ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ چێبوونا سێ تووشبوویێن کۆرۆنا یێ راگەهاند، کو دووماهی تووشبوویێن کۆرۆنا یێ بوون ل پارێزگەها دهۆکێ و ب ڤێ چەندێ چ تووشبوویی ل دهۆکێ نەماینە.
سێ تووشبوویێن دیتر یێن کۆرۆنا یێ ل دهۆکێ چێبوون
نووترين نووچه
- دڤێت رەفتارا نە دادپەروەرانەیا ل گەل فەرمانبەرێن هەرێما كوردستانێ دهێتە كرن ب دووماهی بهێت
- مستەفا كازمی: پێدڤییە سیستەمێ كونفیدرالی ل ئیراقێ بهێتە پەیڕەوكرن
- میسال ئالۆسی: سیاسەتا برسیكرنێ سیاسەتەكا فاشییانەیە.
- د. ڤیان سەبری: وەزیرێن كورد بۆ چارەسەركرنا كێشەیا مووچەی دێ ل گەل سۆدانی كۆمبن
- سەروەر هاواری: دەستەکەک د حوكمەتا ئیراقێ دا ناخوازیت كوردستان ببیتە خودانا هیچ تشتەكی
- نێچیرڤان بارزانی و وەزیرێ دەرڤە یێ ئەمریكا پەیوەندیێن هەولێرێ و واشنتۆنێ گەنگەشەكرن
- مەسرور بارزانی و جاكی رۆزن، ل سەر رێزگرتن و پاراستنا قەوارەیێ هەرێما كوردستانێ د هەڤڕابوون
- سەرۆكێ حوكمەتا هەرێمێ دوپاتیێ ل هنارتنا شایستەیێن دارایی یێن خەلكێ كوردستانێ دكەت
- هەتا بەری جەژنێ مووچەیێن خەلكێ كوردستانێ نەهێنە هنارتن دێ مە هەلوەستێ جدی هەبیت
- نەهنارتنا مووچەیێن فەرمانبەرێن كوردستانێ بڕیارەكا سیاسییە دژی ئیرادەیا گەلێ كوردستانێ و قەوارەیێ هەرێمێ
سه‌ره‌كى نووترين نووچه
بهایێ بەرمیلەکێ نەفتا تەکساس بۆ کێمتر ژ سێ دۆلاران داکەفت
وەزارەتا ئەوقاف و كاروبارێن ئاینی راگەهاندنەک بەلاڤکر
ئەڤرۆ نیوز:
د راگەهاندنەکێ دا وەزارەتا ئەوقاف و کاروبارێن ئاینی دەربارەی ڤەکرنا مزگەفتان ل هەیڤا رەمەزانا پیرۆز راگەهاندیە:
ب پێدڤی دزانین سوپاسیەکا گەرم بۆ نڤێژخوینان و مامۆستایێن ئاینی یێن بەرێز بکەین، بۆ ئارامی و خۆراگریا وان و پابەند بوونا وان ب رێنمایێن ساخلەمیێ، بۆ هندێ داکو ئەم ھەموو بشێین رێکێ ل مەترسیێن ڤێ نەخۆشیێ بگرین، خۆش بەختانە ئەو رێکارێن کو حوکمەتا ھەرێما کوردستانێ گرتینەبەر ژ پرانیا وەلاتان باشتر بوویە.
بەرێزان بابەتێ ڤەکرنا مزگەفتان د کۆمبوونا بوری یا جڤاتا وەزیران گوتۆبێژ دەربارەی هاتینە کرن، د ماوێ دو رۆژێن بهێت دێ لژنا بەرهنگاریا کۆرۆنا یێ ڤی بابەتی ب رژدی گوتۆبێژ کەت، ھەر تشتەکێ د بەرژەوەندیا وەلاتیێن ھەرێما کوردستانێ دابیت، دێ لژنا بەرهنگاریا کۆرۆنا یێ و وەزارەتا ئەوقاف و کاروبارێن ئاینی و وەزارەتا ساخلەمیێ بریارێ د ڤی واری دا دەت و ل دەمێ پێدڤی دا دێ هێتە راگەهاندن، بەرێزان بەرپرسیارەتیا ئاینی و نیشتیمانی و مرۆڤی و ساخلەمیێ وەسا دخوازیت، کو خوە ئارام بگرین هەتا بریارەک دڤی باری دا دهێتە دان.
