ئه‌ڤرۆ نیوز:
په‌یڤدارێ وه‌زاره‌تا بازرگانی و پیشه‌سازیا حوكمهتا هه‌رێما كوردستانێ راگه‌هاند گه‌له‌ك ژ كارگه‌هێن ناڤخۆیی رێژه‌یا به‌رهه‌مێن خوه بلندكریه بۆ ئاسته‌كی پێدڤیا ناڤخۆ دابین بكه‌ت و به‌رنامه‌یێن دامه‌زراندنا چه‌ندین كارگه‌هێن دی ژی دناڤخو دا هه‌یه.
سه‌ردار قوربانی په‌یڤدارێ وه‌زاره‌تا بازرگانی و پیشه‌سازیێ یا حوكمهتا هه‌رێما كوردستانێ راگه‌هاند لگۆری ئه‌وان ئامارێن به‌رده‌ستێ مه، ژماره‌یه‌كا زۆرا كارگه‌هان به‌رهه‌مێن خو زێده‌كرینه و پشكه‌كا زۆرا پێدڤیێن ناڤخۆ ب به‌رهه‌مێن خوه تژیكرینه، بریاره‌كا حوكمهتا هه‌رێما كوردستانێ بۆ كارگه‌هان هه‌یه كۆ ئه‌و ژی هه‌ر كارگه‌هه‌كا به‌رهه‌مێن وێ گه‌هشته 35% یا پێدڤیێن ناڤخۆ دێ خویك ل سه‌ر ئه‌وان به‌رهه‌مان دانیت یێن ژ ده‌رڤه دهێن، بۆ پاراستنا بها و مفایێ ده‌ستێ كارێ ناڤخۆیی.
په‌یڤدارێ وه‌زاره‌تا بازرگانی و پیشه‌سازیا حوكمهتا هه‌رێما كوردستانێ ئه‌و چه‌نده ژی راگه‌هاند نوكه ژماره‌یكا زۆرا كارگه‌هان ل قوناغا دروستكرنێ دانه هنده‌ك ژی داخازا گه‌هاندنا خزمه‌تگۆزاری و رێك و بان و ئاڤێ و كاره‌بی دكه‌ن، د به‌رنامه‌ی دایه هنده‌ك ژ كارگه‌هێن حكومی یێن هاتینه راوه‌ستاندن، دوباره بێخنه‌كاری بده‌نه كه‌رتێ تایبه‌ت.
نيشاندان