ئه‌ڤرۆ نیۆز، عه‌زیز هه‌ورامی:
هه‌رێمی كوردستان 544 هاوڵاتی توشی كۆرۆنا بون وه‌زاره‌تی ته‌ندروستی ده‌ڵێ بێباكی هاوڵاتیان هۆكاربووه له‌وه‌ی كۆرۆنا جارێكی تر به‌وشێوه‌یه سه‌رهه‌ڵبداته‌وه زۆر به‌خێرای ژماره‌كان هه‌ڵده‌كشێن و سه‌رچاوه‌ی توشبوانیش دیار نییه، مه‌ترسیه‌كان به‌رده‌وام له زیاد بوندان، له چاو نه‌خۆشه‌كانی پێشو هه‌ڵگرانی ڤایرۆسی كۆرۆنا ئێستا خه‌راپتره.
محه‌ممه‌د قادر گوته‌بێژی وه‌زاره‌تی ته‌ندروستی حكوومه‌تی هه‌رێمی كوردستان له لێدوانێكی تایبه‌ت به ئه‌ڤرۆ نیۆز گوتی: ” دۆخی كۆرۆنا له‌م هه‌فته‌ی ڕابردووه‌وه مه‌ترسیداره ئه‌و كه‌سانه‌ی دیاری ده‌كرێن هه‌ڵگری ڤایرۆسی كۆرۆنا سه‌رچاوه‌ی توشبوونیان دیارنییه، سه‌رچاوه ئێستا له ناوكۆمه‌ڵگا ده‌گه‌ڕێت كه‌سانی تر تووش ده‌كات به‌بێ ئه‌وه‌ی دیاری بكرێت.
محه‌ممه‌د قادر وتیشی:” ئه‌م هه‌فته‌یه ژماره‌ی تووشبووان به كۆرۆنا به‌رده‌وام له هه‌ڵكشانداییه، وای لێهاتووه‌ناتوانی بڕیاربده‌ی كێ كه‌ره‌نتینه ده‌كه‌ی چه‌شوێنێك كه‌ره‌نتینه بكرێت پشكنینی سه‌د له سه‌دی بۆ ده‌كرێت ،ئه‌وكه‌سه‌ی توشی كۆرۆنا ده‌بێت له نه‌خۆشخانه پشكنینی بۆده‌كه‌ی سه‌رچاوه‌ی ئه‌وه‌ی له كوێوه توش بووه نادیاره سه‌فه‌ری نه‌كردووه به‌ركه‌وته‌ی نه‌بووه له‌گه‌ڵ كه‌سانێك هه‌ڵگری ڤایرۆرسی كۆرۆنابن، مه‌ترسیه‌كه زۆر به‌رزده‌كه‌نه‌وه ئه‌گه‌ربێت و ئه‌و ساردبوونه‌وه‌ی خۆپارێزی له ناو هاوڵاتیان به‌رده‌وامبێت ده‌كرێت كاره‌ساتێكی گه‌وره‌ی لێبكه‌وێته‌وه.
قادر زیاتر زانیاریدا و گوتی:” له ماوه‌ی هه‌فته‌ی ڕابردوو نزیكه‌ی 150 كه‌س توشی ڤایرۆسی كۆرۆنا بون، ئه‌م تۆماركردنی هه‌ڵگرانی ڤایرۆسی كۆرۆنا شه‌پۆلی یه‌كه‌مه و ناتوانین بڵێن شه‌پۆلی دووه‌م له ڕوی زانستییه‌وه ده‌بێت له‌سه‌ر ئاستی جیهان نزیكببێته‌وه له سفر ئه‌وكات ناوی ده‌ندرێت شه‌پۆلی دووه‌م.
