ئەڤرۆ نیوز:
د نوکە دا پتر ژ 10 ملیۆن کەسان ل جیهانێ تووشی کۆرۆنایێ بووینە، ژ وێ هژمارێ ژی 499 هزار کەسان گیانێ خوە ژ دەستدایە و 5 ملیۆن و 415 هزار کەس ژی چێبووینە.
جیهان: هژمارا تووشبوویێن کۆرۆنایێ گەهشتە پتری 10 ملیۆن کەسان
نووترين نووچه
- سەرۆك بارزانی و جێگرێ وەزیرێ دەرڤەیێ توركیایێ پرۆسەیا چارەسەریێ و ئاشتیێ گەنگەشە كر
- سەرۆك بارزانی پێشوازی ل هەژمارەكا نڤیسەر و ئەدیب و رەوشەنبیرێن عەرەب كر
- سەرۆك بارزانی پێشوازی ل سەرۆكێ هەڤپەیمانییا عەزم كر
- نێچیرڤان بارزانی پشتەڤانییا هەرێمێ بۆ پرۆسەیا ئاشتیێ دوپاتكر
- پێدڤییە هەموو كێشەیێن ل پێشبەری هنارتنا پەترۆلا هەرێمێ نەمینن
- د قووناغا بەلاڤكرنا پۆستانداینە
- نێچیرڤان بارزانی و سۆدانی دوپاتی ل سەر بەردەوامییا هەماهەنگی و هاریكارییا هەولێرێ و بەغدایێ كر
- سەرۆك بارزانی ل سالڤەگەڕا 37 یا تاوانێن ئەنفالێ: باشترین وەفاداری بۆ شەهیدێن ئەنفالێ ئێكدەنگییە دخزمەتكرن و پاراستنا وەلاتێ مە دا
- سەرۆك بارزانی پیرۆزباهیێ ل نووری مالكی و هومام حەموودی دكەت
- سەرۆك بارزانی پێشوازی ل شاندەكێ هەڤپشك یێ پەرلەمانێ بریتانیا و پەرلەمانێ ئێكەتییا ئۆرۆپا كر
سه‌ره‌كى نووترين نووچه
ل ئەمریکا ٨٥٠ کەسێن دی ب کۆرۆنایێ جانێ خوە ژ دەست دان
سێ پەرلەمانتارێن هەدەپێ تووشی کۆرۆنایێ بووینە
پتر ژ دو هزار کەسێن دی ل عیراقێ تووشی کۆرۆنایێ بوون
فرەنسا ژ بەر کۆرۆنایێ دێ هاریکاریا سلێمانیێ کەت
ئەڤرۆ نیوز:
هەڤال ئەبوبەکر پارێزگارێ سلێمانیێ راگەهاند کو ئۆلیڤییە دیكۆتینێ کونسولێ گشتی یێ فرەنسا سەرەدانا پارێزگەها سلێمانیێ کریە و د هەڤدیتنەکێ دا بەحسێ رەوشا ساخلەمیێ ب تایبەتی ژی بابەتێ کۆرۆنایێ هاتیە کرن.
پارێزگارێ سلێمانیێ راگەهاند کو کونسولێ گشتی یێ فرەنسا دیار کریە ئەوا د شیان دا بیت وەکو فرەنسا بۆ نەخوشێن کۆرۆنایێ دێ پێشکێشی سلێمانیێ کەن.
ڤەرێژا ئاڤا گوندەکێ بۆ ١٥٠ خێزانان دچیت
ئەڤرۆ نیوز،عەلی حاجی :
رێڤەبەرێ ئاڤا زاخۆ د داخویانیەکێ دا بۆ ئەڤرۆ نیوز دیار کر ژ ئەگەرێ ئاڤا پیس یا گوندێ چەمسیرمو دبیتە ئەگەر ب رێیا پرۆژەیێ ئاڤا زاخۆ یا کەڤن ئاڤا پیس بۆ نێزیکی ١٥٠ مالان بچیت و پرۆژەیەک ژی بۆ ئاڤێ کێشەیێ هاتیە بلند کرن.
