ئه‌ڤرۆ نیوز:
شانده‌كێ روسی بۆ كۆمبووی ل گه‌ل به‌رپرسێن توركیا ل سه‌ر ره‌وشا باژێرێ ئدلبێ سه‌ره‌دنا ئه‌نقه‌ره كرن.
بریاره ئه‌ڤرۆ شاندێن هه‌ر وه‌لاتان ل ئه‌نقه‌ره كۆم بن، شاندێ توركیا ب سه‌رۆكاتیا سادات ئونالی هاریكارێ وه‌زیرێ ده‌رڤه و به‌رپرسێن وه‌زاره‌تا ده‌رڤه به‌ره‌ڤانی و هه‌والگریێ ل گه‌ل سیرگی فیر شینین جێگرێ وه‌زیرێ ده‌رڤه‌یێ روسیا ئه‌لیكسه‌ر لاڤره‌نتیڤ هاریكارێ تایبه‌تێ سه‌رۆك روسیا بۆ كارۆبارێن سوریا كۆم دبن بابه‌تێ هه‌ره گرنگ دێ به‌حسێ ئدلبێ بیت.
ئه‌ڤرۆ نیوز:
هه‌رێما كوردستانێ ل چاڤ عیراقێ زۆرترین كۆمپانیێن بیانی تێدا كار دكه‌ن، كو هه‌می بیاڤ بخوڤه‌گرتینه ئه‌وان كۆمپانیێن ل كوردستانێ د كاری دا به‌رده‌وامن.
فه‌تحی محه‌مه‌د په‌یڤدارێ وه‌زاره‌تا بازرگانی پیشه‌سازیا حوكمه‌تا هه‌رێما كوردستانێ راگه‌هاند: ل سالا 2019 ل چاڤ سالا 2018 توماركرنا كۆمپانیێن بیانی ل هه‌رێمێ زێده ب بوو و ب شێوه‌یه‌كی ل سالا 2018 بتنێ 34 كۆمپانی یێن بیانی هاتینه توماركرن، ل سالا 2019 بلند بوو بۆ 60 كۆمپانیان، نوكه ب گشتی كۆمپانی یێن هه‌ریمێ تووماركری سی هزار و 102 لقێن وان ل هه‌موو كوردستانێ هه‌نه، كۆ هه‌رێما كوردستانێ ل ده‌ڤه‌ره‌كا ئالوزدایه لێ ته‌ناهی سه‌د ل سه‌د جیگیره و چ ئاریشه بۆ بیانیان دروست نه بووینه.
ئاراس شێخ ره‌ئوف رێڤه‌به‌رێ تومارا كۆمپانیێن هه‌رێما كوردستانێ راگه‌هاند: ئه‌و ره‌وشا ل عیراقێ دروست بووی چ كارتێكرن ل سه‌ر كارێ كۆمپانیێن بیانی ل هه‌رێمێ نه‌كریه بگره هژماره‌كا زۆرترا لقێن كۆمپانیین بیانی ژ عیراقێ هاتینه ڤه‌گۆهاستن بۆ هه‌رێمێ چونكو ژینگه‌هه‌كا ئارامه بۆ بیانیان.
رێڤه‌به‌رێ تومارا كۆمپانیێن هه‌رێما كوردستانێ ئه‌و چه‌نده ژی دازانین به‌رۆڤاژی عیراقێ كۆ چه‌ند هه‌یڤه‌كه ره‌وشا وێ تێك چوویه، ژماره‌كا كۆمپانیێن بیانی ب ئه‌گه‌رێ مه‌ترسی ل سه‌ر وان و كارێن وان لقێن خۆ یان كارێن خۆ ڤه‌گۆهاستینه هه‌رێما كوردستانێ و به‌رده‌وامن ل سه‌ر كارێن خۆ.
ئەڤرۆ نیوز، نەوزاد هلۆرى:
ژ ئەگەرێ تێكچونا رەوشا كەشوهەواى و گرتنا پرانیا رێیێن سەرەكى ل سنورێ پارێزگەها دهۆك و پێخەمەت سلامەتیە قوتابیان، تاقیكرنێن رێزا ١٢ێ ئامادەیى یا خواندنا دەرەكى هاتە پاشئێخستن.
