سه‌ره‌كى نووترين نووچه

عیراقێ ئامیره‌كێ نوو یێ پیڤانا پله‌یا گه‌رمیێ به‌رهه‌م ئینا

05/05/2020 14:01

ئه‌ڤرۆ نیوز:

وه‌زاره‌تا پیشه‌سازی و كانزایێن حكومه‌تا عیراقێ راگه‌هاند جارائێكێ یه‌ ئامیره‌كی به‌رهه‌م دئینین كۆ پله‌یا گه‌رماتیا ژماره‌یه‌كا وه‌لاتیان د ئێك ده‌م دا تومار بكه‌ت، ئه‌ڤه‌ ژی ئامیرێ پیڤانه‌كرنا پله‌یا گه‌رماتیا پێشكه‌فتی دهێته‌ هژمارتن.

وه‌زاره‌تا پیشه‌سازی و كانزایان یا حكومه‌تا عیراقێ د راگه‌هاندنه‌كێ دا به‌لاڤكر كۆ ئامیره‌ك به‌رهه‌م ئینایه‌ كۆ كامێرا گه‌رمیێ ل سه‌ر هاتیه‌ دانان، د ئێك ده‌م دا پله‌یا 30 كه‌سان تورما دكه‌ت، ئامیر ب رێكا به‌رنامه‌یێ پێشكه‌فتی دهێته‌ بكار ئینان، وێنه‌یی روویێ كه‌سی دگریت و پاشی پله‌یا گه‌رماتیا وی، ئه‌ڤی ئامیری كارتێكرنه‌كا مه‌زن هه‌یه‌، دشیاندایه‌ ل فرۆكه‌خانه‌یان و جهێن گشتی بهێته‌ بكار ئینان.

وه‌زاره‌تا پیشه‌سازی و كانزایان ئه‌و چه‌نده‌ ژی د راگه‌هاندنا خودا دیاركریه‌ هه‌فتیا بهێت دێ ئامیر بۆ ده‌ستنیشانكرنا توشبوویێن ڤایرۆسێ كورونایێ ژلایێ تیمێن ساخله‌می و ئه‌منی به‌رده‌ست بیت ب دووراتیا 10 مه‌تران كارێ خۆ دكه‌ت.

دو توشبوویێن دی ب كورونایێ ل عیراقێ هاتنه‌ راگه‌هاندن

05/05/2020 12:18

ئه‌ڤرۆ نیوز:

فه‌رمانگه‌ها ساخله‌میا نه‌جه‌ف راگه‌هاند ژ ئه‌نجامێ پشكنین و لێگه‌ریانان ئه‌ڤرۆ دو توشبویێن ڤایرۆسێ كورونایێ هاتنه‌ ده‌ست نیشانكرن.

لگۆری راگه‌هاندنا فه‌رمانگه‌ها ساخله‌میا نه‌جه‌فێ هاتیه‌ به‌لاڤكرن، ژ ئه‌نجامێ 182 پشكنینان كو دناڤا وان دا 61 پشكنین ب ئاوایه‌كێ هه‌ره‌می هات بوونه‌كرن، 8 كه‌س ره‌وانه‌ی كه‌ره‌نتینه‌كرنێ هاتنه‌كرن، ئه‌نجامێ پشكنینان ده‌ركه‌ت كۆ دو ژ وان كه‌سان هه‌لگرێن ڤایرۆسێ كورونایێ بوون‌، ئێك ژ توشبویان ئاكنجیێ تاخی میسان ده‌ڤه‌را كوفه‌یه‌، ئه‌ڤێ دی ئاكنجیێ تاخێ جه‌زیره‌یه‌ نێزیك خاندنگه‌ها گه‌له‌.

ژماره‌یا توشبووێن عیراقێ دو هزار و 348 كه‌س هاتینه‌ توماركرن، 98 كه‌س ژی بڤی ڤایرۆسی مرینه‌، هزار و 544 كه‌س ژی ساخ بووینه‌.

پێشبینیێن سه‌قای د 48 ده‌مژمێران بهێت دا

05/05/2020 11:57

325

ئه‌ڤرۆ نیوز:

سه‌قا ناسیا هه‌رێمێ راگه‌هاند ل هنده‌ك ده‌ڤه‌رێن هه‌رێما كوردستانێ باران دێ باریت و بریسی ڤه‌ده‌ن.

