ئه‌ڤرۆ نیۆز، عه‌زیز هه‌ورامی:
پاش ئه‌وه‌ی ماموستاییه‌كی ئاینی له سلێمانی گیانی له‌ده‌ستدا به ڤایرۆسی كۆرۆنا لیژنه‌ی فتوا و پارێزگار و به‌ڕێوه‌به‌رایه‌تی ئه‌وقافی سلێمانی بڕیاریاندا، نوێژی به‌كۆمه‌ڵ ڕابگیردرێت و ئه‌م هه‌فته‌یه‌ش نوێژی هه‌ینی له مزگه‌وته‌كان ناكرێت.
دكتۆر ئه‌حمه‌د شافعی ئه‌ندامی لیژنه‌ی فتوا له مزگه‌وتی سلێمانی، به ئه‌ڤرۆ نیۆزی ڕاگه‌یاند:” بڕیارماندا به‌وه‌ی هه‌موو نوێژه به‌كۆمه‌ڵه‌كان له مزگه‌وه‌ته‌كان ڕابگیردرێن بۆ كاتێكی نادیار و ته‌نها له مزگه‌وته‌كان بانگ ده‌درێت و پاش بانگه‌كه بانگ بێژه‌كه داوا له موسڵمانان ده‌كات له ماڵه‌كانی خۆیان نوێژه‌كانیان بكه‌ن.
هه‌روه‌ها ئاماژه‌ی به‌وه‌كرد، بڕیاردرا بۆ ئه‌م هه‌فته‌یه نوێژی هه‌ینی له مزگه‌وته‌كان ڕابگیردرێت، پاشان له‌سه‌ر ڕه‌وشی ڤایرۆسه‌كه بڕیاری ترده‌درێت بۆ هه‌فته‌كانی تر. ناوبراو ده‌ڵێ، له‌به‌ر ئه‌وه‌ی ئه‌م نه‌خۆشیه له ڕێگه‌ی ته‌وقه و كۆكه و پژمین ده‌گوازرێته‌وه له نێوان مرۆڤه‌كان به‌پێویست زاندرا نوێژی به‌كۆمه‌ڵ له ئێستادا له مزگه‌وته‌كان ڕابگرین.
ئه‌ڤرۆ نیوز:
په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند: پیدڤیه تێكه‌لیكرن بهێته سنورداركرن هه‌كه مه‌ترسیا تووشبوونێ ب كورونایێ زێده‌تر دبیت.
پشتی توماركرنا 6 حاله‌تێن كورونایێ ل سلێمانیێ، ته‌ڤایا لایه‌نێن په‌یوه‌ندیدار ئاشكراكرن، كۆ پێدڤیه ته‌ڤایا هه‌لكه‌فت و پرسه و ئاهه‌نگ ل هه‌رێما كوردستانێ بهێنه راوه‌ستاندن و داخازا بجهكرنا رێنمایێن وه‌زاره‌تا ساخله‌میا حكومه‌تێ بكه‌ن.
د.محه‌مه‌د قادر په‌یڤدارێ وه‌زاره‌تا ساخله‌میا حكومه‌تا هه‌رێما كوردستانێ راگه‌هاند: تانوكه بتنێ 6 حاله‌ت هه‌نه، هه‌ر كه‌سێ نیشانه‌كا ڤایرۆسی هه‌بیت دێ چاڤدێریا وی و پشكنینێن پێدڤی بۆ هێنه‌كرن.
ناڤبری ئه‌و چه‌نده ژی راگه‌هاند: مه ئه‌ڤه چه‌ندین جارا راگه‌هاند و دێ هه‌ر بێژین دیر بكه‌ڤن ژ تێكه‌لی و جهێن قه‌ره‌بالغ و هاتنوچونێ سنوردار بكه‌ن، خو هه‌تا دناڤ ئه‌ندامێن خێزانێ ژی ژێك دیر بكه‌ڤن.
