ئەڤرۆ نیۆز، عەزیز هەورامی
ئێكه‌تيا لاوێن ديموكراتا كوردستانێ، بزاڤه‌كا سه‌رانسه‌رى دژى بكارئينانا مادێن هوشبه‌ر ب ناڤونيشانێ(مادا هوشبه‌ر چه‌كێ لا كۆژه) ئه‌نجام دده‌ت.
ڕێبوار كه‌لاری، كارگێرێ مه‌كته‌با سكرتاريه‌تا ئێكه‌تيا لاوێن ديموكراتا كوردستانێ بۆ ئه‌ڤرۆ نيوز گۆت” ئێكه‌تيا مه ب ئه‌رك دزانيت لاوێن مه خودان ساخله‌ميه‌كا باش بن و دوور بكه‌ڤن ژ مادێن هوشبه‌ر كو زيانێن مادى و گيانێ يێن مه‌زن د دووڤ را هه‌نه”.
گۆت ژى” ل سه‌ر ئاستێ هه‌رێما كوردستانێ ب رێيا 25 ناڤه‌ندێن بالا و مالا لاوان ژى ل پارێزگه‌ها دهۆكێ، ب رێيا سمينار و دێبه‌يت و كور هه‌وا به‌رهنگاريا مادێن هوشبه‌ر دێ ئه‌نجام ده‌ين و ئه‌م دخوازين لاوان هشيار بكه‌ين ژ زيانێن مه‌زن يێن مادێن هوشبه‌ر ل سه‌ر ساخله‌ميێ”.
خوياكر” ئه‌ركێ سه‌ره‌كى يێ ئێكه‌تيا لاوێن ديموكراتا كوردستانێ لاوێن مه ژ مادێن هوشبه‌ر و زيانێن وێ هشيار بكه‌ت، هه‌موو ناڤه‌ندێن بالا يێن مه هاتينه سه‌رپشككرن كو هه‌ر ناڤه‌نده‌ك چالاكيان ئه‌نجام بده‌ت بۆ هشياركرنا لاوان ژ زيانێن مه‌زن يێن مادێن هوشبه‌ر”.
ئه‌ڤرۆ نيوز:
دادگه‌ها ڤه‌كۆلينێ ياسه‌ر ب ده‌سته‌يا ده‌ستپاكيێ ل عيراقێ د به‌ياننامه‌كێ دا راگه‌هاند، ب تۆمه‌تا گه‌نده‌ليێ فه‌رمانا ده‌سته‌سه‌ركرنێ بۆ هه‌ردو پارێزگه‌رێن به‌رێ يێن موسه‌نا و بابل هاته ده‌ركرن.
ئه‌ڤرۆ پێنجشه‌مبى 7/11/2019 فه‌رمانگه‌ها ڤه‌كۆلينێ يا ده‌سته‌يا ده‌ستپاكيێ ل عيراقێ به‌لاڤكر” ب تۆمه‌تا گه‌نده‌ليێ و هه‌ده‌ردانا مۆلكێ گشتى، فه‌رمانا ده‌سته‌سه‌ركرنێ بۆ هه‌ر ئێك ژ پارێزگه‌رێ بابل و رێڤه‌به‌رێ به‌نكا ره‌شيد و پارێزگه‌رێ موسه‌نا و هژماره‌كا به‌رپرسێن وێ پارێزگه‌هێ هاته ده‌ركرن”.
دياركر ژى”ل دووڤ مادێ 318 ژ قانوونا سزايێن عيراقى، فه‌رمانا ده‌سته‌سه‌ركرنا جێگرێ پارێزگه‌ري موسه‌نا هاته ده‌ركرن ل سه‌ر دۆسێيا پرۆژێ قيركرنا جادێن قه‌زا ره‌ميسه “.