رێڤه‌به‌راتیا گشتی یا سه‌قا ناسی و بیڤه‌له‌رزان یا هه‌رێما كوردستانێ راگه‌هاند دێ ل هنده‌ك ده‌ڤه‌ران باران باریت و له‌زاتیا بایی توز دروست دبیت.

رێڤه‌به‌راتیا سه‌قا ناسیا هه‌رێمێ پێشبینیا سه‌قایێ ئه‌ڤرۆ و سوبه‌هی دیاركر.

ئه‌ندامێ شانه‌یا قه‌یرانان: دڤێ قوناغێ دا به‌لاڤ بوونا ڤایرۆسی ل عیراقی مه‌ترسیداره‌

05/05/2020 11:37

ئه‌ڤرۆ نیوز:

بریكارێ وه‌زاره‌تا ساخله‌میا حكومه‌تا عیراقێ راگه‌هاند هێشتا د قوناغا مه‌ترسیا به‌لاڤبوونا كورونایی داینه‌ و زوویه‌ وه‌لاته‌ك سه‌ركه‌تنێ ب سه‌ر كورونایێ دا رابگه‌هینیت.

جاسم فه‌لاحی بریكارێ وه‌زیرێ ساخله‌میا عیراقی و ئه‌ندامێ شانه‌یا قه‌یرانێن عیراقێ بۆ به‌رهنگاربوونا كورونایێ راگه‌هاند: ره‌وشا به‌لاڤ بوونا ڤایرۆسی ل عیراقی مه‌ترسیداره‌ دڤێ قوناغێ دا مه‌ پێدڤی ب هه‌ڤكاری و هه‌ماهه‌نگیا وه‌لاتیان و هه‌موو لایه‌كی هه‌یه‌ بۆ به‌رهنگاربوونا ڤایرۆسی، نه‌بوونا هشیاریێ دناڤ جڤاكی، ئه‌ڤه‌ ئه‌گه‌رێ سه‌ره‌كێ به‌لاڤبوونا ڤایرۆسی یه‌ ل عیراقی .

جاسمی ئه‌و چه‌نده‌ ژی دازانین كو كورونا ڤایرۆسه‌كێ بهێز و چالاكه‌ و شیانێن به‌لاڤبوونێ هه‌یه‌، چ وه‌لات د نوكه‌دا نه‌شێن سه‌ركه‌فتنێ ب سه‌ر ئه‌ڤی ڤایرۆسی دا رابگه‌هینن.

ئه‌ڤرۆ شاندێ هه‌رێمێ دێ سه‌ره‌دانا به‌غدا دكه‌ته‌ڤه‌

05/05/2020 10:55

ئه‌ڤرۆ نیوز:

شاندێ حكومه‌تا هه‌رێما كوردستانی بۆ درێژه‌دان ب دانوستاندنان دێ سه‌ره‌دانا به‌غدا كه‌ن.

بریاره‌ ئه‌ڤرۆ 5/5/2020 شاندێ هه‌رێما كوردستانێ جاره‌كا دی سه‌ره‌دانا به‌غدا بكه‌ن و ل گه‌ل وه‌زیری پترۆلا عیراقێ و به‌رپرسێن دی یێن عیراقێ كۆم بن.

فارس عیسا سه‌رۆكێ نوونه‌راتیا حكومه‌تا هه‌رێما كوردستانێ ل به‌غدا راگه‌هاند شاند بۆ درێژه‌دان ب دانوستاندنێن دناڤبه‌را هه‌ولێرێ و به‌غدا پرسا پترۆلێ و غازێ پشكا بودجا هه‌رێما كوردستانێ سه‌ره‌دانا به‌غدا كه‌نه‌ڤه‌.

شاندێ حكومه‌تا هه‌رێما كوردستانێ ب راسپارده‌یا مه‌سرور بارزانی سه‌رۆكێ حكومه‌تا هه‌رێما كوردستانێ سه‌ره‌دانا به‌غدا دكه‌ت.