ئەحمەد زوبێر، بەرپرسێ راگەهاندنا رێڤەبەریا گشتى یا پەروەردا پارێزگەها دهۆكێ بۆ ئەڤرۆ نیوز گۆت: (ژ ئەگەرێ تێكچونا رەوشا كەشوهەواى و پێخەمەت سلامەتیا قوتابیان، تاقیكرنێن رێزا ١٢ێ ئامادەیى یێن دەرەكى هاتنە پاشئێخستن) زێده‌تر گۆت: (ئه‌زموونا ئه‌ڤرۆ دێ لرۆژا 15/2/2020 هێته‌كرن و خشتێ ئه‌زموونان ژى دێ وه‌كو خوه ب رێزبه‌ند ل دوڤ دا هێنه‌كرن، ئانكو تاقیكرنا رۆژا شه‌مبى دێ چیته رۆژا ئێكشه‌مبى، یا ئێكشه‌مبى چیته رۆژا دوشه‌مبى و بڤى ره‌نگى هه‌تا داوى دهێن).
ناڤبرى دیاركر ژى كو قوتابێن هه‌موو ناحى و قه‌زایێن پارێزگه‌ها دهۆكێ ل سه‌نته‌رێ باژێرێ دهۆكێ ئه‌زموونان ئه‌نجام دده‌ن.
ئەڤرۆ نیۆز، عەزیز هەورامی :
کۆبوونەوەکانی ئەنجوومەنی سەرکردایەتی یەکێتی بەردەوامە بۆ پەسەندکردنی پێڕەوی ناوخۆی حیزبەکە و دیاری کردنی سیستەمی بەڕێوەبردنی یەکێتی. مستەفا چاوڕەش ئەندامی گشتی ئەنجوومەنی سەرکردایەتی یەکێتی، بە ئەڤرۆ نیۆزی ڕەگەیاند” کۆبوونەوەکانی ئەنجوومەنی گشتی سەرکردایەتی یەکێتی بەردەوامە بۆ گفتوگۆکردن و پەسەندکردنی تەواوی مادەکانی پێڕەوی ناوخۆی حیزب.
سیستەمیی بەڕێوەبردنی یەکێتی دەبێتە هاوسەرۆکی مستەفاچاوڕەش وتیشی” ئەنجوومەنی سەرکردایەتی بڕیاریداوە سیستەمی هاوسەرۆکی بۆ حیزب بچەسپێنێت بۆیە تەواوی ۱۲۱ ئەندامی سەرکرداییەتییەکە بەرپرس دەبن لەوەی ئەو سیستەمی بەڕێوەبردنە سەرکەوتودەبێ یان نا. بەرهەم ساڵح ئەندامی گشتیی سەرکردایەتی یەکێتی خۆی ئامادەکردبوو بۆ کەسی یەکەمی حیزبەکە بەڵام لەگەڵ پەسەندکردنی سیستەمی هاوسەرۆکی بەپێ زانیارییەکان نیگەرانە. لەبارەی نیگەرانییەکانی بەرهەم ساڵح لە مەڕ بڕیاری هاوسەرۆکی بۆ بەڕێوەبردنی یەکێتی.
چاوڕەش دەڵێ” من نازانم بەرهەم ساڵح نیگەرانە یان نا لە بڕیارەکە ئەوە ئەنجوومەنی سەرکرداییەتییە بڕیاری داوە بەڕێوەبردنی حیزب هاوسەرۆکی بێت، لە خۆی بپرسن.
ئه‌ڤرۆ نیوز،عه‌لی حاجی :
ژبه‌ر هاتنا پێله‌كا به‌فر بارینێ هاتن وچوونا دناڤبه‌را زاخۆ بۆ دهوكێ ب زه‌حمه‌ت كه‌ڤتی یه و ل نێزیك تونێلا زاخۆ قه‌ره‌بالغی دروست بوویه و ژبه‌ر ڤێ چه‌ندێ هه‌ژماره‌كا قوتابیێن زانكۆ و په‌یمانگه‌هێن زاخۆ ماینه جهێ خوه دا نه‌شیاینه قه‌ستا ده‌وامێ بكه‌ن .
موقه‌دمێ ماف په‌روه‌ر ئازاد ته‌ها به‌رپرسێ راگه‌هاندنا هاتن و چوونا پارێزگه‌ها دهوكێ بۆ ئه‌ڤرۆ نیوز گوت : ژبه‌ر كو ل شه‌ڤا بوری پرانیا ده‌ڤه‌رێن پارێزگه‌ها دهوكێ كه‌ڤتینه به‌ر پێله‌كا به‌رفر بارینێ ڤێ چه‌ندێ وه‌كری یه هاتن و چوون دناڤبه‌را ده‌ڤه‌ران ب زه‌حمه‌ت كه‌ڤتی یه و داخاز ژشوفێران دكه‌ین هه‌كه كاره‌كێ پێدڤی نه‌بیت رێكێن ده‌رڤه ب كار نه‌ئینن و ژبه‌ر وێ هاتنا پێلا به‌فرێ ژ ئه‌گه‌رێ به‌ستی بونا جادده‌یان قه‌ره‌بالغیه‌ك زور ل تونیچلا زاخۆ به‌رامبه‌ر گوندێ حه‌سه‌ن ئاڤا دروست بویه و بویه ئه‌گه‌رێ وێ چه‌ندێ هه‌ژماره‌كا قوتابیێن زانكویا زاخۆ و په‌یمانگه‌ها ته‌كینكی ل زاخۆ نه‌شیان بچنه ده‌واما خوه و هه‌تا نوكه ماینه دناڤ وێ قه‌ره‌بالغیێ دا .