ده‌سته‌يا ده‌ستپاكيا عيراقێ به‌لاڤكر ژى كو هه‌ر ئه‌ڤرۆ پێنجشه‌مبى هژماره‌كا فه‌رمانێن دى يێن ده‌سته‌سه‌ركرنێ بۆ هژماره‌كا به‌رپرسێن پارێزگه‌ها موسه‌نا هاتينه ده‌ركرن، ئه‌وژى ل دووڤ ئه‌نجامێن ڤه‌كۆلينێ يێن ده‌سته‌يا ده‌ستپاكيێ د چه‌ند دۆسێيه‌كا دا كرين و هنارتينه دادگه‌هێ، ژ وان ده‌ركرنا فه‌رمانا ده‌سته‌سه‌ركرنا ئه‌ندامه‌كێ جڤاتا پارێزگه‌هێ و رێڤه‌به‌رێ گشتيێ وه‌به‌رئينانێ و رێڤه‌به‌ره‌كێ دى يێ ده‌سته‌يا وه‌به‌رئێنانێ ل وێ پاريزگه‌هێ و هه‌موو فه‌رمان ل دووڤ مادێ 319 ژ قانوونا سزايێن عيراقى و ل سه‌ر دۆسێيا گوهۆرينا مۆله‌ته‌كا وه‌به‌رئێنانێ”.
هه‌ر ئه‌ڤرۆ فه‌رمانگه‌ها ڤه‌كۆلينێ ل ده‌سته‌يا ده‌ستپاكيێ فه‌رمانا ده‌سته‌سه‌ركرنێ و قه‌ده‌غه‌كرنا گه‌شتكرنێ بۆ پارێزگه‌رێ نوكه يێ بابل ده‌ركر ل سه‌ر دؤسێيا تايبه‌ت ب قانوون و هێمايێن هاتنوچوونێ ل سنورێ پاريزگه‌هێ و ياريكرن ب پارچه ئه‌ردێن ته‌رخانكرى بۆ كوسوكارێن شه‌هيدا و برينداران و زيندانيێن سياسى و دانا پارچێن ئه‌ردى بۆ كه‌سێن نه شايسته”.
ئه‌ڤرۆ نیۆز، ئه‌میر ئه‌ترووشی
به‌رپرسێ راگه‌هاندنا رێڤه‌به‌ریا به‌ره‌ڤانیا باژێری ل پارێزگه‌ها دهۆكێ راگه‌هاند، د ئه‌ڤ ساله یا 2019 دا، 30 هاوولاتی د ئاڤێن پارێزگه‌ها دهۆكێ دا خه‌ندقینه و 21 هاوولاتی ژی ژ خه‌ندقینێ هاتینه رزگاركرن.
عه‌قید بێوار عه‌بدولعه‌زیز، به‌رپرسێ راگه‌هاندنا رێڤه‌به‌ریا به‌ره‌ڤانیا باژێری بۆ ئه‌ڤرۆ نیۆز دیار كر، وان حه‌فت تیم ل نێزیك ئاڤێن پارێزگه‌ها دهۆكێ هه‌نه بۆ هندێ ده‌مێ كه‌سه‌ك د كه‌ڤیته د ئاڤێ دا وان رزگاربكه‌ن و ب تنێ د هه‌یاما 10 مه‌هێن ئه‌ڤ ساله دا، ئه‌و شیاینه 21 هاوولاتیان ژ خه‌ندقینێ رزگاربكه‌ن.
زێده‌تر دبێژیت: 30 هاوولاتی د ئه‌ڤ ساله دا خه‌ندقینه و پتریا ئه‌و كه‌سێن خه‌ندقین خه‌لكێ پارێزگه‌ها دهۆكێ بووینه و ژ وی سه‌رجه‌می ژی دوو ئاواره و دوو گه‌شتیار بووینه و ب هه‌ڤبه‌ركرن ل گه‌ل سالا بۆری، رێژه‌یا خه‌ندقینا هاوولاتیان به‌ره‌ڤ كێمبوونێ یه.
ئه‌ڤرۆ نيوز:
فه‌ريقێ روكن قاسم نه‌زال، فه‌رماندێ ئۆپه‌راسيۆنێن به‌سرا راگه‌هاند كو ژ ده‌مژمێر 05:00ى سپێده‌هيا ئه‌ڤرۆ ده‌رگه‌هێ سنورى يێ ئوم قه‌سر هاته ڤه‌كرن و هاتنوچوون ب ره‌نگه‌كێ فه‌رمى تێدا هاته كرن.
چه‌ندين جاران ل ڤان رۆژان ژ ئه‌گه‌رێ خوه‌نيشاندانان و ژ لايێ وان ڤه ده‌رگه‌هێ سنورى يێ ئوم قه‌سر دهێته گرتن و وه‌كو لايه‌نێن شوله‌ژێ ژى دده‌نه دياركرن ئه‌ڤێ چه‌ندێ كارتێكرنه‌كا مه‌زن ل سه‌ر ره‌وشا بازارى و كارتێكرنێن بازارى ل سه‌ر گرتنا وى ده‌رگه‌هى.