ئه‌ڤرۆ نیۆز، عه‌زیز هه‌ورامی:
له پارێزگای سلێمانی 6 حاڵه‌تی نه‌خۆشی كۆرۆنا تۆماركراوه یه‌كێكیان گیانی له‌ده‌ستداوه، نزیكه‌ی 700 كه‌سیش له كرینتینه له ژێرچاودێری پزیشكیدان و له وڵاتی ئێران گه‌راونه‌ته‌وه.
دكتۆر هێرش سه‌ید سه‌لیم جێگری به‌ڕێوه‌به‌ری گشتی ته‌ندروستی پارێزگای سلێمانی، به ئه‌ڤرۆ نیۆزی ڕاگه‌یاند:” ئه‌مڕۆ شه‌شه‌م حاڵه‌تی توشبوو به ڤایرۆسی كۆرۆنا تۆماركراوه، ماموستاییه‌كی ئاینییه گوتاربێژی مزگه‌وتی مه‌حووی ناوبازاڕی سلێمانییه، ته‌مه‌نی 70 ساڵه گیانی له ده‌ست داوه.
دكتۆر هێرش سه‌ید سه‌لیم ئاماژه‌ی بۆ ئه‌وه‌شكرد، ماموستا ئاینییه‌كه هه‌ڵگری ڤایرۆسی كۆرۆنا بوو له‌گه‌ڵ داخڵبوونی به‌نه‌خۆشخانه نه‌ی ده‌توانی هیچ قسه‌یه‌ك بكات و تا گیانی له‌ده‌ستدا، خێزانه‌كه‌شی ئینكاری ئه‌وه‌ده‌كه‌ن سه‌ردانی ده‌وڵه‌تی ئێرانی كردبێت.
هه‌روه‌ها ئاماژه‌ی بۆ ئه‌وه‌شكرد، پێنچ توشبووه‌كه‌ی تری ڤایرۆسی كۆرۆنا ڕه‌وشی ته‌ندروستییان زۆر باشه و به‌رده‌وام چاره‌سه‌ریان بۆ ده‌كرێت، له وڵاتی ئێرانه‌وه گه‌ڕاونه‌ته‌وه، له ئێستادا نزیكه‌ی 700 كه‌س له كرنتینین له ژێرچاودێری پزیشكیدان، ته‌واویان سه‌ردانی ده‌وڵه‌تی ئێرانیان كردبووه.
ئه‌ڤرۆ نیوز:
به‌نكا نێڤ ده‌وله‌تی بریار دا 12 ملیار دۆلاران ب شیوه‌یه‌كێ ده‌ستپیكێ بۆ هه‌ڤكاریكرنا ئه‌وان وه‌لاتان ته‌رخان بكه‌ت كۆ ڤایرۆسێ كورونا تێدا به‌لاڤبوویه.
ده‌یڤید مالباس سه‌رۆكێ به‌نكا نیڤ ده‌وله‌تی راگه‌هاند: ب شێوه‌یه‌كی بله‌ز و به‌رفره‌هـ ڤایرۆسێ كورونا ل وه‌لاتێن جیهانێ به‌لاڤ بوو، د وی چارچوڤه‌یی دا دڤێت هه‌ڤكاریا وه‌لاتان بكه‌ین، ب مه‌به‌ستا ریب ری بوونا ئه‌وێ ڤایرۆسێ.
سه‌رۆكێ به‌نكا نیڤ ده‌وله‌تی دلته‌نگیا خۆ ژی ژ كارتێكرنێن ڤایرۆسێ كورونایێ بۆ سه‌ر كه‌رتێن ئابووری و مرۆڤی دیار كر و گۆت: رێكارێن پیدڤی ل سه‌ر ئاستێ نێڤ ده‌وله‌تی و هه‌رێمایه‌تی هاتینه بكار ئینان بۆ ئه‌وێ چه‌ندێ به‌رهنگاریا زیده‌ترا ئه‌ڤی ڤایرۆسێ بهێته‌كرن.
ده‌یڤید مالباس سه‌رۆكێ به‌نكا نیڤ ده‌وله‌تی ئه‌و چه‌نده ژی راگه‌هاند: 12 ملیار دۆلار وه‌ك به‌رسڤه‌ك بۆ داخوازكارێن وه‌لاتێن هه‌ڤكاریا و پشته‌ڤانیایێ بكار بینن كۆ نوكه نێزیكی پرانیا وه‌لاتتێن جیهانێ ڤه‌گرتی.