زێدەتر هاشم ئیبراهیم گۆت : ژ ئەگەرێ ڤەرێژا ئاڤا پیس یا ٢٥ مالێن ل گوندێ چەمسیر بۆ سەر ئاڤا خابیرێ زاخۆ دبیتە ئەگەر ئەو ڤەرێژا ئاڤا پیس بچیتە سەر ئاڤێ پاشی بچیتە دناڤ پرۆژەیێ کەڤنێ ئاڤا زاخۆ کۆ بۆ نێزیکی ١٥٠ مالان یێ سەر ڤەنە، ب تایبەتی ژی ل وەرزێ هاڤینێ دا و ئەو ڤەرێژا ئاڤا پیس یا مالێن گوندێ چەمسیرمو کو هەر ژ بەرمایکێن ماددەیێن کیمیایی یێ پاڤژکرنێ پێک دهێت و ئەڤ چەند ژی راستەوخۆ دێ کارتێکرنێ ل سەر وی کەسی کەت یێ وێ ئاڤێ ڤەخوت ب تایبەتی ژی ل وەرزێ هاڤینێ ژبەر کو ئاڤا خابیرێ زاخۆ کێم دڤیت،گەلەک کەسان هەولدان ل نێزیک خابیرێ زاخۆ ل گوندێ چەمسیرمو گوڤان ئاڤا بکەن بەلێ رێگری ل وان اتەکرن ژبەر کو ئاڤا کرنا گوڤان دێ بیتە ئەگەرەک ئاڤا زاخۆ پیس ببیت و خەلک توشی زیانێن ساخلەمی بیت و هەکە نوکە ئێک هەبیت ئاڤا ژی بکەت، پێشتر قایمقامیا زاخۆ هاتیە ئاگەهدار کرن کو نابیت ب چو رەنگان گوڤ ل دەوروبەرێن خابیرێ زاخۆ بهێتە ئاڤا کرن ژبەرکو دێ مەترسیێ ل سەر ساخلەمیا خەلکی پەیدا کەت.
ناڤبری گۆت ژی : بۆ چارەسەر کرنا ئاڤا پیس، پرۆژەیەک ب کوژمێ ملیاد دیناران پێشکێش کریە دا کو ئەو ئاریشەیە بهێتە چارەسەر کرن و پێدڤی یە ژی هەر زوو ئەو ئاریشەیە بهێتە چارەسەر کرن ژبەر کو ب ژیانا خەلکی ڤە گرێدایە.
بریارەکا نوو بۆ شوفێرێن عەرەب هاتە دەرکرن
ئەڤرۆ نیوز، عەلی حاجی :
رێڤەبەرێ ئاسایشی زاخۆ د داخویانیەکێ دا بۆ ئەڤرۆ نیوز دیار کر پشتی ب رێیا شوفێرێن عەرەب چەند حالەتێن کورونایێ ل زاخۆ پەیدا بووین ب هاریکاریا ئاسایشا گشتی یا پارێزگەها دهوکێ بریارەکا نوو بۆ وان شوفێران هاتیە دەرکرن .
زێدەتر شڤان سندی گۆت: (ل دووف بریارا نوو کو بۆ هەمی زالگەهێن دناڤبەرا پارێزگەها دهوک – مووسل دا هاتیە رەوانە کرن ژی کو ئێدی دێ ب میکانیزمەکا نوو کار هێتە کرن کو هەر شوفێرەکێ عەرەب ژ دەڤەرێن دیتر یێ ب عێراقێ بهێنە دناڤ پارێزگەها دهوکێ پشتی کو پشکنینا کورونایێ بۆ وی شوفێری دهێتە کرن پشتی ٤٨ دەمژمێران ژ دەرکەڤتنا پشکنینێن وی شوفێری ژ نوو رێک پێ بهێتە دان بهێتە دناڤ پارێزگەهێ دا ئەڤ بریارە ژی پێخەمەتی رێکارێن توندترە ل بەرامبەر وان شوفێرێن عەرەب کو ژ دەڤەرێن دیتر یێن عێراقێ دهێن و بووینە ئەگەرێ پەیدابوونا چەند حالەتەکێن کورونایێ ل باژێرێ زاخۆ و نابیت چو کەس ب میکانیزما ژ بەریا نوکە بهێتە ناڤ پارێزگەهێ دا و پێدڤیە رێنمایێن نوو ل سەر هەمیان بهێنە جێبەجێ کرن).
