ئەڤرۆ نیوز:
نۆشدارێن چینێ دیار دکەن، گەلەک بەلگە ل بەر دەستێ وان هەنە و وێ چەندێ دسەلمینن، کو ژێدەرێ دروستبوونا ڤایرۆسێ کۆرۆنا یێ چەکچەکیلە نە.
مالپەرێ سکای نیۆز بەلاڤکریە، کو نۆشدار و زانایێن چینی، پشتی ڤەکۆلینەکا هوور دەربارەی ڤایرۆسێ کۆرۆنا یێ ئەنجامدای، بۆ وان دەرکەفتیە کو ژێدەرێ کۆرۆنا یێ چەکچەکیلە یە و دبێژن، بۆ وی بابەتی چەند بەلگە ل بەر دەستدانە و وێ چەندێ دسەلمینن.
ئەڤرۆ دوشەمبی ئەنجامێ دو ڤەکۆلینێن نوو یێن زانستیێن چینێ د گۆڤارا زانستیا نەیچەر دا هاتنە ئاشکرا کرن، لدووڤ وان ڤەکۆلینان پەیوەندیەکا بهێز دناڤبەرا هەردو ڤایرۆسێن کۆرۆنا و سارس دا هەیە، هەروەسا زانا دبێژن، هەروەکو چاوا چەکچەکیلە ژێدەرێ ڤایرۆسا سارس ە، هەر ئەو بالندە بوویە ژێدەرێ گەشەکرنا کۆرۆنایێ.
شی تشنلی پرۆفیسۆرێ چینی ل پەیمانگەها وهان دیار کریە، کو وان ڤەکۆلین ل سەر چەندین توشبوویێن وێ ڤایرۆسێ کرینە و بۆ وان دەرکەفتیە ب رێژا 96% هەڤشێوێ رێزبەندیا بوماوەیا چەکچەکیلێ بوویە.
گۆت یە ژی: گۆمان دهێتە کرن، کو ل دەستپێکێ ئەو نەخۆشیە د بازارێن خوارنا پەلەوەر و بالندان دا بەلاڤبوویە، خەلکێ وی ولاتی ژی چەکچەکیلان د بازاران دا دفرۆشن و وەک خوارنەکا بلەز بکاردئینن.
ئەڤرۆ نیوز:
سەرۆکێ هەرێما کوردستانێ ل گەل وەزیرێ بەرگریێ و دەرڤە یێ بەلجیکا کۆمبوو و بەحسێ پەیوەندیێن دناڤبەرا هەردو ئالیان دا کر.
ئەڤرۆ شاندەکێ حکومەتا بەلچیکا ب سەرۆکاتیا فلیپ گۆفین وەزیرێ بەرگریێ و دەرڤەیێ وی ولاتی، هەڤدیتنەک نێچیرڤان بارزانی سەرۆکێ هەرێما کوردستانێ بەحسێ پەیوەندیێن دناڤبەرا هەردو ئالیان کر و سۆپاسیا حکومەتا هەرێمێ کر بۆ هاریکاری و پشتەڤانیا وان ژ ئاوارێن بەرێخوە ددەنە وێ دەڤەرێ.
هەروەسا دیار کر، ولاتێ وی دێ بەردەوام بیت لسەر هاریکاریان بۆ عیراق و هەرێمێ د روو ب رووبوونا تیرۆرێ دا، هەروەسا فلیپ گۆڤین بەرهەڤیا وەلاتێ خوە بۆ هاریکاریێن ئابووری و بازرگانیێ نیشان دا.
سەرۆکێ هەرێما کوردستانێ سۆپاسیا بەلجیکا کر بۆ پشتەڤانی و هاریکاریێن وان بۆ هەرێما کوردستانێ د چارچوڤێ هەڤپەیمانیا نێڤدەولەتی دا، گۆت ژی پەیوەندیێن هەرێم وعێراقێ هێشتا پێدڤی ب بەردەوامیا هاریکاریێن هەڤپەیمانێن نێڤدەولەتی هەیە بۆ بەرهەنگاربوونا تیرۆرێ.
ئەڤرۆ نیوز:
مەسرور بارزانی سەرۆکێ حوکمەتا هەرێما کوردستانێ ل گەل فیلیپ گۆڤین وەزیرێ دەرڤە یێ بەلجیکا کو د هەمان دەمی دا وەزیرێ بەرەڤانیێ یێ وی وەلاتی یە کۆمبوو.
د کۆمبوونێ دا بەحسێ رەوشا عیراقێ و دەڤەرێ هاتە کرن و ب تایبەتی ژی پەیوەندیێن هەرێما کوردستانێ و بەلجیکا هاتنە گەنگەشە کرن، هەرێما کوردستانێ پەیوەندیێن بهێز ل گەل وەلاتێ بەلجیکا هەنە.
