێ مرۆڤی دناڤ زکی دا و چ کار پێ ناھێنە کرن ژلایێ لەشێ مرۆڤی ڤە و گۆت: رووڤیکا کورە درێژیا وێ حەفت ھەتا دوازدە سا نتی مەترە  بەرگریێ ژ رووڤیکێن دی دکەت ھەکە رووڤیک ھاتە راکرن بەرگریا لەشی لاواز نابیت ھەمی کە سان دگریت ژیێ ئێک سالی ھەتا ھەشتێ سالی بەھرا پتر ژیێ دناڤبەرا دوازدە تا ھەشتێ سالیێ دگریت.

ھە ردیسان دەربارەی نیشانێن ب مەترسی یێن رووڤیکا کورە، د. ێەباح ئەحمەد دوسکی دیارکر کو ھەکە دەستپێکێ زک ھەمی دئێیشیت پاشی ددەتە رەخێ راستێ و دلرابوون پەیدادبیت و تایەکا سڤک دگریت و دلێ وی ناچیتە خوارنێ و دیسا دێ تووشی زکچوونەکا بەر دەوا م بیت.

د.ێەباح ئەحمەد دوسکی، دیار کر ژی کو رووڤیکا کورە ب رێیا تیشکا نورمال و میفراس و سونارێ و دیسا ئەنجامدانا پشکنینەکێ بۆ دەستئاڤێ دھێنە دەستنیشانکرن و گۆت: پشتی دەستنیشانکرنا رووڤیکا کورە ژلایێ نوشدارێ تایبەتمەند ڤە پێدڤیە د ماوێ دوزادە دەمژمێران دا بھێتە نشتەرگەری کرن و ھەکە نشتەرگەری نەھاتە کرن دێ  تووشی ھەودانەکا زێدەتر بیت یان دێ رووڤیکا کورە پەقیت و بیتە جھێ مەترسیێ ل سەر نەخۆشی و دیسا دێ رەوشا وی تێکچیت و ھەکە یێ دوور بیت ژ نوشداران رەنگە گیانێ خوە ژدەست بدەت.

تایبەتمەندێ نشتەرگەریا گشتی دیارکر ژی کو نشتەرگەری ب رێیا نازوورێ یان نشتەرگەریا ڤەکرنا زکی دھێتە کرن و گۆت: نشتەرگەریا ب رێیا نازوورێ بۆ مرۆڤێ قەلەو باشترە، بەلێ ھەکە ب دروستی ھەودان د رووڤیکا کورە دا یا دیارنەبیت باشترە ب رێیا نشتەرگەریا گشتی بیت.

د.ێەباح ئەحمەد دیارکر کو پشتیت نشتەرگەری ب دووماھی دھێت یا باشتر ئەوە نەخوش بۆ دەمێ چار ھەتا شەش دەمژمێران ژنوو دەست ب خوارنێ بکەت و دیسا ھاتن و چوونێ بکەت و پشتی دوازدە دەمژمێران نوشدارێ تایبەتمەند دشێت نەخوشی ژ نەخوشخانێ دەربێخیت.

تایبەتمەندێ نشتەرگەریا گشتی دیارکر کو ب رێژا ١٥% ژ خەلکی تووشی ھەودانا رووڤیکا کورە دبن و پتریا وان دناڤبەرا ژیێ شەش ھەتا ٤٠ سالیێ تووش دبنێ و رەنگە پتریا نشتەرگەریێن بۆ حالەتێن تەنگاڤیا دھێنە کرن ھەودانا رووڤیکا کورە بیت و گۆت: ھەکە مروڤ تووشی ھەودانا رووڤیکا کورە بوو دشێت چاڤدێریا خوە بکەت ب رێیا خوارنا دەرمانان و پێدڤیە ئەو دەرمان ل ژێر سەرپەرشتیا نوشدارێ تایبەتمەندبن.

ئەڤرۆ نيوز، حه‌مزه‌ ره‌زيكى:

رێكخراوا نوشدارێن به‌زاندنا كيسوه‌ران هاته‌ دهۆكێ و بڕياره‌ د گه‌له‌ك وارێن جودا دا خزمه‌تا ئاواران بكه‌ت و ل ده‌سپێكێ ژى دێ بۆ ماوێ 10 رۆژان مينن وپاشان دژى دێ دووباره‌ هێن و ب هه‌يڤان مينن بۆ خزمه‌تكرنا ئاوارێن پارێزگه‌ها دهۆكێ.
د. سعد بن علی القرنی سەرۆکێ رێکخراوا نوشدارێن بەزاندنا کیشوەرا گۆت: “جڤاتا گشتی یا نوشدارێن نیڤ دەولەتی یا گرێدانا جیھانا ئیسلامی ل وەلاتێ سعودیێ ئەم ھاتینە ھەرێما کوردستانێ پشتی روودانا ڤێ کارەساتێ، پشتی رێژەکا زۆر ژ ئاوارەیا قەستا ڤێ ھەرێمێ کرین ب تایبەت پارێزگەھا دھوکێ”.

زێده‌تر گۆت: “ئەڤ جڤاتە یا نیڤ دەولەتیە سەردانا کیشوەرێ ئاسیا و ئەفریقیا دكه‌ت و ل پتری ٣٥ وەلاتا ئەنجامدانا پرۆژێن جیاواز و بەشداریا کارەساتا کریە”.

دا زانين ژى كو د پروژێن تایبەتەمەندی وەک نشتەرگەرێن دلی و مێشک و دەمارا و نەخوشێن زارۆکا دكه‌ت و گۆت: “سەرەدانا مە بۆ ھەرێما کوردستانێ ل سەر داخوازیا ھەڤالێن مە ل حکومەتا ھەرێمێ و پارێزگەھا دھوکێ بوویە ژ بوو ھاورھاتنا ئاوارەیا ل کەرتێ ساخلەمیێ”.

ل دووماهيێ ژى گۆت: “نوشدارو کارمەندێن د گەل مە دا ژڤان تایبەتمەندیا ب خوه‌ ڤە دگریت نەخوشێن (پیستی, زارۆکا، نشتەرگەریا گشتی، ژن و زاروکبونێ، نشتەرگەریا بوریکێن خوینێ)، ئەڤ تیمە دێ ماوێ ١٠ رۆژا د خزمەتا خەلکێ ئاوارە دا بیت، لێ ل پاشەروژێ پشتی دگەهینە رێکەڤتنەکێ د گەل کەرتێ ساخلەمیێ دێ بو ماوێ چەند ھەیڤا مینین و خزمەتا ئاوارا کەین ل کەمپێن وان ل پارێزگەھێ”.