ئەڤرۆ نیوز، نەوزاد هلوری:
ب مەرەما نیاسین و وەرزش و گەریان دناڤ سروشت و ژینگەهێ، ئەڤرۆ گروپێ گوپیتک یێ چیاڤانی ل دهۆکێ، قەستا چیایێن دەڤەرا دوسکی یا ل سنورێ کومەلگەها کورا یا سەر ب ناحیا زاویتەکر.
ئه‌ڤرۆ نيوز:
جڤاتا وه‌زيرێن عيراقێ ئه‌ڤرۆ شه‌مبيێ 30/11/2019 ب سه‌رپه‌رشتيا عادل عه‌بدولمه‌هدى سه‌رۆك وه‌زيرێن عيراقێ كۆمبوو و تێدا عه‌بدولمه‌هدى دووپاتكر كو دێ ناما ده‌ست ژ كاركێشانا خوه ژ پۆستێ سه‌رۆك وه‌زيران ئاراسته‌ى په‌رله‌مانى كه‌ت و يێ په‌شێمان نينه.
د وێ كۆمبوونێ دا عه‌بدولمه‌هدى داخواز ژ وه‌زيرێن حوكمه‌تا خوه كر تاكو پێكئينانا حوكمه‌تا نوو ل سه‌ر كارێن خوه د به‌رده‌وام بن.
سه‌رۆك وه‌زيرێن عيراقێ داخواز ژ په‌رله‌مانێ عيراقێ ژى كر كو پێرابوونێن پێدڤى ئه‌نجامده‌ت بۆ كۆمبوونا سوباهى ل دۆر ده‌ست ژ كاركێشانا حوكمه‌تا وى.
هه‌روه‌سا دووپاتى ل سه‌ر راده‌ستكرنا ده‌ستهه‌لاتێ ب شێوه‌كێ ئاشتيانه ل گه‌ل بده‌ستڤه‌ئينانا ئارمانجێن گه‌لێ عيراقێ كر.
دهێته زانين، دوهى ئه‌ينيێ عادل عه‌بدولمه‌هدى، سه‌رۆك وه‌زيرێن عيراقێ راگه‌هاند كو ل رۆژا ئێكشه‌مبى 1/12/2019 دێ ناما ده‌ست ژ كاركێشانا خوه ئاراسته‌ى په‌رله‌مانێ عيراقێ كه‌ت.
ئەڤرۆ نیوز:
سەرۆک مەسعود بارزانی ل دۆر رەوشا نها یا عیراقێ راگەهاند کو ب گرنگیێ ڤە پێداچوونا رەوشا ڤێ دووماهیێ ل عیراقێ دکەین و پێشوازیێ ل هەر پێنگاڤەکێ ژی دکەین کو خزمەتا چارەسەریا رەوشا نها بیت، دڤێت نەهێلین رەوش گەلەک ئالۆز ببیت و رێ بۆ دکتاتوریەتێ ل عیراقێ خوەش بکەت.
سەرۆک بارزانی ئاماژە ب هندێ ژی دکەت کو دڤێت هەر گوهۆرینەکا ل عیراقێ مافێن هەموو پێکهاتان ل بەر چاڤ بگریت و ل گۆر ئالیەتێن دستووری بیت و ئارمانج ژی چەسپاندنا دستووری و بجهئینانا ئارامیێ بۆ هەموو عیراقێ بیت.
د دووماهیا پەیاما خوە دا سەرۆک بارزانی دبێژیت: هەموو رەنگێن توندوتیژیێ ل دژی خوەنیشادەران رەت دکەین و سەرساخیێ بۆ مالباتێن شەهیدان دخوازین و هێڤیا باشبوونێ بۆ برینداران دخوازین.
ئەڤرۆ نیوز،عەلی حاجی:
د نڤێسارەکا رێڤەبەریا بەلاڤ کرن کو دانەیەک ژ وێ نڤێسارێ دەست ب ئەڤرۆ نیوز کەڤتیە دیار کری یە هەر هاولاتیەکێ سەرپێچی ل سەر کارەبا گشتی کربیت و سەرەدانا رێڤەبەریا بەلاڤ کرنا کارەبا زاخۆ نەکەت دێ توشی سزایێن دارایی و یاسای بیت.
