ئەڤرۆ نیوز:
ل گۆر دەزگەهێن راگەهاندنا ئەمریکا ئیدارا وی وەلاتی بریار دایە کو فرۆکێن مودێرن یێ شەری یێ بەرنیاس ب ئێف ٣٥ بدەتە هەر دو وەلاتێن ئیماراتێ و یونانێ.
چاڤدێرێن سیاسی ژی دیار دکەن کو بەری نها ئەمریکا بریار دابوو فرۆکێن ئێف ٣٥ نەدەتە تورکیا وەکو سزادانەک ل هەمبەر کڕینا سیستەمی موشەکی یێ روسی، تورکیا ژی ژ فروشتنا فرۆکێن ئەمریکی بۆ وان هەر دو وەلاتان کو وەکو نەیارێن تورکیا دهێتە نیاسین، دلگرانە.
ئەڤرۆ نیوز،بارزان مزووری:
نەقیب سەکڤان ئەنوەر ئەفسەرێ پشکا هاتن و چوونا شێخان بۆ ئەڤرۆ نیوز گوت: (ئەڤرۆ دەمژمێر 12نیڤرۆ رێککەفتی 3/11/2020 هاتینە ئاگەهدارکرن کو رویدانەک هاتن و چونێ سەر رێکا سەرەکی دهوک بۆ شێخان بەرامبەری ناحیا باعەدرێ دروست بوویە دناڤبەرا ترومبێلەک BMW تایبەت و نیسان سەنی تایبەت رویدایە د ئەنجام دا دو کەس برینداربووینە و بۆ نەخۆشخانێن دهوک هاتنە رەوانەکرن).
ئه‌ڤرۆ نیوز:
ئه‌میندارێ جڤاتا وه‌زیرێن ئیراقێ راگه‌هاند، تا نهاپێنجى و هه‌شت هزار ئاواره ڤه‌گه‌رییاینه ده‌ڤه‌رێن رزگاركرى و سیهـ و پێنج كه‌مپێن ئاواران ل به‌غدا،هه‌رێما كوردستانێ و كه‌ركووك هاتینه داخستن.
راگه‌هاند:د ده‌می بووریدا هه‌وه‌كا نیشتیمانى بۆ ڤه‌گه‌راندنا ئاواران ب سه‌رپه‌رشتیا وه‌زاره‌تا كوچ وكوچبه‌ران ده‌سپێكریه، تا نها پێنجى و هه‌شت هزار ئاواره ڤه‌گه‌رییاینه ده‌ڤه‌رێن خوه یێن رزگاركرى،دگه‌ل وێ یه‌كێ ژى سیهـ و پێنج كه‌مپێن ئاواران ل به‌غدا،هه‌رێما كوردستانی و كه‌ركووكێ هاتینه داخستن
ل گۆره‌ى داوى ئامارێن نه‌ته‌وه‌یێن ێیكگرتى ژ سالا دوهزار و چاردێ تا دوهزار و هه‌ڤدێ، زێده‌تر ژ شه‌ش ملیۆن وه‌لاتیێن ئیراقى ژئه‌گه‌رێ شه‌رێ داعش ئاواره‌ببوون،تا نها ژى نێزیكى چارملیۆن كه‌سان ڤه‌گه‌رییاینه ده‌ڤه‌رێن خوه.
ئه‌ڤرۆ نیوز:
وه‌زاره‌تا ناڤخوه‌یا نه‌مسا راگه‌هاند، ژبه‌ر هێرشه‌كا تیرۆرستى ل په‌رستگه‌هه‌كا جوهیان ل باژارێ ڤییه‌نا یێ پایته‌ختێ نه‌مسا، دو كه‌س هاتنه كوشتن و چه‌ند كه‌س ژى بریندار بووینه.
ل گۆره‌ى نووچه‌یه‌كێ ئاژانسا رویته‌رز، هه‌ژماره‌كا كه‌سان هێرشه‌ك ل نه‌مسا كریه و كه‌سه‌ك ژ هێرشكه‌ران هاتیه كوشتن و پۆلیسه‌ك ب گرانى بریندار بوویه.
