ئەڤرۆ نیوز:
خۆنیشاندانێن پارێزگەها زیقار ههتا درەنگ شهڤ د بەردەوام بوون و د وان خۆپیشاندانان دا پێنج کەس هاتینە کوشتن.
ل شهڤا بورى ههتا بەرێ سپێدێ خۆنیشاندانێن پارێزگەها زیقار د بەردەام بوون، پشتی ئالیگرێن سەدری هێرشكریه سهر خۆنیشاندەران ل گۆرەپانا حەبوبی یا ناڤەندا ناسریێ، لدووڤدا ئالۆزی د ناڤبەرا وان و خۆنیشاندەران دا چێبوون، پێنج کەس د وان ئالۆزیان دا هاتینە کوشتن و 80 کەسێن دی ژى بریندار بووینە.
ژ بەر وان ئالۆزی و خۆپیشاندانان، مستەفا کازمی، سەرۆکوەزیرێ ئیراقێ، بریار دا حازم وائیلی، رێڤەبەرێ پۆلیسێن پارێزگەها زیقار ژ كار بهێته لادان.
ئەڤرۆ نیوز:
سهرۆكێ ئهمریكا دیار كریه: ههكه ئهمریكیهك د هێرشێن ئیرانێ دا ل ئیراقێ بهێتە کوشتن، ئهو یی ئامادهیه بەرسڤەکا توند بدەته ئیرانێ.
رۆژنامەیا واشنتۆن پۆست راگەهاندیه: كو دۆنالد ترامپێ، سەرۆکێ ئەمریکا شیرەتکارێن خوه هایدار کرینە، ههكه ئەمریکیهك د هێرشێن گرۆپێن سەر ب ئیرانێ ڤە ل ئیراقێ بهێتە کوشتن، ئەو یێ ئامادهیه بەرسڤەکا توند بدەته ئیرانێ.
وێ رۆژنامەیێ دیار کریه ژى، نوكه حکومەتا ئیراقێ کەفتیە د حالەتێ ئامادەباشییێ دا، ژ بەرکو ئیراق د ترسیت دۆنالد ترامپ د حەفتیێن خوه یێن دووماهیێ دا شەرى ل گەل ئیرانێ رابگەهینیت.
د ههمان دهمدا پنتاگۆنێ، کەشتیا فرۆکە هەلگرا “یۆ ئێس ئێس نیمیتز” بەرەڤ کەنداڤی ڤه هنارتیە.
ئەڤرۆ نیوز:
جێگرێ پارێزگارێ مۆسلێ دیار كر: ھەتا ناڤەراستا ههیڤا بهێت ھەموو کەمپێن ئاواران دێ ھێنە داخستن لێ پشکەک ژ خۆجھێن وان کەمپان کەس و کارێن داعشێ نه و مەترسینە بۆ سەر ئێمناھیا باژێرێ مۆسلێ.
رهفعەت سمو، جێگرێ پارێزگارێ مۆسلێ د اخۆیانیەکێ دا راگەھاند، سەرۆکوەزیرێن عیراقێ بڕیار دایه ھەتا ١٥ ههیڤا بهێت ههموو کەمپێن ئاوارێن شەڕێ ل دژی داعش بھێنە داخستن، ئەوان ژی ل سنورێ مۆسل ھژمارەکا کەمپێن ئاواران ھەنە مینا کەمپا حەمام عەلیل و گەیارە و شورا و چەند کەمپ ژی ل ھەرێما کوردستانێ ههنە، ھەموو دێ ھێنە داخستن و د نوكه دا پرۆسا داخستنا کەمپان دەستپێکریە .
ناڤهاتى دیار کر ژى، گرفتا وان یا سەرەکی ژ داخستنا وان کەمپان خێزانێن داعشێ نه، کو پشکەک ژ وان د ناڤ وان کەمپان دا دژین و پێدڤییە ل ژێر چاڤدێریا ھێزێن ئەمنی دابن، چونکى ئهو مەترسینە ل سەر ئێمناھیا باژێرێ مۆسلێ.
ئەڤرۆ نیوز:
گازپڕۆم یا رووسی پلانهكا تایبەت بۆ پێشخستنا کارێن خوه ل ھەرێما كوردستانێ رادگههینیت.
كۆمپانیا گازپڕۆم یا رووسی راگەهاندیه، ههتا نوكه وان گهلهك گرنگی ب پێشڤهبرنا کارێن خوه ل بازارێن ھەرێما كوردستانێ داینه و گۆتیه، رۆژھەلاتا ناڤین د كڤانێ بەرژەوەندی یێن ستراتیژیێن كۆمپانیا وان دایە.
گۆتیه ژى: سەرەرای وان بەربەستێن بۆ وان ژ ئەنجامێ ڤایرۆسێ كۆرۆنایێ دروستبووین، لێ د ئهڤ ساله دا ئهو د بهردوام بوون ژ جێبەجێكرنا پڕۆژێن خوه ل ڤێ دهڤهرێ، نوكه ژى كار ل بیرا چارێ دهێته كرن ل كێڵگەها سەرقەڵا ل گەرمیان و ب ڤێ چهندێ دێ ئاستێ بەرھەمئینانێ بهرهف زێدهبوونێ ڤه چیت، ل ھەرێما كوردستانێ ههر ژ دەستپێكرنا بەرھەمئینانێ ل كێڵگەهێ سەرقەڵا، ههتا نوكه چار ملیۆن تهنێن نەفتێ هاتینه بهرههمئینان.