هەر دوێ نڤێسارێ دا هاتیە پێدڤی یە ئەو کەسێ سەرپێچی ل سەر کارەبا گشتی کری هەر ژ رێکەڤتی ١/١٢/٢٠١٩ هەتا ١/١/٢٠٢٠ قەستا رێڤەبەریێ بکەت دا کو پیڤەر لندووف رێنمایان بو وی جهی بهێتە دانان یێ سەرپێچی کرین و بەروڤاژی یێ پێگیر نەبیت ب ڤ بریارێ ل مێژوویا هاتیە دیار کرن دێ سزایێن دارای و یاسای هەبن بۆ سەرپێچکاران .
ئه‌ڤرۆ نيوز، نيوار محه‌مه‌د سه‌ليم:
ژ به‌ر هێرشا شڤێدى يا چه‌كدارێن داعش بۆ سه‌ر باژێركێ كه‌له‌جۆ ل كفرى و شه‌هيد بوونا رێڤه‌به‌ر و دو كارمه‌ندێن ئاسايشێ سه‌رۆكێ حوكمه‌تا هه‌رێما كوردستانێ په‌يامه‌ك به‌لاڤكر و ئه‌ڤه ژى ده‌قێ وێ يه:
په‌يامه‌ك ژ سه‌رۆكێ حوكمه‌تا هه‌رێما كوردستانێ
ب مخابنى ڤه شه‌ڤا بۆرى ژ ئه‌نجامێ هێرشه‌كا تيرۆرستێن داعش بۆ سه‌ر باژێركێ كوله‌جۆ يێ سه‌ر ب كفرى، رێڤه‌به‌ر و دو كارمه‌ندێن ئاسايشێ شه‌هيد بوون و چه‌ند كارمه‌نده‌ك ژى بريندار بوون.
پرسه و سه‌ره‌خۆشيێ ل كه‌سوكارێن شه‌هيدان دكه‌ين و هيڤدارين خودايێ مه‌زن ب به‌هشتا خوه شاد بكه‌ت و هيڤيا ساخبوونێ بۆ برينداران دخوازم.
ئه‌ڤ هێرشا تيرۆرستى يا داعش، نيشان دده‌ت كو ئه‌ڤ رێكخراوا تيرۆرستى هێشتا ب ته‌مامى تێك نه‌هاتيه شكاندن و مه ژى د ڤێ ده‌ربارێ دا چه‌ندين جاران هوشدارى دايه. ژ به‌ر هندێ پێدڤيه كۆمه‌لگه‌ها نێڤده‌وله‌تى ژ ئه‌گه‌رێ هاريكاريكرنا هه‌رێما كوردستانێ و عيراقێ به‌رده‌وام بيت بۆ روو ب رووبوونا داعش و كاركرن د پێناڤى نه‌هێلانا ئه‌وان ئه‌گه‌ران يێن دبنه سه‌ده‌م بۆ سه‌رهلدان و چالاكبوونا رێكخراوا تيرۆرستى.
مه‌سرور بارزانى
سه‌رۆكێ حوكمه‌تا هه‌رێما كوردستانێ
30/11/2019
ئه‌ڤرۆ نيوز، نيوار محه‌مه‌د سه‌ليم:
سه‌رۆكێ نوونه‌راتيا حوكمه‌تا هه‌رێما كوردستانێ ل به‌غدا، فارس عيسا راگه‌هاند، برياره ل رۆژا ئێكشه‌مبيێ شاندێ حوكمه‌تا هه‌رێما كوردستانێ سه‌ره‌دانا به‌غدا بكه‌ت و ل گه‌ل حوكمه‌تا عيراقێ رێككه‌فتنا دووماهيێ ل دۆر پرۆژه قانوونا بودجا 2020 ئيمزا بكه‌ت، كو پاشى لژنا هه‌ڤپشكا حوكمه‌تا هه‌رێمێ و به‌غدا دێ رێككه‌فتنێ دناڤ بودجه‌ى دا جێگير كه‌ن و دارێشتنا بودجه‌ى دێ هێته كرن وپاشى دێ پێشكێشى جڤاتا وه‌زيران هێته كرن بۆ په‌سه‌ندكرنێ و هنارتنێ بۆ په‌رله‌مانێ عيراقێ.