ل زومار درۆشمێن تیرۆرستێن داعش دهێنه‌ به‌لاڤكرن

05/05/2020 09:58

307

ئه‌ڤرۆ نیوز، له‌زگین جوقی

به‌رپرسێ‌ لێژنا پارتی دیموكراتی كوردستان ل ناحیا زومار دیاركركو ل سه‌ر دێوارێ‌ مالا كه‌سه‌كێ‌ عه‌ره‌ب دروشمێن داعش هاتینه‌ نڤیسین هه‌روه‌سا ژی ل سه‌ر دێوارێن مزگه‌فته‌كێ‌ ژی دروشمێن داعش هاتینه‌ به‌لاڤكرن نها تیرۆرستێن داعش ل ناحیا زومار ده‌ست ب نڤیسینا دروشمێن خوه‌ كریه‌.

حه‌سه‌ن خه‌لۆ، به‌رپرسێ‌ لێژنا پارتی دیموكراتی كوردستان ل ناحیا زومار دیاركركو لسه‌ر دێوارێ‌ مالا كه‌سه‌كێ‌ عه‌ره‌ب هه‌روه‌سا ژی لسه‌ر مزگه‌فتا مه‌عسكه‌رێ دومیز ژی ل ناحیا زومار دروشمێن تیرۆرستێن داعش هاتینه‌ نڤیسین لسه‌ر دێوارێ‌ چێكرینه‌( دوله‌ الاسلامیه‌ باقیه‌) وهنده‌ك دروشمێن دی ژی هاتینه‌ نڤیسین ئه‌ڤه‌ چیبوویێ‌ ل سه‌ر دێوارێ‌ كه‌سه‌كێ‌ عه‌ره‌ب ژ هوزا جحێشیا ل نێزیك مه‌یدانه‌كا ئاژه‌لێ‌ دسه‌نته‌رێ‌ ناحیا زومار دا دروشمێ‌ داعش هاتینه‌ چێكرن .

ئاشكه‌را كركو پولیسێن زومار ده‌ست ب ڤه‌كۆلینێ‌ كریه‌ ل سه‌ر وان دروشمێن تیرۆرستێن داعش یێن سه‌ر دێواران دهێنه‌ نڤیسین هه‌روه‌سا ژی ل سه‌ر دێوارێن مزگه‌فتا مه‌عسكه‌رێ دومێز ژی ل ناحیا زومار دروشمێن تونده‌روێن داعش هاتینه‌ نڤیسین.

زێده‌تر گۆت: شانه‌یێن نڤستنی یێن تیرۆۆستێن داعش ل ناحیا زومار ده‌ست ب جموجۆڵی كرینه‌ هه‌روه‌كو نوكه‌ ل سه‌ر دێوارێن مال و مزگه‌فتا ل زومار دروشمێن داعش دهێنه‌ چێكرن ئه‌ڤه‌ وێ‌ دگه‌هینت كو تیرۆۆستێن داعش هه‌نه‌.

پشتی ڤه‌كرنا ده‌رگه‌هێن كارگه‌هان بهایێ پترۆلێ بلند بوو

05/05/2020 09:53

1311

ئه‌ڤرۆ نیوز:

بهایێ پترۆلێ ل بازارێن جیهانێ ل چاڤ رۆژێن بوریی بلند بوویه‌.

ئاژانسا رویته‌رز به‌لاڤكریه‌، بهایێ پترۆلێ ئه‌ڤرۆ كۆ رۆژا 5 ئایاری 2020 بلندبوونه‌كا دی توماركر، ب ئاوایه‌كی بهایێ به‌رمیلا پترۆلا برێنت ب 28.31 دۆلاران كرین و فرۆتن ل بازاری پێ هاتیه‌ كرن، هه‌ڤده‌م بهایێ به‌رمیلا پترۆلا ئه‌مریكی 21.66 دۆلاران ل بازارێن جیهانێ كرین و فرۆتن پێ هاتیه‌كرن.

بلند بوونا بهایێ پترۆلێ ل بازارێن جیهانێ د ده‌مه‌كی دایه‌ كۆ ژماره‌یه‌كا وه‌لاتێن به‌رهنگاریا ڤایرۆسێ كورونایێ كری ته‌ڤایا كه‌رتێ پیشه‌سازی و بازرگانی راوه‌ستاند بوون، به‌لێ نوكه‌ ب ئه‌گه‌ری كێم بوونا مه‌ترسیێن كورونایێ، پشكه‌كا چالاكیێن ئابووری ده‌ستپێكرینه‌ڤه‌، ئه‌ڤ چه‌نده‌ ژی بوویه‌ ئه‌گه‌رێ بلند بوونا بهایێ پترۆلێ.