وته‌بێژی وه‌زاره‌تی ته‌ندروستی، ئاماژه‌ی بۆ ئه‌وه‌شكرد:”پابه‌ند نه‌بوونی هاوڵاتیان به ڕێنماییه‌كان كاریگه‌ری نه‌رێنی یه‌كجار زۆری هه‌بوه له زیاد بوونی ڤایرۆسی كۆرۆنا ،له‌ئێستادا به‌شێوه‌ێكی گشتی نه‌خۆشمان نییه باری ته‌ندروستی ئه‌وه‌نده ناجێگیربێت له ژێر هه‌ناسه‌دانی ده‌سكردابێت به‌ڵام به نه‌خۆشه‌كانی پێشوو ئێستا نیشانه‌یان زیاتره و چاره‌سه‌ری زیاتریان پێویسته و له حاڵه‌ته‌كانی مانگی 3 و 4 ژماره‌ی ئه‌وكه‌سانه‌ی كۆرۆنایان بوو 70% هیچ نیشانه‌كانیان نه‌بو، به‌ڵام ئێستا زۆربه‌ی ئه‌وكه‌سانه‌ی هه‌ڵگری ڤایرۆسه‌كه‌ن له ڕێگه‌ی نیشانه‌كانه‌وه ده‌ستنیشانیان ده‌كه‌ین.
هه‌روه‌ها ده‌ڵێ:” له كوردستان تاوه‌كو ئێستا 544 كه‌س تووشی ڤایرۆسی كۆرۆنا بوون 407 چاك بووه‌ته‌وه 5 كه‌سیش گیانیان له ده‌ست داوه، ئه‌گه‌ربێت و له كۆنتڕۆڵ ده‌ربچێت ئه‌وه هه‌موو نه‌خۆشخانه‌كان ده‌كرێت به‌سه‌نته‌ری چاره‌سه‌ری كۆرۆنا.
ئەڤرۆ نیوز:
د. سامان بەرزنجی وەزیرێ ساخلەمیێ یێ حوکمەتا هەرێما کوردستانێ دیار دکەت کو وەلاتی وەکو پێدڤی پێگیریێ ب رێنمایێن ساخلەمیێ ناکەن، هەروەسا قەرەبالغا ل جهێ گشتی ژی ئێکە ژ ئەگەرێن دی یێن تووشبوونا وەلاتیان ب کۆرۆنایێ.
وەزیرێ ساخلەمیێ ئاماژە ب هندێ ژی دکەت کو ل عیراقێ رۆژانە هژمارا تووشبوویێن ب کۆرۆنایێ زێدەتر لێ دهێت و ئەو یەک ژی کارتێکرنا خوە ل هەرێما کوردستانێ ژی کریە.
د. سامان بەرزنجی دیار ژی دکەت کو رەوشا پرانیا تووشبوویێن ب کۆرۆنایێ ل هەرێما کوردستانێ یا جێگرە و هندەک ژی رەوشا وان یا باش نینە و دڤێت وەلاتی پتر پێگیریێ ب رێنمایان بکەن و خوە بپارێزن.
ئه‌ڤرۆ نیوز:
پارته‌كا توركمانی داخازا دوورخستنا راكان جبوری دكه‌ت دیاركر كۆ دڤێت پۆستێ پارێزگارێ كه‌ركووكێ بهێته‌دان ب كه‌سه‌كێ توركمانی.
ئه‌ڤرۆ 28/5/2020 نه‌بیل به‌كر جێگرێ سه‌رۆكێ توركمان ئیلی راگه‌هاند دڤێت رێڤه‌برنا پارێزگارێ كه‌ركووكێ ب وه‌كاله‌ت ب دوماهی بێت، چونكو شكه‌ستنه‌كا به‌رچاڤ ئینایه و خه‌لك و وه‌لاتیێن كه‌ركوكێ ب ئه‌گه‌رێ نه‌بوونا خزمه‌تگۆزاریان یێ ئه‌وێ باجێ دده‌ن.