فارسا عيسا زێده‌تر گۆت” برياره پشتى په‌سه‌ندكرنا پرۆژه قانوونا بودجێ ژ لايێ جڤاتا وه‌زيران ڤه، دێ ل هه‌مان حه‌فتيێ هێته هنارتن بۆ په‌رله‌مانى بۆ په‌سه‌ندكرنێ”.
ئاماژه كر ژى كو ڤێجارێ هنارتنا پشكا بودجا هه‌رێما كوردستانێ ب رێژه نابيت و هه‌يڤانه دێ نێزيكى ترليۆن ديناران بۆ هه‌رێما كوردستانێ هێنه هنارتن.
گۆت ژى” دێ بزاڤێ كه‌ين كو ل بودجا سيادى و حاكيمه ژى پاره بۆ هه‌رێما كوردستانێ بهێته هنارتن و هه‌رێم ژى رۆژانه 250 هزار به‌رميلێن په‌ترۆلێ دێ راده‌ستى به‌غدا كه‌ت”.
دا زانين ژى كو بڕيارا ده‌ست ژ كاركێشانا سه‌رۆك وه‌زيرێن عيراقێ عادل عه‌بدولمه‌هدى چو په‌يوه‌ندى ب رێكه‌فتنێ ڤه نينه و سوبه‌هى رۆژا ئێكشه‌مبى رێكه‌فتن دێ هێته كرن.
ئه‌ڤرۆ نيوز، نيوار محه‌مه‌د سه‌ليم:
د به‌رنامه‌كێ روو ب رووبوونا ئێكسه‌ر دا، بيرهاتنێن دلته‌زينێن كچه‌كا ئێزدى يا 14 سالى ئينانه پێش ده‌ما ل كه‌نالێ عيراقيه روو ب روويێ وى چه‌كدارێ داعش بوويى يێ ده‌ستدرێژى كريه سه‌ر.
ئه‌شواق ئه‌و كچا 14 سالى بوو يا ل به‌رى پێنج سالان كه‌فتيه ده‌ستێ داعش و گه‌له‌ك جاران ب زۆرى ده‌ستدرێژيا سكسى كريه سه‌ر. ئه‌شواق د روو ب رووبوونه‌كا ئێكسه‌ر يا ل گه‌ل وى چه‌كدارێ داعش يێ ده‌ستدرێژى كريه سه‌ر دبێژيت: “ته ژيانا من وێران كر”.
ئه‌و كچ دبێژيتى: سه‌رێ خو راكه، ته بۆچى ئه‌ڤه ب سه‌رێ من ئينا؟ ژ به‌ر هندێ كو ئێزدى مه؟ ئه‌ز ب تنێ 14 سال بووم، ته پيچه‌كا هه‌ست و سۆزا هه‌بايه، ته ئه‌و نه‌دكر. ئه‌ز د ژيێ كچا ته دابووم”.
Footage shows the moment when a Yazidi girl “Ashwaq Haji” faced her ISIS terrorist rapist. She was exposed to the most terrible physical & psychological violations when she was just 14 yrs old. She was kidnapped from #Sinjar in August 2014.#YazidiGenocide pic.twitter.com/YRCznNtZKX
— Yazidi الايزيدية (@Ezidi2) November 30, 2019
ئه‌ڤرۆ نيوز، نيوار محه‌مه‌د سه‌ليم:
ئاخفتنكه‌رێ ب ناڤێ نڤيسينگه‌ها راگه‌هاندنێ يا سه‌رۆك وه‌زيران سه‌عه‌د حه‌ديسى، ئه‌ڤرۆ رۆژا شه‌مبى راگه‌هاند، بڕيار ب ناڤێ به‌رپرسێن مه‌زن ده‌رچووينه كو ده‌ستێوه‌رداينه د ناڤ گه‌نده‌ليێ دا.
ئاژانسا ده‌نگوباسێن عيراقى ژ زارده‌ڤێ حه‌ديسى به‌لاڤكريه كو دادگه‌هه‌كا تايبه‌ت يا ناڤه‌ندى ب تاوانێن گه‌نده‌ليێ هه‌يه، د ناڤبه‌را ده‌سته‌لاتا بجهئينانێ و دادوه‌رى دا هاتيه دانان”.