ئه‌ڤرۆ نيوز:
ژێده‌ره‌كێ به‌رپرس ل پاريزگه‌ها ديوانيه ل باشوورێ عيراقێ راگه‌هاند، فه‌رمانا ده‌سته‌سه‌ركرنێ بۆ 23 ئه‌ندامێن جڤاتا پارێزگه‌ها ديوانيه هاتيه ده‌ركرن.
وى ژێده‌رى دياركر ژى” ئه‌گه‌رێ ده‌ركرنا وێ فه‌رمانێ، په‌يوه‌نديا وان ئه‌ندامێن جڤاتا پارێزگه‌هێ يه ب دۆسيێن گه‌نده‌ليێ ل سنوورێ وێ پارێزگه‌هێ”.
فه‌رمانا ده‌سته‌سه‌ركرنا وێ هژمارا ئه‌ندامێن جڤاتا پارێزگه‌ها ديوانيه ژ لايێ ده‌سته‌يا ده‌ستپاكيێ ل وێ پاريزگه‌هێ هاتيه ده‌ركرن و ئه‌و ئه‌ندامه د تۆمه‌تبارن ب گه‌نده‌ليێ و هه‌ده‌ردانا سامانێ گشتى.
هه‌روه‌سا فه‌رمانا ده‌سته‌سه‌ركرنێ بۆ قايمقامێ قه‌زا ديوانيه ژى يا ده‌رچووى كو ئه‌وژى يێ تۆمه‌تباره ب گه‌نده‌ليێ.
ئه‌ڤرۆ نیوز، نه‌وزاد هلۆرى:
هژمار و رێژا چونا گه‌شتیاران ژ هه‌رێما كوردستانێ بۆ توركیا به‌ر ب كێمبوویێ یه، ده‌سته‌یا گه‌شتوگۆزار یا هه‌رێما كوردستانێ ژى دیاركر، ڤێ یه‌كێ په‌یوه‌ندیه‌كا ئێكسه‌ر ب شه‌ر و روودانێن د ناڤبه‌را توركیا و رۆژئاڤایێ كوردستانێ هه‌یه.
نادر روستایى، په‌يڤدارێ ده‌سته‌یا گه‌شتوگۆزار ل هه‌رێما كوردستانێ بۆ ئه‌ڤرۆ نیوز گۆت: (ژ به‌ركو وه‌لاتێ توركیا وه‌لاته‌كێ گه‌شتیارى یه و هه‌ڤسنووره ل گه‌ل هه‌رێما كوردستانێ، د هه‌موو وه‌رزێن جودایێن سالێ دا وه‌لاتیێن هه‌رێما كوردستانێ ب مه‌ره‌ما گه‌شتوگۆزارێ قه‌ستا توركیا دكه‌ن).
زێده‌تر گۆت: (پشتى روودانێن رۆژئاڤایێ كوردستانێ و شه‌ر و ئالوزییان د ناڤبه‌را له‌شكرێ توركیا و هێزێن كوردى دا، رێژا چونا گه‌شتیارێن هه‌رێما كوردستانێ بۆ 70% كێمبویه، دیسان ژبلى گه‌شتیاران رێژا كومپانیێن گه‌شتیارى ژى بۆ توركیا كێمبویه ژبه‌ركو گه‌شتیار كێمن).
ناڤبرى دیاركر ژى كو وان ژ نێزیك دووڤچوون ل سه‌ر ئه‌گه‌رێن كێمبوونا رێژا گه‌شتیاران ل هه‌رێما كوردستانێ بۆ توركیا كریه و زێده‌تر گۆت: (هه‌ر سال ل وه‌رزێ زڤستانێ رێژا گه‌شتیاران كێم دبیت، به‌لێ ئه‌ڤ ساله ئه‌گه‌ره‌كێ دى زێده‌بویه و كارتێكرنه‌كا زۆر ل سه‌ر كریه كو ئه‌و ژى هێرشا توركیایه بۆ سه‌ر رۆژئاڤایێ كوردستانێ، بۆ نموونه چونا گه‌شتیاران ب رێیا كومپانیێن سلێمانیێ بۆ توركیا ب رێژا 90% كێمبویه، ل هه‌ولێرێ ب رێژا 70% كێمبویه، ل دهۆكێ هێشتا رێژه يا ديار نينه، ب گوره‌ى دووڤچوونێن مه پتر كومپانیێن گرێداى بارزگانى و خواندنێ دچنه توركیا، د به‌رامبه‌ر دا چونا گه‌شتیاران بۆهنده‌ك وه‌لاتێن دى زێده‌بوویه بۆ نموونه چونا گه‌شتیاران ژ هه‌رێما كوردستانێ بۆ دوبه‌ى زێده‌بوویه).