جێگرێ سه‌رۆكێ توركمان ئیلی ئه‌و چه‌نده ژی راگه‌هاند پێكهاته‌یا توركمانی هاتیه پشت گو هاڤێتن، پارێزگارێ كه‌ركووكێ هه‌ڤسه‌نگیا دناڤبه‌را پێكهاته‌یان دا دروست نه‌كریه هه‌روه‌ك كو مه داخازكر بوو 32% یا پۆستان ب پێكهاته‌یێن سه‌ره‌كی بهێنه‌دان، راكان جبوری هه‌موو پوستێن پارێزگه‌هێ د ده‌ستێ عه‌ره‌ب و ئێك هوزێ دا كۆمڤه‌كرینه نابیت ئه‌م ژی بڤێ چه‌ندێ رازی بین و داخازێ دكه‌ین كه‌سه‌كێ توركمانی بۆ پۆستێ پارێزگاری بهێته به‌ربژاركرن .
پشتی نه‌جمه‌دین كه‌ریم ل سالا 2017 ژ پۆستێ پارێزگاریێ دا هاتیه لادان، راكان جبوری ژ پێكهاته‌یا عه‌ره‌ب بۆ پارێزگار ب وه‌كاله‌ت.
ئه‌ڤرۆ نیوز، مه‌حمود نهێلى:
رێڤه‌به‌رێ ره‌وشه‌نبیرى و هونه‌رى ل ئامێدیێ بۆ ئه‌ڤرۆ نیوز دیاركر، ئه‌ڤساله ب چ ره‌نگه‌كێ بیره‌وه‌ریا وه‌غه‌كرنا هونه‌رمه‌ندان ته‌حسین تاها و عه‌بدوولا زێرین ل ده‌ڤه‌را ئامێدیێ ناهێنه ساخكرن و ئه‌ڤ یه‌كه بو چه‌ندین ئه‌گه‌را ڤه‌گه‌راند.
نایف چه‌لكى رێڤه‌به‌رێ ره‌وشه‌نبیرى و هونه‌رى ل ئامێدیێ دیار ژى كر، كو ئه‌ڤساله زێده‌بارى قه‌یرانێن دارایى، ژ به‌ر به‌لاڤبوونا نه‌خوشیا كورونا ل هه‌رێما كوردستانێ ب چ ره‌نگه‌كى ئه‌و نه‌شێن سالڤه‌گه‌را وه‌غه‌كرنا ڤان هه‌ردوو هونه‌رمه‌نێن مه‌زنێن ده‌ڤه‌رێ ساخ بكه‌ن و گۆت:( وه‌ك رێزگرتن بۆ گیانێ ڤه هه‌ر دو هونه‌رمه‌ندان و به‌رهه‌م و هونه‌رێ وانا هه‌ر سال ب هه‌لكه‌فتا بیره‌وه‌یا وه‌غه‌كرنا وان ل رۆژا 4/6 چه‌ندین چالاكیێن مه‌زن ل باژێرێ ئامێدیێ دهاتنه ئه‌نجامدان و هونه‌رمه‌ند و هه‌لبه‌ستڤان و هه‌ڤالێن وى و مالباتا وى به‌شداری تێدا دكرن و چه‌ندین په‌یڤ تێدا دهتنه خواندن و برگه‌یێن هونه‌رى و گوتنا سترانێن وى و هه‌روه‌سا نیشاندانا وێنه‌یێن وى و سترانێن وى تێدا دهاتنه گۆتن زێده‌بارى ب رێپیڤان تاجه گول ل سه‌ر گورا ته‌حسین تاها ل ئامێدیێ دهاتنه دانان).
و دیار كر، كو ئه‌ڤ ساله ژ به‌ر به‌لاڤبوونا نه‌خوشیا كورونایێ ئه‌و نه‌شێن چ ژ ڤان چالاكیان ئه‌نجام بده‌ن چونكه هه‌موو خرڤه‌بوون دنوكه دا د قه‌دغه‌نه خوه حه‌تا چوونا سه‌ر گورستانا ژى، ژ به‌ر وێ یه‌كێ ئه‌ز باش نابینم كو چ چالاكیه‌ك بهێته كرن.