زێده‌تر ناڤهاتی گوت : پولیسێن هاتن و چوونێ ل رێڤه‌به‌ریا هاتن و چوونا زاخۆ ل جهێ وێ قه‌ره‌بالغیێ ئاماده بوینه و ئه‌م چاڤه‌رێنه ب ته‌مامی ئه‌و رێك بهێنه پاقژكرن و نوكه دا تیمێن باژێرڤانیا زاخۆ كار د پاقژ كرنا وان جادده‌یان دكه ندا كو هه‌تا راده‌یه‌كێ قه‌ره‌بالغی كێمتر ببیت .
ئه‌ڤرۆ نیوز:
وه‌زاره‌تا دارایی و ئابووری یا حوكمه‌تا هه‌ریما كوردستانێ گشتاندنه‌ك ب ژماره‌یا 6 یا سالا 2020 به‌لاڤكریه.
وه‌زاره‌تا دارایی و ئابووری د گشتاندنه‌كێ دا و تێدا هاتیه كۆ ته‌ڤایا وه‌زاره‌ت و فه‌رمانگه‌هان ل باره‌یێ دوماهیا هاتنا سالا دارایی یا 2019 ئاگه‌هدار دكه‌ن كۆ پیدڤیه ئه‌ڤان هه‌فت خالان لبه‌رچاڤ بكه‌ن كۆ دناڤه‌رووكا ئه‌ڤێ گشتاندنێ دا هاتیه.
ئه‌و چه‌نده ژی هاتیه دیاركرن كۆ دڤێت هه‌ر هه‌یڤ ژمێریا خه‌زنێ سفر بیت و پیدڤیه ل ریكه‌فتی 10 هه‌موو هه‌یڤه‌كێ دا ته‌رازوویا پێداچوونێ هایڤانه بهنێرن بۆ ریڤه‌به‌راتیێن گشتی یێن ژمێریاریی.
ئەڤرۆ نیوز:
سەقاناسیا هەرێمێ بەلاڤکریە، ژبەر ساهیبوونا ئەسمانی، د چەند دەمژمێرێن داهاتیێن ئەڤ شەڤە دا دێ پلێن گەرمێ گەلەک داکەڤن.
رێڤەبەریا گشتی یا سەقاناسی و ئەردهەژان ل هەرێما کوردستانێ، دیار کریە ئەڤ شەڤە ئاکنجیێن هەموو قەزا و ناحیا و گوندان و سەنتەرێ باژێران و دەردورا وان ئاگەهدار دکەین، کو ژبەر ساهیبوون و نەمانا عەوران د ئەڤ شەڤە دا، دێ پلێن گەرمێ ب رەنگەکێ بەرچاڤ داکەڤن، دێ بەستی و قەرسینا ب هێز و بەربەلاڤ دروست بیت.
د هەمان دەمدا سەقاناسیا هەرێمێ دیار کریە، ئەڤ شەڤە ناحیا حاجی ئۆمەران ل سنورێ پارێزگەها هەولێرێ ل پلا ئێکێ و ناحیا کانی ماسێ ژی ل سنورێ قەزا ئامێدیێ ل پلا دویێ، سارترین دەڤەرن ل هەرێما کوردستانێ.
ئەڤرۆ نیوز، مەحمود نهێلی:
راگریا پەمانگەها تەکنیکی یا ئامێدیێ دیار کر کو سوبەهی رۆژا دووشەمبی ۱۰/۲/۲۰۲۰ ژ بەر رەوشا خرابا سەقای نزمبوونا پلێن گەرمێ ل پەیمانگەها ناڤهاتی بهێنڤەدانا فەرمیە.
