ئەڤرۆ نیوز:
مستەفا کازمی سەرۆک وەزیرێن عیراقێ د چارچۆڤێ سەرەدانا خوە یا بۆ هەرێما کوردستانێ ل گەل سەرۆک بارزانی، سەرۆکێ حوکمەتا هەرێما کوردستانێ کۆمبوو و پشتی کۆمبوونێ ژی راگەهاند کو هەرێما کوردستانێ پشکەک سەرەکی و گرنگە ژ عیراقێ.
ل گۆر زانیاریان سەرۆک وەزیرێن عیراقێ دێ سەرەدانا سلێمانیێ، دهۆکێ و هەلەبجە ژی کەت.
ئەڤرۆ نیوز، عەلی حاجی :
ل ئێڤاریا ئەڤرۆ چارشەمبی ب ئامادەبونا چەندین بەرپرسێن حکومی و حزبی و هونەرمەندێن زاخۆ د رێورەسمەکێ تایبەت دا دەستەیەکا نوو، پێکهاتیە ژ سێ کەسان بۆ نڤێسینگەها زاخۆ یا سەندیکا هونەرمەندێن کوردستانێ هاتە دانان.
ئەڤین حسێن بەرپرسا لقا دهۆک یا سەندیکا هونەرمەندێن کوردستانێ لقێ دهۆکێ گۆت : پێدڤیە بۆ دەمێ هەر چار سالان هەلبژارتن بۆ دەستەیێن نوویێن سەندیکایێ بهێنە ئەنجام دان بەلێ وەکو لقا دهۆک مە بریار دایە گوهۆرین د دەستەیێن نڤێسینگەهان دا ل ئامێدی و زاخۆ و ئاکرێ و پشکەکا باژێرێن دیتر ل پارێزگەها دهوکێ دا بهێنە کرن کو ئەو دەستەیە ئەڤرۆ هاتیە دەست نیشان کرن پێکهاتیە ژ هونەرمەندان ( عادل حاجی و رەعەد سەعید و دلێر کامیران )، هیڤیا سەرکەڤتنێ بۆ دەستەیا نوو دخوازین و هیڤی خوازین ئەڤ دەستەیە بشێت ب رژدی کار بکەت، ژ پێخەمەت خزمەتکرنا هونەرمەندێن باژێرێ زاخۆ دا و رێز و سوپاسیێن خوە ژی ئاراستەی دەستەیا ژبەری نوکە دکەین کو وان ژی ژلایێ خوە ڤە شیا بوون کارێن باش بکەن.
ئەڤرۆ نیوز:
مستەفا کازمی سەرۆک وەزیرێن عیراقێ دێ سپێدێ سەرەدانا هەولێرێ کەت و ل گەل بەرپرسێن هەرێما کوردستانێ کۆم بیت.
ل گۆر زانیاریان ئارمانجا سەرەکی یا کازمی ژ بۆ ب هێزکرنا پەیوەندیێن هەولێرێ و بەغدایە و دێ د کۆمبوونا کازمی ل گەل بەرپرسێن هەرێما کوردستانێ دا بەحسێ گەلەک تەوەرێن گرنگ هێتە کرن، ب تایبەتی ژی ئاریشێن د ناڤبەرا هەولێرێ و بەغدا دا و چاوانیا چارەسەرکرنا وان ئاریشان ل گۆر دستوورێ عیراقێ.
ئەڤرۆ نیوز:
سەرۆک کۆمارێ ئیرانێ حەسەن رۆحانی راگەهاند کو وان و تورکیا بریار داینە پەیوەندیێن خوە یێن بازرگانی ب هێزتر لێ بکەن و ژ بۆ هندێ ژی دخوازن د دەمەکێ نێزیک دا ئاستێ بازرگانیا هەر دو وەلاتان بگەهیتە بەری سەردەمێ کۆرۆنایێ.
