ئەڤرۆ نیوز:
ژوورا ئۆپەراسیۆنان ل ئیدارا گەرمیان کۆمبوو و ١٣ بریارێن تایبەت سەبارەت ب خوەپاراستنێ و رۆژێن جەژنێ هاتنە دان.
د راگەهاندنەکێ دا کو ژ ئالیێ ژوورا ئۆپەراسیۆنان یا ئیدارا گەرمیان هاتیە بەلاڤکرن تێدا هاتیە دیار کرن کو سپێدێ رۆژا ئێکشەمبیێ دێ دەرگەهێن مزگەفتان هێنە ڤەکرن و رۆژا جەژنێ ئانکۆ رۆژا ٣١/٧/٢٠٢٠ ژ بۆ رێگریکرن ژ بەلاڤبوونا ڤایرۆسێ کۆرۆنا دێ قەدەغا هاتنوچوونێ بیت و دڤێت هەموو وەلاتی ژی پێگیریێ پێ بکەن.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی ب هەلکەفتا ١١مین سالیادا دامەزراندنا بزاڤا گۆڕان د پەیامەکێ دا پیرۆزباهیێ ل رێکخەرێ گشتی، ئەندام و ئالیگرێن بزاڤا گۆڕان دکەت.
سەرۆکێ حوکمەتا هەرێما کوردستانێ هەروەسا دیار دکەت کو بزاڤا گۆڕان وەکو ئێک ژ وان هێزێن کو پشکداری د حوکمەتێ دا کریە، د هەمان دەمی دا رۆلەکێ خوە یێ بەرچاڤ ل بزاڤا سیاسی ل کوردستانێ دا هەیە.
سەرۆکێ حوکمەتێ هەروەسا دیار دکەت کو ئەو هێڤیدارە ب پشتەڤانیا هەموو ئالیێن پشکدار و هێزێن سیاسی ل کوردستانێ حوکمەت بشێت بەرنامێ خوە یێ چاکسازیێ ب رەنگەکێ سەرکەفتی برێڤە ببەت و نها دهێتە خواستن کو ئەم هەموو پێکڤە بەرەڤانیێ ل هەرێما کوردستانێ و هەموو مافێن دستووری یێن خەلکێ کوردستانێ بکەین.
ئه‌ڤرۆ نیوز:
عه‌مار حه‌كیم سه‌رۆكێ ره‌وتا حیكمه راگه‌هاند ئه‌و گرێبه‌ستا جڤاكی یا ل سالا 2003 یا عیراق ل سه‌ر هاتیه دروستكرن شیانێن رێڤه‌برنا ده‌وله‌تێ نه‌مایه و پێدڤی ب پێداچوونه‌كا دی ب شیوازه‌كێ نوو بهێته‌كرن،حیكمه‌ت كه‌فت بو به‌ردابه‌شبوونێ و ژناڤبرنێ، به‌لێ شیا خو رابگریت و پرۆژه‌یێ خو رونكریه بێ ئه‌وێ ب چیته دناڤ هه‌ڤركیێن دژوار دا.
سه‌رۆكێ ره‌وتا حیكمه ل سه‌ر پاشه‌رۆژا عیراقێ راگه‌هاند گرێبه‌ستا جڤاكی یا سالا 2003 چ دی نه‌شێت د رێڤه‌برنا ده‌وله‌تێ دا بهێته بكارئینان، پێدڤی ب هزركرنه‌كا نوو هه‌یه ل گه‌ل گوهورینێن سروشتی و قوناغان دا خوه بگۆنجینین.
سالا 2003 ب ته‌ڤای و هه‌ڤده‌نگیێ و رێكه‌تنا هه‌موو پێكهاته‌یێن عیراقێ دستوری عیراقی هاته نڤیسین و دوی چارچوڤه‌ی دا ده‌وله‌تا عیراقێ ل سه‌ر بنه‌مایێ رێكه‌تنا هه‌ڤبه‌شكرنا هه‌موو نه‌ته‌وه‌یێن عیراقێ د ناڤا وان دا ژی كورد و عه‌ره‌ب هاتنه دیاركرن.
ئه‌ڤرۆ نیوز:
وه‌زاره‌تا ساخله‌میا عیراقێ راگه‌هاند دوماهیا ئیسال یان ده‌ستپێكا سالا بهێت ڤاكسینا ڤایرۆسێ كورونایێ بێ به‌رامبه‌ر ب سه‌ر وه‌لاتیان دا پارڤه‌كه‌ن.
