ئەڤرۆ نیوز:
وەزارەتا ناڤخوە یا حوکمەتا هەرێما کوردستانێ قەدەغەیا هاتنوچوونێ ل هەر چار پارێزگەهێن هەرێما کوردستانێ هەتا ١/٥/٢٠٢٠ درێژ کر.
وەزارەتا ناڤخوە دیار دکەت کو دەمژمێر ٦ هەتا ١٢ شەڤێ قەدەغەیا هاتنوچوونێ ل هەموو هەرێما کوردستانێ دێ ب تەمامی هێتە بجهئینان.
وەزارەتا ناڤخوە داخواز ژ وەلاتیان ژی دکەت کو ژ بۆ پاراستنا خوە پێگیریێ ب رێنمایان بکەن.
ئه‌ڤرۆ نیوز، سالار دۆسکی:
د چارچووڤێ كومبوونه‌كا هه‌ڤپشك دا ل گه‌ل سه‌رۆكێ فراكسیونه‌كا په‌رله‌مانێ كوردستانێ وه‌زیرێ ناڤخوه دیاركر، كو هه‌كه ره‌وش بڤی ره‌نگی بیت، دێ سه‌رێ گولانێ ده‌رگه‌هێن قوتابخانه، زانكۆ و مزگه‌فتان هێنه ڤه‌كرن.
عه‌بدوستار مه‌جید سه‌رۆكێ فراكسیوونا كومه‌لا ئیسلامی یا كوردستانێ، كو ئه‌ڤرۆ ب مه‌ره‌ما چه‌ند پرسان سه‌رەدانا رێبه‌ر ئه‌حمه‌د وه‌زیرێ ناڤخوه ل حوكمه‌تا هه‌رێما كوردستانێ كریه، ئه‌ڤرۆ پشتی نیڤرۆ 23ی نیسانێ بۆ ئه‌ڤرۆ نیۆز ئاشكراكر كو رێبه‌ر ئه‌حمه‌د وه‌زیرێ ناڤخوه ل حوكمه‌تا هه‌رێما كوردستانێ دیاركر كو هه‌كه هه‌تا 2/5/ كاودانێن ڤایرۆسێ كورونا ل هه‌رێمێ بڤی ره‌نگی بن و چ نه‌خوش نه‌مینن دێ ده‌رگه‌هێن قوتابخانا و زانكۆ و مزگه‌فتان هێنه‌ڤه‌كرن.
ئەڤرۆ نیوز:
ئەڤرۆ ل باژێرێ کۆبانێ یێ رۆژئاڤایێ کوردستانێ د ئەنجاما پەقینا مینەکێ دو کەس ژ مالباتەکێ جانێ خوە ژ دەست دان و سێ کەسێن دی ژی ب گرانی بریندار بوون.
ل گۆر زانیاریێن ئەڤرۆ نیوز مینا کو ئەڤرۆ پەقیە بەری نها ژ ئالیێ تیرۆرستان داعشێ ڤە هاتبوو دانان و ئەڤرۆ ژی بوو ئەگەرێ مرنا دو وەلاتیێن سڤیل و برینداربوونا سێ کەسێن دی.
ئەڤرۆ نیوز:
سازان ئیبراهیم رێڤەبەرا ساخلەمیا قەزا دەربەندیخان بۆ دەزگەهێن راگەهاندنێ دیار کر کو هەموو نەخوشێن کۆرۆنایێ یێن سەر ب قەزا دەربەندیخانێ باش بووینە و نها چو نەخوش نەماینە و گۆت: (د ماوەیێ بۆری دا پشکنین بۆ ٥٠٠ کەسان ل دەربەندیخانێ هاتبوونە کرن و د ئەنجام دا ٣٣ کەس تووشی ڤایرۆسێ کۆرۆنا ببوون لێ نها هەموو باش بووینە).
ناڤهاتیێ دیار ژی کر کو رەوشا ژیانێ ل دەربەندیخانێ و دەوروبەرێن وێ رۆژ ب رۆژێ پتر ئاسایی دبیت و سوپاسیا هەموو ئالیان کر یێن کو د دەمێن بۆری دا هاریکاریا خەلکێ دەربەندیخانێ کربوون.
