ئه‌ڤرۆ نیوز:
رێڤه‌به‌ری گشتی یێ ئاڤ و سولینان ل وه‌زاره‌تا باژێرڤانی و گه‌شتوگۆزارا حكومه‌تا هه‌رێما كوردستانێ راگه‌هاند: ده‌مێ گرێدانا پیڤه‌رێ ئاڤێ ب دوماهی هات و ناهێته درێژكرن.
ئه‌ڤرۆ ل هژمارا فیسبوكی یا وه‌زاره‌تا باژێرڤانی و گه‌شتوگۆزارێ یا حكومه‌تا هه‌رێما كوردستانێ، مه‌سعود كاره‌ش رێڤه‌به‌رێ گشتی یێ ئاڤ و سولینان راگه‌هاند هه‌تا نوكه نێزیكی 70% یا وه‌لاتیان پیڤه‌رێن ئاڤێ گرێداینه و چ بریار ژی بۆ درێژكرنا ده‌مێ گرێدانا پیڤه‌ران نینه.
رێڤه‌به‌رێ گشتی یێ ئاڤ و سولینان ئه‌و چه‌نده ژی راگه‌هاند: ده‌مێ دیاریكری بۆ گریدانا پیڤه‌رێ ئاڤێ ب دوماهی هات و هه‌تا نوكه چ بریار نین بۆ درێژكرنا ئه‌وی ده‌می، پێدڤیه ئه‌و وه‌لاتیێن هه‌تا نوكه پیڤه‌رێ ئاڤێ نه‌گرێدای، بلا گرێ بده‌ت، هه‌كه به‌رۆڤاژی دێ هه‌یڤانه سزایێ دارایی ب سه‌ردا هێته سه‌پاندن.
مه‌سعود كاره‌ش ل سه‌ر بهایێ ئاڤێ ژی گۆت: بهایێ بكار ئینانا ئاڤێ ب مه‌تر سێجایه بۆ مالان و بهایه‌كێ ئه‌رزان و گۆنجای هاتیه دیاركرن هه‌كه وه‌لاتی ب شیوه‌یه‌كێ گۆنجای و بێ زێده‌هیی ئاڤێ بكار بینن رێژه‌یا زۆرا هه‌یڤانه دێ گه‌هته 20 هزار دیناران، به‌لێ بۆ جهێن بازرگانی و حوكمی بهایێ وان ژ یێ مالان جودایه.
ئەڤرۆ نیوز،عەلی حاجی:
قائیمقامێ زاخۆ د داخویانیەکێ دا بۆ ئەڤرۆ نیوز دیار کر ژبەر کو هولێن وەرزشی رۆژانە خەلک قەست دکەتێ دێ ساخلەمیا زاخۆ رۆژانە چاڤدێریا وان هۆلان کەت دا کو کۆنترول ل سەر بهێتە کرن.
زێدەتر بوتان محسن گۆت : ل کۆمبوونا بلند یا پارێزگەها دهۆکێ تایبەت ب ڤایرۆسێ کورونایێ پێشنیارا گرتناهۆلێن وەرزشی هات دان، بەلێ پشکەکا ئەندامێن وێ لژنێ دگەل گرتنێ نەبون بەلێ بریار هاتە دان کو زێدەتر چاڤدێریەکا توند ل سەر وان هۆلان بهێتە کرن ژلایێ ساخلەمیا زاخۆ و هەر دیسان خودانێن هەمی هۆلێن وەرزشی هاتینە ئاگەهدار کرن کو پێدڤی یە رۆژانە هەمی ئامیرەیێن دناڤ وان هۆلان دا ب دەرمانان رۆژانە بهێنە پاقژ کرن ژبەر کۆ رۆژانە هەژمارەکا زۆر ژ وه‌لاتیان قەستا وان هۆلان دکەن،دێ ئەڤ بریارە بەردەوام بیت هەکە رەوشا نوکە باشتر بوو دێ مینیتە ڤەکری بەلێ هەکە رەوش خرابتر بوو دبیت ئەو ژی بهێنە گرتن ژبەر کو ئارمانجا سەرەکی ژ ڤان رێکاران ئەوە زێدەتر ئەم وه‌لاتیێن خوە ژ ڤایرۆسی پارێزین.
ئه‌ڤرۆ نیوز:
وه‌زاره‌تا ساخله‌میا حكومه‌تا هه‌رێما كوردستانێ بۆ به‌رهنگاربوونا نه‌خوشیا ڤایرۆسێ كورونایی داخازا هه‌ڤكاریا جڤاكا نێڤ ده‌وله‌تی دكه‌ت.