حكومه‌تا نه‌مسا ئه‌و هێرش ب تیرۆرستى ب ناڤ كر و ئارمانجا وێ هێرشێ په‌رستگه‌هه‌كا جوهیان بوو ل ڤییه‌نا و ئاشكرا كر، هێرشكه‌ران ل شه‌ش جهێن نه‌مسا چالاكى كرینه.
ژ ئالیێ خوه ڤه هه‌ژماره‌كا وه‌لاتێن ئه‌ورۆپا ئه‌و هێرش شه‌رمزار كر و داخواز ژ ئێكه‌تییا ئه‌ورۆپا كر رێكارێن پێدڤى بگریته به‌ر بۆ راگرتنا وان جۆره هێرشان.
ئه‌ڤرۆ نیوز،بارزان مزووری:
كرێكاره‌ك ل ناڤا سه‌نته‌رێ باژارێ شێخان ل ده‌مێ كاركرنێ ژ ئالیێ كه‌سه‌كى ڤه هاته گولله‌بارانكرن و گیانێ خوه ژ ده‌ست دا.
ل گۆره‌ى ئاگاهیێن په‌یامنێرێ دهۆك نیوز ژ زار ده‌ڤێ وه‌لاتیه‌كێ ب ناڤێ رائید گۆران كو روودان ب چاڤێ خوه دیتیه ئاشكرا كر، ئێڤاریا دوهى ل سه‌عه‌ت پێنج، وه‌لاتیه‌كێ كرێكار ل ده‌مێ كارێ كو كه‌لوپه‌ل ژ ناڤا ترۆمبێله‌كا كیا دوته‌ن بۆ دوكانه‌كێ لێ نێزیك ئاڤاهیێ قائیمقامیا شێخان ڤالا دكرن، ترۆمبێلەک دهێتە بەرامبەرو کەسەکى دناڤا ترۆمبێلێ دا ب چەکێ کلانشینکۆفێ گوللەبارانكر و ئێکسەر گیانێ خۆ ژ دەست دا.
ئەو کەسێ هاتیە کۆشتن ژدایک بوویێهزار و نه‌هسه‌د و نۆت و پێنجێ یه و ئاکنجیێناوچه‌داریا کەلەکچییە بۆ کارێ خۆ هاتیە شێخان،ڤەکۆلینژى لدور تاوانێ ژ ئالیێ پولیسێن شێخانڤەده‌ستپێكریه.
ئه‌ڤرۆ نیوز،بارزان مزووری:
نوونەرێ کومسیۆنابلندیا ھەلبژارتنانل مووسلێ دیار کر، ھەتا نھا هه‌ژماراچل و شه‌ش ھزار دەنگدەران بتنێبیست و سێ ھزاران بایۆمەتری ل شێخان چێكریه،ب ڤێ یه‌كێ ژى دێ زیانێن مەزن ب بازنەیێن دەڤەرێن مادێسه‌د و چل کەڤن.
بەیار حازم بۆ دهۆك نیوز راگه‌هاند، سنۆرێ پارێزگەھا مووسل ٨ بازنە بۆ ھەلبژارتنێن بھێت ھاتینە دەستنیشانکرن، سێژ وان بازنان بۆ دەڤەرێن مادێسه‌د و چله،ئه‌و ھەرسێ بازنه ژى ل سەر قەزا شێخان و تلکێف و ئەلقووش ھاتینەبه‌لاڤكرن.
بەیار حازمخویاکر، ل بنگەھێ کومسیۆنا ھەلبژارتنان ل شێخان زێدەتریچل و شه‌ش ھزار دەنگدەرهه‌نه، ژوانا نێزیکىبیست و سێ ھزار دەنگدەران بتنێ بایۆمەتریچێكریه،هه‌كه بڤی شێوەی بیت دێ ھەلبژاتنێن بھێت زیانێن مەزن ب وان ھەرسێ بازنێن دەڤەرێن مادێسه‌د و چل کەڤیت، ژبەرکو ھەتا نھا بەردەوام ئەویێ کاردکەینو ئاگەھداریاخەلکێ خۆ دکەن کۆ بایۆمەتریێن خوه چێكه‌ن دا ژ مافێ ده‌نگدانێ نه‌هێن بێبه‌هركرن.
