ئه‌ڤرۆ نيوز:
ئه‌ڤرۆ رۆژا دوشه‌مبى 21ى چريا ئێكێ 2019 سه‌رۆك مه‌سعود بارزانى د رێيا تله‌فۆنێ دا، په‌يوه‌ندى ب حه‌ميد محه‌مه‌د بابێ ئه‌و زارۆيێ رۆژئاڤايێ كوردستانێ كر كو ژ ئه‌گه‌رێ بۆرۆمانا ماددێن قه‌ده‌غه‌كرى ل رۆژئاڤايێ كوردستانێ پتريا له‌شێ وى سۆتى و بۆ چاره‌سه‌ريێ ره‌وانه‌ى پارێزگه‌ها دهۆكێ كرى.
سه‌رۆك بارزانى د وێ په‌يوه‌نديا تله‌فۆنى دا، ل گه‌ل بابێ محه‌مه‌د، سه‌ره‌راى ده‌ربڕينا هه‌ڤخه‌ميا خوه، راگه‌هاند ژى كو چو تشتێ پێدڤى بيت بۆ چاره‌سه‌ريا محه‌مه‌د درێغيێ ناكه‌ن.
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا خوه‌سه‌ر راگه‌هاند كو د ماوێ سێ رۆژێن بۆرى دا، 25 شه‌رڤانان گيانێ خوه ژ ده‌ست دايه و سه‌رسورمانيا خوه ژ داخۆيانيێن دۆنالد تره‌مپ ده‌ربڕى و داخواز ژ كۆمه‌لگه‌ها نێڤده‌وله‌تى كر هێزێ ره‌وانه‌ى ده‌رڤه‌رێ بكه‌ت ژبۆ پاراستنا خوه‌جهێن وێ.
رێڤه‌به‌ريا خوه‌سه‌ر د راگه‌هاندنه‌كێ دا راگه‌هاند كو د ماوێ سێ رۆژێن بۆرى يێن ئاگربه‌ستێ دا، توركيا و هێزێن چه‌كدار هێرش و په‌لامارێن خوه رانه‌گرتينه و ژ ئه‌گه‌رێ وێ چه‌ندێ 25 شه‌رڤانان گيانێ خوه ژ ده‌ست دايه و 17 ژى بريندار بووينه. ژ ئه‌گه‌رێ بۆردۆمانێن هه‌ره‌مه‌كى 17 كه‌سێن سڤيل ل سه‌رێ كانيێ شه‌هيد بووينه و ب ده‌هان ته‌رم ل ناڤ داروبه‌ر و خانيێن هه‌رفتى دانه و هنده‌ك ژ وان ژ ئه‌گه‌رێ چه‌كێ قه‌ده‌غه‌كرى بووينه وه‌كو فسفۆرێ سپى.
رێڤه‌به‌ريا خوه‌سه‌ر ئاماژه ب وێ چه‌ندێ ژى كريه كو هێزێن توركيا و چه‌كداران چه‌ندين تاوانێن كوشتن، ره‌ڤاندن، دزى، تالان و گه‌فان ئه‌نجام داينه، وه‌كو كا چاوان پێشتر ل عه‌فرينێ ئه‌نجام دابوون. ئه‌مريكا ژى كو به‌رپرسه ژ دووڤچوونا وێ ئاگربه‌ستێ بێده‌نگ بوويه وه‌كو هێزه‌كا گرنتيكرى يا ناڤبه‌را هه‌ردولا.
رێڤبه‌ريا خوه‌سه‌ر سه‌رساميا خوه ژ داخۆيانيێن تره‌مپ نيشان دا ل دۆر وێ چه‌ندێ ده‌ما گۆتى كو پرۆسا ئاگربه‌ستێ ب سه‌ركه‌فتيانه يا ب رێڤه دچيت و لايه‌نى تورك يا پابه‌نده، به‌لێ رێڤه‌به‌ريا خوه‌سه‌ر ته‌كست دكه‌ت كو توركيا و چه‌كدارێن وێ ب چو ره‌نگه‌كى پابه‌ندى رێكه‌فتنێ نه‌بووينه و به‌رده‌وام يێ بن پێ دكه‌ن.
