ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا سێ کەس بوونە قۆربانی.
ناڤهاتی زێدەتر ئاشکرا کر: ئەڤرۆ سێشەمبی ٤/٨/٢٠٢٠ ل دەمژمێر (٤:٤٥) ئێڤاری ل سەر جادا سەرەکی یا دناڤبەرا قەزا بەردەرەش بۆ ناحیا کەلەک و ل نێزیک چاریانا گوندێ درین روودانەک ژ جۆری لێکدان روودایە و د ئەنجامدا کەسەکێ وەغەر کر و دو کەسێن دیتر ژی بریندار بووینە.
ئەڤرۆ نیوز:
ڤه‌كوله‌رێن زانكۆیا له‌نده‌ن و خواندنگه‌ها له‌نده‌ن بۆ پاراستنا ساخله‌می و نۆشداریا ده‌ڤه‌رێن گه‌رم هۆشدارى دایە ژ ده‌ستپێكرنا پێلا دویێ یا ڤایرۆسێ كۆرۆنایێ كو دو جاران ژ پێلا ئێكێ بهێزتره و راگه‌هاندیە: پێدڤیه ستراتیژه‌ك بۆ كه‌ره‌نتینه‌‌كا موكوم بهێته دانان ل گه‌ل ده‌ستپێكرنا سالا خواندنێ و ڤه‌گه‌ریانا خویندكاران بۆ خواندنگه‌هان.
هەروەسا دیار كریە: ڤه‌كرنا ده‌رگه‌هێن خواندنگه‌هان ل ئیلۆنا بهێت و ڤه‌گه‌ریان بۆ سه‌ر كارى و زێده‌بوونا تێكه‌لیا جڤاكى ره‌نگه ببنه ئه‌گه‌رێ ده‌ستپێكرنا پێله‌كا دى یا ڤایرۆسێ كۆرۆنایێ كو بهێزترە ژ ڤایرۆسێ نوكه.
ئەحمەد مەلا تەلال، پەیڤدارێ حوکمەتا عیراقێ ئاشكرا كر: كازمی داخواز كریە جڤاتا وەزیران كۆمبوونەكا تایبەت ئەنجام بدەت بۆ دیتنا چارەسەریەكا گونجای بۆ پرۆسا خواندنێ یا ئەڤ سالە، دیسان بریار دا عەلی هاشمی رێڤەبەرێ گشتی یێ هێلا ئەسمانیا عیراقێ ژ ئەگەرێ خەمساریێ ل سەر كارێ وی بهێتە لادان و لێپرسین ل گەل دا بهێتە كرن.
دیسان دوێ كۆمبوونێدا سەرۆك وەزیرێن عیراقێ داخواز كریە کو هەموو وەزیر ب زووترین دەم سامانێ خوە بۆ دەستەیا دەستپاكیێ ئاشكرا بكەن.
ئەڤرۆ نیوز:
په‌یڤدارێ حوکمه‌تا عیراقێ راگه‌هاند: ل ڤان نێزیكان شاندێ هه‌رێما کوردستانێ دێ سه‌ره‌دانا به‌غدا كه‌ت و ژ بلى گوتۆبێژان چ رێكێن دى دناڤبه‌را هه‌ردو ئالیان دا نینه.
ئه‌حمه‌د مه‌لا ته‌لال په‌یڤدارێ حوکمه‌تا عیراقێ د كۆنگره‌كێ رۆژنامه‌ڤانى دا دیار کر: دانوستاندن دناڤبه‌را هه‌ولێر و بەغدا د به‌رده‌وامن و ل ڤان نێزیكان ژى شاندێ هه‌رێمێ دێ سه‌ره‌دانا به‌غدا كه‌ت.
هەروەسا گوتیە ژی: دانوستاندن ئێکانە رێکە دناڤبه‌را هه‌رێم و به‌غدا دا بۆ چاره‌سه‌ركرنا ئاریشان لدووڤ دستۆرێ عیراقێ، دیسان نوکە دانوستاندن د به‌رده‌وامن و هەولێر و بەغدا دخوازن بگه‌هنه ئه‌نجامێن باش و ب ڤی رەنگی دێ ئاریشه به‌ره‌ف چاره‌سه‌ریێ ڤەچن .
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: 357 تووشبوویێن نوو یێن کۆرۆنایێ هاتینە تۆمار کرن و سەرجەمێ گشتی یێ تووشبوویان گەهشتە 15 هزار و 173 کەسان.
هەروەسا گۆتیە، د 24 دەمژمێرێن بوری دا دو هزار و 762 پشکنین بۆ دەستنیشانکرنا تووشبوویێن ڤایرۆسێ کۆرۆنایێ هاتینە کرن و هژمارا تووشبوویان ب ڤی رەنگی بوو، هەولێر: 218 کەس، سلێمانی: 16 کەس، دهۆک: 83 کەس، گەرمیان: 28 کەس، راپەرین: 12 کەس.
دیسان گۆتیە: 138 تووشبوویێن دی دی ژ وێ نەخۆشیێ باشبووینە و 12 تووشبوویان ژی وەغەر کریە.
هەتانوکە ل هەرێما کوردستانێ 15 هزار و 173 تووشبوویێن کۆرۆنایێ هاتینە تۆمار کرن، ژ وێ هژمارێ نەهـ هزار و 551 کەس باشبووینە و 586 تووشبوویان ژی وەغەر کریە.