ئه‌ڤرۆ نیوز:
تویته‌ر زێده‌تری چار هزار و 800 فه‌رمانبه‌رێن خۆ ل جیهانێ بۆ كاركرنێ هه‌نه،بوویه گرێدای هاتنا جهێ كاری نه‌كرن به‌لكو دشین ل مال كار بكه‌ن.
ب مه‌به‌ستا به‌رهنگاربوون ژ توشبوونا ڤایرۆسێ كورونا تویته‌ری زێده‌تری چار هزار و 800 فه‌رمانبه‌ر ل ژاپون و هونك ككونگ و كوریا باشوور بۆ كاركرنێ گرێدای هاتنا ده‌وامێ نه‌كرن.
ئه‌ڤ چه‌نده ژی د ده‌مه‌كی دایه كو به‌ریا نوكه هه‌ر ئێك ژ كۆمپانیا فیسبوك و ئه‌مازون هه‌ڤگاریا كارمه‌ندێن خو كر كۆ دشێن ل مال كارێن خۆ بكه‌ن، ئه‌و ژی وه‌ك ریكاره‌ك بۆ به‌رهنگاربوونا به‌لاڤبوونا ڤایرۆسێ كورونایێ دناڤ كارمه‌ندێن وێ دا.
ئەڤرۆ نیوز:
وەزارەتا ساخلەمیا هەێما کوردستانێ راگەهاندنەک بەلاڤکریە و تێدا هاتیە، سەرجەم ئەو پشکنینێن د 24 دەمژمێرێن بوری دا هاتینە کرن، پاقژ دەرچووینە، کو بۆ 39 کەسان هاتبوونە ئەنجامدان، هەروەسا دیار کریە کو هژمارا وان کەسێن هەتا نوکە هاتینە گرەنتیکرن 2564 کەس بووینە، دیسان ئەو پێنج کەسێن تووشبووی ژی رەوشا ساخلەمیا وان یا جێگیرە.
وەزارەتا ساخلەمیا هەرێمێ ئەو چەند ژی گۆتیه: ل هەموو زالگەهێن ناڤخوە یێن هەرێمێ تیمێن پشکنینا ڤایرۆسێ کۆرۆنا یێ هاتینە دانان.
ئەڤرۆ نیوز:
جینین هێنیس پلاسخارت، نوونه‌را سكرتێرێ گشتی یێ نه‌ته‌وێن ئێكگرتی ل عیراقێ راگه‌هاند، پێدڤیه لایه‌نێن عیراقی هه‌ستیاریا ره‌وشا نوو یا وەلاتێ خوە ب عیبرەت وه‌ربگرن و هۆشداری ژی دا ژ ئەگەرێ مه‌ترسیا داعشێ.
ئه‌ڤرۆ سێشەمبی ل روونشتنا جڤاتا ئاسایشا نێڤده‌وله‌تی، پلاسخارت گوتارەک دەرباره‌ی عیراقێ پێشكێش كر.
پلاسخارتێ گوتیە، پشتی ده‌ست ژ كاركێشانا عادل عه‌بدولمه‌هدی، سه‌رۆك وه‌زیرێن راسپاردی، محه‌مه‌د عه‌للاوی نه‌شیا پشتەڤانیا لایه‌نان ب ده‌ست ڤە بینیت و خوە ڤەکێشا، ئه‌ڤە ژی ب ئەگەرێ ناكۆكیا دناڤبەرا لایه‌نان دا بوو.
گوتیە ژی، به‌رده‌وامیا كاركرنا هەڤپه‌یمانیا نێڤده‌وله‌تی ل عێراقێ پێدڤیه، داکو رێگریێ بکەت ژ ئەگەرێ سه‌رهه‌لدانا داعشێ.
