ئه‌ڤرۆ نیوز:
قائیمقامێ سوران راگه‌هاند ل توخیبێ سوران شه‌ش كه‌سێن دی تووشی ڤایرۆسێ كورونایێ بوون.
كرمانج عزه‌ت قائیمقامێ قه‌زا سوران راگه‌هاند ئه‌ڤرۆ شه‌ش توشبوویێن دی ب ڤایرۆسێ كورونایێ ل سوران و دیانا هاتنه تورماكرن، كۆ ل تاخێن گه‌لاله و نه‌هری و بارزان و هندرین بوون.
لگۆری دوماهی ئامار یا وه‌زاره‌تا ساخله‌میا حوكمه‌تا هه‌رێما كوردستانێ تانوكه هه‌شت هزار و 937 كه‌س تووشی ڤایرۆسێ كورونایێ بووینه، 305 كه‌سان ژی گیانێ خوه ژ ده‌ست دایه و سی هزار و 211 كه‌س ژی باش بووینه.
ئه‌ڤرۆ نیوز:
سهرۆكێ حوكمه‌تا هه‌رێما كوردستانێ ب مه‌به‌ستا دانانا به‌رێ بنكارێ پرۆژه‌یێ ستراتیژی دێ سه‌ره‌دانا باژێرێ سلێمانیێ دكه‌ت.
ئه‌ڤرۆ ده‌مژمێر 2.30 رۆژا 11/7/2020، مه‌سرور بارزانی سهرۆكێ حوكمه‌تا هه‌رێما كوردستانێ و قوباد تاله‌بانی جێگرێ سهرۆكێ حوكمه‌تێ ل باژێرێ سلێمانیێ به‌رێ بنیاتی بۆ جاده‌یا 100 مه‌تری دانیت.
پرۆژه‌یێ جاده‌یا 100 مه‌تری یا سلیمانیێ ب سێ قوناغان دهێته بجهكرن، قوناغا ئێكێ كۆ 33 كیلۆمه‌تران ژ تاسلوجه ده‌ستپێ دكه‌ت بۆ گوندێ ده‌مركان ل توخیبێ عه‌ربه‌ت، قوناغا دوێ ژ ده‌مركان ده‌ست پێ دكه‌ت بۆ تونێلا پێشره‌و ل سیته‌ك، قوناغا سیێ ژ تونێلا پێشره‌و بۆ تاسلوجه.
ئەڤرۆ نیوز، زنار تۆڤی:
ژ ئەنجامێ بۆردۆمانکرنا فرۆکە و تۆپخانێن سۆپایێ تورکی، گوندێ ئەڤلهێ یێ سەر ب قەزا باتیفا، یێ سەر ب قەزا زاخۆ ڤە، هاتە چۆلکرن، تۆپان زیان گەهاندیه خەلکێ گوندی.
دلشێر عەبدۆلستار رێڤەبەرێ ناحیا باتیفا، بۆ ئەڤرۆ نیوز دیار کر: ل شەڤا بوری تۆپخانێن سۆپایێ تورکی، گوندێ ئەڤلهێ ل ناحیا باتیفا ب دژواری بوردۆمان کریه، هندەک گۆلێن تۆپان ب خانیەکێ کەفتینە و ئەو خانی خراب کریە، هەروەسا زیانێن دیتر ژی گەهاندینە، خەلکێ گوندی.
ناڤهاتی گۆت ژی: پێنج مال ل گوندی بوون، پەز خودان دکر و کارێ چاندنێ دکر، ل وەرزێ هاڤینێ ژی، گەلەک ژ خەلکێ گوندی قەستا گوندی دکر و کارێ چاندێ دکر، لێ ژ ئەگەرێ بوردۆمانکرنا سۆپایێ تورکی ل شەڤا بوری خەلکێ گوندی ب تەمامی گوندێ خوە چولکریە و گوند هاتیە بەردان.
ئه‌ڤرۆ نیوز:
هێزه‌كا وه‌زاره‌تا ناڤخۆ یا عیراقێ ده‌ست ب سه‌ر دو ده‌رگه‌هێن توخیبی ل باكور و رۆژهه‌لاتێ به‌غدا دا گرتن.