ئه‌ڤرۆ نيوز:
رێڤه‌به‌ريا هاتنوچوونێ ل پاريزگه‌ها هه‌ولێرێ شوفێر و خودانێن خوارنگه و باله‌خانان ئاگه‌هداركرن كو ژ نوكه و وێڤه دێ وان كه‌سان سزا ده‌ت يێن ترومبێلين خوه ل سه‌ر شوستان رادوه‌ستينن.
د رۆهنكرنه‌كا هاتنوچوونا پاريزگه‌ها هه‌ولێرێ دا هاتيه” راوه‌ستاندنا ترومبێلان ل سه‌ر شوستێن پتريا جادان دهێته ديتن ب تايبه‌تى ل جادێن 30 مه‌ترى و 60 مه‌ترى، كو سيمايه‌كێ نه جوان په‌يدا دكه‌ت و جهێ هاتنوچوونا وه‌لاتيێن پياده‌يه، ئه‌ڤه ژى دبيته ئه‌گه‌ر وه‌لاتى ل سه‌ر جاده‌يان هاتنوچوونێ بكه‌ن”.
رێڤه‌به‌ريا ناڤبرى خودانێن باله‌خانه‌يان ئاگه‌هداركرن كو راوه‌ستاندنا ترومبێلان ل سه‌ر شوستان قه‌ده‌غه‌يه و به‌رۆڤاژى وێ چه‌ندێ دێ تووشى پێرابوونێن قانوونى بن و ترومبێل ژى دێ ب گۆژمێ 20 هزار ديناران هێته سزادان”.
ئه‌ڤرۆ نيوز:
جوتيار عادل، په‌يڤدارێ حوكمه‌تا هه‌رێما كوردستانێ راگه‌هاند، ب هه‌لكه‌فتا ژ دايكبوونا پێغمبه‌رێ ئيسلامێ محه‌مه‌د، پيرۆزباهيێ ل هه‌موو موسلمانێن كوردستانێ و عيراقێ و جيهانێ دكه‌ين و ب ڤێ هه‌لكه‌فتێ رادگه‌هينين كو رۆژا شه‌مبيێ 9/11/2019 بهێنڤه‌دانا فه‌رمى يه”.
گۆت ژى” ل رۆژا ئێكشه‌مبى 10/11/2019 ل هه‌موو داموده‌زگه‌هێن حوكمه‌تێ ده‌واما فه‌رمى يه”.
مه‌سرور بارزانى گۆت ژى” سه‌رۆكايه‌تيا حوكمه‌تێ وه‌كو ئه‌رك و ئه‌مانه‌ت من وه‌رگرتيه نه‌كو بۆ ده‌ستكه‌فتێ كه‌سايه‌تى”.
هه‌روه‌سا راگه‌هاند” دژى گه‌نده‌ليێ مه و ب هه‌موو شيانين خوه دێ بزاڤا بنبركرنا وێ كه‌م”.
سه‌باره‌ت كۆمپانێن په‌ترۆلێ و غازێ راگه‌هاند” حوكمه‌ت دێ كۆمپانيان نه‌چار كه‌ت ژينگه‌هێ بپارێزن و پێدڤيه وه‌لاتيان ژى رۆل هه‌بيت”.
ل دۆر كه‌رتێ وه‌به‌رئينانێ ژى، سه‌رۆكێ حوكمه‌تێ گۆت” هه‌موو بزاڤان دێ كه‌ين بۆ راكێشانا وه‌به‌رهێنه‌رێن بيانى، د هه‌مان ده‌م دا وه‌به‌رئێنه‌رێن ناڤخوه ژى ب هێز بكه‌ين”.
خوياكر ژى” ژ نوكه و وێڤه دڤێت حوكمه‌ت بريارێ بده‌ت چ پرۆژه‌كێ پێدڤيه نه‌كو وه‌به‌رئێنه‌ر ب خوه ب دلێ خوه برۆژان ئه‌نجام بده‌ت”.
نيشاندان