هەشت تووشبوویێن کۆرۆنایێ ل سلێمانیێ جانێ خوە ژ دەست دان
ئەڤرۆ نیوز:
عەبدوللا ئەحمەد جێگرێ رێڤەبەرێ گشتی یێ ساخلەمیا سلێمانیێ راگەهاند کو بەری دەمەکێ دو تووشبوویێن دی یێن کۆرۆنایێ ل سلێمانیێ جانێ خوە ژ دەست دان و گۆت: (ب گشتی ئەڤرۆ سپێدێ هەتا نها هەشت تووشبوویێن کۆرۆنایێ ل پارێزگەها سلێمانیێ جانێ خوە ژ دەست داینە).
ناڤهاتی دیار ژی کر کو دڤێت وەلاتی پتر گرنگیێ ب خوە پارێزیێ بدەن، چونکو مخابن نها رەوش ل سلێمانیێ گەلەک مەترسیدارە.
وه‌زاره‌تا داراییی بریاره‌ك بۆ فه‌رمانبه‌ران ده‌رخست
ئه‌ڤرۆ نیوز:
لگۆری نڤیسارا ژماره 9 یا وه‌زاره‌تا دارایی كۆ ل 22/6/2020 ده‌ركه‌ڤتی یه و تێدا هاتیه كۆ به‌ری نوكه ل ده‌مێ نووكرنا مۆله‌تا خودانكرنا كێم ئه‌ندامان، پێدڤی بوو فه‌رمانبه‌ر راپۆرتا نوژداری بۆ فه‌رمانگه‌هێ ببه‌ت، به‌لێ ئه‌و مه‌رجه هاته لادان و فه‌رمانبه‌رێن مۆله‌تا چاڤدێریا خودانكرنێ هه‌یه و مۆله‌تێن وان ته‌مام بووینه، ئه‌ڤه مۆله‌تێن وان بۆ شه‌ش هه‌یڤێن دی دهێنه درێژكرن بیێ كۆ راپۆرتێن نوژداری نوو بكه‌ن.
وه‌زاره‌تا دارایی و ئابووری یا حكومه‌تا هه‌رێما كوردستانێ ئه‌و چه‌نده ته‌ئكید كر كۆ داخاز نه‌كرنا راپۆرتا نوژداری لبه‌رچاڤگرتنا رێنمایێن خۆپارێزیی ژ كورونایی و كێمكرنا به‌ر ئیك كه‌تنێ.
ل سالێن بوری دا وه‌زاره‌تا دارایی و ئابووری رێنمایی ده‌رخست بوون، و مۆله‌ت دابوو ئه‌وان فه‌رمانبه‌رێن كێم ئه‌ندام ل مال هه‌ین و خو ته‌رخانكرنینه بۆ چاڤدێریكرنا وان ل گه‌ل وه‌رگرتنا مۆله‌تی موچه‌یێ ته‌مام بۆ ئه‌وان دهاته مه‌زاختن، به‌لێ ئه‌ڤ ساله بتنێ موچه یێ ته‌مام بو هێته مه‌زاختن بی ده‌رماله.
پێنج توشبوویێن دی یێن كورونایێ ل سلێمانێ گیانێ خوه ژ ده‌ست دان
ئه‌ڤرۆ نیوز:
جێگرێ رێڤه‌به‌ری گشتی یێ ساخله‌میا سلێمانیێ راگه‌هاند پێنج توشبوویێن دی یێن ڤایرۆسێ كورونایێ گیانێ خوه ژ ده‌ست دان.
ئه‌ڤرۆ 27/6/2020 عه‌بدولا ئه‌حمه‌د جێگرێ رێڤه‌به‌رێ ساخله‌میا سلێمانێ راگه‌هاند ل سلێمانێ پینج توشبوویێن دی ب ڤایرۆسێ كورونایێ گیانێ خوه ژ ده‌ست دان هه‌موو ژی زه‌لام بوون.
لگۆری دوماهی ئامارا وه‌زاره‌تا ساخه‌لمیا حكومه‌تا هه‌رێما كوردستانێ، تانوكه سێ هزار و 758 كه‌سان ژ سلیمانێ توشی ڤایرۆسێ كورونایێ بوون، ل گه‌ل ئه‌ڤان پینج كه‌سان ل سلێمانیی ئه‌ڤه 143 كه‌سان گیانی خوه ژ ده‌ست دان.
نيشاندان
WP Facebook Auto Publish Powered By : XYZScripts.com