قایمقامێ دەربەندیخان: هەموو توشبوویێن کۆرۆنا یێ ل سنورێ وێ قەزایێ چێبووینە
دهۆک: قوناغا شەشێ یا ئاسانکاریان هاتە راگەهاندن
ئەڤرۆ نیوز:
پارێزگەها دهۆکێ قوناغا شەشێ یا ئاسانکاریێن قەدەغەیا هاتنوچوونێ راگەهاند، کو سوبەهی دێ چیتە د وارێ جێبەجێکرنێ دا.
پارێزگارێ دهۆکێ راگەهاند، ئەڤرۆ دوشەمبێ ٢٠ نیسانا ٢٠٢٠ قوناغا شەشێ یا ئاسانکاریان بۆ وەلاتیێن پارێزگەها دهۆکێ بۆ قەدەغەیا هاتنوچوونێ دا راگەهاند، و بریارە سوبەهی بچینە د وارێ جێبەجێکرنێ دا.
دیار کر ژی، د قوناغا شەشێ دا رێک دێ ب پیشەسازیان هێتە دان بۆ ڤەکرنێ و کارگەهێن دارتاشیێ و کرین و فرۆشتنا کەلوپەلێن کارەبایێ و جهێن موبایلان و مەیدانێن تەرش و کەوالی هێتە دان بهێنە ڤەکرن.
٩ تووشبوویێن دی یێن کۆرۆنایێ ل هەولێرێ باش بوون
قەدەغەیا هاتنوچوونێ ل کەرکووکێ دهێتە راکرن
پەیڤدارێ ئەوقافێ: زەحمەتە بۆ رەمەزانێ مزگەفت بھێنە ڤەکرن
ئەڤرۆ نیۆز، قائید میرۆ:
وەلاتیێن ھەرێما کوردستانێ دخوازن بۆ ھەیڤا رەمەزانێ دەرگەھێن مزگەفتا بھێنە ڤەکرن و پەیڤدارێ وەزارەتا ئەوقاف و کارۆبارێن ئاینی ژی رەتکر چ بڕیار بۆ ڤەکرنا مزگەفتا ھەبن و دیار، ھەر مامۆستایەکێ ئاینی دەرگەھێ مزگەفتێ بێی حکومەتێ ڤەکەت دێ بەرپرسیاربیت.
نەبەز ئیسماعیل، پەیڤدارێ وەزارەتا وەزارەتا ئەوقافێ بۆ ئەڤرۆ نیۆز دیارکر” گرتنا دەرگەھێ مزگەفت و جھێن ئاینی ب بڕیارا لیژنا بلندا بەرھنگاربوونا ڤایرۆسا کورونایێ بوویە، لەوڕاژی بۆ ڤەکرنا مزگەفت و جھێن ئاینی ئەم وەکی ئەوقاف چاڤەڕێی بڕیارا لیژنا بەرھنگاریا کۆرۆنایێ دکەین، تنێ وانا دەستھەلات ھەیە مزگەفت بھێنە ڤەکرن.
پەیڤدارێ وەزارەتا ئەوقافێ دبێژیت” ھێشتا مەترسیا ڤایرۆسا کورونایێ دوماھی نەھاتیە و ئەم باوەرناکەین بۆ ھەیڤا رەمەزان مزگەفت و جھێن ئاینی بھێنە ڤەکرن، چونکە مۆل و بازاڕێن مەزنژی نەھاتینە ڤەکرن.
نەبەز ئیسماعیل ئاماژەکر” ل زۆربەیا ولاتێن ئیسلامی دەرگەھێ مزگەفت و پەرستگەھا ھاتینەگرتن، لەوڕا نابیت بێی بڕیار چو مامۆستایەکێ ئاینی د ھەیڤا رەمەزانا پیرۆزدا مزگەفتێ بکار بینیت.
سه‌رۆكێ لژنا دارایی ل جڤاتا نوونه‌ران: رێك ب ده‌ستكاریكرنا موچهی ناهێته‌دان
ئه‌ڤرۆ نیوز:
لژنا دارایی ل جڤاتا نوونه‌رێن عیراقێ ته‌ئكید دكه‌ن كۆ رێكێ ناده‌نه حكومه‌تێ ده‌ستكاریا موچه‌یێ فه‌رمانبه‌ران بكه‌ت.
