ئەڤرۆ نیوز:
وەزارەتا ساخلەمیێ یا حوکمەتا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ١٤٢ کەس ل هەرێما کوردستانێ تووشی ڤایرۆسێ کۆرۆنایێ بووینە و کەسەکێ ژی جانێ خوە ژ دەست دایە.
وەزارەتا ساخلەمیێ هەروەسا دیار دکەت کو ب گشتی هەتا نها ل هەرێما کوردستانێ ١٤٦٦ کەس تووشی ڤایرۆسێ کۆرۆنایێ بووینە، ژ وان ٥٤٢ کەس باش بووینە و ٢٨ کەسان جانێ خوە ژ دەست داینە و یێن دی ژی ل ژێر چاڤدێرێ دانە.
ئەڤرۆ نیوز، زنار تۆڤی:
موقەدەمێ مافپەروەر ئازاد تاها بەرپرسێ هوبا پەیوەندی و راگەهاندنێ ل رێڤەبەریا هاتنوچوونێ ل پارێزگەها دهۆکێ، بۆ ئەڤرۆ نیوز دیار کر: د روودانەکا هاتنوچوونێ دا کەسەکێ گیانێ خوە ژ دەستدا.
ناڤهاتی زێدەتر ئاشکرا کر: ئه‌ڤرۆ سێشه‌مبی ٢٠٢٠/٦/٩ ل ده‌مژمێر ١:٠٠ پشتی نیڤرۆ ل سه‌ر جادا سه‌ره‌كی یا دناڤبه‌را شێخان و ناحیا باعه‌درێ، روودانه‌كا ژ جۆرێ لێگدان په‌یدا بوویه د ناڤبه‌را دو ترومبێلێن بارهه‌لگر، ترۆمبێلەک ژ وان كەیا ٢ تەن بوویە، یا دیتر لوری بوویە، د ئه‌نجام دا كه‌سه‌كێ گیانێ خوە ژ ده‌ست دا و زیانێن مادی ب هەردو ترۆمبێلان کەفتینە.
ئەڤرۆ نیوز، عەلی حاجی:
هاریکارێ سەروکێ زانکویا زاخۆ بۆ کاروبارێن قوتابیان دیار کر پشتی کومبوونەک دگەل سێ زانکویێن پارێزگەها دهوکێ هاتیە ئەنجام دان ل دور قوتابیێن خواندنا ئەڤسالە ل زانکویێن پارێزگەهێ.
د. کاروان فەهمی گۆت: (ل دووف کومبوونا ئەڤرۆ یا جڤاتا زانکویا زاخۆ هاتیە ئەنجام دان کو بریار هاتە دان کو خواندنا سالانە یا قوتابیێن قوناغا چارێ سپێدێ و قوناغێن ئێکێ هەتا چارێ ئێڤاران کو وان خواندنا خوە خلاس کری یە و ریپورت و چالاکی و ئەزمون کرینە ئەڤجا ئەو ئەو چەندە دێ بیتە کوششا وان و پشی ئەو کوشش دێ بیتە نمرەیا ژ ١٠٠، هەر قوتابیەکێ ژ وێ نمرەیا دوماهیێ دەرنەچیت دێ راپورتەکا زانستی پێشکێشی زانکویێ کەت و کوششا وی قوتابی دێ ژ ٥٠ نمرەیان هێتە حساب کرن و راپورتا پێشکێش ژی بکەت دێ ژ ٥٠ نمرەیان هێتە حساب کرن بۆ قوتابی و ئەو دو نمرەیە دێ کوششا قوتابی دیار کەت و هەکە ب وێ رێکێ ژی دەرنەچوو ئەو قوتابی دێ چیتە قوناغا دووێ یا ئەزمونان).
ناڤهاتی دیار کر: بۆ وان قوناغان ژی خواندنا سمستەرێ ئێکێ ب دوماهی هاتیە و بۆ سمستەرێ دووێ ژی هەر قوتابیەکێ چالاکی هەبن دێ ئەو چالاکی بۆ قوتابی هێنە هەژمارتن کو دێ نمرەیا کوششی هێتە هەژمارتن بەلێ هەکە وی قوتابی کار و چالالی نەبن ماموستایی مافێ هەی هەتا ٢٥/٦ مافێ هەی داخازا چالاکیا بکەت کو پێدڤی یە ئەو کار و چالاکی هەمی ب گەهنە دوستێ ماموستای و دێ روژانە راپورتێن زانستی ژلایێ پشکا وان ل دووف خشتەیەکێ ژێ هيتە داخاز کرن داکو ئەو راپورتە ببیتە نمرەیا قوتابی ژ ٥٠ نمرەیان و کوششا قوتابی ژی بیتە ٥٠ نمرە و پێدڤی یو قوتابی نمرەیێ ژ ٦٠ زێدەتر ببەت داکو دەربچیت.