لگۆری به‌یاننامه‌یه‌كا فه‌رمانده‌یێ ئوپراسیونێن هه‌ڤبه‌شێن عیراقێ و هێزێن به‌رسڤدانا بله‌ز كۆ سه‌ر ب وه‌زاره‌تا ناڤخۆ د ئوپراسیونه‌كێ دا ل بن ناڤێ قوناغا چارێ یا قاره‌مانێن عیراقێ ل ده‌ڤه‌رێن توخیبی یێن پارێزگه‌ها دیالا ئه‌نجام دا، ده‌ست ب سه‌ر هه‌ردو ده‌رگه‌هێن توخیبی یێن مه‌نده‌لی نێزیكی مه‌نده‌لی و مونزری ل خانه‌قین ل توخیبێ دیالا.
هه‌ر د به‌یاننامه‌یێ دا هاتیه كۆ هێزه‌كا تایبه‌ت ب ئاوایه‌كێ به‌رده‌وام دێ ل ئه‌وان دو ده‌رگه‌هێن توخیبی هێنه جیگیركرن، كۆ پێشتر ل ده‌ستێ چه‌ند گرۆپه‌كان دابوو.
ئه‌ڤرۆ نیوز:
سهرۆكێ دیوانا جڤاتا وه‌زیرێن هه‌رێما كوردستانێ ئاشكراكر كۆ بۆ گه‌هشتن ب رێكه‌تنێ، حكومه‌تا هه‌رێما كوردستانێ چ بهانه‌یه‌ك بۆ حكومه‌تا عیراقێ نه‌هێلاینه.
د.ئومێد سه‌باح سهرۆكێ دیوانا جڤاتا وه‌زیرێن هه‌رێمێ راگه‌هاند ل 17 نیسا ئیسال وه‌ره عیراقێ بۆدجه و موچه‌یێ كوردستای بێ پشته‌ڤانیه‌كا یاساییی بریه، شه‌ش جاران شاندێ هه‌رێمێ سه‌ره‌دانا به‌غداكریه و داكۆ دانوستاندنێ ل سه‌ر بنه‌مایێ دستوری بكه‌ین، دێ دانوستاندن به‌رده‌وام بن ژی و راسته نه‌چوینه به‌س په‌یوه‌ندی به‌رده‌وامن، لدووڤ رێكه‌كا دستوری دگه‌رین ژبوویی ئاریشه‌یێن هه‌ین پێ بێنه چاره‌كرن.
ئومێد سه‌باح ئه‌و چه‌نده‌ژی راگه‌هاند حكومه‌تا هه‌رێمێ هه‌موو به‌رهه‌ڤی و رێكارو نه‌رمی ده‌ربریه لگۆری دستوری بگه‌هنه رێكه‌تنێ، چ بهانه‌یه‌ك بۆ عیراقێ نه‌هێلایه تا بگه‌هنه رێكه‌تنێ، ئه‌ڤا دی ل سه‌ر عیراقی دمینیت دی چه‌ند هیته پێش.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا چار کەس بریندار بوون.
ناڤهاتی زێدەتر ئاشکرا کر: ئەڤرۆ ئەینیێ 2020/7/10 ل دەمژمێر (7:30) شەڤ ل سەر جادا سەرەکی یا بێزهێ و بێتاسی ل نێزیکی دولا دو ترۆمبێلان لێکدا، ئەو ژی ( ترۆمبێلەکا تایبەت تۆیۆتا راف ل گەل ترۆمبێلەکا کرێ تەکسی تۆیۆتا کۆرۆلا )، د ئەنجامدا ترۆمبێلا تەکسی تۆیۆتا کۆرۆلا وەرگەریایە و چار کەس بریندار بووینه، هەروەسا زیانێن مادی یێن مەزن ب وان ترۆمبێلان کەفتینە.
ئەڤرۆ نیوز:
وەزارەتا ساخلەمیا هەرێما کوردستانێ ئامارێن 24 دەمژمێرێن بوری یێن کۆرۆنایێ بەلاڤکرن، 211 کەسێن دی ل هەرێما کوردستانێ تووشبووینە و 11 کەس ژی مرینە، هەروەسا 139 کەسێن دی چێبووینە.
نوکە هژمارا تووشبوویان ل هەرێما کوردستانێ گەهشتە هەشت هزار و 937 کەسان، هەروەسا سێ هزار و 211 کەس چێبووینە و 305 کەس ژی ب کۆرۆنایێ مرینە.