ب ئه‌گه‌رٍێ بلاڤبوونا ڤایرۆسێ كورونایێ، كارگه‌هـ و كه‌رتێن وه‌به‌رهینانێ هاتنه‌ گرتن و راوه‌ستاندن، له‌ورا خواست ل سه‌ر بكارئینان و كرینا پترۆلێ كێم بوو، ئه‌ڤه‌ژی بۆ ئه‌گه‌رێ داكه‌تنا بهایێ پترۆلێ ل بازارێن جیهانێ و ئه‌و وه‌لاتێن پشت به‌ستن ل سه‌ر به‌رهه‌مێ پترۆلێ كرین تووشی زیانه‌كا مه‌زنا ئابووری و دارایی بوون.

په‌رله‌مانێ كوردستانێ دێ چاره‌نڤیسێ پرۆسا خواندنێ گوتۆبێژ کەت

04/05/2020 22:02

142

ئەڤرۆ نیوز:

په‌رله‌مانێ كوردستانێ دێ ل ‌سه‌ر چاره‌نڤیسێ پرۆسا خواندنێ كۆمبیت‌ و وەزارەتا خواندنا بلند و پەروەردێ دێ لێكەفتێن كۆرۆنا یێ ل پەرلەمانی ئێخنە بەرچاڤ.

دەستەیا سەرۆكاتیا پەرلەمانێ كوردستانێ، د بانگھێشتنامەکێ دا، کو بۆ پەرلەمانتاران هنارتیە، ئاماژە ب هندێ دایە، کو رۆژا چارشەمبی پەرلەمانێ كوردستانێ، دێ کۆمبیت و لدووڤ کارنامێ وێ کۆمبوونێ، دێ خواندنا دویێ بۆ چەند برگێن ھەموارا پەیرەوێ نافخۆ یێ پەرلەمانێ كوردستانێ هێتە كرن.

ھەروەسا دیار کریە، دێ گوتۆبێژ دەربارەی پلانا وەزارەتێن خواندنا بلند و پەروەردێ هێتە کرن بۆ مامەلەكرنێ ل گەل لێكەفتێن ڤایرۆسێ كۆرۆنا یێ ل سەر پرۆسا خواندنێ بۆ سالا 2019-2020.

ئەڤە دو رۆژه چ تووشبویێن كۆرۆنا یێ ل هەرێما كوردستانێ نەهاتینە تۆمار کرن

04/05/2020 21:47

ئەڤرۆ نیوز:

وه‌زاره‌تا ساخلەمیا هه‌رێما كوردستانێ، ئه‌ڤرۆ دوشه‌مبی (4 گولانا 2020) راگه‌هاندنەک بەلاڤکریە و تێدا هاتیە، د دەمێ 24 دەمژمێرێن بوری دا (1733) پشکنین هاتینە ئەنجامدان ل سەر ئاستێ هەرێما کوردستانێ، (862) ل هەولێرێ، (518) ل سلێمانیێ، (260) ڵ دهۆكێ، (10) ل هەلەبجە، (81) ل سۆران ، د ئەنجامدا چ تووشبوویێن نوو ل هەرێما کوردستانێ نەهاتینە تۆمار کرن.

سەرجەمێ گشتی یێ تووشبوویان ب ڤایرۆسێ کۆرۆنا یێ ل هەرێما کوردستانێ (387) کەسن، ژ وان ژی (5) کەس مرینە و (343) نەخۆش چێبووینە، نوکە (39) نەخۆش ل ژێر چاڤدێریا نۆشداری دانە.

ساخلەمیا عیراقێ: 50 حالەتێن توشبوون ب کۆرۆنا یێ هاتنە تۆمار کرن

04/05/2020 20:10

ئەڤرۆ نیوز:

وەزارەتا ساخلەمی و ژینگەها عێراقێ راگەهاند، د دەمێ ٢٤ دەمژمێرێن بورى دا 50 حالەتێن توشبوون ب کۆرۆنایێ و 45 حالەتێن چێبوونێ و حالەتەکێ گیان ژ دەست دانێ هاتینە تۆمار کرن.

نيشاندان 1...1,000 482483484 1,480 2,480...3,095 زێده‌تر

لاپه‌ر 483 ژ 3,095