ئه‌ڤرۆ نيوز، نيوار محه‌مه‌د سه‌ليم:
جڤاتا وه‌زيرێن هه‌رێما كوردستا،ێ ئه‌ڤرۆ دێ كۆم بيت و تێدا كاودانێن رۆژئاڤايێ كوردستانێ و عيراقێ گه‌نگه‌شه كه‌ت.
ژێده‌ره‌كێ ئاگه‌هدار ل جڤاتا وه‌زيران راگه‌هاند كو بڕياره ئه‌ڤرۆ جڤاتا وه‌زيرێن هه‌رێما كوردستانێ ب سه‌رۆكاتيا مه‌سرۆر بارزانى كۆم ببيت دانوستاندنا كاودانێن نها يێن ناڤه‌راست و باشوورێ عيراقێ بكه‌ت.
هه‌ر د وێ كۆمبوونێ دا، جڤاتا وه‌زيران دێ دووماهى پێشهاتێن ئاوارێن رۆژئاڤايێ كوردستانێ و چاوانيا خزمه‌تكرنا وان گه‌نگه‌شه كه‌ت.
ئه‌ڤرۆ نيوز:
جڤاتا نوونه‌رێن ئه‌مريكا ب پتريا ده‌نگان پرۆژێ قانوونا سزادانا ئه‌مريكا په‌سه‌ندكر.
پرۆژێ سزادانا توركيا ل سه‌ر بنه‌مايێ هێرشێن له‌شكرى بۆ سه‌ر رۆژئاڤايێ كوردستانێ هاتيه ئاماده‌كرن و ژ سه‌رجه‌مێ 435 ئه‌ندامێن جڤاتا نوونه‌رێن ناڤ كۆنگرێسى، 403 ئه‌ندامان پرۆژێ قانوونێ په‌سه‌ند كر و د به‌رامبه‌ر دا، 16 ئه‌ندامان ده‌نگ ب نه‌خێر دا.
ئەڤرۆ نیوز ، زنار تۆڤی:
ئەڤرو سێشەمبی 29.10.2019 دانا عەبدولکەریم حەمە سالح وەزیرێ ئاڤەدانکرن و ئاكنجيكرنێ ل ھەرێما کوردستانێ سەرەدانا ناحیا کانی ماسێ دا و ژ ئالیێ ئیسماعیل مستەفا رەشید قایمقامێ قەزا ئامێدیێ و سەربەست سەبری ئاکرەیی رێڤەبەرێ ناحیا کانی ماسێ و رێڤەبەرێ گشی یێ رێک و پرا ل پارێزگەھا دھوکێ ڤە ھاتە پێشوازیکرن.
وەزیرێ ئاڤەدانکرنێ سەرەدانا رێکا گوندێ ئاسھێ ل سنورێ ناحیا کانی ماسێ دا، کو ب درێژيا پێنج کیلومەتر و 600 میتران ھاتیە قێرکرن.
ئەڤرۆ نیوز، سالار دۆسكی:
ئەندامەكێ جڤاتا پارێزگەها دهۆكێ راگه‌هاند كو ل نێزكترین دەم دێ رێڤەبەریا چاڤدێریا جڤاكی ل بەردەرش هێـتە ڤەكرن.
هشیار گولی، سەرۆكێ فراكسیۆنا پارتى ل جڤاتا پارێزگەها دهۆكێ بۆ ئەڤرۆ نیوز گۆت: وەك فراكسیوونا پارتی هەموو بزاڤا دكەین كو رێڤەبەریا چاڤدێریا جڤاكی ل قەزا بەردەرش بهێتە دانان دا پتر بكەڤیتە د خزمەتا خەلكێ وێ دەڤەرێ دا و تایبەت ئەو كەسێن كێم ئەندام و پەككەفتی.
هێشتا گۆت: مە سەره‌دانا رێڤەبەریا گشتی یا چاڤدێریا جڤاكی ل پارێزگەها دهۆكێ كریە و دیسا دێ سەره‌دانا قایمقامیا قه‌زا بەردەرش ژی كەین كو رێڤەبەریا چاڤدێریا جڤاكی ل بەردەرش بهێتـە ڤەكرن.
هێشتا گۆت: هەموو بزاڤێن مە ئەون وەكو فراكسیۆنا پارتى و بەرنامێ كابینا نوو یا حوكمەتا هەرێما كوردستانێ نەبوونا روتینیێ و ئاسنكاری ل كارۆبارێن خەلكی دا بهێنەكرن و پتر خزمەتا خەلكێ مە بهێـتە كرن.
ئەڤرۆ نیۆز، هەرهین محەمەد:
رێڤەبەریا هونەرێ مۆزیكێ یا ب سەر رێڤەبەریا گشتی یا رەوشەنبیری و هونەری ل دهۆكێ ب هەڤكاری ل گەل كونسۆلیا وەلاتێ چیك ل هه‌ولێرێ كونسێرتەكا مۆزیكێ ژێرناڤێ(Bohemia saxophone quartet) ئه‌ڤرۆ سێشه‌مبى 29/10/2019 ل هولا پەیمانگەها هونەرێن جوان گێرا.