هەروەسا گۆتیە: هژمارا تووشبوویێن نوو ب ڤی رەنگی یە:
(٧٠ ل هەولێرێ)، (٧١ ل سلێمانیێ، ٤٧ ل گەرمیان)
(١٠ ل دهۆكێ)، (١٣ ل هەلەبجە).
هژمارا چێبوویان ب ڤی رەنگی یە:
(١٢٤ ل هەولێرێ)، (٨ ل گەرمیان)، (دو ل دهۆكێ)
(٥ ل هەلەبجە)، دیسان (١١ تووشبوویی مرینە)
(دو ل هەولێرێ، ٧ ل سلێمانیێ، دو ل گەرمیان).
ئەڤرۆ نیۆز، رێوار محەمەد رەشید:
عادل عەبدولرەحمان، ئەکتەرەکێ کوردە کو نوکە ل پارێزگەها دهۆکێ دژیت ئاشکرا کر کو پشتی وی ل هەیاما بۆری وەکو ئەکتەرەکێ سەرەکی پشکداری د فلەمەکی دا کری شیا بۆ جارا چارێ خەلاتێ باشترین ئەکتەر د فلمە فیستەڤالەکا نێڤدەولەتی دا ب دەست خوەڤە بینیت.
عادل عەبدولرحمان دیار کر کو ئەو ئەکتەرێ سەرەکی بۆ د فلمێ (بارێ گران) دا یێ ژ دەرهێنانا (یەلماز ئوزدێل) و ل رۆژێن بۆری خەلاتێ باشترین ئەکتەر ل دویەمین فلمە فیستیڤالا نێڤدەولەتی یا فلمان “بوخارست_رومانیا” ب دەست خوەڤە ئینا و گۆت: “بەری نوکە ژی وەکو باشترین ئەکتەر د هەمان فلم دا من سێ خەلاتێن نێڤدەولەتی ل فلمە فیستەڤالێن (مەکسیک، بەرشەلونە، ئیتالیا) وەرگرتینە”.
ئه‌ڤرۆ نیوز:
په‌یڤدارێ وه‌زاره‌تا ساخله‌میا هه‌رێما كوردستانێ دیاركر ب هاتنا ده‌روێشان بێ پشكنین مه‌ترسیه‌كا زۆر مه‌زنه و ده‌می دو سێ هه‌فتیێن بهێت دێ كارتێكرنێن هاتنا وان ده‌ركه‌ڤن.
د.محه‌مه‌د خوشناو په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند ل هه‌موو پارێزگه‌هان خرڤه‌بوونێن ئاینی و شینی هاتینه قه‌ده‌غه‌كرن، به‌لێ ئه‌ڤ خرڤه‌بوون و ده‌مێ ڤه‌شارتنێ ده‌ردكه‌ڤیت زۆر مه‌زنه و هندی مه‌زناهیا وێ مه‌ترسیێ دروست دكه‌ت، هه‌كه ئه‌ڤ تازیه بهێته ئه‌نجام دان ب راستی ل دو سێ هه‌فتیان پێشبینیا كاره‌ساته‌كا مه‌زن دهێته‌كرن و دڤێت ل بیرا مه بیت كۆ به‌ركه‌تنا راسته‌خو ل ده‌مێ ئێك بۆ دو هه‌فتیان ده‌رناكه‌فیت به‌لكو پێدڤی ب ده‌می هه‌یه، تایبه‌ت ب تازیان، به‌لكو پێدڤی ب ده‌می هه‌یه تایبه‌ت ئه‌ڤێ تازیێ،داخوازێ ژ وه‌لاتیان دكه‌ین خو دیر بكه‌ن ژ تازی و قه‌ره‌بالفیان و داخازێ ژ لایه‌نێن په‌یوه‌ندیدار دكه‌ین رێكێ نه‌ده‌ن تازی بهێته دان ب هه‌ر شیوه‌یه‌كی بیت.
ناڤبری ئه‌و چه‌نده ژی دازانین مه‌ترسیا به‌ربه‌لاڤبوونا ڤایرۆسێ كورونایێ ب رێا ئه‌ڤان ده‌روێشان دێ هه‌موو ئه‌وان جهان ڤه‌گریت كو تێدا ده‌رباز دبن بێگۆمان هه جهێ زێده‌تر لی ب مینن دێ پتر مه‌ترسیێ لی په‌یدا كه‌ن.
نيشاندان