ئەڤرۆ نیوز، هۆشەنگ تاجر:
ئەندامەکێ دەستەیا رێڤەبەر یا رێکخراوا مافێن مرۆڤی یا رۆژهەلاتێ کوردستانێ بۆ ئەڤرۆ نیوز دیار کر کو ئەڤرۆ سپێدێ ل زیندانا ئورمیێ دو گرتیێن کوردێن رۆژهەلاتێ کوردستانێ هاتنە سێدارەدان.
هەمان ئەندامی ئەو یەک ژی دیار کو هەر دو گرتیێن کورد یێن ب ناڤێ ئەمیر حوسێن و عەلی عەبدی بەری نها سزایێ سێدارەدانێ ل سەر وان هاتبوو سەپاندن و ئەڤرۆ ژی ل زیندانا ئورمیێ هاتنە سێدارەدان.
ل گۆر زانیاریێن ئەڤرۆ نیوز هەر دو کەس بەری نها ب تاوانا کوشتنێ سزایێ سێدارەدانێ ل سەر وان هاتبوو سەپاندن.
ئەڤرۆ نیوز:
ئەڤرۆ ل باژێرێ مێرسینێ یێ تورکیا دالیا مەحمود برازا سالح موسلیم هەڤسەرۆکێ بەریێ یێ پەیەدێ ب بریارا دادگەهێ ب مەرج هاتە ئازاد کرن.
دەزگەهێن راگەهاندنا تورکیا دیار دکەن کو برازا سالح موسلیم پشتی کو پشکنین بۆ هاتیە کرن ب مەرجێ کو نابیت سەرەدانا دەرڤەی تورکیا بکەت و دڤێت ل ژێر چاڤدێریا دەزگەهێ دادێ بیت و هاتە ئازاد کرن.
ئەڤرۆ نیوز:
ئەڤرۆ دایکا عایشە دایکا سێ شەهیدان وەغەر کر و سەرۆک مەسعود بارزانی ژی پەیامەک بەلاڤ کر.
د پەیاما خوە دا سەرۆک مەسعود بارزانی دیار دکەت کو دایکا عایشە نموونا خوراگریێ و ئازایەتیێ بوو و من ئەو شانسە هەبوو کو سەرەدانا وێ بکەم و گەلەک تشتان ژێ فێر ببم.
سەرۆک بارزانی دیار ژی دکەت کو سەرەخوشیێ ل خزم و کەسوکارێن دایکا عایشە دکەم و خوە ب شریکێ خەما وان دزانم و داخواز ژ خودایێ مەزن دکەم کو رەحمەتیێ ب بهەشتا خوە شاد بکەت.
دایکا عایشە وەکو دایکا شەهیدان دهاتە نیاسین و سێ کورێن وێ د شەرێ ل دژی رێکخراوا تیرۆرستی یا داعشێ دا شەهید بوون و ئەڤرۆ د ژیێ ٩٤ سالیێ دا ژ بەر نەخوشیێ وەغەر کر.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی ل گەل هەڤسەرۆکێ ئێکەتیێ بافل تالەبانی کۆمبوون و د کۆمبوونێ دا بەحسێ ئاریشێن نها ل کوردستانێ و ئالۆزیێن د ناڤبەرا پارتی و ئێکەتیێ دا هاتنە کرن.
ل گۆر زانیاریان هەڤسەرۆکێ ئێکەتیێ دیار کریە کو نابیت ئالۆزیێن د ناڤبەرا پارتی و ئێکەتیێ دا کارتێکرنێ ل کارێ حوکمەتا هەرێما کوردستانێ بکەت و ئەو وەکو ئێکەتی پشتەڤانیێ ل حوکمەتێ دکەن.
ژ ئالیێ خوە ڤە سەرۆکێ حوکمەتا هەرێما کوردستانێ دیار کریە کو کوردستان د قۆناغەکا سەخت دا دەرباز دبیت و ئالۆزیێن نها کارتێکرنەکا خراب ل جڤاکێ کریە و دڤێت هەموو ئالی پشتەڤانیێ ل بەرنامێ چاکسازیێ یێ حوکمەتێ بکەن دا حوکمەت بشێت خزمەتا هەموو وەلاتیان ل هەرێما کوردستانێ بکەت.
ئهڤرۆ نیوز:
رێكخراوا ساخلهمیا جیهانی هوشداریا بلند بوونا ژمارهیا توشبوویێن ڤایرۆسێ كورونایێ و تانوكه عیراق د قوناغا مهترسیێ دایه.
وائیل حتاحت سهرۆكێ تیما فریاگۆزاریا رێكخراوا ساخلهمیا جیهانێ ل عیراقێ راگههاند تانوكه عیراق ژ قوناغا مهترسیێ دا دهرباز نهبوویه، هێشتا سیناریو ریب ری پێلهكا بهێزا ڤایرۆسی دایه، ههكه رێ و ئاوایێن خو پاراستنێ و دوور كهڤتن ژ كۆمڤهبوونێن جڤاكی و گرێدانا دهستگوركان نه هێته بكار ئینان زۆر زێده بن توشبوو، دیار نهمانا ڤایرۆسی ب ئاوایهكی ئاخڤتن و هیردهكاری ژ روویێ زانستی ڤه نینه، مهترسی ژ دهولهتهكێ بۆ دهولهتهكا دی جودایه ئهڤه ژی پێگیربوون ب رێنماییان دهێته گوهارتن، ژمارهیا توشبوویێن عیراقێ ب پێگیربوون ب رێ و ئاوایێن خوپاراستنێ و كۆنترول ل سهر دهێتهكرن.
