ئەڤرۆ نیوز، نەوزاد هلوری:
سەرماوەز کەمەکی، کچەکا باژێرێ دهۆکێ یە، وەکو ئەو ددەت دیارکرن کو ئەو تاکە هونەرمەندا شێوەکارە ل کوردستان و جیهانێ کو هونەرەکێ نوو ل جیهانێ داهێنای، ئەو ژی چێکرنا تابلو و کارێن هونەری یە ب دەزیێ بەکەرێ.
ئەڤرۆ نیوز، عەلی حاجی :
هاریكارێ سەروكێ زانكویا زاخۆ كاروان فه‌همى بۆ كاروبارێن قوتابیان د داخویانیەكێ دا بۆ ئەڤرۆ نیوز ئاشكەرا كر بریارە سوباهی رۆژا پێنچ شەمبێ لژنەیەك ژ وەزارەتا خواندنا بلند و ڤەكولینێن زانستی سەرەدانا زانكۆیا زاخۆ بكەت و ب شێوەیەكێ باش ژی مە مەلەفێ زانكویێ ئامادە كریە .
زێدەتر كاروان فەهمی گوت : پشتی چەندین بزاڤان حوكمه‌تا عێراقێ ژبەر چەند ئەگەرێن سیاسی ب شێوەیەكێ فەرمی دانپێدان ب چەند زانكۆیەكێن هەرێما كوردستانێ نەكرین،د نوكە دا لژنەیەك ژ وەزارەتا خواندنا بلند و ڤەكولینێن زانستی یا سەر ححوكمه‌تا عێراقێ ڤە هاتیە پێك ئینان و ماوەیێ چەند رۆژانه ل باژێرێ هەولێری یە ب مەرەما هندێ ژ نێزیك سەرەدانا چەندین ززانكۆیێن كوردستانێ بكه‌ن داكو بابەتێ دانپێدانێ ب وان زانكۆیان بهێتە ئێكلا كرن.
گۆت ژى” دو لژنە هاتینە دروست كرن كو لژنەیەك بۆ زانكۆیێن پارێزگەهێن هەولێرێ و دهوكێ یه و لژنەیەكا دی ژی بۆ دەڤەرا سلێمانیێ یە و وبریارە سوباهی رۆژا پێنچ شەمبێ ئەڤ لژنە سەرەدانا زانكۆیا زاخۆ بكەت و ژ نێزیك ژی سەحكەتە رەوشا وانكۆیا مه”.
ماژه كر” ب شێوەیەكێ گشتی وەكو زانكۆیا زاخۆ مە چو ئاریشەیەك نینە و مەلەفێ مە ب شێوەیەكێ گەلەك باش ئامادەیە و ژێرخانا زانكۆیێ و هول و تاقیگەهێن زانستی هەمی هاتینە بەرهەڤ كرن و ئەو ئامادە كریێت پێدڤی ژی هاتینە كرن داكو ب شێوەیەكێ باش ئەم مەلەفێ زانكۆیێ رادەستی وێ لژنەیێ بكەین و ئەندامێن پەرلەمانێ عێراقێ سەر ب لیستێن كوردی ڤە رۆلەكێ بەرچاڤ هەبوو د هاتنا ڤێ لژنەیێ دا و هەر ژ دەستپێكا ڤی بابەتی د هاریكار بوون”.
ئەڤرۆ نیوز،عەلی حاجی :
ب هەلکەڤتا دو سال دەرباز بون ل رۆژا ریفراندومێ ، گەنجەکێ خه‌لكێ زاخۆ بۆ زێدەتری هزار قوتابیێن کچ و کور جلكێن قوتابخانێ دابین کرن ل سنورێ ناحیا فەیدیێ و سحێلا.
