ئه‌ڤرۆ نیوز:
وه‌زاره‌تا دارایی و ئابووری یا حوكمه‌تا هه‌رێما كوردستانێ رێنمایێن نوو ده‌ربارێ لێخوشبوونا قه‌ران ب رێژا 15% راگه‌هاندن.
ئه‌ڤرۆ 3/9/2020 وه‌زاره‌تا دارایی و ئابووری یا حوكمه‌تا هه‌رێما كوردستانێ رێنمایێن دارایی ژماره 8 یا سالا 2020 به‌لاڤكریه و كۆ تێدا هاتیه ب لێخوشبوونا قه‌ران ب رێژا 15% .
ئه‌ڤرۆ نیوز:
ئه‌كره‌م ئه‌حمه‌د رێڤه‌به‌رێ گشتی یێ سكران ل وه‌زاره‌تا چاندنا هه‌رێمێ راگه‌هاند ئه‌ڤه سالا سیێ یه ئیران ئاڤا زابێ بچووك دگریت ل هه‌یڤا حوزه‌یرانێ و ته‌موزێ تاكو هه‌یڤا 12، داهاتێ ئاڤێ ل ئه‌ڤێ ده‌ڤه‌رێ دبیته سفر، ئه‌ڤ سال ژی ئاڤا سیروان ژی ب رێژه‌یه‌كا زۆر كێم كریه، ئه‌ڤ كارێ ئیرانێ نه زانستی و نه مه‌نتقی و نه ئیداریا ئاڤێ یه، چونكو ل چ جهه‌كێ دونیایێ نه‌بوو داهاتێ ئاڤا ریباره‌كێ سه‌ره‌كی ب بیته سفر، چونكو ئه‌ڤ پشكا خه‌لكێ ئیرانێ و عیراقێ یه و زیان ڤێكه‌تیێن ئێكێ هه‌رێما كوردستانێ یه ئه‌و كاره ژی دووره ژ هه‌موو عورفێن نێڤ ده‌وله‌تی.
رێڤه‌به‌رێ گشتی یێ سكران ل وه‌زاره‌تا چاندن و ژێده‌رێن ئاڤی یا حوكمه‌تا هه‌رێما كوردستانێ راگه‌هاند ئه‌ڤ پێنگاڤا ئیرانێ سزادانا ئاكنجیێن ده‌ڤه‌رێ یه، چونكو هه‌كه چه‌ند مه‌تره‌ك ئاڤ بهێته به‌ردان چ نابیت، دلته‌نگیا خو مه گه‌هاندیه قونسلێ ئیرانێ ل هه‌ولێرێ، چونكو ئیرانێ نێزیكی 30 سكر ل سه‌ر زابێ بچوك و سیروان دروستكرینه دو تونێل ژی لێداینه ئاڤێ دبه‌ته ده‌ریا ئورمێ، به‌لێ ل هه‌موو دونیایێ دا به‌ردانا ئاڤێ عورفێ خو هه‌یه و سالانه‌ژی تووشی ئاریشه‌یان دبن، ئه‌ڤه ژی ناحه‌قیه‌كا زۆره هه‌مبه‌ر خه‌لكێ هه‌رێم و عیراقێ دهێته كرن.
ئه‌ڤرۆ نیوز:
وه‌زیرێ ساخله‌میا روسیا راگه‌هاند وه‌لاتێ وی ڤاكسینا دژی كورونایێ نافرۆشیت، به‌لكو ته‌كنولوژیا به‌رهه‌مئینانێ دێ ده‌ته هه‌ر وه‌لاته‌كی كۆ بڤێت ب بیته خودانێ ڤاكسینێ.
میخائیل موراكشو وه‌زیرێ ساخله‌میا روسیا راگه‌هاند د ئه‌ڤێ هه‌یڤێ دا پرۆسیسا دوماهیێ یا ڤاكسیناSputnik V ل روسیا ده‌ست پێ دكه‌ت، كه‌رتێن ساخله‌میێ و په‌روه‌رده‌یێ ل پێشیا كه‌رتێن دی یێن وه‌لاتینه بۆ بكار ئینانا ڤاكسینێ.