ئه‌ڤرۆ نیوز:
وه‌زاره‌تا به‌ره‌ڤانیا توركیا راگه‌هاند چار سه‌رباز ژ ئه‌نجامێ بوردومانكرنێن حوكمه‌تا سوریا ل نیزیك ئه‌دلبێ هاتینه كوشتن و وان ژی به‌رسڤا حوكمه‌تا سوریا دایه.
وه‌زاره‌تا به‌ره‌ڤانیا توركیا ئه‌و چه‌نده ژی دازانین كو دوێ بوردومانكرنێ دا ژبلی كوشتنا چار سه‌ربازان نه‌هـ سه‌ربازی بریندار بوینه.
سه‌رۆك كۆمارێ توركیا گه‌ف ل حوكمه‌تا سوریا كر و راگه‌هاند: د به‌رسڤا ئه‌وێ هێرشا سوریایێ دا ل ئه‌دلبێ هاتیه كرن، 30 هه‌تا 35 چه‌كدارێن سوریا كوشتینه ب فرۆكه‌یێن ئێف شازده به‌رسڤا حوكمه‌تا سوریا هاتیه دان.
ئه‌ڤرۆ نیوز:
وه‌زاره‌تا پلاندانانێ یا حوكمه‌تا هه‌رێما كوردستانێ ل گه‌ل نوونه‌رێ رێكخراوا UNDPل هه‌رێما كوردستانێ گرێبه‌سته‌كا پلانا ستراتیژیا ده‌هـ سالان ل چه‌ند سێكته‌ره‌كان دا ئیمزاكر.
د. دارا ره‌شید وه‌زیرێ پلاندانانێ یێ حوكمه‌تا هه‌رێما كوردستانێ د پرێس كۆنفرانسه‌كی دا راگه‌هاند: د پلانانا ستراتیژی دبیاڤێ ڤه‌كۆلینان دا هه‌ولدانه بۆ هه‌ڤسه‌نگیكرنا دناڤبه‌را شاره‌زایێن ناڤخو و بیانی دروست بكه‌ین، چونكو خودان سه‌رمایه‌كێ مرۆڤی یێ باشین ئه‌م بخو دزانین گرفتێن مه چ نه و كیڤه‌دانه، پلانانا ستراتیژیا ده‌هـ سالان دناڤبه‌را 2020 هه‌تا 2030 دا هاتیه دارشتن هه‌موو سیكته‌رێن ساخله‌می و په‌روه‌رده و چاندن و پیشه‌سازی و ژینگه‌هـ و كاره‌ب و ئاڤ و چالاكیێن باژێرڤانیان و وه‌به‌رهێنان كارێن ده‌ستپێكیێن مه‌نه.
د. دارا ره‌شید وه‌زیرێ پلاندانانێ یێ حوكمه‌تا هه‌رێما كوردستانێ ئه‌و چه‌نده ژی دیاركر كاركرن ل سه‌ر سێكته‌ران لگۆری ئه‌ڤێ پلانانا ستراتیژی كۆ ئێك ده‌نگه ل گه‌ل كارنامه‌یا كابینا نه‌هێ یا حوكمه‌تا هه‌رێما كوردستانێ كۆ ب روونی ل هێلێن گشتی به‌حس لێ هاتینه كرن كو حوكمه‌ت ل ده‌مێ چار سالێن خودا چ كه‌رت و سێكته‌ر گرنگن كار ل سه‌ر كه‌ت.
ئه‌ڤرۆ نیوز، ناجی به‌ده‌ل:
وه‌زاره‌تا بازرگانی و پیشه‌سازیا حوكمه‌تا هه‌رێما كوردستانێ رێنمایێن نوو بۆ كوگه‌هێن خارنێ كۆ 28 خالن وه‌ك بریار ده‌رخستن.
لگوری نڤیسارا وه‌زاره‌تا بازرگانی و پیشه‌سازیا حوكه‌تا هه‌رێما كوردستانێ كۆ ل رۆژا پێنجشه‌مبی 29/1/2020 ده‌ركه‌تیه، و دوێ نڤیسیارێ دا هاتیه كۆ دڤێت كوگه‌هێن خارنێ ب تابلویێن ناڤێ كۆمپانی و خودانكاری و جورێ تشتێ تێدا هاتیه دانان بهێته هه‌لاویستن، رێك ژی ب چ ماده‌یه‌كێ سه‌رڤه‌چویی ل كوگه‌هێڤه بهێته هه‌لگرتن ناهێته‌دان و به‌رۆڤاژی دێ هێته سزا دان لگۆری پێرابونێن یاسایی.