کەریم حەسەن، ئێک ژ کەسێن د هەوا هاریکاریان دا بۆ ئەڤرۆ نیوز دیار کر پشتی دو سال دەرباز بوون سەر رۆژا ریفراندۆما کوردستانێ و وەکو هاریکاریەک گەنجەکی زاخۆ بناڤێ ئەحمەد عەلی جلكێن قوتابخانێ ل سه‌ر زێدەتری هزار قوتابیێن ئامادەیی و بنەرەتی ل دو قوتابخانێن سنورێ ناحیا فەیدیێ و دەڤەرا سحێلا هەتا گوندێ مەحمودیێ و پتریا وان قوتابیان ژی زارویێن بێ سەمیان بوون و زارویێن شەهید و کێم دەرامەتان بوون .
گوت ژی : ئەڤە نەبۆ جارا ئێکێ یە ئەڤ خێرخازە ب ڤی کاری رادبیت کو پێشتر ژی جەژنانە جلك بۆ زارویان دابین دکرن و دێ ل سەر ڤان هاریکاریان بەرده‌ەوام بیت .
ئەڤرۆ نیوز، مەحمود نهێلی
ژ ئەنجامێ بوردوومانا فرۆکەیێن تورکیا ئێڤاریا ئەڤرۆ چارشه‌مبى ۲٥/۹/۲۰۱۹ ل گوندێ کانی مازێ یێ سەر ب ناحیا چەمانکێ ڤە گەنجەکی سڤیل گیانێ خوە ژ دەست دا.
ئەلند ئەمیر، رێڤەبەرێ ناحیا چەمانکی بۆ ئەڤرۆ نیوز دیار کر”ئێڤاریا ئەڤرۆ فروکێن تورکی ترۆمبێلەکا چەکدارێن پەکەکێ کرە ئارمانج و د ئەنجامێ دا وه‌لاتیەکی سڤیل گیانێ خوە ژ دەست دا و گۆت : د دەمەکی دا کو ئەڤ گەنجە ل بەر دوکانا خوە بوویە ل سەر جادا سەرەکی یا گوندێ کانی مازێ، فروکێن تورکی ترۆمبێلەکا چەکدارێن پەکەکێ بوردومان دکەن و د ئەنجامدا ئەڤ گەنجە بریندار دبیت وپاشى ژ بەر سەختیا برینا وی گیانێ خوە ژ دەست ددەت.
ناڤهاتی دیار ژی کر، کو ئه‌وگه‌نجێ شه‌هید بووى ب ناڤێ( یوسف جەمال) خەلکێ گوندێ کانی مازێ یە و ژیێ وی ۱۹ سالن و کارێ دوکانداریێ دکر ل گوندێ ناڤهاتی.
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ، مه‌سرور بارزانى ئه‌ڤرۆ چارشه‌مبى 25/9/2019 پێشوازى ل شانده‌كێ هيزێن هه‌ڤپه‌يمانان ب سه‌رۆكاتيا ميجه‌ر جه‌نه‌رال (جيرالد ستريكلاند) جێگرێ فه‌رماندێ ئۆپه‌راسيۆنێن هه‌ڤپشك يێن هێزێن هه‌ڤپه‌يمانان بۆ سه‌قامگيريێ ل عيراقێ و سووريێ كر.
د ديداره‌كێ دا دانوستاندن ل دۆر پێشڤه‌برنا ميكانيزمێن روو ب رووبوونا گه‌فێن داعشێ هاته كرن، هه‌روه‌سا دووپاتى ل سه‌ر گرنگيا به‌رده‌وامبوونا هاريكاريێن هه‌ڤپه‌يمانان بۆ هێزا پێشمه‌رگه‌ى ب تايبه‌تى د وارێ راهێنانان دا.
جێگرێ فه‌رماندێ ئۆپه‌راسيۆنێن هێزێن هه‌ڤپه‌يمانان بۆ سه‌قامگيريێ ل عيراقێ و سووريێ به‌حسێ هه‌ماهه‌نگيا باش يا د ناڤبه‌را هێزا پێشمه‌رگه‌ى و هێزێن عيراقى كر بۆ روو ب رووبوونا داعشێ.