دەرباره‌ی په‌یوه‌ندیێن هه‌ولێر و به‌غدا گوتیە، د دەمێ بوری دا، هه‌ماهه‌نگی و لێک تێگه‌یشتن دناڤبەرا هه‌ردو ئالیان دا هه‌بوویه، به‌لێ پێدڤیه گوتۆبێژ د به‌رده‌وام بن و چاڤەرێی هندێ دكەین كو هەرێم و بەغدا ل سەر سامان و داهاتی بگەهنە رێككەفتنێ.
ئه‌ڤرۆ نیوز ، زنار تۆڤى:
ده‌رهێنه‌ر كورد د. یلماز ئۆزدل، د دیداره‌كێ دا بۆ ئه‌ڤرۆ نیوز گۆت: ئه‌و خه‌لكێ جۆله‌مێرگێ یه ل باكورێ كوردستانێ و نوكه ژى مامۆستایه ل زانكۆیا مێردینێ ل پشكا په‌یمانگه‌ها زمانێن زیندى و كوردولۆجیێ وانێن سینه‌مایێ دبێژیته قوتابیان، هه‌روه‌سا وى باوه‌رناما دكتۆرایێ ل سه‌ر سینه‌ما كوردى ل زانكۆیا سوربۆنێ ل فره‌نسا وه‌رگرتیه، دیسان وى د وارێ راگه‌هاندنێ و ڤه‌كۆلینان ژى دا گه‌له‌ك كار كریه، وى ل سالا 1999 د وارێ سینه‌مایێ دا كار كریه و هه‌تا نوكه ژى یێ به‌رده‌وامه، ده‌مێ وى ل زانكۆیا ئه‌نقه‌رێ دخواند وى به‌لگه فلم چێدكرن، وى ل گه‌ل چه‌ندین ده‌رهێنه‌رێن كورد وه‌كو هاریكارێ ده‌رهێنه‌رێ كار كریه، هه‌تا نوكه وى گه‌له‌ك به‌لگه فلم چێكرینه.
ناڤهاتى گۆت ژى: وى به‌لگه فلمێ خوه یێ ئێكێ ب ناڤێ ” لێگه‌رین” چێكریه، كو ناڤه‌رۆكا ڤى به‌لگه فلمى ل سه‌ر لێگه‌ریانا كۆمه‌كا په‌نابه‌ران بوویه ل باژێرێ وانێ ل باكورێ كوردستانێ، هه‌روه‌سا وى چار سالان ل كه‌نالێ كورد ئێكێ دا كار كربوو، وى گه‌له‌ك به‌لگه فلم بۆ وى كه‌نالى چێكربوون، هه‌روه‌سا وى كورته فلمێ بارێ گران ل باژێرێ مێردینێ چێكریه، كو ئه‌ڤ كورته فلمه 17 خۆله‌كان یێ درێژه و هه‌روه‌سا ئه‌كته‌ران عادل عه‌بدولره‌حمانى و سامان مسته‌فاى و نه‌زمى كرك رۆلێ سه‌ره‌كى تێدا گێرایه، كو هه‌تا نوكه ڤى فلمى نه‌ه خه‌لاتێن جیهانى وه‌رگرتینه و دیسان ئه‌ڤ كورته فلمه دێ پشكداریێ د پترى پَێنجى فیسته‌ڤالێن نێڤده‌وله‌تى دا كه‌ت ل جیهانێ.
یلماز هێشتا دبێژیت: نوكه چه‌ندین پرۆژێن نوو یێن سینه‌مایى ل به‌ر ده‌ستێ من هه‌نه، لێ ژ ئه‌گه‌رێ نه‌بوونا پشتگیریا دارایى ئه‌ز نه‌شیایمه وان كاران به‌رهه‌م بینم، هه‌روه‌سا مه سینه‌ما هه‌یه و سینه‌ما كوردى ژ یا گه‌له‌ك ملله‌تێن خودان ده‌وله‌ت پێشكه‌فتى تره، نوكه كوردان سینه‌مایه‌كا پێشكه‌فتى هه‌یه و كه‌س نه‌شێت ڤێ چه‌ندێ ئینكار بكه‌ت، ژ گه‌له‌ك ئالیان ڤه سینه‌ما كوردى ژ یا ملله‌تێن دیتر یێن جیهانى ده‌وله‌مه‌ندتره، سینه‌ما كوردى یا پر نێرینه ل سه‌ر راستیێ و ژیانى، كوردێن هه‌ر پارچه‌كا كوردستانێ ب چاڤه‌كێ جۆداتر به‌رێ خوه دده‌نه ژیانێ و ل ژێر كارتێكرنا سینه‌مایه‌كا جۆدا دانه، ژبه‌ر ڤێ چه‌ندێ سینه‌ما كوردى یا پر ره‌نگه.