وه‌زیرێ ساخله‌میا روسیا ئه‌و چه‌نده ژی راگه‌هاند ڤاكسینا “Sputnik V” یا پێشڤه‌بری نافرۆشن، به‌لكو ته‌كنولوژیا به‌رهه‌مئینانا وێ دێ ده‌ینه هه‌ر وه‌لاته‌كی كۆ بڤێت ب بیته خودانێ ئه‌وێ ڤاكسینێ.
بنگه‌هی ته‌كنولوژیا بایالوژی یا گامالی كۆ به‌رپرسه ژ پێشڤه‌برن و به‌رهه‌مئینانا ڤاكسینێ رۆسی راگه‌هاند پرۆسه ب دوماهی هاتیه و ل سه‌ر دانعه‌مرێن وه‌لاتی ده‌ستپێكریه كۆ ته‌مه‌نێ وان ل سه‌ر 70 سالیێ دانه و ساخله‌یما هه‌موویان جیگیره.
12 هه‌یڤا بوری ڤلادیمیر پوتن سه‌رۆكێ روسیا راگه‌هاند وه‌لاتی وی ره‌زامه‌ندی ل سه‌ر به‌رهه‌م ئینانا ڤاكسینێ كورونایێ ل جیهانێ دا و ل دوماهیا هه‌ر ئه‌وێ هه‌یڤێ پاكیژا ڤاكسینێ هاته به‌رهه‌م ئینان، كۆ دشیێن بۆ ده‌مێ دو سالان ته‌ڤایا جه‌سته‌یێ مرۆڤی ژ توشبوونا ڤایرۆسێ كورونایێ بهێته پاراستن.
ئەڤرۆ نیوز:
وەزارەتا ساخلەمی و ژینگەها عیراقێ راگەھاند: د ٢٤ دەمژمێرێن بوری دا، سێ ھزار و ٣٦٧ حالەتێن نوو یێن کۆرۆنایێ وسێ ھزار و ٢٦٣ حالەتێن باشبوونێ و ٥١ حالەتێن وەغەرکرنێ ھاتینە تۆمار کرن.
ھەتا نوکە ٢٤٢ ھزار و ٢٨٤ کەس ل عیراقێ تووشی ڤایرۆسێ کۆرۆنایێ بووینە، هەروەسا هەتا ڤی دەمی ٧ ھزار و ٢٠٠ کەسان ب کۆرۆنایێ وەغەرکریە، ١٨٤ ھزار و ٢٠٥ کەس ژی باشبووینە.
ئەڤرۆ نیوز:
ئەڤرۆ چارشەمبی ، ۲ ئیلۆنا ۲۰۲۰ ، وەزیرێ پەروەردێ راپۆرتا وەزارەتێ پێشکێشی کۆمبوونا جڤاتا وەزیران کریە و راگەهاندنەک بەلاڤکریە:
سەبارەت چاوانیا دەستپێکرنا سالا نوویا خواندنا ۲۰۲۰ـ ۲۰۲۱ ، کو چەندین بژارە دیار کرینە ، پشتی هەلسەنگاندنا رەوشا ساخلەمیێ ژ ئالیێ وەزیرێ ساخلەمیێ، ب ئەکەرێ پەتایا ڤایرۆسێ کۆرۆنایێ جڤاتا وەزیران بریار دا، کو ناڤەندێن خواندنێ سەر ب وەزارەتا پەروەردێ ب شێوازێ خواندنا ناڤ پۆلێ نەهێتە ڤەکرن، ب مەبەستا پاراستنا سلامەتیا قوتابیان و مامۆستایان و هەموو جڤاکێ مه، د هەمان دەمدا بەحسی هندێ کر، کو پرۆسا خواندنێ نەهێتە راگرتن، بۆ هندێ سالا خواندنا قوتابیان نەفەوتیت، ل دەمێ دەستپێکا دەوامێ خواندنا ئەلیکترۆنی و خواندنا ئۆنلاین بهیتە پەیرەو کرن، ل سەرجەم ناڤەندێن وەزارەتا پەروەردە ، ژ بلی قۆناغا ۱۲ ئامادەیی، بۆ هەموو ئالیان دیار دکەین، کو وەزارەتا پەروەردێ دێ ل نێزیکترین دەرفەتدا کۆمبوونا جڤاتا وەزارەتێ ئەنجام دەت، بۆ گوتۆبێژکرن و دەرخستنا رێنمایێن هوور بۆ جێبەجێکرنا بریارێن ئەڤرۆ یێن جڤاتا وەزیران کو چەندین بابەتان ل خوە دگریت، ژ وان ژی:
۱ـ جڤاتا وەزارەتێ دێ بریارێ دەت ل سەر دیارکرنا رێکەفتا دەستپێکا سالا نوو یا خواندنێ ب شێوازێ ئەلکترۆنی و ئۆنلاین بۆ قوتابخانان و پەیمانگەهێن حکومی و نەحکومی.