دیار کر ژی هەکە ب ڤی رەنگی قوتابی ژی دەرنەچیت دێ چیتە قوناغا دووێ یا ئەزمونان، بەلێ پێدڤیە قوتابی هێشتا نوکە ئیمێلێن خوە ڤەگەرینن و کار پێ بکەن و ئیمێلێن خوە کارا بکەن دا کو ب رێیا ئیمێلان قوتابی راپورتا خوە ڤرێکەن ئەوا ژێ دهێتە داخاز کرن ژلایێ پشکا وی ڤە .
ئەڤرۆ نیوز:
ئەڤرۆ شاندێ دانوستاندنکار یێ حوکمەتا هەرێما کوردستانێ ل گەل بەغدا کۆمبوو و د کۆمبوونێ دا بەحسێ دووماهی قۆناغا ئامادەکاریان بۆ دانوستاندنێن ل گەل بەغدا هاتە کرن.
کۆمبوون ب سەرپەرشتیا قوباد تالەبانی جێگرێ سەرۆک وەزیران و سەرۆکێ شاندێ حوکمەتا هەرێما کوردستانێ بۆ دانوستاندنێن ل گەل بەغدا برێڤە چوو و تێدا حوکمەتا هەرێما کوردستانێ بەرهەڤیا خوە بۆ رێککەفتنا ل گەل بەغدا دیار کر.
ئەڤرۆ نیوز:
سامان ئەحمەد رێڤەبەرێ راگەهاندنا پەرلەمانێ کوردستانێ راگەهاند کو کارمەندەکا پەرلەمانێ کوردستانێ ب پلا شارەزا تووشی ڤایرۆسێ کۆرۆنایێ بوویە.
ناڤهاتی راگەهاند کو کەسا تووشبوویێ کۆرۆنایێ ژیێ وێ ژ ٤٠ سالان زێدەترە و بەرکەفتیا خووشکا خوە یە کو بەری نها ئەو ژی تووشی کۆرۆنایێ بوویە.
هەتا نها ل هەرێما کوردستانێ هزار و ٤٦٧ کەس تووشی ڤایرۆسێ کۆرۆنایێ بووینە و ژ وان ٥٤٢ کەس باش بووینە و ٢٨ کەسان ژی جانێ خوە ژ دەست داینە و یێن دی ژی ل ژێر چاڤدێریێ دانە.
ئه‌ڤرۆ نیوز:
رێڤه‌به‌رێ ساخله‌میا هه‌ولێرێ: قه‌زا چومان و ناحیا حاجی عومران هاتینه گرتن و رێكارێن ساخله‌میا پشكنینا ڤایرۆسێ كورنایێ تێدا دهێته ئه‌نجام دان.
د.دلوڤان محه‌مه‌د رێڤه‌به‌رێ گشتی یێ ساخله‌میا هه‌ولێرێ راگه‌هاند پشتی دهی 20 توشبوویێن ڤایرۆسێ كورونایێ ل قه‌زا چومان هاتینه توماركرن، ئه‌ڤرۆ تیمێن مه گه‌هشتینه ئه‌وێ قه‌زایێ و چه‌ند تیمه‌كێن پشكنینێ ب چری سه‌ره‌دانا هه‌موو جهان كه‌ن، قه‌زا دێ ب گرتی و هاتنوچونا بۆ ده‌رڤه‌ی قه‌زایێ هاتیه راوه‌ستاندن هه‌تا ئه‌و پشكنین ب دوماهی بهێن، زێده‌باری ئه‌وان رێكارێن خوپارێزیێ لڤینێن بازرگانێ ل خالا توخیبیا حاجی عومران دێ به‌رده‌وام بن ب ئه‌وان كارێن خوپارێزیێ.
رێڤه‌به‌رێ گشتی یێ ساخله‌میا هه‌ولێرێ ئه‌و چه‌نده ژی راگه‌هاند ژ ئه‌وی ده‌مێ هێسانكاری بۆ هاتنوچونێ هاتینه كرن و خه‌لك دشێن هاتنوچونێ بكه‌ن، به‌ركه‌تیێن زۆر هه‌نه ل ئێك جهـ، ل چومانێ و حاجی عومران ئه‌وێن هاتینه توماركرن، هه‌ر ل وێرێ ژی رێكارێن چاره‌سه‌ریێ بۆ ئه‌وان دهێنه دابینكرن دبیت ل ئه‌وێ قه‌زایێ زێده‌تر به‌ركه‌تی و توشبوو هه‌بن، دڤێت دیڤ بگه‌رین بۆ چاره‌سه‌ركرنێ.
رێڤه‌به‌رێ گشتی یێ ساخله‌میا هه‌ولێرێ ئه‌و چه‌نده ژی دازانین زۆر بوونا توشبوویان ل هه‌ولێری ب ڤایرۆسێ كورونایێ نه‌پێگیربوونا وه‌لاتیانه ب رێنمایێن ساخله‌میێ و لبه‌رچاڤ نه‌گرتنا رێكارێن خۆپارێزیا ساخله‌میێ.