ل ئالیێ دی دوهی هەر دو وەلاتێن تورکیا و ئیرانێ راگەهاندن کو دێ پێکڤە دەست ب ئۆپەراسیۆنەکا هەڤپشک ل دژی پەکەکێ و پارتا ژیانا ئازاد یا کوردستانێ کەن کو ئەو ژی پارتەکا سەر ب پەکەکێ یە و ل سەر سنورێن رۆژهەلاتێ کوردستانێ چالاکیان دکەت.
ئەڤرۆ نیوز:
فەرست سوفی پارێزگارێ هەولێرێ پێشوازی ل بالیوزێ ئەرمەنستانێ ل بەغدا کر و د روونشتنەکێ دا هیراچیا پۆلادیان بالیوزێ ئەرمەنستانێ ل بەغدا راگەهاند کو وان دڤێت پەیوەندیێن خوە ل گەل هەرێما کوردستانێ باشتر لێ بکەن و ژ بەر هندێ ژی نها کار دکەن دا د دەمەکێ نێزیک دا کونسولخانا خوە ل هەولێرێ ڤەکەن.
پارێزگارێ هەولێرێ ژی کەیفخوەشیا خوە ل هەمبەر ڤەکرنا کونسولخانا ئەرمەنستانێ ل هەولێرێ دیار کر و راگەهاند ئەو بەرهەڤن ب هەموو رەنگەکێ هاریکار بن.
ئەڤرۆ نیوز:
وەزارەتا ساخلەمیا هەرێما کوردستانێ ئامارا ٢٤ دەمژمێرێن بۆری بەلاڤکر کو تێدا هاتیە دیار کرن ٥٤٥ کەسێن دی ل هەرێما کوردستانێ تووشی ڤایرۆسێ کۆرۆنایێ بووینە و ١٩ تووشبوو ژی مرینە.
ل پارێزگەها دهۆکێ ژی ٢١١ کەسێن دی تووشی کۆرۆنایێ بووینە و ٧ تووشبوو ژی مرینە کو ل چاڤ رۆژێن بۆری رێژا مرنێ ل دهۆکێ زێدە بوویە.
ئه‌ڤرۆ نیوز:
پشتی گازندێن سه‌رۆكا په‌رله‌مانێ كوردستانێ، ده‌مێ كۆمبوونا په‌رله‌مانێ كوردستانێ هاته گوهارتن، و سكرتێرا په‌رله‌مانی ژی به‌حسا چاره‌كرنا ئه‌وێ ئاریشه‌یێ دكه‌ت.
مونا قاوه‌چی سكرتێرا په‌رله‌مانێ كوردستانێ راگه‌هاند بریاره هه‌فتیا بهێت ده‌سته‌یا سه‌رۆكاتیا په‌رله‌مانێ كوردستانێ میكانزمه‌كێ بۆ چاره‌كرنا ئاریشه‌یا به‌رهه‌ڤنه‌بوونا په‌رله‌مانتاران ل هولا كۆمبوونا دابنیت.
بریاره ئه‌ڤرۆ ده‌مژمێر 2 پشتی نیڤرۆ په‌رله‌مانێ كوردستانێ رینشتنا ژماره 4 یا ئاسایی یا خۆلا پائیزی یا سالا دوێ ژ خۆلا پێنجێ یا هه‌لبژارتنان برێڤه بچیت.
بۆ جارا ئێكێ یه كۆمبوونا په‌رله‌مانێ كوردستانێ دكه‌ڤته پشتی ده‌مژمێر 2 نیڤرۆ ئه‌ڤه ژی پشتی گازندا رێواز فایه‌ق سه‌رۆكا په‌رله‌مانێ كوردستانێ هات كۆ راگه‌هاند بوو، پشكه‌كا په‌رله‌مانتاران پێگیری ده‌مێ كۆمبوونێ نابن.
به‌رنامه‌یێ كارێ كۆمبوونا په‌رله‌مانێ كوردستانێ بۆ ئه‌ڤرۆ خاندنا دوێ بۆ پرۆژه‌یی یاسایا بستوڤه‌كرنا قه‌رمانبه‌رێن هه‌رێما كوردستانێ یه.
نيشاندان