ئەڤرۆ نیوز:
سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ دیاركر كو پێنج تووشبوویێن كۆرۆنایێ د ره‌وشه‌كا مه‌ترسیدار دانه و هه‌شت تووشبوویێن دى ژى ره‌وشه‌كا نه‌باش دانه نوكه 13 تووشبوویێن كۆرۆنا ره‌وشه‌كا نه‌باش دانه.
د. موئه‌یه‌د ئه‌غالى سه‌رپه‌رشتێ چاره‌سه‌ركرنا نه‌خۆشێن كۆرۆنایێ ل پارێزگه‌ها دهۆكێ دیاركر كو ره‌وشا 13 تووشبوویێن كۆرۆرنایێ تێكچوویه وباش نینه ژ وانا ژى ره‌وشا پینج تووشبوویێن كۆرۆنایێ گه‌له‌ك یا مه‌ترسیداره و هه‌شت تووشبوویێن دى ژى ره‌وشه‌كا نه‌باش دانه ژیێ هه‌ر 13 تووشبوویێن كۆرۆنایێ دناڤبه‌را 31 سالى دا هه‌تا 70 سالى دانه پتریا وان ژی هه‌لگریێن نه‌خۆشیێن ده‌مدرێژن ب تایبه‌تێ ژى نه‌خۆشیا شه‌كرێ ل ده‌ڤ گه‌له‌ك تووشبوویێن كۆرۆنایێ هه‌یه و هنده‌ك تووشبوویێ ژى سه‌نگا وان گه‌له‌ك یا زێده‌یه ئه‌ڤه بوویه ئه‌گه‌ر ره‌وشا تووشبوویان تێك بچیت.
ئه‌ڤرۆ نیوز:
رێڤه‌به‌راتیا ساخله‌میا دهۆكێ راگه‌هاند ئه‌ڤرۆ توشبوویه‌كا دی یا كورونایێ كۆ دژیێ 63 سالیێ دا ئاكنجیا قه‌زا زاخۆیه گیانێ خوه ژ ده‌ست دا، بڤێ ته‌ڤایا گیان ژ ده‌ست دانێ ل دهۆكێ گه‌هشته پێنج كه‌سان.
لگۆری راگه‌هاندنا ساخله‌میا دهۆكێ، توشبوویه‌كا ڤایرۆسێ كورونایێ كۆ دژیێ 63 سالیێ دا بوو ئاكنجیا قه‌زا زاخۆیه ده‌مێ هه‌فتیه‌كێ ره‌وشا وێ تێك چو بوو ل بن ئامیرێ هه‌ناسه‌دانا ده‌ستكرد ڤه بوو، ل نه‌خوشسخانه‌یا تایبه‌ت ب كورونایی ل پارێزگه‌ها دهۆكێ گیانێ خوه ژ ده‌ست دا.
لگۆری دوماهی ئامارا وه‌زاره‌تا ساخله‌میا حوكمه‌تا هه‌ریما كوردستانێ، ل پاریزگه‌ها دهۆك 475 توشبوویێن كورونایێ هاتینه توماركرن، 376 توشبوو ساخ بووینه و پێن كه‌سان ژی گیانێ خوه ژ ده‌ست دایه.
ئه‌ڤرۆ نیوز:
وه‌زاره‌تا كاره‌با عیراقێ راگه‌هاند ل چه‌ند رۆژێن بهێت 200 مێگاواتێن كاره‌بێ ژ توركیا و 450 مێگاوات ژ رێكا خورمه‌له كه‌ركووك دێ گه‌هنه به‌غدایا پایته‌خت و پارێزگه‌هێن دی یێن عیراقێ.
ئه‌حمه‌د موسا عه‌بادی په‌یڤدارێ وه‌زاره‌تا كاره‌با عیراقێ راگه‌هاند ب رێا كۆمپانیا كارله‌وه 450 مێگاوات كاره‌ب ژ رێیا هێلا خورمه‌له كه‌ركوك بۆ به‌غدا و پارێزگه‌هێن ناڤه‌راستا عیراقێ هێته هنارتن، 200 مێگاواتێن دی ژی ژ توركیا ب هێلا سلوپی فایدا بۆ سكرێ موسلێ بۆ ده‌ڤه‌رین عیراقێ ئیته ڤه‌گۆهاستن بۆ ئه‌ڤێ مه‌به‌ستێ ژی د هه‌ماهه‌نگیه‌كا به‌رده‌وام دانه ل گه‌ل توركیا.
په‌یڤدارێ وه‌زاره‌تا كاره‌با عیراقێ ئه‌و چه‌نده ژی راگه‌هاند چه‌ند خاله‌ك بونه ئه‌گه‌ر بۆ كێمبوونا ده‌مژمێرێن دانا كاره‌بێ، ب پله‌یا ئێكێ بلند بوونا پله‌یێن گه‌رماتیێ، كارتێكرن ل سه‌ر به‌رهه‌م ئینانێ دروستكریه، ب ئاوایه‌كی ژ 18 هزار و 600 میگاواتان بوویه 16 هزار و 250 مێگاواتێن به‌رهه‌م ئینانا كاره‌بێ.
نيشاندان