حازم حومه‌یلی برێكارێ وه‌زاره‌تا ساخله‌میێ و ژینگه‌ها عیراقێ راگه‌هاند وه‌زاره‌ت ل گه‌ل ئه‌وان هه‌موو كۆمپانی و لایه‌نان د دانوستاندنادایه كۆ كار ل سه‌ر به‌رهه‌م ئینانا ڤاكسینێ ڤایرۆسێ كورونایێ دكه‌ن، هه‌ر دوی چارچوڤه‌ی دا ب رێكا ڤیدیو كۆنفرانس ل گه‌ل كۆمپانیا فایزه‌را ئه‌مریك ئاخڤتینه و ده‌ربارێ دابینكرنا ئه‌وێ ڤاكسینێ، رێكه‌تن كرینه ل سه‌ر دوماهی ئاگه‌هدار بووون ژ تاقیكرنێن كۆمپانیێ، هه‌روه‌سا ل گه‌ل چه‌ندین ژێده‌رێن دی ئاخڤتینه ده‌ربارێ جورێ ڤاكسین و بهایێ وی ل ده‌مێ راده‌ستكرنێ بۆ عیراقێ.
ئه‌و چه‌نده ژی راگه‌هاند ل دۆماهیا ئیسال یان ده‌ستپێكا سالانوو بێ هه‌مبه‌ر دێ ب سه‌ر وه‌لاتیێن عیراقی دا هێته پارڤه‌ركرن.
كۆمپانیا فایزه‌را ئه‌مریكی ب هه‌ڤكاریا كۆمپانیا بایونتیكا ئه‌لانی ڤاكسینه‌ك دروستكریه، كۆ ل دو قوناغان دا سه‌ركه‌فتی یه و شیاینه به‌ره‌ڤانیا له‌شێ مرۆڤی دژی ڤایرۆسێ كورونایێ زێده بكه‌ن، بێ كۆ كارتێكرنێن نه‌رینی ل سه‌ر لایه‌نێن ساخله‌میا وی هه‌بن.
ئه‌ڤرۆ نیوز:
هێزێن هه‌ڤپه‌یمانێن نێڤ ده‌وله‌تی دژی رێكخراوا داعشێ بنگه‌هه‌كێ سه‌ربازی یێ خوه راده‌ستی هێزێ عیراقێ كر.
ئه‌ڤرۆ هه‌ڤپه‌یمانان بنگه‌هه‌كێ سه‌ربازی یێ بسمایه ل رۆژهه‌لاتێ به‌غدا یا پایته‌ختێ عیراقێ راده‌ستی هێزێن عیراقی كر .
هێزێن ئیسپانیا و ئه‌مریكا د چارچوڤه‌یێ هه‌ڤپه‌یمانیا نێڤ ده‌وله‌تی ل دژی داعشێ، ل بنگه‌هێ سه‌ربازی یێ بسمایه هاتبوونه جێگیركرن.
رۆژا هه‌ینێ بنگه‌هێ سه‌ربازی یێ بسمایه ب چارتیوشان هاته بوردومانكرن.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا سێ کەس بریندار بوون.
ناڤهاتی زێدەتر ئاشکرا کر: ئەڤرۆ ئەینیێ، 2020/7/24 ل دەمژمێر (10:00) شەڤ ل ناڤا تۆنێلا گەلیێ زاخۆ دو ترۆمبێلان لێکدا کو ترۆمبێلەکا تایبەت جێب هۆندا تکسۆن ل گەل ترۆمبێلەکا تایبەت دوج ب رەنگێ رەش بوویە، د ئەنجامدا سێ کەس بریندار بوون و زیانێن مادی یێن مەزن ب ترۆمبێلان کەفتن و دیسان ترۆمبێلا هۆندا تکسون وەرگەریا یە.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا ئاگر بەربوو ترۆمبێلەکێ.
ناڤهاتی زێدەتر ئاشکرا کر: ل دەمژمێر 9 ئەڤ شەڤە، ئاگر بەربوو ترۆمبێلەکا دۆج ب رەنگێ سور ل سەر رێیا قەدشێ، لێ خەلکێ قەدشێ شیان ب زووترین دەم کونترولێ ل سەر وی ئاگری بکەن و ئاگر ڤەمراند، زیانێن گیانی د وێ روودانێ دا نەبوون، ب تنێ هندەک زیان گەهشتنه وێ ترۆمبێلێ.
ئەڤرۆ نیوز:
وەزارەتا دەرڤە یا عیراقێ راگەهاند: حوکمەتا عیراقێ داخوازا راکرنا ڤیزێ د ناڤبەرا هەردو وەلاتێن عیراقێ و سعودیێ دا کریە.
ئەڤرۆ ئەینیێ، وەزارەتا دەردڤە یا عیراقێ راگەهاندنەک بەلاڤکر و تێدا هاتیە: د کۆمبوونا سییێ یا هەماهەنگیا عیراق ــ سعودیێ دا ل باژێرێ ریاز، بەرپرسێن عیراقێ داخواز ژ نوونەرێ سعودیێ کریە، کو ڤیزا د ناڤبەرا هەردو وەلاتان دا بهیتە راکرن.
دیار ژی کریە، د هەمبەر دا نوونەرێ سعودیێ ئاشکرا کریە: کو ئەو دخوازن د هەموو بیاڤان دا پەیوەندیان بهێز بکەن، ئەو دێ ب رژدی تەماشەی وێ داخوازا عیراقێ کەن و دێ هەلسەنگاندنێ بۆ کەن.
نيشاندان