وى ده‌رهێنه‌رى گۆت ژى: پێدڤیه حوكمه‌تا هه‌رێما كوردستانێ سیسته‌مه‌كێ رێكوپێك دانیت ژبۆ كارێن سینه‌ما یێ، ده‌مێ پرۆژێن نوو و یێن ل ئاستێ بلند دهێنه به‌رهه‌مئینان، حوكمه‌ت هاریكاریا وان بكه‌ت و مه گه‌له‌ك پێدڤى ب ڤێ پێنگاڤێ هه‌یه، هه‌كه ئه‌ڤ چه‌نده چێببیت، دێ بازارێ نافخوه یێ سینه‌ما كوردى دروست بیت و دێ مه بینه‌رێ سینه‌مایا كوردى ژى هه‌بیت، دێ ده‌رهێنه‌رێن كورد یێن ژ ده‌رڤه‌ى وه‌لاتى ژى هێنه كوردستانێ كار كه‌ن، دڤێت حوكمه‌تا هه‌رێما كوردستانێ رێگریێ ل چێكرنا فلمێن نه ل ئاست بكه‌ت، ژ پێخه‌مه‌ت كارێن باشتر بهێنه ئه‌نجامدان.
یلمازى ئه‌و چه‌ند ژى ئاشكرا كر: چێكرنا ستێرێن سینه‌مایى نه ب تنێ كارێ ده‌رهێنه‌رایه، ژبه‌ركو ستێرێن سینه‌مایێ ب رێیا سیسته‌مێن بازارى یێن ئابوورى چێدبن، هه‌تا ئه‌م نه‌بینه خودانێن بازاره‌كێ نافخۆیى یێ سینه‌مایى و بینه‌ره‌كێ نافخۆیى و خه‌لكێ مه ئاگه‌ه ژ سینه‌ما كوردى نه‌بیت، ئه‌م نه‌شێین ستێرێن سینه‌مایى یێن كوردى چێكه‌ین، دیسان هه‌ر ده‌مێ ده‌رهێنه‌رێ كورد شیا فلمێ خوه بفرۆشیت، دێ شێت ستیرێن سینه‌مایى ژى دروست كه‌ت، دیسان دڤێت حوكمه‌ت هولێن سینه‌مایى ئاڤا كه‌ت و پشته‌ڤانیێ ل سینه‌ماكاران بكه‌ت و په‌روه‌رده‌یا سینه‌مایێ دروست بكه‌ت، ژ پێخه‌مه‌ت سینه‌ما كوردى بگه‌هیته ئاسته‌كێ باش، چونكى نوكه سیسته‌مێ خواندنا سینه‌مایێ ل كوردستانێ د ئاستێ پێدڤى دا نینه، دڤێت گه‌له‌ك كار بهێنه كرن، ژ پێخه‌مه‌ت ئه‌م بشێین ستێره‌كا سینه‌مایى یا كوردى چێكه‌ین، لێ ل گه‌ل ڤێ چه‌ندێ ژى سینه‌ما كوردى د ئاسته‌كێ باش دایه، هه‌روه‌سا هه‌ر ده‌مێ بازاره‌كێ سینه‌مایى یێ كوردى چێبیت، ل وى ده‌مى دێ ده‌رهێنه‌رێن كورد ژى شێن ل گوره‌ى حه‌زا خه‌لكێ فلمێن كوردى یێن سینه‌مایى چێكه‌ن، لێ هه‌كه سینه‌ما یا هونه‌رى بیت، ل وى ده‌مى دێ ده‌رهێنه‌رێن كورد ل گوره‌ى دلێ خوه فلمان بۆ فیسته‌ڤالێن جیهانى چێكه‌ن.
نيشاندان