سهرۆكێ تیما فریاگوزاریا رێكخراوا ساخلهمیا جیهانی ل عیراقێ راگههاند پێدڤیه تهركیز بهێتهكرن ل سهر توخیبداركرنێ بۆ تێكهلبوونا وهلاتیان، هوشداریا ئهوێ چهندێ ژی دا بلند بوونا ژمارهیا توشبوویێن ڤایرۆسی ل رۆژێن چهژنێ ههكه رێنمایی نه ئێنه بجهكرن دێ زۆر زێده بیت.
ئهڤرۆ نیوز:
ژمارهیا ئهو كهسێن ل تهڤایا جیهانێ ساخ بووین و ژ كورونایێ قورتال بووین ژ 10 ملیۆن كهسان دهرباز بوون.
لگۆری مالپهرێ “Worldometer”10 ملیۆن و 52 هزار و 978 توشبوویێن ڤایرۆسێ كورونایێ ل جیهانێ.
ئهمریكا وهلاتێ ئێكێ یه ل جیهانێ كۆ زۆرترین توشبوویێن ڤایرۆسێ كورونایێ تێدا ساخ بووینه و گههشتیه دو ملیۆن و 90 هزار و 129 كهسان، دیڤ دا بهرازیل دهێت ب زێدهتری ملیۆنهك و 617 هزار كهسان بووینه.
ڤایرۆسێ كورونایێ ل جیهانێ ژ چینێ سهرهلدا و دهمهكێ زۆر كورت بهلاڤ بوو ل ههموو جیهانێ، تانوكه ژمارهیا توشبوویێن وێ گههشتیه 16 ملیۆن و 424 هزار و 841 كهسان، و ژ ئهڤێ ژمارهیێ ژی زیدهتری 652 هزار و 340 توشبوویان گیانێ خوه ژ دهست دایه.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند: د دەمێ شەڤ و رۆژەکێ دا 17 کەسان ب کۆرۆنایێ وەغەرکریە و 197 کەسێن دی تووشی ڤایرۆسێ کۆرۆنایێ بووینە، ژ وان ژی 74 ل هەولێرێ، 68 ل سلێمانیێ، 26 ل گەرمیان، 9 ل راپەرین، 13 ل دهۆکێ و 17 ل هەلەبجە. هەروەسا 100 کەسێن دی چێبووینە کو 65 ژ وان ل هەولێرێ، 10 ل گەرمیان، 10 ل راپەڕین، 3 ل دهۆکێ و 12 ل هەلەبجە).
نوکە هژمارا تووشبوویێن کۆرۆنایێ گەهشتە 12 هزار و 450 کەسان.
ئەڤرۆ نیوز، زنار تۆڤی:
ئەڤرۆ ئێڤاری فرۆكێن سۆپایێ توركی دو ترۆمبێل کرنە ئارمانج و دو کەس ژی شەهید کرن.
حهمید زۆبێر رێڤهبهرێ ناحیا بامهرنێ بۆ ئهڤرۆ نیوز دیار کر: ئەڤرۆ ل دەمژمێر چاری ئێڤاری ل گوندێ بارزانكا، کو ئێكە ژ كاڤله گوندێن سهر ب ناحیا بامهرنێ ڤه و یێ چوله، دو ترۆمبێل ل بهرجادێ د راوهستیایی بوون بووینه ئارمانجا فرۆكێن سۆپایێ توركی و ههر دو هاتینه سوتن، دیسان دو کەس ژی د وان ترۆمبێلان دا بوون، هاتینە شەهید کرن.
ناڤهاتی گۆت ژی: د وێ بوردۆمانێ دا، گەنجەکێ خەلکێ زاخۆ هاتیە شەهید کرن، پشتی بوردۆمانێ مرۆڤێن وی لدووڤدا هاتینە و ناسناما وی دیار بوویە، هاتیە رەوانەکرن بۆ نۆشداریا داد، لێ کەسێ دی هەتا نوکە دیار نەبوویە، لەشێ وی هاتیە سوتن و ناسناما وی دیار نەبوویە، لێ 90% گەریلایێ پەکەکێ یە.
ئهڤرۆ نیوز، مهحمود نهێلی:
رێڤهبهرێ ناحیا بامهرنێ بۆ ئهڤرۆ نیوز دیاركر، كو دهمهكى كێم بهرى نوكه فرۆكهیێن توركیا بوردومانا گوندێ بارزانكا كرن و د ئهنجامێ دا دو ترۆمبێلێن گهریلایێن پهكهكى كرینه ئارمانج.
حهمید زوبهیر رێڤهبهرێ ناحیا بامهرنێ بۆ ئهڤرۆ نیوز گۆت: (گوندێ بارزانكا ئێك ژ كاڤله گوندێن سهر ب ناحیا بامهرنێ ڤه و یێ چوله و دكهڤیته نێزك گوندێ ههسن پیركا و دو ترۆمبێلێن گهریلایان ل بهرجادهیێ د راوهستیایی بوون و دهمژمێر چارێ ئێڤاریا ئهڤرۆ 26/7/2020 ئهڤ ههر دو ترۆمبێله بوونه ئارمانجا فرۆكهیێن لهشكهرێ یێن توركیا و ههر دو هاتینه سوتن).
ناڤهاتى ئاشكرا ژى كر، ل گور زانیاریان دو گهریلایان پەکەکێ دڤێ بوردومانێ دا گیانێ خوه ژ دهست داینه.
نيشاندان