ئاماژه ب وێ چه‌ندێ ژى كريه كو دادگه‌هێ بڕيار يا ده‌ركرى بۆ لژنێن ڤه‌كۆلينێ ل دادگه‌هێن تێهه‌لچوونێ ل هه‌موو دادگه‌هێن عيراقێ بۆ ده‌ركرنا بڕيارێن ده‌سته‌سه‌ركرن و راگرتنا پارێ وان هه‌موو كه‌سێن تۆمه‌تێن گه‌نده‌ليێ ل سه‌ر زال بووين.
ئاشكه‌را ژى كر كو ب ده‌هان بڕيار بۆ ده‌سته‌سه‌ركرن و راگرتنێ و هه‌تا زيندانكرن ژى بۆ مه‌زنه به‌رپرسێن ل ئاستێ وه‌زير و پارێزگار و ئه‌ندامێن جڤاتا نوونه‌ران و جڤاتێن پارێزگه‌هان ده‌رچووينه و گۆت: “كار يێ به‌رده‌وامه و بڕيارێن نوو ژى ل ڤان رۆژێن بهێت دێ ده‌رچن”.
ئه‌ڤرۆ نيوز، نيوار محه‌مه‌د سه‌ليم:
عزه‌ت شابه‌نده‌ر ره‌ت دكه‌ت كو پشتى عادل عه‌بدولمه‌هدى خوه بۆ پۆستێ سه‌رۆك وه‌زيرێن عيراقێ به‌ربژار بكه‌ت و ديار دكه‌ت كو ده‌ست ژ كاركێشانا وى دووماهيا قه‌يرانێ نينه.
عزه‌ت شابه‌نده‌ر، كه‌ساتيێ سياسى و ئه‌ندامێ به‌رێ يێ جڤاتا نوونه‌رێن عيراقێ د تويته‌كى دا ل تۆڕا جڤاكيا تويته‌رى گۆت: “د پشكه‌كا تۆڕێن جڤاكى و په‌يجان دا ب ناڤێ من هاتينه دانان و بابه‌تێن ژ وى جورى به‌لاڤ دكه‌ن كو من ل به‌ره خوه بۆ پۆستێ سه‌رۆك وه‌زيران به‌ربژار كه‌م، ئه‌ڤه ژى پشتى حوكمه‌تا عادل عه‌بدولمه‌هدى”.
عزه‌ت شابه‌نده‌ر ئه‌وى نووچه‌ى ب ته‌مامى ره‌ت دكه‌ت و ته‌كست ل سه‌ر وێ چه‌ندێ دكه‌ت كو ده‌ست ژ كاركێشانا عه‌بدولمه‌هدى ژى چو ژ قه‌يرانا نا گوهۆڕيت، به‌لێ دێ درێژتر لێ كه‌ت.
دوهى 29ى چريا دويێ پشتى گۆتارا ئه‌ينيێ يا مه‌رجه‌عيه‌تا شيعى، عادل عه‌بدولمه‌هدى سه‌رۆك وه‌زيرێن عيراقێ راگه‌هاند كو ئه‌و دێ ده‌ست ژ كار كێشيت.
ئەڤرۆ نیوز،عەلی حاجی :
ل درەنگیا شەڤا پێنچ شەمبێ ل سەر ئەینیێ ل سەر جاددەیا گشتی یا دێرەبوونێ بۆ گوندێ شیناڤا دئەنجامێ روودانەکا ترافیکی دا دو کەسان گیانێ خوە ژدەست دا.
موقەدەم ئازاد تەها بەرپرسێ راگەهاندنا رێڤەبەریا هاتن و چوونا پارێزگەها دهوکێ بۆ ئەڤرۆ نیوز دیار کر ئەو روودان ل دەمژمێر ١ی شەڤێ یا روژا پێنچ شەمبێ ل سەر روژا ئەینیێ روودا ل سەر جاددەیا دێرەبونێ بۆ گوندێ شیناڤا کو ترومبێلەکا بارهەلگر ژ جورێ فورد یا ژمارە تورکی دگەل ترومبێلەکا نیسان و د وێ روودانێ دا دو کەسان گیانێ خوە ژدەست دا و زیانێن ماددی ژی بەر ب هەردو ترومبێلان کەڤتن.
نيشاندان