۲ـ جڤاتا وەزارەتێ دێ بریارێ دەت ل سەر دەستپێکا سالا نوو یا خواندنێ بۆ قوتابیێن قۆناغا ۱۲ ئامادەیی، ب هەموو پشکێن خوە ڤە، ل خواندنا حکومی و نەحکومی ب شێوازێ ئامادەبوونا تەمام ل ناڤا پۆلێ لدووڤ وان رێنمایێن وەزارەتا ساخلەمیێ دیار دکەت، پشتی دووماهی هاتنا خولێن دویێ یا ئەزموونێن گشتی.
۳ـ میکانیزما پالپشتیکرنا قوتابیێن قۆناغا ئێکێ بنەرەتی و چاوانیا ئاشناکرنا وان ب ژینگەها قوتابخانێ.
سەرجەمێ گشتی یا وان بابەتێن پێدڤینە بۆ دەستپێکا سالا نوو یا خواندنێ ل جڤاتا وەزارەتێ رێنمایی پێدڤی دێ دەرکەڤن، رەوشا ساخلەمیێ د نوکە دا وەسا دهێتە خواستن، کو ژیانا مامۆستایان و قوتابیان بهێتە پاراستن و مەترسی ل سەر ژیانا وان دروست نەبیت و قوتابی ژی بێ خواندن نەبن، ڤان پێنگاڤان پێدڤی ب پشتەڤانیا هەمووان هەیە، هەکە رەوشا ساخلەمیێ رێکێ بدەت بۆ ڤەگەریانێ بۆ ناڤ ناڤەندێن خواندنێ، ل هەر دەمەکێ دا دێ خواندنا ئاسایی دەستپێکەتە ڤە.
ئەڤرۆ نیوز:
ئەڤرۆ چارشەمبی، (2/9/2020) رێڤەبەریا گشتی یا ساخلەمیا پارێزگەها دهۆکێ راگەهاند: (103) تووشبوویێن دی یێن ڤایرۆسێ کۆرۆنایێ ل دهۆکێ، پشتی هەموو پشکنین بۆ هاتینە کرن، ب تەمامی چارەسەربووینە و ب سلامەتی ژ نەخۆشخانێ هاتینە دەرخستن و چووینە د ناڤ کەسوکارێن خوە دا.
هەروەسا گۆتیە: ب ڤێ چەندێ هژمارا چارەسەربوویان گەهشتە (1740) کەسان و نوکە (2835) کەس ماینە د نەخۆشخانێ دا.
ئه‌ڤرۆ نیوز:
چین به‌رده‌وامه ل سه‌ر تاقیكرنا ئه‌وێ ڤاكسینا دژه ڤایرۆسێ كورونایێ دروستكری، ڤاكسین ل سه‌ر هزاران خوبه‌خشێن به‌رازیلێ دا هاته تاقیكرن.
ئه‌و ڤاكسینا چینێ دژه كورونایێ دروستكری، ژلایێ كۆمپانیا سینوفارم به‌رهه‌م هاتیه، ژبلی چینێ ل چه‌ند وه‌لاته‌كێن دی ل سه‌ر توشبوویێن كورونایێ دا هاتیه تاقیكرن، د وی چارچوڤه‌ی دا ڤاكسین ل سه‌ر پشكه‌كا خوبه‌خشێن باژێرێ نیترویا سه‌ر ب ریو دیجانیرۆ هاتیه تاقیكرن.
بریاره ڤاكسینا چینی ل پێنج هه‌رێمێن دی یێن به‌رازیلێ بهێته تاقیكرن، 9 هزار خوبه‌خش به‌رهه‌ڤن ل سه‌ر وان بهێته تاقیكرن.