وه‌زاره‌تا ساخله‌میا حكومه‌تا هه‌رێما كوردستانێ راگه‌هاند كۆمبوونه‌كا هه‌ڤبه‌ش دناڤبه‌را وه‌زاره‌تا ساخله‌میا حكومه‌تا هه‌رێمێ و فه‌رمانگه‌ها په‌یوه‌ندیێن ده‌رڤه‌یێن حكومه‌تا هه‌رێما كوردستانی و ته‌ڤایا قونسلخانه و نوونه‌راتیێن وه‌لاتان ل هه‌ولێرێ هاته ئه‌نجام دان.
د ئه‌وێ كۆمبوونێ دا وه‌زاره‌تا ساخله‌میا هه‌رێمێ زێده‌باری ئێخستنه ریا ره‌وشا هه‌رێمێ بۆ ئه‌ڤێ نه‌خوشیێ و داخاز ژ جڤاكا نیڤ ده‌وله‌تی و رێكخراوێن سه‌ر ب نه‌ته‌وه‌یێن ئێكگرتی كر، بۆ هه‌ڤكاریكرنا هه‌رێما كوردستانێ بۆ رێگرتن و به‌رهنگاربوونا به‌ربه‌لاڤبوونا ڤایرۆسێ كوورنایێ و دابینكرنا پێدڤیێن نوژاری بۆ هه‌رێمێ داكۆ به‌رهنگاریا ڤایرۆسی بكه‌ت.
ئەڤرۆ نیوز، نەوزاد هلۆری:
د.نزار عسمەت، رێڤەبەرێ گشتیێ ساخلەمیا پارێزگەها دهۆکێ، د کۆنگرەیەکێ رۆژنامەڤانی دا دیارکر کۆ هەتا نوکە چ حالەتێن ڤایرۆسێ کۆرۆنایێ ل پارێزگەها دهۆکێ نەهاتینە تومارکرن و گۆت: ساخلەمیا دهۆکێ هەموو پێرابوونێن پێدڤی بۆ رووب روو بوونا ڤایروسێ کۆرۆنایێ و هشیارکرنا وەلاتیان گرتینە بەر، نەخۆشخانەکا تایبەت ژی بەرهەڤکریە، داخوازێ ل هەرکەسی دکەین کو ل گەل مە د هاریکاربن داکو ب شێوەیەکێ ساخلەم سەرەدەری ل گەل رەوشا نوکە دروست بوی بکەین.
ئه‌ڤرۆ نیوز:
پشتی راگه‌هاندنا خۆ ڤه‌كیشانێ ژ پیك ئینانا كابینا نوو یا حكومه‌تێ، دڤێت ل ده‌مێ 15 رۆژان دا كه‌سه‌كێ دی بهێته راسپاردن بۆ پێك ئینانا حكومه‌تێ به‌لێ تانوكه چ رێكه‌تن ل سه‌ر ئه‌ڤێ چه‌ندێ نه‌هاتینه‌كرن.
ئاژانسا رویته‌رز به‌لاڤكریه كۆ عادل عه‌بدلمه‌هدی چ دی سه‌رۆكاتیا جڤاتا وه‌زیران ناكه‌ت و داخازا جهگره‌كی كریه و ئه‌و سه‌رپه‌رشتیا كاڕێن جڤاتا وه‌زیران بكه‌ت چونكو زۆرینه‌یا ده‌سه‌لاتێن وی ژێ هاتینه وه‌رگرتن.
لگوری دستورێ عیراقێ هه‌كه ره‌وشه‌كا بڤی شێوه‌ی دروست بیت ئه‌ڤی ده‌می سه‌رۆك كۆمار ب شێوه‌یه‌كێ ده‌مكی سه‌رۆكاتیا حكومه‌تێ كه‌ت.
ئه‌ڤرۆنیوز:
مایك پێنس جێگرێ سه‌رۆكی ئه‌مریكا راگه‌هاند: ل هاڤینێ یان پائیزا بهێت دێ ده‌رمانه‌ك بۆ كێمكرنا ئازارێن توشبوویێن ڤایرۆسێ كورونا كه‌ڤته به‌رده‌ست و ل شه‌ش هه‌فته‌یین بهێت ده‌رمانه‌كێ نوو یێ ڤایرۆسی هێته تاقیكرن.
مایك پێنس جێگرێ سه‌رۆكێ ئه‌مریكا راگه‌هاند سه‌رۆكێ ئه‌مریكا ل گه‌ل كۆمپانیا دروستكرنا ده‌رمانی ئاخڤتی یه ئاگه‌هدار كریه كۆ ل دوماهیا ئیسال یان سالا نوو ڤاكسنیێ ڤایرۆسی به‌رهه‌ڤ دبیت.