سەمەدار مایی، رێڤەبەرێ هونەری مۆزیكێ بۆ ئەڤرۆ نیوز گۆت: ئەڤ كونسێرتە هاتە گێران ژلایێ مۆزیكژەنێن وەلاتێ چیك كو پتریا كارێ كونسولیا چیكىكارێن ئەكادیمی نە و مەرەم ژ گێرانا ڤێ كونسێرتێ ئەوە پەیوەندی د ناڤبەرا وەلاتێ چیك و هەرێما كوردستانێ بهێنە خورتكرن و ئەم ژی مۆزیكا وان ب بینین و ئەو ژی مۆزیكا مە بینن و ب رێیا گێرانا ڤان كونسێرتا مفای ژشیان و هزرێن ئێك و دوبینین د بیاڤێ مۆزیكێ دا.
مایکل كونسلی َگشتیێ وەلاتی چیك ل هه‌ولێرێ گوت: گەلەك یێ خوەشحالم جارەكا دی هاتیمە ئێك ژباژێرێن هەرێما كوردستانێ و هەرگاڤەكا هاتیمە كوردستانێ من خەلكەكێ هزر ڤەكری و هەڤال خوەش دیتیە و ئەڤە ژی بۆ من جهی َدلخوەشیێ یە و مەرەم ژهاتنا مە بۆ باژێرێ دهوكێ من كومەكا هاریكارێن مرۆڤایەتی ل گەل خوە ئینایە، بەلێ بۆ ئەڤرۆكە ژی من تشتەكێ جوداتر ل گەل خوە ئینایە وەكو مۆزیكا كلاسیكی یا وەلاتێ چیك من ئینایە، چونكو وەلاتێ چیك یێ ناڤدارە ب بەرهەرمێن مۆزیكێ یێن تایبەت و ئێك ژوان بەرهەمان مۆزیكە یا هاتیە دانان ژلایێ خەلكێ چیك ڤە و ئەڤ كونسێرتە هاتە گێران ژلایی َگروپەكێ مۆزیكێ ل وەلاتێ چیك.
ئه‌ڤرۆ نيوز:
نه‌قيبێ رۆژنامه‌ڤانێن كوردستانێ، ئازاد حه‌مه‌د ئه‌مين راگه‌هاند، ژ به‌ر مه‌ترسيا هێرشكرنێ ل سه‌ر باره‌گايێن ده‌زگه‌هێن راگه‌هاندنێ ل به‌غدا، هنده‌ك ژ وان ده‌زگه‌هان باره‌گايێ خوه يێ سه‌ره‌كى ئينايه هه‌ولێرێ.
ئازاد حه‌مه ئه‌مين، نه‌قيبێ رۆژنامه‌ڤانێن كوردستانێ د داخۆيانيه‌كا رۆژنامه‌ڤانى دا گۆت” هژماره‌كا ده‌زگه‌هێن راگه‌هاندنێ يێن عه‌ره‌بى و جيهانى ل به‌غدا گه‌فێن هێرشكرنێ يێن ل سه‌ر هه‌ين و هنده‌ك ژ وان يێن هاتينه داخستن، به‌لێ بۆ به‌ديلێ ڤێ چه‌ندێ ئۆفيسێن خوه ل هه‌ولێرێ ڤه‌دكه‌ن، بۆ نموونه كه‌نالێ (العربيه) ل به‌غدا ئۆفيس هه‌بوو و ل هه‌ولێرێ ژى ب هه‌مان شێوه، نوكه ئۆفيسا به‌غدا يا داخستيه و ل هه‌ولێرێ كارێن ئۆفسا به‌غدا ژى دكه‌ن، ده‌زگه‌هێن راگه‌هاندنێ يێن دى ژى ب هه‌مان شێوه‌نه، ب تايبه‌ت پشتى خوه‌نيشادانێن به‌غدا، هه‌ولێر دێ بيته ناڤه‌ندا باره‌گايێن وان ده‌زگه‌هێن راگه‌هاندنێ”.
نه‌قيبێ رۆژنامه‌ڤانێن كوردستانێ گۆت ژى” ئاراميا هه‌رێما كوردستانێ بۆ ده‌زگه‌هێن راگه‌هاندنێ يا گرنگه و ب گۆره‌ى راپۆرتێن ده‌زگه‌هێن نێڤده‌وله‌تى، ئارامى و سه‌قامگيريا كوردستانێ يا گرنگه بۆ سه‌لامتيا ده‌زگه‌هێن راگه‌هاندنێ”.
ئه‌ڤرۆ نيوز:
به‌رپرسه‌كێ بلند ل وه‌زاره‌تا پێشمه‌رگه ل هه‌رێما كوردستانێ ئاشكرا دكه‌ت، برياره ل هه‌يڤا چريا دويێ شانده‌كێ بلند يێ وه‌زاره‌تا به‌رگريا عيراقێ سه‌ره‌دانا هه‌ولێرێ بكه‌ت.
