ئەڤرۆ نیوز:
روانگەها سووری بۆ مافێن مرۆڤی دیار کر، ئەڤرۆ تەقینەک ل عەفرین روودایە و د وێ تەقینێ دا 22 کەس هاتینە کوشتن.
هەروەسا روانگەها سووری بۆ مافێن مرۆڤی گوتیە ژی، ئەو تەقینە ب ئەگەرێ تانکەرەکێ بۆمبرێژکری بوویە ل سەر رێیا دەڤەرا راجوو، ئەوێن بریندار بووین پشکەکا زۆر یا جەستەیێن وان هاتینە سووتن، کو پتری 40 کەسان بریندار بووینە.
ئەڤرۆ نیوز:
نێچیرڤان بارزانی سەرۆکێ هەرێما کوردستانێ ل گەل جینین پلاسخارت نوونەرا تایبەت یا سکرتێرێ گشتی یێ نەتەوێن ئێکگرتی ل عیراقێ کۆمبوو و د کۆمبوونێ دا سەرۆکێ هەرێما کوردستانێ راگەهاند نابیت عیراق بابەتێ مووچەی و شایستێن دارایی یێن هەرێما کوردستانێ بکەتە پرسەکا سیاسی و راگرتنا مووچێن فەرمانبەران بنپێکرنا دستووری یە.
سەرۆکێ هەرێما کوردستانێ دیار ژی کر کو ئەو وەکو هەرێما کوردستانێ ب وی مەرجی پشتەڤانیێ ل مستەفا کازمی دکەن کو هەموو مافێن دستووری یێن هەرێما کوردستانێ د کابینا وی دا بهێنە پاراستن.
ئەڤرۆ نیوز، هۆشەنگ تاجر:
وەحید سەمەدی چالاکڤانێ مافێ مرۆڤان ل باژێرێ ئورمیێ بۆ ئەڤرۆ نیوز دیار کر کو ئەڤرۆ سەر سپێدێ ئیرانێ دو گرتیێن کوردی ب ناڤێن زرار پەیامی د ژیێ ٥٣ سالیێ و یاسر رەسولی د ژیێ ٣٣ سالیێ دا ل سێدارە دا.
سەبارەت ب تاوانێن وان هەر دو گرتیان ژی ناڤهاتی راگەهاند کو هەر دو گرتی ب تاوانا کوشتنێ ل زیندانێ بوون، یاسر رەسولی بەری هەشت سالان ب کوشتنا کەسەکێ هاتبوو گرتن و سزایێ سێدارەدانێ ل سەر وی هاتبوو سەپاندن و هەروەسا زرار پەیامی ژی بەر سێ سالان ژ بەر ئاریشەکا جڤاکی کەسەک کوشتبوو.
ئەڤرۆ نیوز:
تورکیا ب رێیا فرۆکێن بێ فرۆکەڤان هێرشی بنگەهەکێ ئاسایشێ یێ رێڤەبەریا خوەسەر ل باژێرێ کۆبانێ کر.
بەرپرسەکێ ئاسایشێ ل کۆبانێ ژی راگەهاند ترۆمبێلەکا ئاسایشێ ب تەمامی ژناڤچوویە، لێ سەبارەت ب زیانێن گیانی و مادی چو داخۆیانی هەتا نها بەلاڤ نەکرینە.
پشتی هێرشی هێزێن سووریا دیموکرات و بەرپرسێن رێڤەبەریا خوەسەر نەرازیبوونا خوە ل هەمبەر تورکیا دیار کرن.
ئەڤرۆ نیوز:
شاندەکێ هەرێما کوردستانێ ل سەر داخوازا فەرمی یا عادل عەبدولمەهدی سەرۆک وەزیرێن عیراقێ دێ ئەڤرۆ ئێڤاری سەرەدانا بەغدا کەت و دێ گەل سەرۆک وەزیران، وەزیرێ پەترۆلێ و بەرپرسێن دی یێن عیراقێ هەڤدیتنان کەت.