سه‌رۆكێ حوكمه‌تا هه‌رێما كوردستانێ زێده‌بارى سوپاسكرنا هه‌ڤپه‌يمانان بۆ هاريكاريكرنا پێشمه‌رگه‌ى، ئاماژه ب وێ كر كو ئه‌و هۆكارێن بووينه ئه‌گه‌رێ دياربوونا داعشێ هێشتا يێن ماين، له‌وما داعش هێشتا گه‌فه‌كا مه‌زنه ل سه‌ر ئاسايشا ده‌ڤه‌رێ.
ئه‌ڤرۆ نیوز:
قه‌ده‌غه‌كرنا بكارئینانا زه‌رڤێن نایلۆنى ل سه‌مونخانا و نانپێژیا ل 1/10/2019 دێ هێته بجهئینان و ل شوینا وان زه‌رڤێن كاغه‌زى دێ هێنه بكارئینان.
جه‌وهه‌ر عه‌لى، قایمقامێ قه‌زا دهۆكێ راگه‌هاند” ل دووڤ نڤیسارا جڤاتا وه‌زیرێن هه‌ریما كوردستانێ ل دۆر قه‌ده‌غه‌كرنا زه‌رڤێن نایلۆنى بۆ كه‌ره‌ستین خوارنێ یێن گه‌رم وه‌كو (سه‌مون و نان)، كۆمبوونه‌ك ب پشكداریا هژماره‌كا نوونه‌رێن رێڤه‌به‌ریێن په‌یوه‌ندیدار هاته ئه‌نجامدان و بریار هاته دان ل 1/10/2019 ل شوینا زه‌رڤێن نایلۆنى، زه‌رڤێن كاغه‌زى ل سه‌مونخانه و نانپێژیا ل باژێرێ دهۆكێ بهێنه بكارئینان”.
قایمقامێ قه‌زا دهۆكێ گۆت ژى” هه‌ر كه‌سه‌كێ پێگیریێ ب ڤێ بریارێ نه‌كه‌ت دێ پێرابوون
بەرێز (جەهوەر د دەرهەقدا هێنە وەرگرتن”.
عسمه‌ت سه‌لمان، رێڤەبەرێ پشکا چاڤدێری و سلامەتیا خوراکی ل رێڤه‌به‌ریا گشتى یا ساخلمیا پارێزگه‌ها دهۆكێ راگەهاند” داگرتنا نانێ گەرم د ناڤ زەرفێن نایلۆنی دا، کارتێکرنەکا مەزن ل سەر ساخلەمیا مروڤی دکەت، له‌وما پوستەر ل سەمونخانه ونانپێژیا دێ هێنە هەلاویستن ل سەر مەترسیا زەرفێن نایلۆنی”.
عسمه‌تى گۆت ژى” مێزگەردێن رەوشەنبیری ژلایێ ساخلەمیا دهوکێ و فەرمانگەها ژینگەهێ ڤە ل دۆر هشیاریا چڤاکی سه‌باره‌ت بکارئینانا زەرفێن کاغەزی ل شوونا یێن نایلونی دێ هێنە پێشکێشکرن”.
ئه‌ڤرۆ نیوز:
سه‌رۆك مه‌سعود بارزانى ئه‌ڤرۆ چارشه‌مبى 25/9/2019 ب هه‌لكه‌فتا دوه‌مین سالیادا ریفراندۆما سه‌ربخوه‌یا هه‌رێما كوردستانێ، په‌یامه‌ك به‌لاڤكر و راگه‌هاند، ئه‌ڤرۆ رۆژه‌كا تایبه‌ته و سلاڤ بۆ ئه‌وین چو جاران خوه نه‌چه‌ماندى.
سه‌رۆك بارزانى د په‌یاما خوه دا، رۆژا ئه‌نجامدانا ریفراندۆمێ ب رۆژه‌كا تایبه‌ت هژمارت و رێز و سلاڤ ژى بۆ وان هنارتن یێن چو جاران خوه نه چه‌ماندى و نا چه‌مینن.