مراد ئامێدی ژ راگەهاندنا پەیمانگەها تەکنیکی یا ئامێدیێ بو ئەڤرۆ نیوز دیار کر، ژ بەر رەوشا خرابا سەقای پەیمانگەها وان کریە بهێن ڤەدانا فەرمی و گۆت : ژبەر بارینا بەفرێ و نزمبوونا پلێن گەرمێ بۆ پلێن ژێر سفرێ ل پرانیا دەڤەرێن چیایی و ب تایبەت دەڤەرا ئامێدیێ، راگریا پەیمانگەھا تەکنیکی یا ئامێدیێ ئاگەهداریا هەموو ماموستا و فەرمانبەر و قوتابیێن پەیمانگەھا تەکنیکی یا ئامێدیێ دکەت کو سبەھی رۆژا دووشەمبی بێنڤەدانا فەرمی یه.
ناڤبری ئه‌و چه‌نده ژیئاشکرا کر ئەڤ بریارە ژ پێخەمەت پاڕاستنا گیان و ساخلەمیا گشت مامۆستا و فەرمانبەر و قوتابیێن خوشتڤی.
ژلایێ خوەڤە ، قایمقامێ قەزا ئامێدیێ بو ئەڤرۆ نیوز دیار کر کو سوبەهی رۆژا دووشەمبی ۱۰/۲/۲۰۲۰ ل سەرجەم فەرمانگەهێن میری یێن سنورێ قەزا ئامێدیێ دەوا فەرمیە. ئیسماعیل موستەفا قایمقامێ قەزا ئامێدیێ دیار کر، کو ژ بەر تێکچونا رەوشا سەقای و نزمبوونا پلێن گەرمێ بو بن سفرێ بتنێ ل قوتابخانەیێن سەر ب قەزا ئامێدیێ و پەیمانگەها تەکنیکی یا ئامێدیێ بهێن ڤەدانە و گۆت : ژبلی ڤان هەردوو جهان ل تەڤایا فەرماگەهێن دی یێن سنورێ قەزا ئامێدیێ دەواما فەرمیە.
ئەڤرۆ نیوز:
ئەڤرۆ ئێکشەمبێ شیرەتکارەکێ موقتەدا سەدری هۆشداری دا محەمەد عەللاوی سەرۆك وەزیرێ راسپاردی و راگەهاندیە، هەکە وەزیرێن سەر ب لایەنێن سیاسی د کابینا نوو دا هەبن، دێ لادەین.
كازم عیساوی شیرەتکارێ ئاسایشا موقتەدا سەدری، د كۆنگرەکێ رۆژنامەڤانیدا دوپات كریە، دێ ل ماوێ سێ رۆژان دا محەمەد تۆفیق عەللاوی ژ پۆستێ سەرۆك وەزیران لادەین، ئەگەر وەزیرێن سەر ب لایەنێن سیاسی د كابینا نوو دا دابمەزرینیت.
شیرەتكارێ سەدری هێرش ل عەللاوی كرینە ب تایبەتی ژی هەکە وەزیرێن سەر ب میلیشیاتێن حەشدا شەعبی د كابینا وی دا هەبن، ئەو دێ وی ژ پۆستێ وی لادەن، ئەڤە د دەمەکێ دایە کو هەڤپەیمانیا (فەتح) هێزا دویێ یە ل پەرلەمانێ عیراقێ و یا میلیشیاتێن شیعیە و بێ شك دێ وان وەزیر د کابینا نوو دا هەبن.
میدیایێن عیراقی ئاماژە ب هندێ دکەن، هەر نوکە یا دیارە كو ئەڤ كابینە ب زەحمەت ژ دایك ببیت، یان د بنەرەت دا هەر ژ دایك نابیت و راسپاردنا محەمەد تۆفیق عەللاوی هەتا دەمەکێ درێژ دێ مینیتە هەلاویستی و كابینا كاربرێكەر یا حوکمەتێ دێ یا بەردەوام بیت.
ئەڤرۆ نیوز:
ئەڤرۆ ئێکشەمبی جارەکا دی سۆپایێ تورکی هێزەکا پشتەڤانیێ ڤرێکر بۆ خالێن چاڤدێریێ یێن ناڤ پارێزگەها ئیدلیبێ ل سووریێ.
ئەڤرۆ میدیایێن تورکی دیار کرینە، کو سۆپایێ تورکیا کاروانەکێ دیتر یێ چەک و تانکان بۆ باژێرکێ ڕێحانلی یێ سەر سنورێ سووریا شاند و ل وێرێ ژی بۆ خالێن چاڤدێریێ یێن ناڤ پارێزگەها ئیدلیبێ ڤەگوهاستینە.
هەتا نوکە سۆپایێ تورکیا ١٢ خالێن چاڤدێریێ د ناڤ پارێزگەها ئیدلیبێ ل سووریێ هەنە و حوکمەتا سووریێ ژی ژبۆ کۆنترۆلکرنا دەڤەرێن وێ پارێزگەهێ ل سەر پێشرەویێن خوە یا بەردەوامە.
نيشاندان