د وێ نڤیسارا وه‌زاره‌تا بازرگانی و پیشه‌سازیا حوكمه‌تا هه‌رێما كوردستانێ دا تێدا هاتیه كۆ لگۆری رێنمایێن وه‌زاره‌تا بازرگانیێ، دڤێت كوگه‌هـ مه‌رجێن ساخله‌میێ و ته‌زینگه‌ه و باگوهور تێدا هه‌بن بۆ كۆنترولكرنا سه‌قایه‌كێ گونجای بۆ تشتێن خورانێ، ل رۆژا ده‌ركه‌تنا وان رێنمایان كار دێ پێ هێته‌كرن.
ئه‌ڤرۆ نیوز:
سه‌ركرده‌كێ ره‌وتێ سه‌دری یێ به‌رێ پێشنیاز دكه‌ت پایته‌ختێ عیراقێ ب شێوه‌كێ ده‌مكی ژ به‌غدا بۆ پارێزگه‌هه‌كا دی بهێته ڤه‌گوهاستن وداخوازكر ژی راده‌ك بۆ میلیشیێن كونترۆل ل سه‌ر ده‌وله‌تا عیراقێ كری ( وه‌كو ئاماژه‌ك بۆ حه‌شدا شه‌عبی) بهێته دانان.
ئه‌سعه‌د ئه‌لناسری، سه‌ركردێ دیار یێ به‌رێ یێ ره‌وتێ سه‌دری د نڤیسینه‌كێ دا ل سه‌ر تۆرا جڤاكی یا تویته‌ری به‌لاڤكر” گۆمان د وێ چه‌ندێ دا نینه كو ئه‌و میلیشیێن ب سه‌ر ئیرانێ ڤه نوكه كونترۆل ل سه‌ر ده‌وله‌تا عیراقێ یا كری ل بن ناڤێ شه‌رعیه‌تا دستووری”.
وی سه‌ركردێ به‌رێ یێ ره‌وتێ سه‌دری داخوازا دانانا راده‌كی بۆ وان میلیشیاتان كر، هه‌روه‌سا پێشنیازا ڤه‌گوهاستنا پایته‌ختێ عیراقێ ب شێوه‌كێ ده‌مكی ژ به‌غدا بۆ پارێزگه‌هه‌كا دی كو ئه‌و پێرابوونه ژی ب ئیرادا وه‌لاتیێن عیراقێ بیت و داخواز ژ جڤاكێ نیڤده‌وله‌تی ژی بهێته كرن كو سه‌ره‌ده‌ریێ ل گه‌ل ڤێ بژاردێ بكه‌ت.
ناڤبری ئاماژه ب به‌رده‌وامبوونا نه‌رازیبوونێن مللی ل عیراقێ كر و ب تایبه‌تی نه‌رازیبوونا خوه‌نیشاده‌ران ل سه‌ر پرسا به‌ربژاركرنا محه‌مه‌د ته‌وفیق عه‌لاوی بۆ پۆستێ سه‌رۆكێ وه‌زیران كر كو ب (به‌ربژارێ ده‌ستهه‌لاتێ) ناڤكری و گۆت” مه‌یدانانێن خوه‌نیشادانێ ل عیراقێ ب دروستی بۆچوونا خوه ل سه‌ر به‌ربژاركرنا محه‌مه‌د ته‌وفیق عه‌لاوی بۆ پۆستێ سه‌رۆكێ وه‌زیران دیاركربوو هه‌ر به‌ری به‌ربژاركرنا وی، ئه‌وژی ره‌تكرنا هه‌ر كه‌سه‌كێ ژلایێ حزبێن ده‌ستهه‌لاتێ ڤه بۆ پۆستێ سه‌رۆكاتیا وه‌زیران دهێته به‌ربژاركرن”.
ئه‌ڤه داخویانیه د ده‌مه‌كی دا هات كو ل به‌غدا و پارێزگه‌هێن باشوورێ عیراقێ خوه‌نیشادانێن نه‌رازیبوونێ دژی به‌ربژاركرنا محه‌مه‌د ته‌وفیق عه‌لاوی بۆ پۆستێ سه‌رۆكێ وه‌زیران هاتینه ئه‌نجامدان.
ژ لایه‌كێ دی ڤه موقته‌دا سه‌در سه‌رۆكێ ره‌وتێ سه‌دری و لیستا سائیروون داخوازا پێكئینانا لژنێن تایبه‌ت بۆ ڤه‌گه‌راندنا ده‌واما فه‌رمی ل قوتابخانێن پارێزگه‌هێن باشوورێ عیراقێ و ڤه‌كرنا رێیان و بزاڤا ڤه‌گه‌راندنا خوه‌نیشادانان بۆ ئارمانجا وان یا سه‌ره‌كی ئه‌وژی خوه‌نیشادانێن ئاشتیانه كر.
نيشاندان