دهێته زانین ل رۆژا 25/9/2017 ریفراندۆما سه‌ربخوه‌یا هه‌رێما كوردستانێ هاته ئه‌نجامدان و تێدا نێزكیى 93% ده‌نگده‌رین هه‌ریما كوردستانێ ب (به‌لێ) ده‌نگێ خوه بۆ سه‌ربخوه‌یا هه‌رێما كوردستانێ دابوو.
ئەڤرۆ نیوز:
سەرۆکێ هەرێما کوردستانێ نێچیرڤان بارزانی ل گەل هاریکارێ وەزیرێ گەنجینا ئەمریکا بۆ نەهێلانا پشتەڤانیا دارایی بۆ تیرۆرێ کۆمبوو و د کۆمبوونێ دا بەحسێ رەوشا ئابووری یا عیراقێ و هەرێما کوردستانێ و کەرتێ وزێ هاتە کرن.
سەرۆکێ هەرێما کوردستانێ راگەهاند کو بۆ نەهێلانا هاریکاریێن دارایی بۆ تیرۆرێ دڤێت د ئاسێ جیهانی دا پتر هاریکاریا هەرێما کوردستانێ بهێتە کرن.
د کۆمبوونێ دا مارشال بیلینگسلی راگەهاند کو ئەمریکا دێ بەردەوام هاریکاریا هەرێما کوردستانێ کەت.
ئەڤرۆ نیوز:
ئەندامەکێ فراکسیۆنا ئێکەتیێ ل پەرلەمانێ عیراقێ دیار دکەت کو مەسرور بارزانی بزاڤێن گەلەک جدی ل گەل بەغدایێ کرینە و بزاڤێن وی جهێ دلخوەشیێ نە و هەتا نها پێنگاڤێن گەلەک باش بۆ چارەسەرکرنا پرسێن د ناڤبەرا هەولێرێ و بەغدایێ دا هاتینە هاڤێتن.
حەسەن ئالی ئەو یەک ژی دیار کر کو هەرێما کوردستانێ ژی بۆ رێککەفتنا ل گەل بەغدایێ هندەک داخوازیێن خوە هەنە و پێدڤیە بەغدا ژی داخوازیێن هەرێما کوردستانێ ل بەرچاڤ وەربگریت.
ئه‌ڤرۆ نيوز:
برياره ئه‌ڤرۆ هژماره‌كا ياريان ژ خول و قاره‌مانيێن ئوروپى بهێنه ئه‌جامدان ب ڤى شێوه‌ى:
خولا ئسپانيا گه‌را 6
8:00 ريال مايوركا * ئه‌تله‌تيكو مه‌دريد
8:00 ليگانێس * ئه‌تله‌تيكو بلباو
9:00 ڤالێنسيا * خيتاڤى
10:00 ريال مه‌دريد * ئوساسونا
خولا ئيتاليا گه‌را 5
8:00 روما * ئه‌تله‌نتا
10:00 فيورنتينا * سامبدوريا
10:00 ئه‌نترميلان * لازيو
10:00 ناپولى * كاليارى
10:00 پارما * ساسولو
10:00 جه‌نه‌وا * پولونيا
10:00 سبال * ليتچى
خولا فره‌نسا گه‌را 7
8:00 مونپليێ * نيم ئولومپيك
8:00 نانت * رێن
8:00 سانت ئيتيان * ميتز
8:00 تولوز * ئه‌نجيه
8:00 ستاد بريست * ليون
8:00 ليل * ستراسبورگ
8:00 ئه‌ميان * بوردو
10:00 پاريس سان جێرمان * ستاد ريمس
كاسا ئێكه‌تيا ئنگليزى
9:45 ميلتون كينز * لێڤه‌رپول
9:45 بيرتن ئه‌لبيون * بورنموس
9:45 شيفلد يونايتد * سندرلاند
9:45 برايتون * ئه‌ستون ڤێلا
9:45 ئوكسفورد يونايتد * وێستهام
9:45 وێلڤه‌رهامتون * رێدينگ
9:45 چێلسى * گرمبسى
9:45 مانچسته‌ر يونايتد * روشديل
نيشاندان