د. ڤیان سەبری سەرۆکا فراکسیۆنا پارتی ل پەرلەمانێ عیراقێ ژی دیار کر کو دێ شاندێ هەرێمێ ب سەرۆکاتیا قوباد تالەبانی جێگرێ سەرۆک وەزیرێن هەرێما کوردستانێ سەرەدانا بەغدا کەت و دێ ل گەل بالیۆز و هندەک نوونەرێن وەلاتێن بیانی ژی هەڤدیتنان کەن و گۆت: (بابەت دێ ل دۆر ئاریشا مووچەی و پرسێن دی یێن دارایی بیت و هێڤیدارین ئاریشە بهێنە چارەسەر کرن).
ئه‌ڤرۆ نیوز:
لگۆری دوماهی ئامار، توشبوویێن ڤایرۆسێ كورونا ل جیهانێ گه‌هشته سێ ملیۆن و 77 هزار و 133 كه‌سان.
لگۆری ئامارێن جیهانی تاكۆ ده‌مژمێر ئێك و نیڤێ ئه‌ڤرۆ یێ رۆژا سێ شه‌مبی، ژماره‌یا توشبوویێن كورونا ل جیهانێ گه‌هشته سێ ملیۆن و 77 هزار و 133 كه‌سان، ژ وێ ژماره‌یێ دو سه‌د یازده هزار 961 كه‌س مرینه.
ل سه‌ر ئاستێ وه‌لاتێن جیهانێ، ئه‌مریكا زۆرترین رێژه‌یا توشبوونێ ب ڤایرۆسێ كورونایێ تێدا هاتیه توماركرن و گه‌هشتیه ملیۆنه‌ك و 10 هزار و 507 كه‌سان، پێنج و شه‌ش هزار و 803كه‌س ژی مرینه.
ڤایرۆسێ كورونایێ نه‌خوشیه‌كا كۆشنده‌یه و ل هه‌یڤا 12 یا ئیسال ل باژێرێ ئوهان یێ چینێ سه‌رهلدا و نوكه ل زیده‌تری 200 وه‌لاتێن جیهانێ به‌لاڤ بوویه.
ئه‌ڤرۆ نیوز:
سه‌رۆكێ ئه‌مریكا راگه‌هاند دێ ڤه‌كۆلینه‌كا رژد دكه‌ین و ژ چینێ نه درازینه.
دونالد تره‌مپ سه‌رۆكێ ئه‌مریكا راگه‌هاند چین دشیا رێكێ ل ڤایرۆسێ كورونایی بگریت به‌ری ل هه‌می جیهانێ به‌لاڤ بیت، حكومه‌تا ئه‌مریكا دێ ڤه‌كۆلینه‌كا رژد ل سه‌ر ئه‌وێ چه‌ندێ كۆ ل ده‌ستپیكێ چ روودا و چه‌وا ده‌ستپێكر و ئه‌م نه‌رازینه ژ چینێ.
سه‌رۆكێ ئه‌مریكا ئه‌و چه‌نده ژی راگه‌هاند ئه‌م دوێ باوه‌ریێ داینه ژی دشیان دابوو ڤایرۆس ل ژێده‌ری بهێته راوه‌ستاندن، بله‌ز ژی بهێته چاره‌كرن و نوكه هه‌می جیهان بڤی ڤایرۆ ڤه نه دنالی.
ئه‌ڤرۆ نیوز:
ئه‌ڤرۆ دو ته‌قین ل باژێرێ كه‌ركووكێ ل هه‌مبه‌ر ئاڤاهیێ هه‌والگریا عیراقێ روودان.
لگوری زانیاریێن ده‌ستپێكی، ئه‌و دو ته‌قین خوكۆژی بوون ل تاخێ قادسیه ل هه‌مبه‌ر ئاڤاهیێ هه‌والگریا عیراقێ بوودان.
دو خوكۆژ ب پشتینێن بومبرێژكری بخۆ ڤه گرێدا بوون، ل هه‌مبه‌ر ده‌رگه‌هێ ئاڤاهیێ هه‌والگریا عیراقێ ریب ری هێزێن ئه‌منی بوون و پاشی خو ب ئه‌وان هێزانڤه ته‌قاندن.
نيشاندان