ليوا (قاره‌كان شێخ كه‌مال) جێگرێ سه‌رۆك ئه‌ركانێ سوپا بۆ ئۆپه‌راسيۆنان ل وه‌زاره‌تا پێشمه‌رگه راگه‌هاند” په‌يوه‌نديێن د ناڤبه‌را وه‌زاره‌تا پێشمه‌رگه و وه‌زاره‌تا به‌رگريا عيراقێ د لاوازن و پشتى سه‌ره‌دانا وه‌زيرێ پێشمه‌رگه، نوكه بزاڤ دهێنه كرن په‌يوه‌ندى بهێنه ئاسايى كرن”.
ئه‌ڤرۆ نيوز:
مالا عه‌ره‌بى ل نه‌مسا كو هژماره‌كا مه‌زن ژ هونه‌رمه‌ند وهه‌لبه‌ستڤان و رۆمان نڤيسێن ل ڤيه‌ننا و نه‌مسا دژين هه‌مبێژ دكه‌ت، سميناره‌ك بۆ نڤيسه‌ر و هه‌لبه‌ستڤان و گه‌رۆكێ كورد (به‌ده‌ل ره‌ڤۆ) ل ڤيه‌ننا ل دۆر په‌رتۆكا وى (العالم بعيون كورديه – پشكا ئێكێ) سازكر.
سمينار گفتۆگويه‌كا ره‌وشه‌نبيرى بوو كو نڤيسه‌رێ گه‌نج (په‌روه‌ر ميتانى) ب رێڤه دبر و پرسيارا ئێكێ يا وى ل دۆر بۆچى ئه‌و په‌رتۆك و تو هه‌لبه‌ستڤانه‌ك و تۆره‌ڤانه‌كێ ئومه‌مى؟ ره‌ڤۆى د به‌رسڤێ دا گۆت”ئه‌ز كوردم و دايك و بابێن من كوردن و چو تێدا نينه هه‌كه كورده‌ك يێ ئومه‌مى بيت.
د پرسيارێن په‌روه‌ر ميتانى دا ديار دبيت ب هوورى ئه‌و په‌رتۆكا به‌ده‌ل ره‌ڤۆى خواندى يه و پێزانين ژى ل سه‌ر چالاكيێن ره‌ڤۆى هه‌نه، له‌وما پرسيار ژێ كر بۆچى سمينارێن ته ل كوردستانێ ل زيندان و كه‌مپێن ئاواران و قوتابخانانه، هه‌روه‌سا پرسياره‌ك ئاراسته‌ى ره‌ڤۆى كر كو هندى بزاڤا ته كو جيهانێ ب چاڤێن كوردى بۆمه ڤه‌گۆهێزى، د هه‌مان ده‌م دا تو كوردستانێ ژى بۆ يێن دى ڤه‌دگۆهێزى ده‌مێ سه‌ره‌دانا وه‌لاتان دكه‌ى و ب ڤێ چه‌ندێ تو دو جيهانان بۆ خوانده‌ڤانى به‌رچاڤ دكه‌ى.
ره‌ڤۆى د سمينارێ دا، ئارمانجێن گه‌شتێن خوه و جه و رۆلێ وان د سه‌ردمێ جيهانگێريێ و به‌لاڤبوونا به‌رنامێن ديكيۆمێنتارى و ب سينگه‌كێ به‌رفرهه به‌رسڤا پرسيارێن هه‌مه‌چور يێن به‌رهه‌ڤبوويان دا كو پتريا وان تۆره‌ڤان و نڤيسه‌ر و هونه‌رمه‌ند بوون و ژ چه‌ندين ره‌گه‌زنامان مينا مسرى و سوورى و فلستينى و نه‌مساوى و عيراقى.
ل دووماهيا سمينارى رێ و ره‌سمێن ئيمزاكرنێ ل سه‌ر هژماره‌كا په‌رتۆكێن ره‌ڤۆى هاتنه ئه‌نجامدان و به‌رهه‌ڤبويێن سمينارێ ده‌ستخوه‌شى ل ره‌ڤۆى كر ل سه‌ر ڤێ سمينارێ وگه‌شتا پر ب مفا و بێ به‌رامبه‌ر ل دۆر جيهانێ بۆ وان پێشكێشكرى.
دهێته زانين به‌ده‌ل ره‌ڤۆ ده‌رچوويێ پشكا زمانێ رووسى يه ل زانكۆيا به‌غدا ل سالا 1984 و ژ سالا 1991 وه‌ره ل وه‌لاتێ نه‌مسا دژيت، 18 په‌رتۆك د وارێن جۆرا وجۆر دا يێن هه‌ين و سمينارێن ره‌وشه‌نبيرى ل چه‌ندين وه‌لاتێن جيهانێ پێشكێش كرينه.
نيشاندان