ئەڤرۆ نیوز:
وه‌زاره‌تا ساخلەمیا هه‌رێما كوردستانێ ئامارا 24 دەمژمێرێن بوری یێن كۆرۆنایێ راگه‌هاندن و دیار کریه: 324 كه‌سێن دی ل هەرێما کوردستانێ تووشی ڤایرۆسێ كۆرۆنا بووینه و هەروەسا 11 كه‌سێن دیتر ژی ژ ئەگەرێ کۆرۆنایێ وەغەر کریە .
هەروەسا گۆتیە: ٣٢٤ تووشبوویێن نوو هاتینە تۆمار کرن، ژ وان ژی (١٣٧ ل هەولێرێ)، (١٣٥ ل سلێمانیێ، ٣٧ ل گەرمیان)، (١٥ حالەت ژی ل دهۆكێ)، دیسان ٩٧ کەسێن دی چێبووینە، (٨٤ ل هەولێرێ) و (٩ ل دهۆكێ و چار ل هەلەبجە)، 11 کەسین دی وەغەر کریە، (٦ ل هەولێر) و (٥ ل سلێمانیێ).
ئەڤرۆ نیوز:
جێگرێ رێڤەبەرێ گشتی یێ ساخلەمیا سلێمانیێ دیار کر: پێنج تووشبوویێن دی یێن کۆرۆنایێ ل نەخۆشخانێن تایبەت ب تووشبوویێن کۆرۆنایێ ڤە ل سلێمانیێ وەغەر کرینە، کو ژنەک و چار زەلامن.
عەبدوللا ئەحمەد، جێگرێ رێڤەبەرێ گشتی یێ ساخلەمیا سلێمانیێ گۆتیە ژی: ئەوێن وەغەر کرین، ژی یێن وان دناڤبەرا 60 بۆ 80 سالیێ دانە و سێ کەس خەلکێ ناڤا شارێ سلێمانیێ نە و دو کەسێن دیتر ئێک خەلکێ بیارەیە و یێ دیتر ژی خەلکێ پیرەمەگروونە.
ئەڤرۆ نیوز:
بەرپرسەکێ وەزارەتا دارایی یا حوکمەتا هەرێما کوردستان راگەهاند کو بریارە ل حەفتیا بهێت مووچێ هەموو فەرمانبەرێن هەرێما کوردستانێ بهێنە دابەشکرن و ژ بەر هندێ ژی وان دەست ب بەرهەڤیێن خوە کرینە.
مەولود سابیر رێڤەبەرێ گشتی یێ بەنکێن بازرگانی سەر ب وەزارەتا دارایی و ئابووری یا حوکمەتا هەرێما کوردستانێ راگەهاند کو وان بەرهەڤیێن خوە تەمام کرینە دا کو د دەمێ دابەشکرنا مووچەی دا رێنمایێن ساخلەمیێ بهێنە بجهئینان و گۆت: (دڤێت قەرەبالغ ل بەنکان دروست نەبیت کەسەک دێ هێت و مووچێ هەموو فەرمانگەه یان ژی دەزگەهەکێ بەت و پاشی ب بەرچاڤ وەرگرتنا رێنمایێن ساخلەمیێ بەلاڤ بکەت، دێ کورسی ژی ل گەلەک جهان هێنە دانان دا وەلاتی پتر نێزیکی هەڤدو نەبن).
ئەڤرۆ نیوز:
بەرپرسەکێ سەربازی یێ لەشکرێ نەتەوی یێ لیبیا کو جەنەرال خەلیفە حەفتەر سەرۆکاتیا وێ دکەت بەری دەمەکێ راگەهاند کو هێزێن وان هێرشی بنگەهێ سەربازی یێ ئەلوەتییە ل لیبیا کرینە کو د ئەنجاما وێ هێرشێ دا گەلەک ئەفسەر و سەربازێن تورکیا هاتینە کوشتن.
بەری دەمەکێ وەزارەتا بەرەڤانیێ یا تورکیا ژی راگەهاند کو فرۆکێن هندەک وەلاتان کو پشتەڤانیێ ل خەلیفە حەفتەری دکەن هێرشی بنگەهێ سەربازی یێ ئەلوەتییە کرینە، لێ وەزارەتا بەرەڤانیێ یا تورکیا ئاماژە ب زیانێن وێ هێرشێ نەکریە.
ئەڤرۆ نیوز:
بەرپرسەکێ حوکمەتا ویفاقا نشتیمانی یا لیبیا راگەهاند کو فرۆکێن شەری یێن ئیماراتێ هێرشی بنگەهێ سەربازی یێ تورکیا ل لیبیا کرینە کو د ئەنجاما وێ هێرشێ دا گەلەک ئەفسەر و سەربازێن تورکیا جانێ خوە ژ دەست داینە.
هەتا نها ل دۆر وێ هێرشی و زیانێن وێ بەرپرسێن تورکیا چو داخۆیانیەک فەرمی بەلاڤ نەکرینە.
