ئه‌ڤرۆ نیوز،عه‌لی حاجی:

رێڤه‌به‌رێ‌ به‌ره‌ڤانیا باژێری ل زاخۆ د داخویانیه‌كێ‌ دا بۆ ئه‌ڤرۆ نیوز دیار كر ژبه‌ر كو پرانیا باژێرێ‌ زاخۆ خابیره‌ و روویێن ئاڤ رێژانه‌،داخاز ژ لایه‌نێن په‌یوه‌ندیدار هاتیه‌ كرن به‌رهه‌ڤی بۆ وه‌زرێ‌ زڤستانێ‌ بهێنه‌ كرن ل به‌رامبه‌ر هه‌ر روودانه‌كا نه‌چاڤه‌رێكری .

زێده‌تر مقه‌ده‌م خالد سه‌عید گوت: ژ به‌ر كو زاخۆ جوداهیا خوه‌ ژده‌ڤه‌رێن دیتر هه‌نه‌ هه‌بونا نێزیكی 10 كێلومه‌ترێن ئاڤا خابیری و هه‌بونا ئاڤرێژان ئانكو جه‌لالان دناڤ هنده‌ك تاخان دا و ل پرانیا وان تاخان ئاڤ رابون دروست دبیت ژبه‌ر ڤێ‌ چه‌ندێ‌ مه‌ داخاز ژ لایه‌نێن په‌یوه‌یندار ل زاخۆ كرینه‌ به‌رهه‌ڤی بهێنه‌ كرن بۆ هاتنا وه‌رزێ‌ زڤستانێ‌ ل گه‌له‌ك تاخان ئاڤ رابون دروست دبیت،ژلایێ‌ خوه‌ڤه‌ ژی مه‌ چه‌ندین تیم ئاماده‌ كرینه‌ كو ل نێزیك جهێن ئاڤ لێ‌ هه‌ین به‌رده‌وام بگه‌رن داكو دزووترین ده‌م دا ل به‌رامبه‌ر هه‌ر ررودانه‌كێ‌ بگه‌هنه‌ جهێ‌ مه‌به‌ست و رێگر بن ل هه‌ر روودانه‌كا دروست دبیت،هه‌تا راده‌یه‌كێ‌ ئامیره‌ و پێدڤی ل سه‌ر وان تیمان ژی هاتینه‌ ه‌بلاڤ كرن به‌لێ‌ دێ‌ مه‌ پێدڤی ب باژێرڤانیا زاخۆ هه‌بیت ژ روویێ‌ ئامیره‌یان ڤه‌.

ناڤهاتی گوت ژی: پرانیا وان تاخێن ئاڤرێژ ئانكو جه‌لال هه‌ین مه‌ترسی ل سه‌ر ژیانا زاروویێن وان دروست دبیت ئه‌ڤجا ئه‌م داخاز دكه‌ین هه‌ر كه‌سه‌ك ئاگه‌هدار بیت ل سه‌ر زاروویێن خوه‌ ب تایبه‌تی ژی ده‌ما قه‌ستا قوتابخانان دكه‌ن و ئه‌و ئاڤرێّژه‌ گه‌له‌ك نه‌خوه‌شیێ‌ دگه‌هیننه‌ تیمێن مه‌ ژی،ئه‌ڤجا هه‌كه‌ چاره‌سه‌رییه‌كا ئێكجاری بۆ وان ئاڤرێژان بهێته‌ دیتن مه‌رتسی ل سه‌ر ژیانا هاولاتیان ژی نامینیت .

ئه‌ڤرۆ نيوز:

بڕياره‌ ئه‌ڤرۆ په‌رله‌مانێ كوردستانێ روونشتنه‌كا خوه‌ يا ئاسايى ئه‌نجام بده‌ت و خواندنا ئێكێ بۆ چار پێشنيازان بكه‌ت و ژ وان ژى ئێك دێ ل دۆر دامه‌زراندنا فه‌رمانبه‌رێن گرێبه‌ست بيت.

سه‌رۆكێ‌ لژنا قانوونی ل په‌رله‌مانێ‌ كوردستانێ‌ بۆ ئه‌ڤرۆ نیوز دیار كر كو په‌رله‌مانێ‌ كوردستانێ‌ دێ‌ ل رۆژا چارشه‌مبی 13/11/2019 خواندنا ئێكێ‌ بۆ چار پێشنیار و بڕیارێن قانوونی كه‌ت.

بژار كۆچه‌ر، سه‌رۆكێ‌ لژنا قانوونی ل په‌رله‌مانێ‌ كوردستانێ‌ دیار كر كو نێزیكی 29 هزار و 886 فه‌رمانبه‌رێن گرێبه‌ست ل هه‌رێما كوردستانێ‌ هه‌نه‌ و ل رۆژا چارشه‌مبی په‌رله‌مانێ‌ كوردستانێ‌ دێ‌ خواندنا ئێكێ‌ بۆ چار پێشنیار و بڕیارێن قانوونی كه‌ت و گۆت: “ئێك ژ وان پێشنیاران دامه‌زراندنا فه‌رمانبه‌رێن گرێبه‌سته‌ ل هه‌رێما كوردستانێ‌”.