هه‌روه‌سان دبێژيت: داخۆيانيێن تره‌مپ ل دۆر وێ چه‌ندێ كو دێ خوه‌جهێن كورد ل وێ ده‌ڤه‌رێ بنه‌جهـ كه‌ن و ئه‌ڤه ژى دێ ده‌رگه‌هى ل هه‌مبه‌ر پاقژى و نه‌ژادپه‌رستيێ دروست كه‌ت كو توركيا دڤيا ئه‌نجام بده‌ت، چونكو خه‌لكێ سڤيل ل ده‌ڤه‌رێن و سه‌رێ كانيێ و گرێ سپى ئاواره بووينه و پێدڤيه ئه‌ڤه ب گرنتيه‌كا نێڤده‌وله‌تى ڤه‌گه‌رنه ده‌ڤه‌رێن خوه و ل بن پاراستنا نێڤده‌وله‌تى بن. نها توركيا يا مفاداره ژ كۆمكوژيا گه‌لێ مه و پێدڤيه ئه‌مريكا به‌رپرساتيا ته‌مام بگريته ستۆيێ خوه.
رێڤه‌به‌ريا خوه‌سه‌ر داخوازێ ژ كۆمه‌لگه‌ها نێڤده‌وله‌تى دكه‌ت كو فشارێ بێخنه سه‌ر توركيا دا كو هێزێن خوه ژ وان ده‌ڤه‌ران ڤه‌كێشيت يێن كو كونترۆل كرين، داخواز ژى دكه‌ت كۆمه‌لگه‌ها نێڤده‌وله‌تى هێزێن نێڤده‌وله‌تى ره‌وانه بكه‌ت بۆ پاراستنا خه‌لكێ سڤيل ل دژى هه‌ر پێشێلكاريه‌كێ. دبێژيت ژى: توركيا چه‌كێ قه‌ده‌غه‌كرى يێ نێڤده‌وله‌تى ل دژى گه‌لێ مه ب كار ئينايه. داخوازێ ژى دكه‌ت كو لژنه‌ك ڤه‌كۆلينێ د ڤى وارى دا بكه‌ت ل هه‌مبه‌ر بكارئينانا چه‌كێ قه‌ده‌غه‌كرى يێ نێڤده‌وله‌تى و ڤه‌كۆلينێ ل كوشتنا خه‌لكێ سڤيل ژى بكه‌ت.
ئه‌ڤرۆ نيوز:
پشتى سه‌رۆكێ ئه‌مريكا بڕيارا ڤه‌كێشانا هێزێن خوه ل رۆژئاڤايێ كوردستانێ و باكوورێ سوريا ده‌ركرى، د چه‌ند رۆژێن بۆرى دا، ڤه‌كێشانا هێزێن ئه‌مريكا يا به‌رده‌وام بوو و نها د رێيا سحێلا دا به‌ر ب هه‌رێما كوردستانێ دهێن.
ب گۆره‌ى ئه‌و پێزانينێن ل به‌ر ده‌ستێ ئه‌ڤرۆ نيوز پشتى بڕيارا ڤه‌كێشانا هێزێن خوه، ئه‌مريكا دوهى ژماره‌كا ترۆمبێلان د هه‌رێما كوردستانێ را ره‌وانه‌ى رۆژئاڤايێ كوردستانێ كرن و ئالاڤێن خوه و ترۆمبێلێن خوه يێن گران پێ ژ رۆژئاڤا به‌ر ب هه‌رێما كوردستانێ ڤه‌كێشان.
هه‌ر چه‌نده جڤاتا پيران يا ئه‌مريكا ئه‌ڤ بڕيارا تره‌مپ شه‌رمزار كربوو و بڕيار دابوو كو له‌شكرێ ئه‌مريكا ژ سوريا نه‌هێته ڤه‌كێشان، به‌لێ تره‌مپ يێ رژده ل سه‌ر بڕيارا خوه و بۆ ڤێ مه‌ره‌مێ ژى له‌شكر و چه‌كێ خوه ژ سوريا به‌ر ب هه‌رێما كوردستانێ ره‌وانه دكه‌ت.
ئه‌ڤرۆ نیوز، عه‌لی حاجی:
ئه‌ندامه‌كێ لنژا دیفچوونێ ل زاخۆ د داخویانیه‌كێ دا بۆ ئه‌ڤرۆ نیوز دیار كر ژ ئه‌گه‌رێ نه‌پێگریا دو كارگه‌هێن داگرتنا ئاهێن خوارنێ ب رێنمایێن ساخله‌میێ بۆ ماوه‌یێ حه‌فتیه‌كێ دائێخستن و ب كوژمه‌یه‌كێ پاره‌یی ژی سزا دان و هه‌تا ئه‌و كارگه‌هه رێنمایێن لژنا دیفچوونێ بجه نه‌ئینن ناهێته ڤه‌كرن .