ئەڤرۆ نیوز:
پشتی عیراقێ گەفا خوه ڤەكێشانێ ژ رێكخراوا ئۆپێك كری، وێ رێكخراوێ بڕیاردا كۆمبوونەكا بلەز گرێدەت.
عەلی عەللاوی وەزیرێ دارایی یێ عیراقێ د هەڤدیتنەكا رۆژنامەڤانی دا راگەهاندیه: هەكە ئۆپێك بێی پووتەپێكرنا رەوشا ئابووری یا عیراقێ سنۆرەكی بۆ هنارتنا نەفتا ئیراقێ دانیت، دبیت ئیراق نەچار بین خۆ ژ وێ رێكخراوێ ڤەكێشیت.
پشتی ڤێ گەفا عیراقێ، وێ رێكخراوێ داخواز ژ وەلاتێن ئەندام كریه، كۆمبوونەكێ گرێدەن و داخواز كریە ئەو كۆمبوون ل رۆژا ئێكشەمبی یا بهێت بهێتە گرێدان.
عیراق ل وێ باوەریێ یە كو ئەو قەیرانا دارایی یا روو ب روو ئیراقێ بووی و داخوازییا رێكخراوا ئۆپێك بۆ كێمكرنا هنارتنا نەفتا عیراقێ، دێ رەوشا ئابوورییا ئیراقێ گرانتر و ئالۆزتر لێ كەت.
ئەڤرۆ نیوز:
وەزیرێ ساخلەمییێ یێ حكومەتا هەرێما كوردستانێ داخواز ژ وەلاتیێن ههرێمێ كرییه، كو پێگیریێ ب ڕێنمایێن ساخلهمییێ و خۆپاراستنێ بكەن، داكو ژ كۆرۆنایێ بهێنه پاراستن و گۆتیه ژى: ل ڤان رۆژان كێمبوونا رێژا تووشبوونێ نابیته دهلیل كو كۆرۆنا ل ههرێمێ ب دووماهی هاتییه، لهوما هێشتا مەترسییا وێ یا بەردەوامە و پێدڤیە خەلك خوه ژ خرڤەبوونێ و جهێن قەرەبالغ دووربكهن.
ئهڤرۆ شهمبیێ ، د. سامان بهرزنجى د كۆنگرەكێ رۆژنامەڤانی دا، دهربارهى دهستپێكرنا پرۆسا خواندنێ ل ههرێمێ گۆت: هەتا ئێكی كانوونا ئێكێ دێ بریارا راگرتنا خواندنێ دناڤا پۆلان دا یا بەردەوام بیت، د كۆمبوونا بهێت دا لژنا بلند یا بەرهنگاربوونا ڤایرۆسێ كۆرۆنایێ
ئەڤرۆ نیوز، زنار :
سەرۆكاتیا پەرلەمانێ كوردستانێ كارنامەیا روونشتنا خوه یا رۆژا دوشەمبیا بهێت بەلاڤكریه، كو بریارە گەنگەشە ل سەر هژمارەكا بابەتان بكەت، ئێك ژ وان بابهتان ژى بەحسێ پرۆسا خواندن و پەروەردێیە ل هەرێما كوردستانێ.
لدووڤ راگەهاندنەكا سەرۆكاتیا پەرلەمانێ كوردستانێ، د وێ روونشتنێ دا دێ خواندنا ئێكێ بۆ پێشنیارا قانوونا پەروەردێ و خواندنێ ل هەرێما كوردستانێ هێتە كرن.
ههروهسا گۆتیه، بریارە د وێ روونشتنێ دا پێشنیارا قانوونا راستڤەكرنا ئێكێ یا زانكۆیێن تایبەت ل هەرێمێ بهێتە كرن.
د وێ روونشتنێ دا دێ گەنگەشە ل سهر كۆچكرنا گەنجان بۆ دەرڤەی وەلاتی هێتە كرن و وەزیرێن پەیوەندیدار ژى دێ ئامادهى وێ روونشتنێ بن.
ئەڤرۆ نیوز ، زنار تۆڤی:
پەیڤدارێ رێڤەبەریا گشتیا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا هاتنوچوونێ دا دو ترۆمبێلان لێکدا و کەسەک ژی بریندار بوو.
موقەدمێ مافپەروەر ئازاد تاها، زێدەتر گۆت: ئەڤرۆ ئەینیێ 2020/11/27 ل دەمژمێر (9:30) سپێدێ ل سەر جادا سەرەکی یا دهۆك بۆ زاخۆ ل چارییانا گرشین دو ترۆمبێلان لێکدا ( ترۆمبێلەکا بارهەلگر تریلە مارسیدس برەنگێ شین، ل گەل ترۆمبێلەکا بارهەلگر تانکەر مارسیدس برەنگێ سپی )، ژ ئەنجامێ وێ روودانێ کەسەک بریندار بوویە و زیانێن مادی یێن مەزن ژی گەهشتینە وان ترومبێلان.
نيشاندان