ئەڤرۆ نیوز:
ب بریارا نێچیرڤان بارزانی سەرۆکێ هەرێما کوردستانێ ئەڤرۆ دو تاقیگەهێن دی یێن تایبەت بۆ پشکنینا کۆرۆنایێ رەوانەی رۆژئاڤایێ کوردستانێ هاتنە کرن.
ئەو یەک د دەمەکێ دایە کو بەری نها ژی سەرۆکێ هەرێما کوردستانێ تاقیگەهەک بۆ رۆژئاڤایێ کوردستانێ هنارتبوو و ل هەمبەر دا مەزلوم عەبدی فەرماندارێ گشتی یێ هێزێن سووریا دیموکرات ژی سوپاسیا سەرۆکێ هەرێما کوردستانێ کربوو.
بەرپرسێن رۆژئاڤایێ کوردستانێ بەری نها ژ بۆ ڤایرۆسێ کۆرۆنا داخوازا هاریکاریێ ژ گەلەک وەلاتان کربوون لێ هەرێما کوردستانێ بەری هەموو وەلاتێن دی هاریکاریا رۆژئاڤایێ کوردستانێ کر.
ئه‌ڤرۆ نیوز:
ئه‌نگێلا مێركل راوێژكارا ئه‌لمانیا راگه‌هاند وه‌لاتێ وێ ب ئاوایه‌كێ به‌رچاڤ بۆدجا خو بۆ ئێكه‌تیا ئه‌وروپا دا زێده دكه‌ت.
لگۆری راگه‌هاندنێن ئه‌لمانی ئه‌نگێلا مێركلێ راگه‌هاندیه كۆ وه‌لاتێ وێ به‌رهه‌ڤه بۆ زێده‌كرنا دانا پشكا بودجا وه‌لاتێ خۆ بۆ ئیكه‌تیا ئه‌ورۆپا.
ئه‌ڤ داخویانیێن ئه‌نگێلا مێركل پشتی ئه‌وێ چه‌ندێ دهێت كۆ ئێكه‌تیا ئه‌ورۆپا راگه‌هاند بوو ب مه‌به‌ستا به‌رهنگاربوونا كورونایێ پێدڤی ب بودجه‌یه‌كا زێده‌تر هه‌یه و هه‌ماهه‌نگی دناڤبه‌را ئه‌ندامێن ئێكه‌تیێ وه‌ك پێدڤی نینه بۆ به‌رهنگاربوونا ڤایرۆسی.
راوێژكارا ئه‌لمانیا پێنگاڤێن وه‌لاتێ خۆ د سه‌ره‌ده‌ریكرنا ل گه‌ل كورونایێ ب سه‌ركه‌فتن ل قه‌له‌مدا لچاڤ وه‌لاتێن هه‌ڤسی و دوی چارچوڤه‌ی دا پینگاڤێن ده‌ستپێكی یێن هه‌لگرتنا قه‌ده‌غه‌یا هاتنوچونێ و ئاسایكرنا ژیانێ ده‌ستپێكر.
ئه‌ڤرۆنیۆز، سالار دۆسكی:
رێڤه‌به‌ریا گشتی یا ساخله‌میێ ل پارێزگه‌هێ ئاشكراكر كو ره‌وشا هه‌موو برینداران یا باش بوویه، ژ سه‌رجه‌مێ 13 بریندارێن شه‌ڤا ده‌ربازبووی 12 برینداران نه‌خوشخانه بجهـ هێلایه.
حه‌مزه ره‌زیكی، به‌رده‌فكێ رێڤه‌به‌ریا گشتی یا ساخله‌میێ ل پارێزگه‌ها دهۆكێ، ل دور ره‌وشا بریندارێن ته‌قا خوشیێ ل پارێزگه‌هێ، ئه‌ڤرۆ رۆژا پێنج شه‌مبی 23نیسانێ بۆ ئه‌ڤرۆ نیۆز گۆت: ژ به‌ر ره‌وشا باش یا برینداران شه‌ڤا ده‌رباز بووین ل سنورێن قه‌زایێن (دهۆك و سێمێل، زاخۆ) ئه‌ڤرۆ سپێدێ هه‌موو بریندار ژ نه‌خوشخانێ هاتینه ده‌رخستن بۆ چه‌ند برینداران نه‌شته‌گه‌ری هاتبوونه ئه‌نجامدان.