زێده‌تر وه‌لات هه‌جه‌ر گوت: ئه‌ڤرۆ ل روژا ئێك شه‌مبێ پشتی پێزانین گه‌هشتنیه مه ل دور دو كارگه‌هان ل زاخۆ پشتی سه‌ره‌دانه‌كا مه دا بۆ كارگه‌هه‌كێ ، كارگه‌هه‌ك ب ناڤێ لوكس لایك یا داگرتنا توفچایێ و چه‌ره‌زاتان ژبه‌ر كو پێگیر نه‌بوو ب چو مه‌رجێن ساخله‌میێ ئه‌م نه‌چار بوین وێ كارگێ بۆ ماوه‌یێ حه‌فتیه‌كێ دائێخین و هه‌ر دیسان ب كوژمێ 500 هزار دیناران سزا بده‌ین و هه‌ر دیسان كارگه‌هه‌كا دیتر ب ناڤێ ده‌ڤران كو یا تایبه‌ت بوو ب داگرتنا ئاهێن خوارنێ ژبه‌ر نه‌پێگریا وێ ب رێنمایێن ساخله‌میێ هاته دائێخستن بۆ ماوه‌یێ حه‌فت روژان و ب كوژمێ 500 هزار دیناران هاته سزادان و هه‌تا هه‌ردو كارگه‌ه مه‌رجێن پێدڤی جێبه‌جێ نه‌كه‌ت كلیلێن وێ كارگه‌هێ ب خودانێ وێ واهێته دان و مه بۆ وان دیار كری یه ژی هه‌ر ده‌ما ئه‌ڤ كاره دوباره بوو دێ ب توندترین شێوه هێنه سزادان .
ناڤهاتی ئه‌و چه‌نده ژی گوت : دنوكه دا نوونه‌ره‌ك ژ رێڤه‌به‌ریا پولیسێن زاخۆ و ئاسایشا ئیبراهیم خه‌لیل دناڤ لنه‌ژیا مه‌دا هاتینه زێده كرن و دێ ب شێوه‌یه‌كێ به‌رفره‌ه چاڤدێریێ ل هه‌می جهێن بازرگانی كه‌ین و هه‌ر ده‌ما پێزانینه‌ك بگه‌هیته به‌ر ده‌ستێن مه ئێك سه‌ر دێ دووفچونا وان جهان كه‌ین.
ئه‌ڤرۆ نيوز:
برێت مه‌كگۆرك نوونه‌رێ به‌رێ يێ هه‌ڤپه‌يمانيا نێڤده‌وله‌تى يا دژى داعشێ راگه‌هاند، توركيا رێ ب 40 هزار داعشان ژ 110 وه‌لاتان دابوو به‌ر ب سنوورێن سووريێ بچن.
گۆت ژى” خيلافه‌تا داعشێ ل سه‌ر سنوورێ توركيا بوو و چه‌ند جاران ژى مه توركيا ئاگه‌هدار كربوو كو سنوورێ خوه دابخيت، به‌لێ ئه‌و چه‌نده نه‌كر”.
مه‌كگۆرك، ل دووڤ مالپه‌رێ العربيه، دياركر ژى” سه‌ره‌راى چه‌ندين داخوازيێن هه‌ڤپه‌يمانيا نێڤده‌وله‌تى، به‌رپرسێن توركيا بۆمه ديار دكر كو نه‌شێن سنوورێ خوه ل به‌رامبه‌ر داعشان دابخن”.
هه‌روه‌سا گۆت” ده‌مێ هێزێن كوردى شياين كونترۆلێ ل سه‌ر پشكه‌كا سنوورى بكه‌ن، به‌رپرسێن توركيا بله‌ز سنوورێ خوه داخستن و ديوار ل سه‌ر سنوورێ خوه دروست كر”.
ئه‌ڤرۆ نيوز:
ژێده‌ره‌كێ هێزێن سوريا ديموكرات (هه‌سه‌ده) ئێڤاريا ئه‌ڤرۆ راگه‌هاند كو هێزێن وێ بێ چه‌ك ب سه‌رپه‌رشتيا خاچا سوور يا نێڤده‌وله‌تى خوه ژ سه‌رێ كانيێ ڤه‌كێشا، پشتى ده‌مه‌كێ كێم ژ خوه ڤه‌كێشانا هێزێن هه‌سه‌دێ، له‌شكرێ توركى و ميليشيێن عه‌ره‌بى يێن هه‌ڤپه‌يمانێن توركيا چوونه دناڤ وى باژێرى دا.
هێزێن هه‌سه‌دێ و يه‌په‌كێ ب سه‌رپه‌رشتيا خاچا سوور يا نێڤده‌وله‌تى بێ چه‌ك چوونه ده‌رڤه‌ى باژێرێ سه‌رێ كانيێ و به‌ر ب حه‌سه‌كه چوون، هژماره‌كا مه‌زن يا خه‌لكێ سه‌رێ كانيێ ژى د گه‌لدا بوون.