ئەڤرۆ نیوز:
ئەڤرۆ ب سەرۆکاتیا مەسرور بارزانی سەرۆکێ حوکمەتا هەرێما کوردستانێ لیژنا بلند یا بجهکرنا قانوونا چاکسازیێ ب رێیا ڤیدیو کۆنفرانسەکێ کۆمبوو و د کۆمبوونێ دا بەحسێ پێنگاڤێن کریاری یێن چاوانیا بجهکرنا قانوونا چاکسازیێ هاتە کرن.
د کۆمبوونێ دا چەندین خالێن گرنگ هاتنە دەستنیشانکرن و بریار هاتە دان کو د کۆمبوونا داهاتی یا جڤاتا وەزیران دا بهێنە پەسەندکرن دا کار پێ بهێتە کرن.
ئه‌ڤرۆ نیوز:
ئه‌ڤرۆ 6/7/2020، فه‌ریق عه‌بدلئه‌میر یاره‌لا سوپاسالارێ عیراقێ گه‌هشته باژێرێ كه‌ركووكێ.
فه‌ریق عه‌بدلئه‌میر یاره‌لا سوپاسالارێ عیراقێ گه‌هشته باژێرێ كه‌ركووكێ و ژلایێ به‌رپرسێن ئیداری و سه‌ربازی ڤه پێشوازی لێ هاته‌كرن، ئارمانج ژ سه‌ره‌دانا وی ل گه‌ل به‌رپرسێن ئه‌منی یێن ده‌ڤه‌رێ دێ دانوستاندنێ ل سه‌ر ره‌وشا ئه‌منی یا باژێرێ كه‌ركووكێ و ڤه‌لڤینێن تیرۆریستێن داعشێ ل ده‌وروبه‌رێ باژیری كه‌ن.
پشتی ده‌ست بكاربوونا مسته‌فا كازمی وه‌ك سه‌رۆك وه‌زیرێ نوو یێ عیراقێ سوپاسالارێ عیراقێ وه‌ك ئێكه‌م به‌رپرسێ بلندێ سه‌ربازی سه‌ره‌دانا كه‌ركووكێ كر.
ل چه‌ند رۆژێن بووری ل به‌غدا كۆمبوون دناڤبه‌را به‌رپرسێن وه‌زاره‌تا پێشمه‌رگه‌ی و سوپایێ عیراقێ هاتینه ئه‌نجامدان و ژبوی پێكڤه ب شێن ل ده‌ڤه‌رێن كوردستانی یێن ده‌رڤه‌ی ئیدارا هه‌رێمێ ئوپراسیونێن سه‌ربازی ل دژی داعشی ئه‌نجام بده‌ن.
ئه‌ڤرۆ نیوز:
رێڤه‌به‌رێ راگه‌هاندنێ و هشیاریێ ل وه‌زاره‌تا پێشمه‌رگه‌یی یا حكومه‌تا هه‌رێما كوردستانێ راگه‌هاند: ل گه‌ل وه‌زاره‌تا به‌ره‌ڤانیا عیراقێ گه‌هشتینه رێكه‌تنێ.
لیوا به‌كر فه‌قێ ئه‌حمه‌د رێڤه‌به‌رێ راگه‌هاندن و هشیاریێ ل وه‌زاره‌تا پێشمه‌رگه‌یی راگه‌هاند: هه‌فتیا بوری شاندێ پێشمه‌رگه‌ی و وه‌زاره‌تا به‌ره‌ڤانیا عیراقێ ل به‌غدا كۆم بوون و ل سه‌ر چه‌ند ئاریشه‌یه‌كان رێكه‌تن، بریاره ژی هه‌فتیا بهێت شانده‌كێ عیراقێ بۆ ئیمزاكرنا دانوستاندنێن دوماهیێ ل سه‌ر ئه‌وێ رێكه‌تنێ سه‌ره‌دانا هه‌ولێرێ بكه‌ن.
ناڤبری ئه‌و چه‌نده ژی راگه‌هاند رێكه‌تنا وه‌زاره‌تا پێشمه‌رگه‌ی و سوپایێ عیراقێ هه‌شت خالن، كۆ ئه‌و ژی هه‌ماهه‌نگیا هه‌والگری،بودجا پێشمه‌رگه‌ی و هه‌ڤبه‌شیكرن ل ئیداره‌كرنا ده‌ڤه‌رێن كوردستانی ده‌رڤه‌ی ئیدارا هه‌رێمێ، ریب ری بوونا داعشێ دانانا پلانا ئه‌منی یا درێژخایه‌ن و هه‌ماهه‌نگیا سه‌ربازی.
وه‌زاره‌تا به‌ره‌ڤانیا عیراقی ژی راگه‌هاند ل سه‌ر مه‌ترسیێن سه‌رهلدانا تیرۆرێ و دوسه‌یا ئه‌منی یا ده‌ڤه‌رێن كوردستانی یێن ده‌رڤه‌ی ئیدارا هه‌رێمێ و هێزێن پاسه‌وانێن هه‌رێمێ ل گه‌ل هه‌ولێرێ رێكه‌تن ب دامه‌زراندنا چار سه‌نته‌رێن هه‌ماهه‌نگیێ و كارێ هه‌ڤپشك ژ رویێ سه‌ربازی ڤه و ئه‌و چار سه‌نته‌ره ژی دێ ل كه‌ركووكێ و نه‌ینه‌وا و دیاله و مه‌خمورێ بن.
نيشاندان