دهێتە زانین هونه‌رمه‌ند ته‌حسین تاها ل 25 گولانا سالا 1941 ل گوندێ بێبو یێ سه‌ر ب ده‌ڤه‌را ئامێدیێ ڤه ژ دایكبوویه و ل 28 گولانا سالا 1995 ل وه‌لاتێ هوله‌ندا ژ ئه‌گه‌رێ نه‌خوشیه‌كى وه‌غه‌را داویێ كریه و ل 4/6/ یێ هه‌مان سال ل گورستانا ئامێدیێ هاتیه ڤه‌شارتن و هه‌روه‌سا هونه‌رمه‌ند عه‌بدولله زێرێن ل 1/7/1956 ژ دایكبوویه و ل 28/5/2011 ل باژێرێ دهوكێ وه‌غه‌ر كریه و ل گورستانا شاخكێ هاتیه ڤه‌شارتن، ئه‌ڤه و بو هه‌یاما چه‌ندین سالان بوو سال رۆژا وه‌غه‌كرنا ڤان هه‌ردوو هونه‌رمه‌ندان ل 4 ێ 6 ل قه‌زا ئامێدیێ دهاته ساخكرن.
ئه‌ڤرۆ نیوز:
كوچكا سپی راگه‌هاند دونالد تره‌مپ بریاره‌ك ده‌ربارێ كۆمپانیه‌كا تورێن جڤاكی ده‌رخست، به‌لێ هیرده‌كاریێن وێ بریارێ دیار نه‌كرن.
سه‌رۆكێ ئه‌مریكا دونالد تره‌مپ گه‌فێن داخستنا تورێن جڤاكی كر كۆ ناكوكی یێن وان ل گه‌ل تویته‌ری دروست بووینه و په‌یمان ژی دایه تورا جڤاكی یا تویته‌ری كۆ پێنگاڤێن بهێت دێ یین مه‌زن و گرنگ بن.
تره‌مپ د رێكا هژمارا خو یا تویته‌ری دا به‌لاڤكریه كۆ كۆماری هه‌ست دكه‌ن ب رێكا تورێن جڤاكی ده‌نگێن وان هاتینه بێ ده‌نگ كرن، دێ وه‌كه‌ین تورێن جڤاكی كارێ خو یێ ب دروستی ئه‌نجام بده‌ن یان دێ ئه‌وان تورێن جڤاكی پێ گرین.
ئه‌ڤرۆ نیوز:
ده‌سته‌یا گشتی یا گه‌شتوگۆزارێ ب داخستن و ڤه‌كرنا جهێن گه‌شتیاری یێن هه‌رێما كوردستانێ و رێك دان ب ڤه‌كرنا زالگه‌هـان روونكرنه‌ك به‌لاڤكر.
ئه‌ڤرۆ 28/5/2020 وه‌زاره‌تا باژێرڤانی و گه‌شتو گۆزارێ یا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه، داخستن و ڤه‌كرنا جهێن گه‌شتیاری یێن هه‌رێما كوردستانێ رێك دان ب ڤه‌كرنا زالگه‌هـان ل ده‌سه‌لاتا ده‌سته‌یا گشتی یا گه‌شتوگۆزارێ دا نه‌بوویه، بابه‌ت گرێدایی ب ره‌وشا ساخله‌میا گشتی و كێم و زێده‌بوونا مه‌ترسیا ڤایرۆسێ كورونایێ ڤه هه‌یه، له‌ورا ده‌سه‌لاتا بریاردانێ ل ده‌ڤ لژنا بلندا به‌رهنگاربوونا ڤایرۆسێ كورونایێ و ژوورا ئوپراسیونا پارێزگه‌هێن هه‌رێما كوردستانی دایه.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ د راگه‌هاندنه‌كێ دا به‌لاڤكریه ل هه‌ولێرێ 12 توشبووێن دی هاتنه توماركرن.