ره‌زیكی ئه‌و ژی ئاشكراكر كو ل قه‌زا ئاكرێ ژی كه‌سه‌ك بریندار كه‌فتیه و ره‌وشا وی ژی یا باشه نوكه نه‌شته‌گه‌ریه‌ك ل قه‌زا ناڤبری بۆ دهێته‌كرن.
جهێ ئاماژه‌كرنێ یه كو شه‌ڤا ده‌ربازبوویی و ژ ئه‌نجامێ ده‌ربرینا خوشیێ و سوپاسیێ بۆ هێزێن نافخو و ستافێ ساخله‌میێ هه‌ژماركا وه‌لاتیێن پارێزگه‌هێ ل قه‌زایێن جودا ته‌قا خوشیێ كرن و دئه‌نجام دا 13 كه‌س ب ته‌ق و یاریێن ئاگری بریندار كه‌فت بوون.
ئه‌ڤرۆ نیوز:
جڤاتا بلندا دادوه‌ریا عیراقێ ئاشكراكر ب ئه‌گه‌رێ مه‌ترسیێن به‌لاڤبوونا ڤایرۆسێ كورونایێ د ئه‌ڤ ساله‌دا پتری 20 هزار گرتی هاتنه ئازادكرن.
ئه‌ڤرۆ جڤاتا بلندا دادوه‌ریا عیراقێ د به‌یاننامه‌یه‌كێ دا ئه‌و چه‌نده تێدا هاتیه به‌لاڤكرن، تا رۆژا 22 نیسانێ ئه‌و تومه‌تبارێن گرتین هاتینه ئازادكرن گه‌هشتیه 20 هزار و 40 كه‌سان.
هه‌ر دوێ به‌یاننامه‌یێ دا هاتیه كۆ ئازادكرنا ئه‌وان گرتیان ب ئه‌گه‌رێ بریارێن شانه‌یێن قه‌یرانان و رێنمایێن جڤاتا بلندا دادوه‌ریێ بوویه، كۆ ل چارچوڤه‌یێ به‌رهنگاربوونا مه‌ترسیێن ڤایرۆسێ كورونا كوڤید 19 هاتینه راگه‌هاندن.
ئه‌ڤرۆ نیوز:
بهایێ پترۆلێ به‌ره‌ڤ بلند بوونێ ڤه دچیت، پشتی گه‌هشتیه نزمترین ئاست ل دیرۆكێ دا.
ئه‌ڤرۆ بهایێ به‌رمیلا پترۆلا برێنت ل بازارێن جیهانێ گه‌هشته 22.24 دۆلاران كۆ رێژا 9.28% بهایێ پترۆلێ بلند بوویه.
به‌ریا چه‌ند رۆژه‌كان ب ئه‌گه‌رێ به‌لاڤبوونا ڤایرۆسێ كورونایێ شه‌رێ پترۆلێ یێ سعودیێ و روسیا بهایێ به‌رمیلا پترۆلێ گه‌هانده 15 دۆلاران.
رۆژا 12/4/2020 ئوپێك پله‌س كۆ وه‌لاتێن ئه‌ندام و نه ئه‌ندامێن ئوپیكێ گه‌هشتنه رێكه‌تنه‌كا دیرۆكی بۆ كێمكرنا به‌رهه‌مئینانا 9.7 ملیۆن به‌رمیلێن پترۆلێ د رۆژی دا ل ده‌ستپێكا هه‌یڤا 5 یا ئیسال ب مه‌به‌ستا بلندكرنا بهایێ پترۆلێ.
ئوپێك رێكخراوه‌كا وه‌لاتێن به‌رهه‌مهێنه‌رێن پترۆلێ نه ل جیهانێ كۆ ژ عیراقی و سعودیێ و ڤه‌نزوێلا و ئیمارت و نایجیریا و لیبیا و كوێت و ئیران و گابوون و ئه‌نگولا و جه‌زائیر پێك دئێت.
نيشاندان