هه‌یسه‌م جبوری سه‌رۆكێ لژنا دارایی ل جڤاتا نوونه‌رێن عیراقێ ئه‌و نوچه ره‌تكرن كو سه‌باره‌ت ئه‌گه‌ری كێمكرنا موچه‌یێ فه‌رمانبه‌ران هاتینه به‌لاڤكرن، و راگه‌هاند: پێشكێشكرنا پێشنیارێن برینا موچهی ب رێژه‌یه‌كێ دیره ژ راستیێ، هنده‌ك پێشنیار بۆ كێمكرنا قه‌یرانا دارایی هاتینه پێشكێشكرن وه‌ك چالاكرنا گۆمرك و خویكێ.
ئه‌ڤ داخویا سه‌رۆكێ لژنا دارایی یا جڤاتا نوونه‌رێن عیراقێ دده‌مه‌كی دایه كۆ په‌یڤدارێ جڤاتا وه‌زیران یا عیراقێ راگه‌هاند كورت ئینانا بودجێ 40 ملیار دۆلاران دهێته خه‌ملاندن و ئه‌ڤه ژی ژبلی ئه‌وان پیگیربوونێن دارایی وه‌ك دانا قه‌رێن ده‌ره‌كی ل سه‌ر حكومه‌تێ، قه‌یرانا داراییی ب ئه‌گه‌ری داكه‌تنا بهایێ پترۆلێ، وه‌زاره‌تا دارایی چه‌ند پێشنیاره‌ك بۆ گوهورینا موچهی دانوستاندنێ ل سه‌ر دكه‌ت.
په‌یڤدارێ حكومه‌تا عیراقێ راگه‌هاند: حكومه‌تا عیراقێ هزر ل گوهورینا سیسته‌مێ موچهی دا دكه‌ت
ئه‌ڤرۆ نیوز:
عه‌لا جه‌لوب فه‌هد په‌یڤدارێ نڤسینگه‌ها راگه‌هاندن و په‌یوه‌ندێن حكومه‌تا عیراقێ راگه‌هاند: حكومه‌ت دانوستاندنێ ل سه‌ر چه‌ند پێشنیاره‌كان بۆ گوهورینا سیسته‌مێ موچهی دكه‌ت، كۆ پاشه‌كه‌وتێ نه‌چاری ب رێژا 25% ئێكه ژ ئه‌گه‌ران.
عه‌لا جه‌لوب ئه‌و چه‌نده ژی راگه‌هاند:لژنا دارایی ل گه‌ل شاره‌زایێن ئابووری ل وه‌زاره‌تا دارایی نوكه مژوولی ڤه‌كۆلینكرنا چه‌ند پێشنیاره‌كانه بۆ گوهورینا سیسته‌مێ موچهی،ئێك ژ پێشنیاران ژی، كۆ ب شێوه‌یه‌كێ نه‌فه‌رمی هاتیه ئاراسته‌كرن، پاشه‌كه‌وتكرنا نه‌چاریا موچهی ژ ته‌ڤایا فه‌رمانبه‌ران ب رێژا 25% یان كێمكرنا ده‌رماله‌یێن ناجێگیر سه‌ر موچهی.
عه‌لا جه‌لوب فه‌هد په‌یڤدارێ نڤسینگه‌ها راگه‌هاندن و په‌یوه‌ندێن حكومه‌تا عیراقێ ئه‌و چه‌نده ژی ل سه‌ر بژارده‌یان راگه‌هاند: هه‌موو بژارده دبه‌ر ڤه‌كۆلینان دانه و كیشك باشتره حكومه‌ت دێ وێ هه‌لبژێریت، ئه‌ڤه ژی ل سه‌ر حكومه‌تا نوو گرێدایه، كۆ ره‌شنڤیسێ یاسایێ پێشكێش بكه‌ت و تێدا پێشنیاران و چاره‌سه‌ری تێدا بن بۆ ئاریشا موچهی كۆ تێدا ده‌رباز دبیت، كۆ بده‌ست كورتئینانه‌كا مه‌زن ڤه دنالیت، ئه‌ڤه ژی زێده‌باری قه‌یرانا كورونا و داكه‌تنا بهایێ پترۆلێ، كورت ئینانا بودجێ 40 ملیار دۆلاران دهێته خه‌ملاندن زێده‌باری پیگیربوون ب قه‌رزێن ده‌رڤه سه‌ر عیراقێ كۆ ب شیوه‌كێ پشك دده‌ت.
نيشاندان
WP Facebook Auto Publish Powered By : XYZScripts.com