ئه‌ڤرۆ 28/5/2020 وه‌زاره‌تا ساخله‌میا حكومه‌تا هه‌رێما كوردستانی د راگه‌هاندنه‌كی دا به‌لاڤكریه د به‌رده‌وامیا پشكنین و لێگه‌ریان دووڤ گۆمانلێكریان، 12 توشبوویێن دی ب ڤایرۆسێ كورونا كوڤید 19 ل پارێزگه‌ها هه‌ولێرێ هاتنه توماركرن.
لگۆری راگه‌هاندنا وه‌زاره‌تا ساخله‌میا حكومه‌تا هه‌رێما كوردستانێ هاتیه به‌لاڤكرن، پێنج زه‌لام و پێنج ئافره‌ت و دو كچێن گه‌نجن، حه‌فت ژ توشبوویان به‌ر لێكه‌ڤتێن توشبوویێن به‌ری نوكه‌نه كۆ پێنج ژ توشبوویان ب ئه‌گه‌ری هه‌بوونا نیشانێن نه‌خوشیێ سه‌ره‌دانا نه‌خوشخانه‌یان كرینه.
وه‌زاره‌تا ساخله‌میێ ئه‌و چه‌نده ژی دیاركریه شه‌ش توشبوو ئاكنجیێن ناحیا عه‌نكاوانه شه‌ش توشبوویێن دی ژی ئاكنجیێن تاخێ گولان و كامه‌ران ستی و كومه‌لگه‌ها پیرزین و بنه‌سلاوه‌ن.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: ل هەولێرێ 12 تووشبوویێن نوو یێن کۆرۆنا یێ تۆمار کرن.
هەروەسا گۆتیە: د بەردەوامیا پشکنین و لێگەریانێ لدووڤ گومانلێکریان، دازدە تووشبوویێن دی یێن ڤایرۆسێ کۆڕۆنا یێ ل ھەولێرێ هاتنە دەست نیشانکرن، پێنج زەلام و پێنج ژن و دو کچێن گەنج، حەفت ژ تووشبوویان بەرکەفتیێن تووشبوویێن بەرێنە، پێنج ژ تووشبوویان ب ئەگەرێ هەبوونا نیشانێن وێ نەخۆشیێ سەرەدانا نەخۆشخانان کرینە.
شەش ژ تووشبوویان خۆجهێن ناحیا عەنکاوەنە، شەش تووشبوویێن دیتر خۆجهێن تاخێن گولان و کامەران ستی و کۆمەلگەها پیرزین و بنەسلاوا نە.
ئەڤرۆ نیوز:
محەمەد باقر قالیباف ب ۲۳۰ دەنگێن پەرلەمانتاران بۆ سەرۆکێ نوو یێ پەرلەمانێ ئیرانێ.
محەمەد باقر قالیباف نوونەرێ باێارێ تەھران بوویە، د پەرلەمانێ وی وەلاتی دا و ب پرانیا دەنگێن پەرلەمانتاران بۆ سەرۆکێ نوو یێ پەرلەمانێ ئیرانێ، بۆ سەرۆکێ یازدێ یێ پەرلەمانێ وی وەلاتی.
ناڤهاتی ب ۲۳۰ دەنگان، وەکو سەرۆکێ مەجلسا یازدەمین شورایا ئیسلامی ھاتە ھەلبژارتن و ب سەر مستەفا میرسەلیمی یێ ھەڤرک سەرکەفت، کو ب تنێ وی ۱۲ دەنگێن پەرلەمانتاران ب دەستڤە ئیبنابوون.
هەروەسا ئەمیر حسێن قازی زادە ھاشمی، وەک جێگرێ ئێکێ و عەلی نیکزاد وەک جێگرێ دویێ یێ سەرۆکێ مەجلسا شورایا ئیسلامی ھاتنە ھەلبژارتن.
نيشاندان