جێگرێ سه‌رۆكی ئه‌مریكا دیار كر ل هاڤینێ یان پائیزێ ئه‌و ڤاكسیندانه دێ هێته دان ب توشبوویێن ڤایرۆسی ئه‌ڤه ژی جارا ئێكێ یه به‌جسێ دیتنا ده‌رمانی دهێته‌كرن، دێ هیڤی ڤه‌گه‌ریت بۆ توشبوویێن ڤایرۆسێ كورونا چونكو هه‌تا نوكه چ ده‌رمانه‌ك بۆ ڤایرۆسێ كورونا نه‌هاتیه دیتن كۆ زێده‌تری 60 وه‌لاتێن جیهانێ به‌لاڤ بوویه.
ئه‌ڤرۆ نیوز:
ڤه‌كۆله‌رێن نه‌ته‌وه‌یێن ئێكگرتی رادگه‌هینن كۆ ل شه‌رێ ئاسمانیێ یێ روسیا ل سوریا وه‌لاتیێن مه‌ده‌نی كوشتینه و ئه‌و گرۆپێن چه‌كدارێن ئوپوزسیونا سوریا كۆ توركیا پشته‌ڤانیا وان دكه‌ت تاوانێن كوشتن و ژناڤبرنێ ئه‌نجامداینه.
لژنه‌یه‌كا نه‌ته‌وه‌یێن ئێكگرتی د راپۆرته‌كێ دا به‌لاڤكر روسیا هێرشێن ئاسمانی كرینه سه‌ر بازارێن قه‌ره‌بالغ و كه‌مپێن ئاواران، ژ هه‌یڤا ته‌موزێ بۆ هه‌یڤا ئابا سالا بوری بڤی ئه‌گه‌ری ب ده‌هان وه‌لاتیێن مه‌ده‌نی بووینه قوربانی.
د وێ راپۆرتێ دا هاتیه هێزێن ئاسمانی یێن روسیا ب هێرشه‌كا دیاریكری بۆ ئارمانجه‌كا سه‌ربازی نه‌بوویه ئه‌ڤه ژی ب تاوانا شه‌ری دهێته دانان و ب هه‌ره‌مه‌كی باژێران توپ باران دكه‌ت.
هه‌ر وه‌سا د راپۆرتا نه‌ته‌وه‌یێن ئێكگرتی دا هاتیه كۆ ئه‌و گرۆپێن چه‌كدارێن ئوپوزسیونا سوریا ل ده‌ڤه‌رێن كوردی ب سه‌رپه‌رشتیا توركیا چه‌ندین كارێن نه مرۆڤانه ئه‌نجامداینه و بڤێ چه‌ندێ سوپایێ توركیا ژی تاوانباره ب تاوانێن شه‌ری.
ئەڤرۆ نیوز:
ئاژانسا پاراستنا ژینگەها جیهانی، كو بارەگایێ وێ یێ سەرەكی ل ئەمریكایە، رێزبەندیا وان وەلاتان ئاشكرا كریە، یێن کو پیسترین ئاڤ و سەقا هەیە د جیهانێ دا، تێدا عێراق د رێزبەندیا دەهێ دا هاتیە.
وێ راپۆرتێ ئاماژە ب هندێ دایە، کو بەنگلادش پیسترین سەقا هەیە د جیهانێ دا، پشتی وێ پاكستان و مەنگۆلیا و ئەفغانستان دهێن.
د رێزبەندیا ڤێ ئاژانسێ دا ناڤێن پێنج وەلاتێن عەرەبی ل رۆژهەلاتا ناڤین دا هاتینە، كو سەقایەکێ پیس هەیە، ئەو ژی بەحرەین، سووریا، عێراق، ئیمارات و كوێتن.
ل سەر ئاستێ باژێرێن جیهانێ ژی، 21 باژێرێن هندستانێ ب پیسترین باژێرێن جیهانێ هاتینە دەست نیشان كرن.
ئەڤرۆ نیوز:
سوبەهی سێشه‌مبی 3.3.2020 لژنا بلند یا فه‌توایا هه‌رێما كوردستانێ دێ بڕیارێ ل سەر مانا گوتارا ئەینیێ و نڤێژا ب کۆم ل مزگەفتان دەت.
بریارە سوبەهی سێشه‌مبی لژنا بلند یا فه‌توایا هه‌رێما كوردستانێ كۆم ببیت و دێ چه‌ند بڕیاران دەربارهی نڤێژێن ئه‌ینیێ و نڤێژا ب كۆم و چه‌ند پرسێن دیتر ده‌ت.
لژنا بلند یا فه‌توایا هه‌رێما كوردستانێ د چارچۆڤێ رێكارێن به‌رهنگاربوون و بەلاڤبوونا ڤایرۆسێ كۆرۆنایێ دێ ڤان پێنگاڤان هاڤێژیت.
نيشاندان