نوونەرێ کومسیۆنابلندیا ھەلبژارتنانل مووسلێ،سێ کەمپێن ئاواره‌یانل قەزا شێخانهه‌نه، بتنێ وی ئاوارەی مافێ دەنگدانێ ھەیەیێ ناڤێ خۆڤەگوھاستیویێن دی ماف نینە دەنگێ خۆ ل شێخان بدەن.
ژ ئالیێ خوه‌ڤه سەرداریەحیا عه‌بدولعه‌زیز،قائیمقامێ قەزا شێخان دیار کر، د ھەلبژارتنێنبوورى دا زێدەتریهه‌شتێ ھزار ئاوارە ل قەزا شێخان بنەجهبوون و لدووڤ رێنمایێن کومسیۆنێ دەنگێ خوه‌دا،لێ جھێ داخێیە ژلایێ وی عەقلیەتا شوفێنی ھەموو دەنگێن وان ھاتن سۆتن، د ھەلبژارتنێن بھێن ژى داترسا دوبارەبوونا وێ زولمێهه‌یه .
ئه‌ڤرۆ نیوز، سالار محه‌مه‌د دۆسكی:
ئه‌ندامه‌كێ لژنا ئه‌وقاف و كارۆبارێن ئاینی ل په‌رله‌مانێ كوردستانێ‌راگه‌هاند، هێشتا حكومه‌تا ئه‌ره‌بستانا سعوودیێ ب فه‌رمی هه‌رێما كوردستانێ ئاگه‌هدارنه‌كریه كو وه‌لاتیێن خوه ره‌وانه‌ی وی وه‌لاتی بكه‌ن بۆ چوونا عومرێ.
وه‌یسی سه‌عید وه‌یسی بۆ دهۆك نیوز ئاشكرا كر، چوونا خه‌لكی بۆ عومرێ پتر پێدڤی ب رێكارێن قانوونی و ساخله‌مییه‌یێن وه‌لاتێ سعوودیێ و هه‌تا نوكه وی وه‌لاتی ده‌ستویرى نه‌دایه هه‌رێما كوردستانێ كو خه‌لكێ كوردستانێ سه‌ردانا سعوودیێ بكه‌ن، هه‌ر ده‌ما رێ هاته خوشكرن، هه‌رێما كوردستانێ‌دێ ب بریارێن وی وه‌لاتیپێگێربیت.
هه‌مان ئه‌ندامێ په‌رله‌مانی ئه‌و ژی دیاركر كو هه‌ژماره‌كا مه‌زنا كۆمپانیان هه‌نه خه‌لكی دبه‌نه عومرێ و ژ ئه‌گه‌رێ كۆرۆنایێ و نه‌چوونا خه‌لكی بۆ حه‌ج و عومرێ زیانێن مه‌زن به‌ر ئه‌وان كومپانیان كه‌فتینه.
ئه‌ڤرۆ ینوز، قائید میرۆ
پەیڤدارێ وەزارەتا باژێرڤانیێیا حكومه‌تا هه‌رێما كوردستانێ راگه‌هاند، دەستپێکرنا پڕۆسا تاپۆکرنا خانیێن زێدەگاڤی دیارنینە و پێشنبینی دھێتەکرن گیرۆببیت،ژبه‌ركو پێدڤی ب ھوورکاتیان ھەیەو ده‌مێ وەرگرتنا مامەلەیێن وەلاتیان ژى ھاتیە درێژکرن.