ئەڤرۆ نیوز،عەلی حاجی :
بەرپرسێ راگەهاندنا بەرەڤانیا باژێرێ ل دهوکێ بۆ ئەڤرۆ نیوز دیار کر ل دەمژمێر ١٠:٥ێ خولەکێ سپێدێ ژ ئەگەرەکێ نەدیار ئاگر بەر دبیتە گەنمێ بەرهەمێ جۆتیارێن گۆندێ خالشێ و تیمێن مە شیان رێژەیەکا زۆر یا گەنمی ژ سوتنێ پارێزن.
زێدەتر مقەدەم بێوار عەبدولعەزیز گۆت: د وێ روودانا ئاگر بەربونێ دا کو ژبەریا تیمێن مەیێن ئاگر ڤەمراندنێ ل بەرەڤانیا باژێری ل زاخۆ بگەهنە جهێ روودانێ چەندەک ژ گەنمی سوت بوو بەلێ پشتی تیمێن مە گەهشتنە جهێ روودانێ هەر زوو شیان کونترولا وی ئاگری بکەن و رێژەیەکا زقر ژ گەنمێ بەرهەمێ جوتیارێن گوندێ خالشێ ژ سوتنێ پارێزن و هەتا نوکە ئەگەرێن وی ئاگر بەربونێ نەهاتینە زانین بەلێ سالانە ل وی گوندی رێژەیەکا زوە یا ئاگر بەربونێ دروست دبن ژ ئەگەري هەبونا پێش پەلەخەکێ زور ل وی گوندی لەورا تیمێن مە هەمی دەمان د ڤان مەهان دا بەرهەڤن بۆ هەر روودانەکا ئاگر بەربونێ .
ئه‌ڤرۆ نیوز، مه‌حمود نهێلى:
به‌رپرسێ هوبا چاندنا دێره‌لۆك بۆ ئه‌ڤرۆ نیوز دیاركر، ژبۆ پتر هاریكاریا جۆتیاران و پێشڤه‌برنا كه‌رتێ چاندنێ ل ده‌ڤه‌رێ ئه‌وان ده‌ست ب دابه‌شكرنا ده‌رمانێن چاندنێ كریه ل سنورێ ناحیا دێره‌لۆك و شێلادزێ.
ئه‌ندازیار عسمه‌ت ئیبراهیم به‌رپرسێ هوبا چاندنا دێره‌لۆك ئاشكرا ژى كر، كو ئه‌ڤ ده‌رمانه یێ دژى كرم و كێزانه و ب نیڤ بها ب سه‌ر جۆتیاران دا دهێته دابه‌شكرن و گۆت : ژى هه‌ر جوتیاره‌ك ل دیڤ روبه‌رێ ئه‌ردى و هه‌بوونا داروبارى دشێت ڤى ده‌رمانى ده‌رمانى وه‌گریت .
ته‌كز ژى كر، كه مه‌به‌ست ژ ڤان جوره هاریكاریان بو جوتیارى هاندنا وانایه بۆ پێشڤه‌برنا كه‌رتى چاندنێ ل ده‌ڤه‌رێ.
ئه‌ڤرۆ نیوز:
رێڤه‌به‌رێ ساخله‌میا چه‌مچه‌مال د راگه‌هاندنه‌كێ دا به‌لاڤكریه ل قه‌زا چه‌مچه‌مال ل توخیبێ پارێزگه‌ها سلیمانیێ 10 كه‌سێن دی توشی ڤایرۆسێ كورونایێ بوون.
ئه‌ڤرۆ 9/6/2020 ساخله‌میا چه‌مچه‌مال د راگه‌هاندنه‌كێ دا كو د.فه‌رهاد محه‌مه‌د مسته‌فا رێڤه‌به‌رێ ساخله‌میا چه‌مچه‌مال دیاركریه د به‌رده‌وامیا پشكنین و لێگه‌ریانێ ل دووڤ گۆمانلێكریێن ڤایرۆسێ كورونایێ ل توخیبێ قه‌زا چه‌مچه‌مال 10 توشبوویێن كورونایێ هاته ده‌ست نیشانكرن.
د.فه‌رهاد محه‌مه‌د مسته‌فا رێڤه‌به‌رێ ساخله‌میا چه‌مچه‌مال ئه‌و چه‌نده ژی دیاركریه پێنج توشبوو زه‌لامن و دو ئافره‌ت و كچه‌كا گه‌نج و دو زارۆك بوون، ته‌ڤایا وان ئاكنجیێن ناڤ چه‌مچه‌مالن و حه‌فت توشبوو به‌ركه‌تیێن توشبوویێن به‌ری نوكه بوون.
نيشاندان