ژ لايێ خوه‌ڤه ئاژانسا (سانا) يا ده‌نگوباسانيا سوورى به‌لاڤكر كو له‌شكرێ توركى و ميليشيايێن هه‌ڤپه‌يمانێن وى چوونه دناڤ سه‌رێ كانيێ دا.
ڤه‌كێشانا هێزێن هه‌سه‌دێ و يه‌په‌كێ، د چارچۆڤێ وێ رێككه‌فتنێ دا دهێت ئه‌وا ئه‌مريكا و توركيا ل 17 ڤێ هه‌يڤێ بۆ ئاگربه‌ستێ ل رۆژئاڤايێ كوردستانێ ئيمزاكرى، ب ڤى شێوه‌ى پێدڤيه هه‌سه‌ده ب كووراتيا 32 كيلۆمه‌تران ژ ده‌ڤه‌رێ سنورى د ناڤبه‌را سووريێ و توركيا خوه ڤه‌كێشيت.
بۆ ده‌مێ 11 رۆژان هێرشا له‌شكرێ توركى بۆ سه‌ر رۆژئاڤايێ كوردستانێ يا به‌رده‌وام بوو وهه‌تا ئه‌ڤرۆ ژى نه شيابوو باژێرێ سه‌رێ كانيێ كونترۆل بكه‌ت.
ئه‌ڤرۆ نیوز، نه‌وزاد هلۆرى:
به‌رى ده‌مه‌كێ كێم وه‌لاتیه‌كێ باژێرێ دهۆكێ بناڤێ (شڤان ئه‌حمه‌د) دوماهى ب ژیانا خوه ئینا، ژێده‌ره‌كێ بۆ ئه‌ڤرۆ نیوز دیاركر، ئه‌وى وه‌لاتى ئاریشه‌یێن ده‌روونى هه‌بوون.
فه‌وزى عه‌بدللا، هه‌ڤال و جیرانێ شڤانى بۆ ئه‌ڤرۆ نیوز گۆت: (ده‌مه‌كێ كێم به‌رى نوكه جیرانێ من بناڤێ شڤان ئه‌حمه‌د ره‌زیكى، د مال دا خوه خه‌ندقاند).
زێده‌تر گۆت: (شڤانى ئاریشه‌كا ده‌روونى هه‌بوو، ده‌مه‌كێ زوره ژێ دنالیت، ژیێ ى نێزیكێ 30 سالایه و ئاكنجيێ تاخێ نزاركێ بوو ل دهۆكێ).
ئەڤرۆ نیوز، محەمەدعەلی نوری:
كارگێریا یانا دهۆك یا وەرزشی ب فەرمی گرێبەست دگەل یاریزانێ هەلبژارتیێ عیراقێ یێ تازەپێگەهشتیان (زەكەریا تارق) بۆ ماوێ ئێك وەرز ئیمزاكر، ژبۆ پشكداریێ دگەل تیما تەپاپێ یا یانێ بۆ هەردو وەرزێن نوو یێن خولا پلا نایابا عیراقێ و پلا ئێكا كوردستانێ.
یاریزانێ ناڤهاتی كورێ پارێزگەها دهۆكێ یە و یاریێ ل هێلا ناڤین دكەت وشیابوو د ڤاڤارتنێن دەربازبوونێ دگەل هەلبژاریتێ عیراقێ یێ تازەپێگەهشتیان ئاستەكێ باش نیشان بدەت و ببیتە یاریزانێ سەرەكی.
ئه‌ڤرۆ نيوز:
وه‌زيرێ ناڤخوه ل هه‌رێما كوردستانێ راگه‌هاند، دێ هه‌موو بزاڤان كه‌ين كو ب باشترين شێوه پێشوازيێ ل په‌نابه‌ران بكه‌ين، ئه‌وژى ل سه‌ر راسپارده‌يا سه‌رۆكێ حوكمه‌تا هه‌رێمێ.
رێبه‌ر ئه‌حمه‌د، وه‌زيرێ ناڤخوه ل هه‌رێما كوردستانێ ئه‌ڤرۆ ئێكشه‌مبى 20/10/2019 د كۆنگره‌كێ رۆژنامه‌ڤانى دا گۆت”هه‌رێما كوردستانێ وه‌كو هه‌موو جاران دێ په‌ناگه‌هه‌كا ئارام بيت بۆ په‌نابه‌ران و سه‌رۆكێ حوكمه‌تا هه‌رێما كوردستانێ ژى ئه‌م راسپاردينه كو ب باشترين شێوه خزمه‌تا په‌نابه‌ران بهێته كرن”.
نيشاندان