کوردۆ شابان، پەیڤدارێ وەزارەتا باژێرڤانیێ بۆ دھۆک نیۆز گۆت: وەزارەتا باژێرڤانیێ رێنمایى داینە ھەموو باژێرڤانیێن ھەرێما کوردستانێ دەست ب وەرگرتنا مامەلەیێن وەلاتیان بۆ تاپۆکرنا خانیێن زێدەگاڤیل گورەی قانوونا تاپۆکرنا خانیێن زێدەگاڤی بھێتەکرن،تا نها ژى ھژمارەکامه‌زن یا مامەلەیان لسەرانسەری ھەرێمێ ھاتینە پێشکێشکرن و بریارە پڕۆسا وەرگرتنا مامەلەیێن خانیێن زێدەگاڤیگه‌له‌كڤەکێشیت و دەمژی ھاتیە درێژکرن.
کوردۆ شابان ئاماژەکر، پشتی وەرگرتنا مامەلەیان دێ ھەموو داتا ھێنە کۆمکرن دناڤا کۆمپیۆتەری دا و د دووڤدا دێ قۆناغا دویێدەستپێکه‌ت کو ئەوژی تاپۆکرنا خانیانە، بەلێ پڕۆسا تاپۆیێ دێل گورەی رێنمایی ومەرجێن قانوونی ھێتە بجهئینان و زانیاریێن دروست لسەر ھەر خانیەکی دێ ھێنە وەرگرتن بۆ تاپۆکرنێ،ژبه‌ركو پشتی تاپۆکرنێ ئیدی ھەموو خانی دێ ببنە قانوونی ئەڤەژی پڕۆسەکا ب زەحمەتە.
ئه‌ڤرۆ نیوز، سالار دۆسکی:
سەرۆکێ فراکسیۆنا پارتیا دیموكراتا کوردستانێ ل جڤاتا پارێزگەھا دھۆکێراگه‌هاند، پشتی رێکكەفتنا دناڤبەرا پارتی و ئێکگرتوو داھاتیە ھەلوەشاندن و ئەو پۆست ژێ ھاتینە وەرگرتن،تا نها ئەو پۆست ھەموو ژ ئالیێ پارتیڤە نەھاتینەدانان و گەلەک پۆست نوکە ب وەکالەت دھێنە برێڤەبرن.
ھشیار گولیبۆ دهۆك نیوز گۆت: پۆستێ جێگرێ پارێزگاری و چەند پۆستێن ژ ئێکگرتوو ھاتینە وەرگرتن لێ ھێشتا ئكێلا نەبووینە و ناڤ ژ پارێزگەھێ نەھاتینەجڤاتێ و ئەڤە ل رۆژێن بھێت دھێتە ئێکلاکرن.
ھشیار گولیگۆتژی: نوکەكار ل سەر ناڤان دھێتەکرن بۆ پرکرنا پۆستێن ب وەکالەت و چاڤەرێ دھێتەکرن ب نێزیکترین دەم ئەو ناڤ بھێنە ئێکلاکرن.
سەرۆکێ فراکسیۆنا پارتی ل جڤاتا پارێزگەھا دھۆکێراگه‌هاند ژى: پۆستێن رێڤەبەرێن گشتی ھەموو ھاتینە گوھۆرین و ئەو ھەر دو پۆستێن رێڤەبەرێن گشتییێند ده‌ستێ ئێکگرتوو ژیدا ھاتینە پرکرن.
ئەڤرۆ نیوز ، زنار تۆڤی:
پەیڤدارێ رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانه‌كا ترافیكێ دا دو کەس برینداربوون.
موقەدمێ مافپەروەر ئازاد تاها، زێدەتر گۆت: ئه‌ڤرۆ سێشه‌مبی ٢٠٢٠/١١/٣ ل ده‌مژمێر ١٢:٣٠ نیڤرۆ ل سه‌ر جادا سه‌ره‌كی یا دناڤبه‌را پارێزگه‌ها دهۆك بۆ قه‌زا شێخان ل نێزیك ناحیا باعه‌درێ روودانه‌كا ژ جۆرێ لێکدان دناڤبه‌را دو ترومبێلێن تایبه‌ت ژ جۆرێن نیسان سه‌نی ل گه‌ل بی ئێم دەبلیوو چێبوویە، دئه‌نجام دا دو كه‌س بریندار بوون، هەروەسا زیانێن مادی یێن مەزن ژی گه‌هشتنه وان ترۆمبێلان.
نيشاندان