ئه‌ڤرۆ نیوز:
ئه‌مریكا دوپاتكر پشكداریێ ل ده‌ستپێشخه‌ریا جیهانی بۆ پێشخستنا ڤاكسینێ ڤایرۆسێ كورونایێ ناكه‌ت، كۆ رێكخراوا ساخله‌میا جیهانی سه‌رپه‌رشتیێ دكه‌ت.
كوفیكس ده‌ستپێشخه‌ریه‌كا جیهانی یه بۆ پێشخستنا ڤاكسینێ دژه ڤایرۆسێ كورونایێ، چه‌ندین وه‌لات هه‌ڤكاریا رێكخراوا ساخله‌میا جیهانی دكه‌ن بۆ پێشخستنێ.
په‌یڤدارێ كوچكا سپی راگه‌هاند ئه‌مریكا پشكداریێ دڤێ ده‌ست پێشخه‌ریێ دا ناكه‌ت و به‌رده‌وامین ل گه‌ل هه‌ڤپشكێن خوه یێن نێڤ ده‌وله‌تی بۆ زالبوون ب سه‌ر كورونایێ، به‌لێ گرێدایێ وان ده‌سته و سازیان یێن بن فشارا رێكخراوا گه‌نده‌لا ساخله‌میا جیهانی و چینێ دا نابن.
به‌ریا نها ئه‌مریكا مه‌زنترین هاریكارێ رێكخراوا ساخله‌میا جیهانی بوو كۆ سالانه 450 ملیۆن دۆلار هاریكاریا رێكخراوێ دكر، به‌لێ ل هه‌یڤا ئایارا بوری دونالد تره‌مپ سه‌رۆكێ ئه‌مریكا بریارا ڤه‌كێشانا ئه‌مریكا دا ژ رێكخراوا ساخله‌میا جیهانی دا و ب گه‌نده‌ل و لایه‌نگرێ چینێ ل قه‌له‌م دا.
ئه‌ڤرۆ نیوز:
په‌یوه‌ندى و راگه‌ھاندنا كومەلگەھا ده‌روازێ نێڤ ده‌وله‌تى ئیبراهیم خه‌لیل د راگه‌هاندنه‌كێ دا روونكریه، ل رێکەفتی ٣١\٨\٢٠٢٠ێ شوفێرەکێ وه‌لاتێ تورکیایێ ب ناڤێ “عەبدوللا ئورگون” ل گۆرەپانەکا زاخو دناڤ ترۆمبێلا خوە یا بارھەلگردا جانێ خوە ژدەستدایە و دنھادا جەنازێ وی ل دادوەریا پزیشکییا دھوکێیە و چاڤەرێی ئەنجامێن راپورتا دادوەرییا پزیشکی دکەین بۆ سەدەما جان ژ دەستدانا ناڤبری.
په‌یوه‌ندى و راگه‌ھاندنا كومەلگەھا ده‌روازێ نیڤ ده‌وله‌تى ئیبراهیم خه‌لیل ئه‌و چه‌نده ژی د راگه‌هاندنا وان دا هاتیه كۆ دناڤ تورێن جڤاکی و ھندەک مالپەران دا گۆت گوتکەک بەلاڤ بوویە کو ئەو شوفێر ھەلگرێ ڤایروسێ کۆرۆنایێ بوویە و ئەڤ چەندە ئەگەرێ مرنا وی بوویە. ئەم ڕایا گشتی ئاگەھدار دکەین کو چ بنەما بو ڤێ گوت گوتکێ نینن و ئەنجامێن پشکنینێن ناڤبری ل تاقیگەھا کۆمەلگەھا دەروازێ نێڤ دەولەتی ئیبراھیم خەلیل نێگەتیڤ بوویە و ھەلگرێ ڤایروسێ کۆرۆنایێ نەبویە.
رۆژا 31/8/2020 نوچه‌یه‌كه ل ئه‌ڤرۆ نیوز دا به‌لاڤ بوو كو تێدا هاتبو دیاركرن ب ئه‌گه‌رێ ڤایرۆسێ كورونایێ بوو، لێ پشتی دووڤچوون و ئه‌نجامێن تاقیكرنا وی هه‌می ساخله‌م بوینه ژ ڤایرۆس چ ل ده‌ڤ ئه‌وی كه‌سی نه‌بوون له‌ورا داخازا لێبورینێ دكه‌ین.
نيشاندان